Genesis 46:1 αϥουωτεβ δε `νϫε πιςραηλ `νθοϥ νεμ νη ὲτενταϥ τηρου αϥὶ ὲϫεν `τϣωϯ `μ`παναϣ ουοϩ αϥϣετϣουϣωουϣι `μ`φνουϯ `μπεϥιωτ ιςαακ.
Genesis 46:2 πεϫε `φνουϯ δε `μπιςραηλ ϧεν `θραςουὶ ϧεν πιὲϫωρϩ ὲαϥϫος ϫε ιακωβ ιακωβ `νθοϥ δε πεϫαϥ ϫε ου πετϣοπ.
Genesis 46:3 πεϫαϥ ϫε ὰνοκ πε `φνουϯ `ντε νεκιοϯ `μπερερϩοϯ ὲὶ ὲ`ϧρηι ὲχημι ειὲαικ γαρ ὲουνιϣϯ `ν`ϣλολ `μμαυ.
Genesis 46:4 ουοϩ ὰνοκ ειὲὶ νεμακ ὲ`ϧρηι ὲχημι ουοϩ ὰνοκ ειενκ ὲ`πϣωι ϣα ϧαὲ ουοϩ ιωςηφ εϥὲεν νεϥϫιϫ ὲϫεν νεκβαλ.
Genesis 46:5 αϥτωνϥ δε `νϫε ιακωβ ὲβολ ϩα `τϣωϯ `μπιναϣ ουοϩ αυϭι `νϫε νενϣηρι `μπιςραηλ νεμ ιακωβ πουιωτ `μπουςοβϯ νεμ νουϩιομι αυταλωου `ννι`μβρεϩι νη ὲτα ιωςηφ ουορπου ὲενϥ.
Genesis 46:6 ουοϩ αυϭι `ννουϩυπαρχοντα νεμ νη τηρου ὲταυ`ϫφωου ϧεν `πκαϩι `νΧανααν αυὶ ὲ`ϧρηι ὲχημι ουοϩ ὰ ιακωβ νεμ πεϥ`ϫροϫ τηρϥ νεμαϥ.
Genesis 46:7 νεμ νεϥϣηρι νεμ νιϣηρι `ντε νεϥϣηρι νεμαϥ νεϥϣερι νεμ νιϣερι `ντε νεϥϣερι νεμ πεϥ`ϫροϫ τηρϥ αϥενου ὲ`ϧρηι ὲχημι.
Genesis 46:8 ναι δε νε νιραν `ντε νενϣηρι `μπιςραηλ νη εθνηου ὲχημι νεμ ιακωβ πουιωτ ιακωβ νεμ νεϥϣηρι `πϣορπ `μμιςι `νιακωβ ρουβην.
Genesis 46:9 νενϣηρι δε `νρουβην ενωχ νεμ φαλλους εςρωμ νεμ Χαρμι.
Genesis 46:10 νενϣηρι δε `νςυμεων ιεμουλ νεμ ιαμιν νεμ ιαωθ νεμ ιαχιν νεμ ςααρ νεμ ςαουλ `πϣηρι νϯχανανιτης.
Genesis 46:11 νενϣηρι δε `νλευι γεδςων κααθ νεμ μεραρι.
Genesis 46:12 νενϣηρι δε `νιουδας ηρ νεμ αυναν ςηλωμ νεμ φαρες νεμ ζαρα αϥμου δε `νϫε ηρ νεμ αυναν ϧεν `πκαϩι `νΧανααν αυϣωπι δε `νϫε νενϣηρι `μφαρες εςρωμ νεμ ιεμουηλ.
Genesis 46:13 νενϣηρι δε `νιςαχαρ ωλα νεμ φουα νεμ ιαςοβ νεμ αμραμ.
Genesis 46:14 νενϣηρι δε νζαβουλων ζερεδ νεμ αλλων νεμ εηλ.
Genesis 46:15 ναι νε νενϣηρι `νλια νη ὲταςμαςου `νιακωβ ϧεν ϯμεςοποταμια `ντε ϯςυρια νεμ δινα τεϥϣερι νιψυχη τηρου νιϣηρι νεμ νιϣερι 33. νε.
Genesis 46:16 νενϣηρι δε `νγαδ ςαφων νεμ αγγις νεμ ςαυνις νεμ αςουβαν νεμ ανδις νεμ αροηδης νεν αροηλις.
Genesis 46:17 νενϣηρι δε `ναςςηρ ιεμνα νεμ ιεουλ νεμ ιεςουα νεμ βαρια νεμ ςαρα τουςωνι νενϣηρι δε μβαρια χοβορ νεμ μελχιηλ.
Genesis 46:18 ναι νε νενϣηρι `νζελφα θη ὲτα λαβαν τηις `νλια τεϥϣερι θαι ὲταςμας ναι `νιακωβ 16. `μψυχη.
Genesis 46:19 νενϣηρι δε `νραχηλ `τ`ςϩιμι `νιακωβ ιωςηφ νεμ βενιαμιν.
Genesis 46:20 αυϣωπι δε `νϫε νενϣηρι `νιωςηφ ϧεν `πκαϩι `νχημι νη ὲταςμαςου ναϥ `νϫε αςεννεθ `τϣερι `μπετεφρη `πϩοντ `νων μαναςςη νεμ εφρεμ αυϣωπι δε `νϫε νενϣηρι `μμαναςςη νη ὲταςμαςου ναϥ `νϫε ϯπαλλακη ϯςυρια μαχιρ μαχιρ δε αϥ`ϫφε γαλααδ νενϣηρι δε `νεφρεμ `πςον `μμαναςςη ςουταλαμ νεμ τααμ νενϣηρι δε `νςουταλαμ εδεμ.
Genesis 46:21 νενϣηρι δε `μβενιαμιν βαλα νεμ Χοβωρ νεμ αςβηλ αυϣωπι δε `νϫε νενϣηρι `μβαλα γηρα νεμ νοεμαν νεμ αχιν νεμ ρως νεμ μανφιν νεμ οφιμιν γηρα δε αϥ`ϫφε αραδ.
Genesis 46:22 ναι νε νενϣηρι `νραχηλ νη ὲταςμαςου `νιακωβ νιψυχη τηρου ιη νε.
Genesis 46:23 νενϣηρι δε `νδαν αςομ.
Genesis 46:24 ουοϩ νενϣηρι `ννεφθαλιμ αςιηλ νεμ γωυνι νεμ ιςααρ νεμ ςυλλημ.
Genesis 46:25 ναι νε νενϣηρι `μβαλλα θη ὲτα λαβαν τηις `νραχηλ τεϥϣερι θαι ὲταςμας ναι `νιακωβ νιψυχη τηρου 7 νε.
Genesis 46:26 νιψυχη δε τηρου ὲταυὶ νεμ ιακωβ ὲ`ϧρηι ὲχημι νη ὲταυὶ ὲβολ ϧεν νεϥαλωϫ χωρις νιϩιομι `ντε νενϣηρι `νιακωβ νιψυχη τηρου 66 νε.
Genesis 46:27 νενϣηρι δε `νιωςηφ νη ὲταυϣωπι ναϥ ϧεν Χημι 9. `μψυχη νε νιψυχη τηρου `ντε `πηι `νιακωβ νη ὲταυὶ νεμ ιακωβ ὲ`ϧρηι ὲχημι 75. νε.
Genesis 46:28 ιουδας δε αϥουορπϥ ϧαϫωϥ ϩα ιωςηφ εθρεϥὶ ὲβολ ϧαϫωϥ ϩα πεθωμ ϯβακι ϧεν `πκαϩι `νραμαςςη.
Genesis 46:29 ὰ ιωςηφ δε νοϩεβ `ννεϥβερεϭωουτς αϥὶ ὲβολ ὲ`ϩρεν πιςραηλ πεϥιωτ ὲ`πςα `μπεθωμ ϯβακι ουοϩ ὲταϥουονϩϥ ὲροϥ αϥϩιτϥ ὲ`ϧρηι ὲϫεν τεϥναϩβι αϥριμι `νουνιϣϯ `νριμι.
Genesis 46:30 ουοϩ πεϫε πιςραηλ `νιωςηφ ϫε μαριμου ϫε ιςϫεν ϯνου ϫε αιναυ ὲπεκϩο ὲτι γαρ `κονϧ `νθοκ.
Genesis 46:31 πεϫε ιωςηφ δε `ννεϥ`ςνηου ϫε ϯναϣενηι `νταταμε φαραω ουοϩ `νταϫος ναϥ ϫε αυὶ ϩαροι `νϫε να`ςνηου νεμ `πηι `ντε παιωτ νη εναευχη ϧεν `πκαϩι `νΧανααν.
Genesis 46:32 νιρωμι δε ϩανμανὲςωου νε ϩανρωμι γαρ `νρεϥϣανεϣ τεβνη νε ουοϩ νουτεβνωουι νεμ νουὲϩωου νεμ νη ὲτε `ντωου τηρου αυενου.
Genesis 46:33 εϣωπ ουν αϥϣανμουϯ ὲρωτεν `νϫε φαραω ουοϩ `ντεϥϫος νωτεν ϫε πετενϩωβ ου πε.
Genesis 46:34 ερὲτενεϫος ϫε ανον ϩανρωμι `νρεϥϣανεϣ τεβνη ϧα νεκὰλωουὶ εςϫεν τενμετὰλου ϣα ὲϧουν ὲϯνου ὰνον νεν νενκειοϯ ϩινα `ντετενϣωπι ϧεν `πκαϩι `νγεςεμ `ντε ταραβια ουωρεβ γαρ πε `ννιρεμ`νχημι πε μανὲςωου νιβεν `ντε νιὲςωου .