Genesis 31:1 αϥςωτεμ δε `νϫε ιακωβ ὲνενςαϫι `ντε νενϣηρι `νλαβαν ευϫω `μμος ϫε ὰ ιακωβ ελ ενχαι νιβεν ὲτεντε πενιωτ ουοϩ ὲβολ ϧεν `νχαι νιβεν ὲτεντε πενιωτ ὰ παιωου τηρϥ ϣωπι ναϥ .
Genesis 31:2 ουοϩ αϥναυ `νϫε ιακωβ ὲ`πϩο `νλαβαν ϫε ναϥοι `μ`φρηϯ `νςαϥ νεμ 3. `μφοου νεμαϥ αν πε.
Genesis 31:3 πεϫε `πϭοις δε `νιακωβ ϫε ματαςθο ὲ`πκαϩι `ντε πεκιωτ νεμ πεκϫωου ουοϩ ειὲϣωπι νεμακ.
Genesis 31:4 αϥουωρπ δε `νϫε ιακωβ αϥμουϯ ὲραχηλ νεμ λια ετκοι πιμα ὲναρε νιòϩι `νὲςωου `μμοϥ .
Genesis 31:5 ουοϩ πεϫαϥ νωου ϫε ϯναυ ὰνοκ ὲ`πϩο `ντε πετενιωτ ϫε ϥοι `μ`φρηϯ `νςαϥ νεμ 3. `μφοου νεμηι αν `φνουϯ δε `μπαιωτ `ϥχη νεμηι .
Genesis 31:6 ουοϩ `νθωτεν τετενεμι ϫε `ν`ϩρηι ϧεν ταϫομ τηρς αιερβωκ `μπετενιωτ.
Genesis 31:7 πετενιωτ δε αϥχοϩ ὲροι ουοϩ αϥϣεβτ παβεχε `ντε ϯμηϯ `νϩιεβι ουοϩ `μπε `φνουϯ τηις ναϥ ὲερπετϩωου νηι.
Genesis 31:8 ὲϣωπ αϥϣανϫος ϫε νιὰουὶὰουαν ευὲϣωπι νακ `μβεχε ϣαρε νιὲςωου τηρου μες ὰουὶὰουαν ὲϣωπ δε αϥϣανϫος ϫε νιουωβϣ ευὲϣωπι νακ `μβεχε ουοϩ ϣαρε νιὲςωου τηρου μες ουωβϣ.
Genesis 31:9 ουοϩ ὰ `φνουϯ ελ νιτεβνωουὶ τηρου `ντε πετενιωτ αϥτηιτου νηι .
Genesis 31:10 ουοϩ αςϣωπι ουϣανϭιϣϣωου `νϫε νιὲςωου ουοϩ `νςεερβοκι αιναυ `νναβαλ ὲρωου ϧεν `θραςουὶ ουοϩ ϩηππε ις νιβαρηιτ νεμ νιωιλι `ναυνα ὲ`ϩρηι ὲϫεν νιὲςωου νεμ νιβαεμπι `ναυουοβϣ πε ουοϩ ναυοι `νὰουὶὰουαν νεμ ὰουαν `νκερμι ευνοϫϧ.
Genesis 31:11 ουοϩ πεϫε πιαγγελος `ντε `φνουϯ νηι ϧεν `θραςουὶ ϫε ιακωβ ὰνοκ δε πεϫηι ϫε ου πετϣοπ .
Genesis 31:12 ουοϩ πεϫαϥ ϫε ϫουϣτ ὲ`πϣωι `ννεκβαλ ὰναυ ὲνιβαρηιτ νεμ νιωιλι ευνα ὲ`πϣωι ὲϫεν νιὲςωου νεμ νιβαεμπι ευουοβϣ ουοϩ ευοι `νὰουὶὰουαν νεμ ὰουαν `νκερμι ευνοϫϧ αιναυ γαρ ὲνη ὲτε λαβαν ὶρι `μμωου νακ.
Genesis 31:13 ὰνοκ πε `φνουϯ ὲτεϥουονϩϥ ὲροκ ϧεν πιμα `ντε `φνουϯ ὲτακθαϩς ϯ`ςτυλη `μμοϥ ουοϩ ακτωβϩ νηι `μμαυ `νουτωβϩ ϯνου ϫε τωνκ ὰμου ὲβολ ϧεν παικαϩι ουοϩ μαϣενακ ὲ`πκαϩι `ντε πεκμα`μμιςι ουοϩ ειὲϣωπι νεμακ.
Genesis 31:14 αϥερουω δε `νϫε ραχηλ νεμ λια πεϫωου ναϥ ϫε μητι αν ουον κετοι ςωϫπ ναν ιε κε`κληρονομια ϧεν `πηι `μπενιωτ .
Genesis 31:15 μη νεταυοπτεν ναϥ αν `μ`φρηϯ `νϩανϣεμμωου αϥτηιτεν γαρ ὲβολ ουοϩ αϥουωμ `μπενϩατ ϧα ου`ϧρε.
Genesis 31:16 ϯμετραμαο τηρς νεμ νιωου ὲτα `φνουϯ ολς `ντεν πενιωτ εϥὲϣωπι ναν νεμ νενϣηρι ϯνου δε νη ὲτα `φνουϯ ϫοτου νακ αριτου.
Genesis 31:17 αϥτωνϥ δε `νϫε ιακωβ αϥϭι νεϥϩιομι νεμ νεϥὰλωουὶ αϥταλωου ὲνιϫαμαυλι.
Genesis 31:18 ουοϩ αϥελ νεϥϩυπαρχοντα τηρου νεμ πεϥςοβϯ τηρϥ ὲταϥθαμιοϥ ϧεν ϯμεςοποταμια νεμ νη ὲτενταϥ τηρου εϣεναϥ ϩα ιςαακ πεϥιωτ ὲπικαϩι `νΧανααν.
Genesis 31:19 ὰ λαβαν δε ϣεναϥ ὲϧεκ `ννεϥὲςωου ὰ ραχηλ δε κελπ νιὶδωλον `ντε πεςιωτ.
Genesis 31:20 αϥχωπ δε `νϫε ιακωβ ὲλαβαν πιςυρος ὲ`ϣτεμταμοϥ ϫε εϥναϣεναϥ.
Genesis 31:21 ουοϩ αϥφωτ `νθοϥ νεμ πετενταϥ τηρϥ ουοϩ αϥερϫινιορ `μφιαρο ουοϩ αϥὶ ὲ`ϩρηι ὲ`πτωου `νγαλααδ.
Genesis 31:22 ουοϩ αυταμε λαβαν πιςυρος `μπιὲϩοου `μμαϩ 3. ϫε αϥφωτ `νϫε ιακωβ.
Genesis 31:23 ουοϩ αϥϭι `ννεϥ`ςνηου τηρου νεμαϥ αϥϭοϫι `νςωϥ ὲ`φμωιτ `ν7 `νὲϩοου `μμοϣι ουοϩ αϥταϩοϥ ϩι `πτωου `νγαλααδ.
Genesis 31:24 αϥὶ δε `νϫε `φνουϯ ϩα λαβαν πιςυρος ϧεν `θραςουὶ `μπιὲϫωρϩ ουοϩ πεϫαϥ ναϥ ϫε ὰρεϩ ὲροκ μηπως `ντεκςαϫι νεμ ιακωβ `νϩανπετϩωου.
Genesis 31:25 ουοϩ ὰ λαβαν ταϩε ιακωβ ιακωβ δε αϥταϫρε τεϥ`ςκυνη ϩι πιτωου λαβαν δε αϥταϩε νεϥ`ςνηου ὲρατου ϩι `πτωου `νγαλααδ.
Genesis 31:26 πεϫε λαβαν δε `νιακωβ ϫε ουπε ὲτακαιϥ εθβεου ακφωτ `νχωπ ὲροι ουοϩ ακκολπτ ακελ ναϣερι `μ`φρηϯ `νϩανεχμαλωτος `ν`τςηϥι.
Genesis 31:27 ουοϩ ὲνε ακταμοι πε ναιναουορπκ πε ϧεν ουουνοϥ νεμ ϩανϩως νεμ ϩανκεμκεμ νεμ ουουωινι.
Genesis 31:28 ουοϩ `μπι`μ`πϣα ὲϯ `νουφι ὲρωου `ννὰλωουὶ νεμ ναϣερι ϯνου δε ακερϩωβ ϧεν ουμετατϩητ .
Genesis 31:29 ϯνου ταϫιϫ ϫεμϫομ ὲερ πετϩωου νακ `φνουϯ δε `μπεκιωτ `νςαϥ αϥϫος νηι εϥϫω `μμος ϫε ὰρεϩ ὲροκ μηποτε `ντεκςαϫι νεμ ιακωβ `νϩανπετϩωου.
Genesis 31:30 ϯνου δε ακϣενακ ϧεν ουὲπιθυμια γαρ ακερὲπιθυμιν ὲϣε ὲ`πηι `μπεκιωτ εθβεου ακκωλπ `ννανουϯ.
Genesis 31:31 αϥερουω δε `νϫε ιακωβ πεϫαϥ `νλαβαν ϫε αιϫος ϫε μηποτε `ντεκελ νεκϣερι `ντοτ νεμ νη ὲτενουὶ τηρου ςουεν ουνχαι `ντακ `ντοτ ὲουϭιουι πε ουοϩ ϭιτϥ ουοϩ `μπεϥςουεν `ϩλι `νταϥ `ντοτϥ .
Genesis 31:32 πεϫε ιακωβ δε ναϥ ϫε φη ὲτεκναϫεμ νεκνουϯ `ντοτϥ `ννεϥωνϧ `μπε`μθο `ννεϥ`ςνηου ναϥὲμι δε αν πε `νϫε ιακωβ ϫε ραχηλ τεϥ`ςϩιμι πεταςκολπου.
Genesis 31:33 αϥϣεναϥ δε `νϫε λαβαν ὲϧουν ὲ`πηι `νλια αϥϧοθϧετ ουοϩ `μπεϥϫεμου ουοϩ αϥὶ ὲβολ ϧεν `πηι `νλια ουοϩ αϥϧοτϧετ ϧεν `πηι `νιακωβ νεμ ϧεν πηι `νϯβωκι `ςναυϯ ουοϩ `μπεϥϫεμου ουοϩ αϥϣεναϥ ὲϧουν ὲ`πηι `νραχηλ.
Genesis 31:34 ραχηλ δε αςϭι `ννιὶδωλον ουοϩ αςϩιτου ϧα ϯϣενϯ `ντε ϯϫαμαυλι ουοϩ αςϩεμςι ϩιϫωου.
Genesis 31:35 ουοϩ πεϫας `μπεςιωτ ϫε `μπεν`θρε πιϩωβ `νϣοτ `μπε`μθο `μπαϭοις `μμον `ϣϫομ `μμοι ετωντ `μπεκ`μθο ϫε ϯοι `μ`φρηϯ `ννιϩιομι αϥϧοτϧετ δε `νϫε λαβαν ϧεν πιηι τηρϥ ουοϩ `μπεϥϫιμι `ννιὶδωλον.
Genesis 31:36 αϥϫοντ δε `νϫε ιακωβ ουοϩ αϥϣοντ νεμ λαβαν αϥερουω δε `νϫε ιακωβ πεϫαϥ `νλαβαν ϫε ουπε παϭι`νϫονς νεμ πανοβι ϫε ακϭοϫι `νςαμενϩηι.
Genesis 31:37 ακϧοτϧετ `ννι`ςκευος τηρου `ντε παηι ου πετακϫεμϥ ὲβολ ϧεν νι`ςκευος τηρου `ντε πεκηι ςεμνητου `μπαιμα `μπεμθο `ννεκ`ςνηου νεμ να`ςνηου ουοϩ μαρουςοϩι ϧεν τενμηϯ `μ`π2.
Genesis 31:38 ναι 2 `νρομπι νε ειχη νεμακ νεκὲςωου νεμ νεκβαεμπι `μπουερατϣηρι ουωιλι `ντε νεκὲςωου `μπιουομϥ.
Genesis 31:39 ουαι ὲὰ `πθηριον ουομϥ `μπιενϥ νακ ὰνοκ ὲναιϯ ὲβολ ϩιτοτ `ννιϭιουι `ντε πιὲϩοου νεμ νιϭιουι `ντε πιὲϫωρϩ.
Genesis 31:40 ναιροκϩ ϧεν `πκαυμα `ντε πιὲϩοου νεμ πιϫαϥ `ντε πιὲϫωρϩ πιϩινιμ αϥϣεναϥ ὲβολ ϩα ναβαλ.
Genesis 31:41 ναι 2 νρομπι νε ειχη νεμακ ειὲρβωκ νακ `μ14. `νρομπι εθβε νεκϣερι ουοϩ 6 `νρομπι ϧεν νεκὲςωου ουοϩ ακϣωβτ `μπαβεχε `ντε ϯμηϯ `νϩιεβι.
Genesis 31:42 ὲβηλ ϫε `φνουϯ `ναβρααμ παιωτ `ϥχη νεμηι νεμ `τϩοϯ `νιςαακ ϯνου νακναχατ ὲβολ ειϣουιτ παθεβιο νεμ νι`μκαϩ `ντε ναϫιϫ ὰ `φνουϯ ναυ ὲροϥ ουοϩ αϥςαϩωκ `νςαϥ .
Genesis 31:43 αϥερουω δε `νϫε λαβαν πεϫαϥ `νιακωβ ϫε ναιϣερι ναϣερι νε ουοϩ ναιϣηρι ναϣηρι νε ουοϩ ναιτεβνωουι νατεβνωουι νε ουοϩ ναι τηρου ὲτακναυ ὲρωου `νουι νε νεμ ναϣερι ου ϫε πεϯνααιϥ `νναϣερι `μφοου ιε `νουϣηρι ὲταυμαςου .
Genesis 31:44 ϯνου ουν ὰμου `ντενςεμνη `νουδιαθηκη ὰνοκ νεμακ ουοϩ εςὲϣωπι ευμετμεθρε ουτωι νεμακ ϩηππε `μμον `ϩλι νεμαν ις `φνουϯ πετερμεθρε ουτωι νεμακ.
Genesis 31:45 αϥϭι δε `νϫε ιακωβ `νουωνι αϥταϩοϥ ὲρατϥ `νου`ςτυλη.
Genesis 31:46 πεϫε ιακωβ δε `ννεϥ`ςνηου ϫε ςεκ ωνι ουοϩ αυςωκι `νϩανωνι ουοϩ αυθαμιο `νουθαλ ουοϩ αυουωμ ουοϩ αυςω ϩι πιθαλ ουοϩ πεϫε λαβαν ναϥ ϫε παιθαλ ὲτερμεθρε ουτωι νεμακ `μφοου .
Genesis 31:47 ουοϩ ὰ λαβαν ϯρεν πεϥραν ϫε πιθαλ `ντε ϯμετμεθρε ιακωβ δε αϥμουϯ ὲροϥ ϫε πιθαλ ὲτοι `μμεθρε.
Genesis 31:48 πεϫε λαβαν δε `νιακωβ ϫε ϩηππε ις παιθαλ νεμ ται`ςτυλη ὲταιταϩος ουτωι νεμακ `ϥερμεθρε `νϫε παιθαλ ουοϩ ςερμεθρε `νϫε ται`ςτυλη εθβεφαι αυϯρενϥ ϫε πιθαλ `ντε ϯμετμεθρε.
Genesis 31:49 νεμ ϯϩοραςις ὲταϥϫος εϥὲναυ `νϫε `φνουϯ ουτωι νεμακ ϫε τενναφωρϫ ὲβολ `ννενερηου.
Genesis 31:50 ϫε αν `ννεκθεβιο `νναϣερι ϫε αν `ννεκϭι`ςϩιμι ὲϫεν ναϣερι ὰναυ `μμον `ϩλι νεμαν.
Genesis 31:51 αναυ πεϫαϥ `νϫε λαβαν , ϩιππε ϭαλπ `νωνι ουοϩ ϩιππε ου ϫωτ εταϥςεμνητϥ ουτωκ νεμηι.
Genesis 31:52 ὲϣωπ δε ὰνοκ `ντα`ϣτεμςινι ϩαροκ ουδε `νθοκ `ντεκ`ϣτεμςινι ϩαροι παιθαλ νεμ ται`ςτυλη ὲϫεν ουκακια.
Genesis 31:53 `φνουϯ `ναβρααμ νεμ `φνουϯ `νναμωρ εϥὲϯϩαπ ουτων ουοϩ ὰ ιακωβ ωρκ `ν`τϩοϯ `νιςαακ πεϥιωτ.
Genesis 31:54 ουοϩ ὰ ιακωβ ϣετ ϣουϣωουϣι ὲ`ϩρηι ὲϫεν πιτωου ουοϩ αϥμουϯ ουβε νεϥ`ςνηου ουοϩ αυουωμ ουοϩ αυςω ουοϩ αυ`νκοτ `ν`ϩρηι ϩι πιτωου .
Genesis 31:55 αϥτωνϥ δε `νϫε λαβαν `ντοουὶ αϥϯφι ὲ`ϩρεν νεϥϣηρι νεμ νεϥϣερι ουοϩ αϥ`ςμου ὲρωου ουοϩ αϥκοτϥ `νϫε λαβαν αϥϣεναϥ ὲπεϥμα.