Genesis 25:1 αϥουαϩτοτϥ δε `νϫε αβρααμ αϥϭι `νου`ςϩιμι ὲπεςραν πε Χεττουρα .
Genesis 25:2 αςμιςι δε ναϥ `νζεμβραμ νεμ ιεζαν νεμ μαδαν νεμ μαδιαμ νεμ ιεςβοκ νεμ ςωυε .
Genesis 25:3 ιιεζαν δε αϥ`ϫφε ςαβατ νεμ εμαν νεμ δεδαν αυϣωπι δε `νϫε νεν`ϧροϯ `νδεδαν ραγουηλ νεμ εβδεηλ νεμ αςςουριμ νεμ λατουςιιμ νεμ λοομιν .
Genesis 25:4 νεν`ϧροϯ δε `μμαδιαμ γεφαρ νεμ αφερ νεμ ενωχ νεμ αβιδα νεμ ελραγα ναι τηρου νε νενϣερι `ντε Χεττουρα.
Genesis 25:5 αβρααμ δε αϥϯ `ννεϥϩυπαρχοντα τηρου `νιςαακ πεϥϣηρι .
Genesis 25:6 ουοϩ νι`ϧροϯ `ντε νιπαλλακϩ `ντε αβρααμ αϥϯ `νϩαντοι νωου ουοϩ αϥουορπου ὲβολ ϩα ιςαακ πεϥϣηρι ιςϫεν εϥονϧ ὲνιμα`νϣαι ὲπικαϩι ετςα πειεβτ .
Genesis 25:7 ναι δε νε νιρομπι `ντε `πωνϧ `ναβρααμ νη ὲταϥωνϧ `μμωου αϥερ175. `νρομπι .
Genesis 25:8 ουοϩ ὲταϥμουνκ αϥμου `νϫε αβρααμ ϧεν ουμετϧελλο ὲνανες ὲουϧελλο πε ουοϩ εϥϫηκ ὲβολ ϧεν ϩανὲϩοου ουοϩ αυχαϥ ϧατεν πεϥλαος .
Genesis 25:9 ουοϩ αυθομςϥ `νϫε ιςαακ νεμ ιςμαηλ πεϥϣηρι 2. ϧεν πι`μϩαυ ετοι `νδιπλουν ϧεν πιιοϩι `ντε εφρων `πϣηρι `νςααρ πιΧεττεος φη ετχη `μπε`μθο `μμαμβρη .
Genesis 25:10 πιιοϩι νεμ πι`μϩαυ φη ὲτα αβρααμ ϣοπϥ `ντοτου `ννεν`ϧροϯ `νχετ ὲταυθεμς αβρααμ `μμαυ νεμ ςαρρα τεϥ`ςϩιμι .
Genesis 25:11 αςϣωπι δε μενενςα `θρεϥμου `νϫε αβρααμ ὰ `φνουϯ `ςμου ὲιςαακ πεϥϣηρι ουοϩ αϥϣωπι `νϫε ιςαακ ϧατεν `τϣωϯ `μ`φναυ.
Genesis 25:12 ναι δε νε νιϫιν`ϫφο `ντε ιςμαηλ `πϣηρι `ναβρααμ φη ὲτα αγαρ `θβωκι `νςαρρα μαςϥ `ναβρααμ.
Genesis 25:13 ουοϩ ναι νε νιραν `ντε νενϣηρι `νιςμαηλ κατα νιραν `ντε νουϫωου `πϣορπ `μμιςι `νιςμαηλ πε ναβεωθ νεμ κηδαρ νεμ αβδεηλ νεμ αβςαν.
Genesis 25:14 νεμ αςμαν νεμ ιδουμα νεμ μαςςη νεμ Χολδαδ νεμ ημαν νεμ ιεττουρ .
Genesis 25:15 νεμ ναφες νεμ κεδμα
Genesis 25:16 ναι νε νεν`ϧροϯ `νιςμαηλ κατα νουραν `ν`ϧρηι ϧεν νου`ςκυνη νεμ `ν`ϧρηι ϧεν νουοϩι 12. `ναρχων κατα νου`ϣλωλ.
Genesis 25:17 ουοϩ ναι νε νιρομπι `ντε `πωνϧ `νιςμαηλ 1127 `νρομπι ουοϩ ὲταϥμουνκ αϥμου ουοϩ αυχαϥ ϧατεν πεϥγενος.
Genesis 25:18 αϥϣωπι δε ιςϫεν ευιλατ ϣα ςουρ θη ετχη `μπε`μθο `νχημι ϣατεκὶ ὲ`ϧρηι ὲνιαςςυριος αϥϣωπι `μπε`μθο `ννεϥ`ςνηου τηρου .
Genesis 25:19 ναι νε νιϫιν`ϫφο `ντε ιςαακ `πϣηρι `ναβρααμ αβρααμ αϥ`ϫφε ιςαακ.
Genesis 25:20 ιςαακ δε ναϥ ϧεν 4 `νρομπι πε ὲταϥϭι `νρεβεκκα `τϣερι `μβαθουηλ πιςυρος ὲβολ ϧεν ϯμες`τςωνι `νλαβαν πιςυρος αϥϭις ναϥ ευ`ςϩιμι .
Genesis 25:21 ιςαακ δε ναϥτωβϩ `μ`πϭοις πε εθβε ρεβεκκα τεϥ`ςϩιμι ϫε νε ουαϭρην τε ὰ `φνουϯ δε ςωτεμ ὲροϥ ουοϩ αςερβοκι `νϫε ρεβεκκα τεϥ`ςϩιμι .
Genesis 25:22 ναυθεληλ δε πε `νϫε νιαλωουι `ν`ϧρηι `νϧητς πεϫας δε ϫε ιςϫε φαι εθναϣωπι `μμοι ὲρωου νηι `μφαι αςϣενας δε εϣινι ὲβολ ϩιτεν `πϭοις.
Genesis 25:23 ουοϩ πεϫε `πϭοις νας ϫε `ϣλολ 2. αρεερβοκι `μμωου ουοϩ λαος 2. ευὲφωρϫ ὲβολ ϧεν τενεϫι ουοϩ ουλαος εϥὲϭιςι ὲουαι ουοϩ πινιϣϯ εϥὲερβωκ `μπικουϫι .
Genesis 25:24 ουοϩ αυμοϩ ὲβολ `νϫε νεςὲϩοου εθρεςμιςι ουοϩ νε ϩαναθρευ ὲναυ ϧεν τεςνεϫι .
Genesis 25:25 αϥὶ δε ὲβολ `νϫε πεςϣηρι πεςϣορπ `μμιςι εϥ`θρε`ϣρωϣ τηρϥ `μ`φρηϯ `νουϣαρ εϥρητ `μϥωι αςϯρεν πεϥραν ϫε ηςου ουοϩ μενενςα φαι αϥὶ ὲβολ `νϫε πεϥςον ουοϩ ναρε τεϥϫιϫ ναςαμονι `μ`πθιβς `νηςαυ ουοϩ αςϯρεν περαν ϫε ιακωβ .
Genesis 25:26 ιςαακ δε ναϥ ϧεν 6 `νρομπι πε ὲταςμες ναι ναϥ `νϫε ρεβεκκα .
Genesis 25:27 αυαιαι δε `νϫε νιϧελϣιρι ουοϩ ηςαυ νε ουρωμπι πε εϥςωουν `ν`θμετϫερηϫ `ρεμ`νκοι ιακωβ δε νε ουρωμι πε εϥϫην εϥϣοπ ϧεν ουηι .
Genesis 25:28 ιςαακ δε αϥμενρε ηςαυ ϫε νε τεϥϫορϫς τεϥ`ϧρε τε ρεβεκκα δε ναςμει `νιακωβ πε.
Genesis 25:29 αϥφιςι δε `νϫε ιακωβ `νου`ϧρε ου`χουωμ αϥὶ δε `νϫε ηςαυ ὲ`ϩρηι ϧεν `τκοι ὲρε πεϥϩητ ςαϧεμ .
Genesis 25:30 ουοϩ πεϫε ηςαυ `νιακωβ ϫε μαριϫεμϯπι ὲβολ ϧεν παιφιςι `ντε παι`βραι ϫε παϩητ ςαϧεμ εθβεφαι αυϯρεν πεϥραν δε εδωμ .
Genesis 25:31 πεϫε ιακωβ δε `νηςαυ ϫε μα νεκμετϣαμιςι νηι ὲβολ `μφοου .
Genesis 25:32 ουοϩ πεϫε ηςαυ ϫε ϩηππε ὰνοκ ϯμοϣι ὲμου ὲροι νηι `νναμετϣαμιςι .
Genesis 25:33 ουοϩ πεϫε ιακωβ ναϥ ϫε ωρκ νηι `μφοου ουοϩ αϥωρκ ναϥ ὰ ηςαυ δε αϥϯ `ννιμετϣορπ `μμιςι ὲβολ `νιακωβ .
Genesis 25:34 ιακωβ δε αϥϯ `νουωικ `νηςαυ νεμ ουϫη `ναρϣιν ουοϩ αϥουωμ ουοϩ αϥςω ουοϩ αϥτωνϥ αϥϣεναϥ ουοϩ ὰ ηςαυ ϣωϣϥ `ννιμετϣορπ `μμιςι .