Genesis 28:1 αϥμουϯ δε `νϫε ιςαακ ὲιακωβ αϥ`ςμου ὲροϥ ουοϩ αϥϩονϩεν ναϥ εϥϫω `μμος ϫε `ννεκϭι`ςϩιμι νακ ὲβολ ϧεν νιϣερι `ντε νιΧανανεος.
Genesis 28:2 τωνκ μαϣενακ ὲ`ϧρηι ὲϯμεςοποταμια ὲϧουν ὲ`πηι `μβαθουηλ `φιωτ `ντεκμαυ ουοϩ εκὲϭι `νου`ςϩιμι νακ ὲβολ `μμαυ ὲβολ ϧεν νιϣερι `ντε λαβαν `πςον `ντεκμαυ.
Genesis 28:3 πανουϯ δε εϥὲ`ςμου ὲροκ ουοϩ εϥὲ`θρεκὰϣαι ουοϩ εκὲϣωπι ὲϩα`νθωουτς `νεθνος.
Genesis 28:4 ουοϩ εϥὲϯ νακ `μ`π`ςμου `ναβρααμ παιωτ νεμ πεκ`ϫροϫ μενενςωκ ὲερ`κληρονομιν `μπικαϩι `ντε πεκμα`ν`ϫωιλι φη ὲτα `φνουϯ τηιϥ `ναβρααμ.
Genesis 28:5 ουοϩ ὰ ιςαακ ουωρπ `νιακωβ ουοϩ αϥϣεναϥ ὲϯμεςοποταμια `ντε ϯςυρια ϩα λαβαν `πϣηρι `μβαθουηλ πιςυρος `πςον δε `νρεβεκκα `θμαυ `νιακωβ νεμ ηςαυ.
Genesis 28:6 ὲταϥναυ δε `νϫε ηςαυ ϫε ὰ ιςαακ `ςμου ὲιακωβ ουοϩ ϫε αϥϣεναϥ ὲϯμεςοποταμια `ντε ϯςυρια ὲϭι ου`ςϩιμι ναϥ ὲβολ `μμαυ ϧεν `πϫινθρεϥ`ςμου ὲροϥ ουοϩ αϥϩονϩεν ναϥ εϥϫω `μμος ϫε `ννεκϭι`ςϩιμι νακ ὲβολ ϧεν νιϣερι `ντε Χανααν.
Genesis 28:7 ουοϩ αϥςωτεμ `νϫε ιακωβ `νςα πεϥιωτ νεμ τεϥμαυ ουοϩ αϥϣεναϥ ὲϯμεςοποταμια.
Genesis 28:8 ουοϩ αϥναυ `νϫε ηςαυ ϫε ςεϩωου `νϫε νιϣερι `ντε Χανααν `μπε`μθο `νιςαακ πεϥιωτ .
Genesis 28:9 αϥϣεναϥ `νϫε ηςαυ ϩα ιςμαηλ ουοϩ αϥϭι `μμαελεθ `τϣερι `νιςμαηλ `πϣηρι `ναβρααμ `τςωνι `νναβεωθ ϩα νεϥϩιομι ευ`ςϩιμι ναϥ .
Genesis 28:10 αϥὶ δε ὲβολ `νϫε ιακωβ ὲϫεν `τϣωϯ `μπαναϣ ουοϩ αϥϣεναϥ ὲ`ϩρηι ὲΧαρραν .
Genesis 28:11 ουοϩ αϥὶ ὲβολ ὲ`ϩρεν ουμα ουοϩ αϥ`νκοτ `μμαυ νε ὰ `φρη γαρ ϩωτπ πε ουοϩ αϥϭι `νουωνι ὲβολ ϧεν νιωνι `ντε πιμα ὲτε`μμαυ ουοϩ αϥχαϥ ϧα τεϥὰφε ουοϩ αϥενκοτ ϧεν πιμα ὲτε`μμαυ.
Genesis 28:12 ουοϩ αϥναυ ὲουραςουὶ ουοϩ ϩηππε ις ουμουκι εςταϫρηουτ ϩιϫεν πικαϩι ὲρε ϫως ϭι ϣα ὲ`ϩρηι ὲ`τφε ουοϩ ναρε νιαγγελος `ντε `φνουϯ ναυνα ὲ`πϣωι ουοϩ ναυνηου ὲπεςητ ϩιωτς πε.
Genesis 28:13 `πϭοις δε ναϥταϫρηουτ ϩιϫως πε ουοϩ πεϫαϥ ϫε ὰνοκ πε `φνουϯ `ναβρααμ πεκιωτ νεμ `φνουϯ `νιςαακ `μπερερϩοϯ πικαϩι ὲτεκενκοτ `νθοκ ϩιωτϥ ειὲτηιϥ νακ νεμ πεκ`ϫροϫ μενενςωκ .
Genesis 28:14 ουοϩ ὲρε πεκ`ϫροϫ ερ `μ`φρηϯ `μπιϣω `ντε `πκαϩι ουοϩ εϥὲουωϣς ὲ`πςα `μ`φιομ νεμ πεμεντ νεμ πεμϩιτ νεμ πειεβτ ουοϩ ευὲϭι`ςμου `ν`ϧρηι `νϧητκ `νϫε νιφυλη τηρου `ντε `πκαϩι νεμ `ν`ϧρηι ϧεν πεκ`ϫροϫ .
Genesis 28:15 ουοϩ ϩηππε ὰνοκ ϯχη νεμακ ουοϩ ειὲὰρεϩ ὲροκ `ν`ϩρηι ϩι πιμωιτ τηρϥ ὲτεκναμοϣι ϩιωτϥ ουοϩ ειὲταςθοκ ὲπαικαϩι ϫε `νναχακ `νςωι ϣαϯὶρι `νϩωβ νιβεν ὲταιςαϫι `μμωου νεμακ.
Genesis 28:16 αϥτωνϥ δε `νϫε ιακωβ ὲβολ ϧεν πιενκοτ ουοϩ πεϫαϥ ϫε `πϭοις χη `μπαιμα ὰνοκ δε ναιὲμι αν πε.
Genesis 28:17 ουοϩ αϥερϩοϯ ουοϩ πεϫαϥ ϫε ιςϫεκ παιμα ουϩοϯ πε φαι δε αν πε αλλα `πηι `μ`φνουϯ πε ουοϩ θαι τε ϯπυλη `ντε `τφε.
Genesis 28:18 ουοϩ αϥτωνϥ `νϫε ιακωβ `ντοουὶ ουοϩ αϥϭι `μπιωνι ὲταϥχαϥ ϧαϫωϥ `μμαυ ουοϩ αϥταϩοϥ ὲρατϥ `νου`ςτυλη ουοϩ αϥϫεϣ νεϩ ὲ`ϩρηι ὲϫεν πεςλακϩ.
Genesis 28:19 ουοϩ ὰ ιακωβ ϯρεν `φραν `μπιμα ὲτε`μμαυ ϫε πηι `μ`φνουϯ ουοϩ ουλαμαους πε `φραν `νϯβακι `νϣορπ.
Genesis 28:20 ουοϩ αϥτωβϩ `νϫε ιακωβ `νουτωβϩ εϥϫω `μμος ϫε ὲϣωπ αρεϣαν `πϭοις `φνουϯ ϣωπι νεμηι ουοϩ `ντεϥὰρεϩ ὲροι ϩι πιμωιτ φαι ὰνοκ ὲϯμοϣι ϩιωτϥ ουοϩ `ντεϥϯ `νουωικ νηι ὲουωμ νεμ ου`ϩβος `νταϫολϩτ `μμοϥ .
Genesis 28:21 ουοϩ `ντεϥταςθοι ϧεν ουουϫαι ὲπιηι `μπαιωτ ὲρε `πϭοις ϣωπι νηι `ννουϯ .
Genesis 28:22 ουοϩ παιωνι ὲταιταϩοϥ ὲρατϥ `νου`ςτυλη εϥὲϣωπι νηι ὲ`πηι `μ`φνουϯ ουοϩ `νχαι νιβεν ὲτεκνατηιτου νηι ειὲϯ `μπουρεμητ νακ.