Genesis 3:1 πιϩοϥ δε νε ουςαβε πε ὲβολ ουτε νιθηριον τηρου ετχη ϩιϫεν πικαϩι νη ὲτα `πϭοις `φνουϯ θαμιωου. ουοϩ πεϫε πιϩοϥ `νϯ`ςϩιμι ϫε εθβεου ὰ `φνουϯ ϫος ϫε `ννετενουωμ ὲβολ ϧεν `ϣϣην νιβεν ετϧεν πιπαραδιςος.
Genesis 3:2 ουοϩ πεϫε `νϯ`ςϩιμι `μπιϩοϥ ϫε ὲβολ ϧεν `πουταϩ `ντε νι`ϣϣην `ντε πιπαραδιςος τενναουωμ.
Genesis 3:3 εβολ δε ϧεν `πουταϩ `ντε πι`ϣϣην ετχη ϧεν `θμηϯ `μπιπαραδιςος αϥϫος `νϫε `φνουϯ ϫε `ννετενουωμ ὲβολ `μμοϥ ουδε `ννετενϭοϩ ὲροϥ ϩινα `ντετεν`ϣτεμμου.
Genesis 3:4 ουοϩ πεϫε πιϩοϥ `νϯ`ςϩιμι ϫε ναρετενναμου αν ϧεν ουμου.
Genesis 3:5 ϥεμι γαρ `νϫε `φνουϯ ϫε πιὲϩοου ὲτετενναουωμ ὲβολ `μμοϥ ςεναουων `νϫε νετενβαλ τετενναερ `μ`φρηϯ `νϩαννουϯ ερετενςωουν ὲουπεθνανεϥ νεμ ουπετϩωου.
Genesis 3:6 ουοϩ αςναυ `νϫε ϯ`ςϩιμι ϫε νανε πι`ϣϣην `μ`φουωμϥ `ϥραν `ννιβαλ `φναυ ὲροϥ ουοϩ ενεςωϥ ὲ`πϯνιατς ναϥ ουοϩ αςϭι ὲβολ ϧεν πεϥουταϩ: αςουωμ ουοϩ αςϯ `μπνεμας αυουωμ.
Genesis 3:7 αυουωμ `νϫε νενβαλ `μ`πι2. ουοϩ αυὲμι ϫε ςεβηϣ ουοϩ αυθωρπ `νϩανϫωβι `ντε ουβω `νκεντε: αυθαμιο νωου `νϩανακης
Genesis 3:8 ουοϩ αυςωτεμ ὲ`τ`ςμη `ντε `πϭοις `φνουϯ εϥμοϣι ϧεν πιπαραδιςος `μ`φναυ `νρουϩι ουοϩ αυχοπου `νϫε αδαμ νεμ τεϥ`ςϩιμι ὲβολ ϩα `πϩο `μ`πϭοις `φνουϯ ϧεν `θμηϯ `μπι`ϣϣην `ντε πιπαραδιςος.
Genesis 3:9 ουοϩ αϥμουϯ `νϫε `πϭοις `φνουϯ `ναδαμ πεϫαϥ ναϥ ϫε αδαμ ακθων.
Genesis 3:10 ουοϩ πεϫαϥ ναϥ ϫε τεκ`ςμη πεταιςοθμες εκμοϣι ϧεν πιπαραδιςος αιερϩοϯ ϫε ϯβηϣ ουοϩ αιχωπ.
Genesis 3:11 ουοϩ πεϫαϥ ναϥ ϫε νιμ πε ὲταϥταμοκ ϫε `κβηϣ. εβολ γε ακουωμ ὲβολ ϧεν πι`ϣϣην φηεταιϩενϩωνκ ὲροϥ ϫε φαι `μμαυατϥ `μπερουωμ ὲβολ `μμοϥ.
Genesis 3:12 ουοϩ πεϫε αδαμ ϫε ϯ`ςϩιμι ὲτακτηις νηι: `νθος αςϯ νηι ὲβολ ϧεν πι`ϣϣην αιουωμ.
Genesis 3:13 ουοϩ πεϫε `φνουϯ `ν`τ`ςϩιμι ϫε εθβεου αρεερ φαι. ουοϩ πεϫε ϯ`ςϩιμι ϫε πιϩοϥ πεταϥερϩαλ `μμοι αιουωμ.
Genesis 3:14 ουοϩ πεϫε `πϭοις `φνουϯ `μπιϩοϥ ϫε ακερ φαι `κ`ςϩουορτ `νθοκ ὲβολ ουτε νιτεβνωουὶ τηρου νεμ ὲβολ ουτε νιθηριον τηρου νηετϩιϫεν πικαϩι εκὲμοϣι ὲϫεν τεκμεςτενϩητ νεμ τεκνεϫι ουοϩ εκὲουεμ καϩι `ννιὲϩοου τηρου `ντε πεκωνϧ.
Genesis 3:15 ουοϩ ειὲχω `νουμετϫαϫι ουτωκ νεμ ουτε ϯ`ςϩιμι νεμ ουτε πεκ`ϫροϫ νεμ ουτε πες`ϫροϫ ουοϩ `νθοϥ εϥὲαρεϩ ὲτεκὰφε ουοϩ `νθοκ εκὲαρεϩ `μπεϥθιβς.
Genesis 3:16 ουοϩ πεϫαϥ `νϯ`ςϩιμι ϫε ϧεν ουὰϣαι ειὲ`θρε νεμκαϩ`νϩητ ὰϣαι νεμ πεϥιαϩομ ϧεν ϩανεμκαϩ`νϩητ ερὲμες ϩανϣηρι ουοϩ εϥὲϣωπι ϧα πεϩαι `νϫε πιϫινταςθο ουοϩ `νθοϥ εϥὲερϭοις ὲρο.
Genesis 3:17 πεϫαϥ δε `ναδαμ ϫε ὲπιδη ακςωτεμ `νςα `τ`ςμη `ντεκ`ςϩιμι ουοϩ ακουωμ ὲβολ ϧεν πι`ϣϣην ὲταιϩενϩωνκ ὲροϥ ϫε φαι `μμαυατϥ `μπερουωμ ὲβολ `μμοϥ ουοϩ ακουωμ `πκαϩι `ςϩουορτ ὲβολ ϧεν νεκ`ϩβηουὶ εκὲουομϥ ϧεν ϩανεμκαϩ `νϩητ ννιὲϩοου τηρου `ντε πεκωνϧ.
Genesis 3:18 ϩανϣονϯ νεμ ϩανςουρι εϥὲρωτ `μμωου νακ ουοϩ εκὲουωμ νακ `μπιςιμ `ντε `τκοι .
Genesis 3:19 εκὲουωμ `μπεκωικ ϧεν `τϥωϯ `μπεκϩο ϣατεκταςθο `μπικαϩι ὲταυϭιτκ ὲβολ `νϧητϥ ϫε `νθοϥ ουκαϩι εκὲϣενακ ὲουκαϩι .
Genesis 3:20 ουοϩ ὰ αδαμ μουϯ `μ`φραν `ντεϥ`ςϩιμι ϫε ζωη ϫε θαι τε `θμαυ `ννη ετονϧ τηρου .
Genesis 3:21 ουοϩ ὰ `πϭοις `φνουϯ θαμιο `ναδαμ νεμ τεϥ`ςϩιμι `νϩαν`ϣθην `νϣαρ ουοϩ αϥτηιτου ϩιωτου .
Genesis 3:22 ουοϩ πεϫε `πϭοις `φνουϯ ϫε ϩηππε ις αδαμ αϥερ `μ`φρηϯ `νουαι ὲβολ `μμον ὲ`πϫινςουεν ουπεθνανεϥ νεμ ουπετϩωου ουοϩ ϯνου μηπως `ντεϥςουτεν τεϥϫιϫ ὲβολ ϧεν πι`ϣϣην `ντε `πωνϧ `ντεϥουωμ ουοϩ `ντεϥονϧ ϣα ὲνεϩ .
Genesis 3:23 ουοϩ ὰ `πϭοις `φνουϯ ουορπϥ ὲβολ ϧεν πιπαραδιςος `ντε `πουνοϥ εθρεϥερϩωβ `μπικαϩι ὲταυϭιτϥ ὲβολ `νϧητϥ
Genesis 3:24 ουοϩ αϥϩι αδαμ ὲβολ αϥϣωπι `μπε`μθο `μπιπαραδιςος `ντε `πουνοϥ αϥχω `μπιχερουβιμ νεμ ϯςηϥι `ν`χρωμ θη εϣαςφονϩς ὲαρεϩ `μπιμωιτ `ντε πι`ϣϣην `ντε `πωνϧ .