Genesis 20:1 ουοϩ αϥουωτεβ ὲβολ `μμαυ `νϫε αβρααμ ὲουκαϩι εϥςαπεμεντ ουοϩ αϥϣωπι ουτε καδης νεμ ουτε ςουρ ουοϩ αϥϫωιλι ϧεν γεραροις .
Genesis 20:2 πεϫε αβρααμ δε εθβε ςαρρα τεϥ`ςϩιμι ϫε ταςωνι τε αϥερϩοϯ γαρ ὲϫος ϫε τα`ςϩιμι τε μηποτε `ντουϧοθβεϥ `νϫε νιρωμι `ντε ϯβακι εθβητς αϥουωρπ δε `νϫε αβιμελεχ `πουρο `νγεραρων ουοϩ αϥελ ςαρρα .
Genesis 20:3 ουοϩ αϥϣεναϥ `νϫε `φνουϯ ϩα αβιμελεχ ϧεν ουραςουι `μπιὲϫωρϩ ουοϩ πεϫαϥ ναϥ ϫε ϩηππε `νθοκ `χναμου εθβε ϯ`ςϩιμι ὲτακολς θαι τε εςϣοπ νεμ ουϩαι .
Genesis 20:4 αβιμελεχ δε `μπεϥϭοϩ ὲρος ουοϩ πεϫαϥ ϫε `πϭοις ου`ϣλολ `νατὲμι ουοϩ `ν`θμηι `χνατακοϥ .
Genesis 20:5 μη `νθοϥ αν αϥϫος νηι ϫε ταςωνι τε ουοϩ `νθοϥ αςϫος νηι ϫε παςον πε `ν`ϧρηι ϧεν ουϩητ εϥουαβ νεμ ουμεθμηι `ντε ναϫιϫ αιερ φαι .
Genesis 20:6 πεϫε `φνουϯ δε ναϥ ϧεν ουραςουι ϫε ὰνοκ ϩω αιὲμι ϫε ϧεν ουϩητ εϥουαβ ακερ φαι εθβεφαι αιϯὰςο ὲροκ `μπιχακ ὲερνοβι ὲροι εθβεφαι `μπιχακ ὲϭι νεμας .
Genesis 20:7 ϯνου δε μα `τ`ςϩιμι `μπιρωμι ναϥ ϫε ου`προφητης πε ουοϩ εϥὲτωβϩ ὲϫωκ ουοϩ εκὲωνϧ ὲϣωπ δε ακ`ϣτεμτηις αριὲμι ϫε `χναμου `νθοκ νεμ νετεντακ τηρου .
Genesis 20:8 αϥϣορπϥ δε `νϫε αβιμελεχ `ντοουὶ αϥμουϯ ὲνεϥὰλωουὶ τηρου ουοϩ αϥςαϫι `νναιςαϫι τηρου ὲ`ϧρηι ὲνουμαϣϫ αυερϩοϯ δε `νϫε νιρωμι τηρου ὲμαϣω .
Genesis 20:9 ουοϩ αϥμουϯ `νϫε αβιμελεχ ὲαβρααμ ουοϩ πεϫαϥ ναϥ ϫε ου πε φαι ὲτακαιϥ ναν μητι ανερνοβι ὲροκ ϫε ακὶνι ὲ`ρϩηι ὲϫωι νεμ ταμετουρο `νουνιϣϯ `ννοβι ουϩωβ `μμον `ϩλι νααιϥ ακαιϥ νηι.
Genesis 20:10 πεϫε αβιμελεχ δε `ναβρααμ ϫε ου πε ὲτακναυ ὲροϥ ὲακερ φαι.
Genesis 20:11 πεϫε αβρααμ δε ϫε αιϫος γαρ ϫε ϩαρα `μμον μετϣαμϣενουϯ `μπαιμα ὰνοκ δε ςεναϧοθβετ εθβε ται`ςϩιμι .
Genesis 20:12 κε γαρ ὰληθως ταςωνι τε `νϣενιωτ αλλα `νϣενμαυ αν αςϣωπι δε νηι ευ`ςϩιμι .
Genesis 20:13 αςϣωπι δε ὲτα `φνουϯ εντ ὲβολ ϧεν πηι `μπαιωτ πεϫηι νας ϫε ταιμεθμηι ερεαις νεμηι ϧεν μα νιβεν ὲτενναϣεναν ὲρωου ὰϭος ϫε παςον πε .
Genesis 20:14 αβιμελεχ δε αϥϭι `νϣο `νκιϯ `νϩατ ϩανὲςωου νεμ ϩανμαςι ϩανβωκ νεμ ϩανβωκι αϥτηιτου `ναβρααμ ουοϩ αϥϯ `νςαρρα τεϥ`ςϩιμι ναϥ .
Genesis 20:15 ουοϩ πεϫε αβιμελεχ `ναβρααμ ϫε ϩηππε ις πακαϩι `μπεκ`μθο πιμα εθρανακ ϣωπι `νϧητϥ .
Genesis 20:16 πεϫαϥ δε `νςαρρα ϩηππε αιϯ `νϣο `νκιϯ `νϩατ `μπεςον ναι ευὲϣωπι νε ὲ`πταιο `μπεϩο νεμ νη εθνεμε ουοϩ αριμεθμηι `νςηου νιβεν .
Genesis 20:17 αβρααμ δε αϥτωβϩ `μ`φνουϯ ουοϩ ὰ `φνουϯ τουϫε αβιμελεχ νεμ τεϥ`ςϩιμι νεμ νεϥὰλωουι νεμ πεϥηι τηρϥ ουοϩ αυμιςι .
Genesis 20:18 ϫε ϧεν ου`ϣθαμ ὰ `φνουϯ `ϣθαμ ςαβολ `ντοϯ νιβεν ετϧεν πηι `ναβιμελεχ εθβε ςαρρα `τ`ςϩιμι `ναβρααμ .