Genesis 27:1 αςϣωπι δε μενενςα `θρεϥερϧελλο `νϫε ιςαακ ουοϩ νεϥβαλ αυερ`ϩλολ ὲ`φναυ `μβολ ουοϩ αϥμουϯ ουβε ηςαυ πεϥνιϣϯ `νϣηρι ουοϩ πεϫαϥ ναϥ ϫε παϣηρι ουοϩ πεϫαϥ ϫε ϩηππε ὰνοκ.
Genesis 27:2 ουοϩ πεϫαϥ ναϥ ϫε ϩηππε αιερϧελλο ουοϩ ϯςωουν αν `μπιὲϩοου `ντε παμου .
Genesis 27:3 ϯνου ουν ϭι `μπεκ`ςκευος πεκμοκι `νχαςοθνεϥ νεμ τεκφιϯ ουοϩ μαϣενακ ὲβολ ετκοι ϫερϫ ου`ϧρε νηι .
Genesis 27:4 ουοϩ μαθαμιο νηι `νϩανχουωμ `μ`φρηϯ ὲϯμει `μμωου ὰνοκ ουοϩ ανιτου νηι ϩινα `νταουωμ ϩοπως `ντε ταψυχη `ςμου ὲροκ `μπαϯμου.
Genesis 27:5 ρεβεκκα δε αςςωτεμ ὲιςαακ εϥςαϫι νεμ ηςαυ πεϥϣηρι ὰ ηςαυ δε ϣεναϥ ετκοι ὲϫωρϫ `νουϫορϫς `μπεϥιωτ .
Genesis 27:6 ρεβεκκα δε πεϫας `νιακωβ πεςκουϫι `νϣηρι ϫε ϩηππε ὰνοκ αιςωτεμ ὲπεκιωτ εϥςαϫι νεμ ηςαυ πεκςον εϥϫω `μμος .
Genesis 27:7 ϫε ανιουι νηι `νουϫορϫς ουοϩ μαθαμιο νηι `νϩαν`ϧρηουὶ ϩινα `νταουωμ `ντα`ςμου ὲροκ `μπε`μθο `μ`πϭοις `μπαϯμου.
Genesis 27:8 ϯνου ουν παϣηρι ςωτεμ `νςωι `μ`φρηϯ ὲϯναϩενϩωνκ ὲροϥ.
Genesis 27:9 ουοϩ μαϣενακ ὲνιὲςωου ϭι νηι ὲβολ `μμαυ `μμας 2. `μβαεμπι ευϫην ὲνανευ ουοϩ `νταθαμιο `νϩανχουωμ `μπεκιωτ `μ`φρηϯ ὲτεϩναϥ .
Genesis 27:10 ουοϩ εκὲολου ὲϧουν `μπεκιωτ ουοϩ εϥὲουωμ ϩινα `ντε πεκιωτ `ςμου ὲροκ `μπατεϥμου .
Genesis 27:11 πεϫε ιακωβ δε `νρεβεκκα τεϥμαυ ϫε ηςαυ παςον ουρωμι εϥρητ `μϥωι πε ὰνοκ δε ὰνοκ ουρωμι εϥϫην.
Genesis 27:12 μηποτε `ντεϥϫομϫεμ ὲροι `νϫε παιωτ ουοϩ `νταερ `φρηϯ ειερκαρα`φρονιν `μπεϥ`μθο ουοϩ `νταὶνι ὲ`ϩρηι ὲϫωι `νουςαϩουι ουοϩ `νου`ςμου αν .
Genesis 27:13 πεϫε τεϥμαυ δε ναϥ ϫε πεκςαϩουι ὲ`ϩρηι ὲϫωι παϣηρι μονον ςωτεμ `νςα τα`ςμη ουοϩ μαϣενακ ανιουι νηι .
Genesis 27:14 αϥϣεναϥ αϥϭιτου αϥενου ϩα τεϥμαυ ουοϩ ὰ τεϥμαυ θαμιο `ννιχουωμ κατα `φρηϯ ὲτε πεϥιωτ μει `μμωου .
Genesis 27:15 ουοϩ αςϭι `νϫε ρεβεκκα τεϥμαυ `νϯςτολη `ντε ηςαυ πεςνιϣϯ `νϣηρι θηεθνανες θηεναςχη ὲϧουν ϧεν πεςηι ουοϩ αςτηις ϩιϫεν ιακωβ πεςκουϫι `νϣηρι .
Genesis 27:16 ουοϩ νιϣαρ `ντε νιβαεμπι αςμορου ὲνεϥϣωβϣ νεμ νιμα ετβηϣ ὲβολ ϧεν νεϥμοϯ .
Genesis 27:17 ουοϩ αςϯ `ννιχουωμ νεμ νιωικ ὲταςθαμιωου ὲ`ϧρηι ὲνενϫιϫ `νιακωβ πεςϣηρι .
Genesis 27:18 ουοϩ εϥενου ὲϧουν `μπεϥιωτ πεϫαϥ δε ϫε παιωτ `νθοϥ δε πεϫαϥ ϫε ϩηππε ὰνοκ ου πετϣοπ παϣηρι .
Genesis 27:19 ουοϩ πεϫε ιακωβ `μπεϥιωτ ϫε ὰνοκ πε ηςαυ πεκϣορπ `μμιςι αιὶρ`μ`φρηϯ ὲτακςαϫι νεμηι `μμοϥ τωνκ ϩεμςι ουωμ ὲβολ ϧεν ταϫορϫς ϩινα `ντε τεκψυχη `ςμου ὲροι .
Genesis 27:20 ουοϩ πεϫε ιςαακ `μπεϥϣηρι ϫε ου πε φαι ὲτακϫεμϥ `νχωλεμ παϣηρι `νθοϥ δε πεϫαϥ ϫε φη ὲτα `φνουϯ τηιϥ `μπα`μθο .
Genesis 27:21 πεϫε ιςαακ δε `νιακωβ ϫε ϩενκ ὲροι παϣηρι `νταϫομϫεμ ὲροκ ϫε αν `νθοκ πε παϣηρι ηςαυ ϣαν `μμον.
Genesis 27:22 αϥϩενϥ δε `νϫε ιακωβ ϩα ιςαακ πεϥιωτ ουοϩ αϥϫομϫεμ ὲροϥ ουοϩ πεϫαϥ ϫε ϯ`ςμη μεν `τ`ςμη `νιακωβ τε νιϫιϫ δε νενϫιϫ `νηςαυ νε.
Genesis 27:23 ουοϩ `μπεϥςουωνϥ ναρε νεϥϫιϫ γαρ οϣ `μϥωι `μ`φρηϯ `ννα ηςαυ πεϥςον ουοϩ αϥ`ςμου ὲροϥ.
Genesis 27:24 ουοϩ πεϫαϥ ϫε `νθοκ πε παϣηρι ηςαυ πεϫαϥ ϫε ὰνοκ πε .
Genesis 27:25 ουοϩ πεϫαϥ ϫε ανιουι νηι `νταουωμ ὲβολ ϧεν τεκϫορϫς παϣηρι ϩινα `ντε ταψυχη `ςμου ὲροκ ουοϩ αϥὶνι ναϥ ουοϩ αϥουωμ ουοϩ αϥεν ηρπ ναϥ ὲϧουν ουοϩ αϥςω .
Genesis 27:26 ουοϩ πεϫε ιςαακ πεϥιωτ ναϥ ϫε ϩενκ ὲροι μα ουφι ὲ ρωι παϣηρι .
Genesis 27:27 ουοϩ αϥϩενϥ ὲροϥ αϥϯφι ὲρωϥ ουοϩ αϥϣωλεμ ὲπι`ςθοι `ννεϥ`ϩβως ουοϩ αϥ`ςμου ὲροϥ πεϫαϥ ϫε ϩηππε ις `π`ςθοι `ννεν`ϩβως `μπαϣηρι `μ`φρηϯ `μ`π`ςθοι `ν`τκοι ετϫηκ ὲβολ θη ὲτα `πϭοις `ςμου ὲρος .
Genesis 27:28 ουοϩ ὲρε `φνουϯ ϯ νακ ὲβολ ϧεν ϯιωϯ `ντε `τφε νεμ ὲβολ ϧεν πικενι `ντε `πκαϩι νεμ `πὰϣαι `ντε ουςουο νεμ ουηρπ.
Genesis 27:29 ουοϩ μαρουερβωκ νακ `νϫε ϩανεθνος ουοϩ μαρουουωϣτ `μμοκ `νϫε ϩαναρχων ουοϩ ϣωπι εκοι `νϭοις ὲπεκςον ουοϩ ευὲουωϣτ `μμοκ `νϫε νιϣηρι `ντε πεκιωτ φη ετςαϩουι ὲροκ `ϥ`ςϩουορτ φη δε ετ`ςμου ὲροκ `ϥςμαματ.
Genesis 27:30 αϥϣωπι δε ὲταϥουω `νϫε ιςαακ εϥ`ςμου ὲιακωβ πεϥϣηρι ουοϩ αςϣωπι ὲταϥὶ ὲβολ `νϫε ιακωβ ὲβολ ϩα `πϩο `νιςαακ πεϥιωτ ουοϩ ηςαυ πεϥςον αϥὶ ὲβολ ϧεν ϯϫορϫς.
Genesis 27:31 ουοϩ αϥθαμιο ϩωϥ `νϩανχουωμ ουοϩ αϥενου ὲϧουν `μπεϥιωτ ουοϩ πεϫαϥ `μπεϥιωτ ϫε μαρε παιωτ τωνϥ `ντεϥουωμ ὲβολ ϧεν ϯϫορϫς `ντε πεϥϣηρι ϩινα `ντε τεϥψυχη `ςμου ὲροι.
Genesis 27:32 ουοϩ πεϫε ιςαακ πεϥιωτ ναϥ ϫε `νθοκ νιμ `νθοκ `νθοϥ δε πεϫαϥ ϫε ὰνοκ πε πεκϣηρι πεκϣορπ `μμιςι ηςαυ.
Genesis 27:33 αϥτωμτ δε `νϫε ιςαακ ϧεν ουνιϣϯ `ντωμτ ὲμαϣω ουοϩ πεϫαϥ ϫε νιμ ουν αϥϫερϫ ουϫορϫς νηι ουοϩ αϥενς νηι ὲϧουν ουοϩ αιουωμ ὲβολ `νϧητου τηρου `μπατεκὶ ουοϩ αι`ςμου ὲροϥ ουοϩ εϥὲϣωπι εϥ`ςμαματ.
Genesis 27:34 αςϣωπι δε ὲταϥςωτεμ `νϫε ηςαυ ὲνιςαϫι `ντε ιςαακ πεϥιωτ αϥωϣ ὲβολ ϧεν ουνιϣϯ `ν`ςμη ουοϩ εςενϣαϣι ὲμαϣω ουοϩ πεϫαϥ `μπεϥιωτ ϫε `ςμου ὲροι ϩω παιωτ.
Genesis 27:35 πεϫαϥ δε ναϥ ϫε αϥὶ `νϫε πεκςον ϧεν ου`χροϥ αϥωλι `μπεκ`ςμου.
Genesis 27:36 ουοϩ πεϫε ηςαυ ϫε ϧεν ουμεθμηι αυϯρενϥ ϫε ιακωβ αϥϭιθιβς γαρ `μμοι φαι `φμαϩςοπ 2. πε ναμετϣορπ `μμιςι αϥολου ουοϩ ϯνου ις πακε`ςμου αϥϭιτϥ πεϫε ηςαυ δε `μπεϥιωτ ϫε `μπεκςεϫπ ου`ςμου νηι ρω ὰνοκ παιωτ.
Genesis 27:37 αϥερουω δε `νϫε ιςαακ πεϫαϥ `νηςαυ ϫε ις ϫε αιαιϥ `νϭοις ὲροκ ουοϩ νεϥ`ςνηου τηρου αιαιτου `μβωκ ναϥ αιταϫροϥ ϧεν `πςουο νεμ `πηρπ `νθοκ δε ουπε ὲϯνααιϥ νακ παϣηρι.
Genesis 27:38 πεϫε ηςαυ δε `μπεϥιωτ ϫε ου`ςμου `μμαυατϥ ὲτεντακ παιωτ `ςμου ὲροι ϩω παιωτ ουοϩ ὲταϥερ`μκαϩ `νϩητ `νϫε ιςαακ ουοϩ αϥωϣ ὲβολ ϧεν ουνιϣϯ `ν`ςμη `νϫε ηςαυ ουοϩ αϥριμι.
Genesis 27:39 αϥερουω δε `νϫε ιςαακ πεϫαϥ ναϥ ϫε ϩηππε ὲβολ ϧεν πικενι `ντε `πκαϩι εϥὲϣωπι `νϫε πεκμα`νϣωπι νεμ ὲβολ ϧεν ϯιωϯ `ντε `τφε `μ`πϣωι .
Genesis 27:40 ουοϩ εκὲωνϧ ὲτεκςηϥι ουοϩ εκὲερβωκ `μπεκςον εςὲϣωπι δε ϩοταν ακϣανουοϩ νακ εκὲβελ πεϥναϩβεϥ ὲβολ ϩι νεκμοϯ.
Genesis 27:41 ουοϩ ναρε ηςαυ `μβον ὲιακωβ εθβε πι`ςμου ὲτα πεϥιωτ `ςμου ὲροϥ `μμοϥ πεϫε ηςαυ δε ϧεν πεϥϩητ ϫε μαρουϧωντ `νϫε νιὲϩοου `ντε `φμου `μπαιωτ ϩινα `νταϧωτεβ `νιακωβ παςον.
Genesis 27:42 αυταμε ρεβεκκα δε ὲνιςαϫι `ντε ηςαυ πεςνιϣϯ `νϣηρι ουοϩ αςουωρπ αςμουϯ ὲιακωβ πεςκουϫι `νϣηρι ουοϩ πεϫας ναϥ ϫε ϩηππε ις ηςαυ πεκςον `ϥε`μβον ὲροκ ὲϧοθβεκ.
Genesis 27:43 ϯνου ουν παϣηρι ςωτεμ `νςα τα`ςμη τωνκ μαϣενακ ὲϯμεςοποταμια ϩα λαβαν παςον ὲΧαρραν.
Genesis 27:44 ουοϩ ϣωπι νεμαϥ `νϩα`νὲϩοου.
Genesis 27:45 ϣατε `πε`μβον νεμ `πϫωντ `μπεκςον κοτϥ ὲβολ ϩαροκ ουοϩ `ντεϥερ`πωβϣ `ννη ὲτακαιτου ναϥ ουοϩ ειὲταουο `νςωκ ὲβολ `μμαυ μηποτε `νταερατϣηρι ὲβολ `μμωτεν `μπι2 ϧεν ουὲϩοου `νουωτ.
Genesis 27:46 πεϫε ρεβεκκα δε `νιςαακ ϫε ὰ παϩητ `ϩροϣ ὲπαωνϧ εθβε νιϣερι `ντε νεν`ϧροϯ `νχετ ιςϫε αρε ιακωβ ναϭι`ςϩιμι ναϥ ὲβολ ϧεν νιϣερι `ντε παικαϩι ὲρου νηι `μπαωνϧ .