Genesis 45:1 ουοϩ ναϥ`ϣϫεμϫομ αν πε `νϫε ιωςηφ νωου `νϩητ ερε πιμηϣ κωϯ ὲροϥ αλλα πεϫαϥ ϫε ϩιτου ὲβολ ϩαροι τηρου ουοϩ νε `μμον `ϩλι òϩι ὲρατϥ νεμ ιωςηφ ϩοτε εϥναουονϩϥ ὲνεϥ`ςνηου.
Genesis 45:2 ουοϩ αϥχα τεϥ`ςμη ὲ`ϩρηι αϥριμι αυςωτεμ δε τηρου `νϫε νιρεμ`νχημι ουοϩ ὰ ϯ`ςμη ϣενας ὲ`πηι `μφαραω.
Genesis 45:3 πεϫε ιωςηφ δε `ννεϥ`ςνηου ϫε ὰνοκ πε ιωςηφ αν ὲτι `ϥονϧ `νϫε παιωτ ουοϩ ναρε νεϥ`ςνηου `ϣϫεμϫομ αν πε `νερουω ναϥ νε αυ`ϣθορτερ γαρ πε.
Genesis 45:4 πεϫε ιωςηφ δε `ννεϥ`ςνηου ϫε ϩεν θηνου ϩαροι ουοϩ αυϩενου ϩαροϥ ουοϩ πεϫαϥ ϫε ὰνοκ πε ιωςηφ πετενςον φη ὲταρετεντηιϥ ὲ`ϧρηι ὲχημι.
Genesis 45:5 ϯνου ϫε `μπεν`θρε πετενϩητ `μ`μκαϩ ουδε `μπεν`θρε πιϩωβ `νϣοτ `ντεν θηνου ϫε ὲταρετεντηιτ `μναι ὲτα `φνουϯ γαρ ταουοι ϧαϫωτεν ευωνϧ νωτεν.
Genesis 45:6 θαι γαρ `θμαϩ ρομπι 2ϯ `ν`ϩκο ὲταυϣωπι ϩιϫεν πικαϩι ὲτι ουον κε 5. ςοϫπ `νςεναςχαι `νϧητου αν ουδε `νςεναωςϧ αν.
Genesis 45:7 ὲτα `φνουϯ γαρ ταουοι ϧαϫωτεν ὲςεϫπ ουςωϫπ νωτεν ϩιϫεν πικαϩι ουοϩ ὲϣανεϣ ουνιϣϯ `νςωϫπ νωτεν.
Genesis 45:8 ϯνου δε `νθωτεν αν αρετενουωρπτ ὲμναι αλλα `φνουϯ πε ουοϩ αϥαιτ ϩα`μναι νιωτ `μφαραω νεμ ϭοις ὲπεϥηι τηρϥ νεμ αρχων ὲϫεν πικαϩι τηρϥ `ντε χημι.
Genesis 45:9 ιης ϫε `ντεν θηνου μαϣενωτεν ὲ`πϣωι ϩα παιωτ ουοϩ ὰϫος ναϥ ϫε ναι νε νη ὲτεϥϫω `μμωου `νϫε πεκϣηρι ιωςηφ ϫε ὰ `φνουϯ αιτ `νϭοις ὲϫεν πικαϩι τηρϥ `ντε χημι ὰμου ουν ὲ`ϧρηι ϩαροι ουοϩ `μπερòϩι.
Genesis 45:10 ουοϩ εκὲϣωπι ϧεν `πκαϩι `νγεςεμ `ντε ταραβια ουοϩ εκὲϣωπι εκϧεντ ὲροι `νθοκ νεμ νεκϣηρι νεμ νιϣηρι `ντε νεκϣηρι νεκὲςωου νεμ νεκὲϩωου νεμ νη ὲτεντακ.
Genesis 45:11 ουοϩ ειὲϣανουϣκ `μμαυ ὲτι γαρ ουον κε5 `νρομπι `ν`ϩκο ϩινα `ντεκ`ϣτεμϥωϯ ὲβολ `νθοκ νεμ νεκϣηρι νεμ πεκηι νεμ νεκϩυπαρχοντα τηρου.
Genesis 45:12 ις νετενβαλ ςεναυ νεμ νενβαλ `νβενιαμιν παςον ϫε ρωι πετςαϫι νεμωτεν.
Genesis 45:13 ματαμε παιωτ ουν ὲπαωου τηρϥ ετϧεν χημι νεμ ϩωβ νιβεν ὲταρετενναυ ὲρωου ουοϩ χωλεμ ανὶ παιωτ ὲ`ϧρηι εμναι.
Genesis 45:14 ουοϩ αϥϩιτϥ ὲϫεν `θναϩβι `μβενιαμιν πεϥςον αϥριμι ὲ`ϩρηι ὲϫωϥ.
Genesis 45:15 ουοϩ αϥϯφι ὲ`ϩρεν νεϥ`ςνηου τηρου αϥριμι ὲϫωου ουοϩ μενενςα ναι αυςαϫι νεμαϥ `νϫε νεϥ`ςνηου.
Genesis 45:16 ουοϩ αυεϣ ϯ`ςμη ϧεν `πηι `μφαραω ευϫω `μμος ϫε αυὶ `νϫε νεν`ςνηου `νιωςηφ αϥραϣι δε `νϫε φαραω νεμ νεϥὰλωουὶ.
Genesis 45:17 πεϫε φαραω δε `νιωςηφ ϫε ὰϫος `ννεκ`ςνηου ϫε ὰρι φαι μοϩ `ννετενποριον μαϣενωτεν ὲ`πκαϩι `νΧανααν.
Genesis 45:18 ουοϩ ϭι `μπετενιωτ νεμ νετενϩυπαρχοντα αμωινι ϩαροι ειὲϯ νωτεν ὲβολ ϧεν νιαγαθον τηρου `ντε χημι ουοϩ ερετενεουωμ `μπιατκας `ντε `πκαϩι.
Genesis 45:19 `νθοκ δε ϩονϩεν `νναι ὲϭι `νϩανβρεϩι νωου ὲβολ ϧεν `πκαϩι `νχημι `ννετενὰλωουὶ νεμ νετενϩιομι ουοϩ ανὶ πετενιωτ αμωινι.
Genesis 45:20 ουοϩ `μπερϯαςο `ννετενβαλ ὲνετεν`ςκευος νιμετνοϥρι γαρ τηρου `ντε χημι ευὲϣωπι νωτεν.
Genesis 45:21 αυὶρι δε `μπαιρηϯ `νϫε νενϣηρι `μπιςραηλ ὰ ιωςηφ δε ϯ `νϩανμβρεϩι νωου κατα νη ὲταϥϫοτου `νϫε φαραω `πουρο `νχημι ουοϩ αϥϯ νωου `νϩανωικ ὲ`φμωιτ.
Genesis 45:22 ουοϩ αϥϯ ϩεβςω 2ϯ νωου τηρου βενιαμιν δε αϥϯ ναϥ `ν_τ `ννουβ νεμ 5. `νϩεβςω ευςοτπ.
Genesis 45:23 ουοϩ αϥουωρπ ον `μπεϥιωτ κατα ναι νεμ ὶ νιω ευϥαι ὲβολ ϧεν νιαγαθον τηρου `ντε χημι νεμ ὶ `ντεμθαμ ὲελ ωικ `μπεϥιωτ ϩι `φμωιτ.
Genesis 45:24 αϥουωρπ δε `νϫε ιωςηφ `ννεϥ`ςνηου ουοϩ αυϣενωου ουοϩ πεϫαϥ νωου ϫε `μπερϫωντ ὲνετενερηου ϩι `φμωιτ.
Genesis 45:25 ουοϩ αυὶ ὲ`πϣωι ὲβολ ϧεν χημι ουοϩ αυὶ ὲ`πκαϩι `νΧανααν ϩα ιακωβ πουιωτ.
Genesis 45:26 ουοϩ αϥταμοϥ ευϫω `μμος ϫε ιωςηφ πεκϣηρι ονϧ ουοϩ `νθοϥ ναϥοι `ναρχων ϩιϫεν `πκαϩι τηρϥ `νχημι ουοϩ αϥτωμτ ϧεν πεϥϩητ `νϫε ιακωβ νεμ πετενϩουτου γαρ πε.
Genesis 45:27 αυςαϫι δε νεμαϥ `νϩωβ νιβεν ὲβολ ϩιτεν ιωςηφ νη ὲταϥϫοτου νωου ὲταϥναυ δε ὲνιμβρεϩι νη ὲτα ιωςηφ ουορπου ὲενϥ αϥουαϩεμ `νωνϧ `νϫε πιπνευμα `ντε ιακωβ πουιωτ.
Genesis 45:28 πεϫε πιςραηλ δε ϫε ουνιϣϯ νηι πε φαι ιςϫε ὲτι `ϥονϧ `νϫε ιωςηφ παϣηρι ειὲϣενηι `νταναυ ὲροϥ `μπαϯμου.