Genesis 47:1 αϥὶ `νϫε ιωςηφ αϥταμε φαραω εϥϫω `μμος ϫε παιωτ νεμ να`ςνηου νεμ νουτεβνωουι νεμ νουεϩωου νεμ νη ὲτε `ντωου τηρου αυὶ ὲβολ ϧεν `πκαϩι `νΧανααν ουοϩ ϩηππε ςεχη ϧεν `πκαϩι `νγεςεμ.
Genesis 47:2 αϥϭι δε ὲβολ ϧεν νεϥ`ςνηου νε `νρωμι ουοϩ αϥταϩωου ὲρατου `μπε`μθο `μφαραω .
Genesis 47:3 ουοϩ πεϫε φαραω `ννεν`ςνηου `νιωςηφ ϫε πετενϩωβ ου πε `νθωου δε πεϫωου `μφαραω ϫε ὰνον ϩανμανὲςωου ϧα νεκὰλωουὶ ὰνον νεμ νενιοϯ ιςϫεν τενμεταλου ϣα ὲϧουν ὲϯνου.
Genesis 47:4 πεϫωου δε `μφαραω ϫε ὲτανὶ ὲ`πϣωι ϧεν πικαϩι `μμον μα`μμονι γαρ ϣοπ `ννιτεβνωουι `ντε νεκὰλωουὶ ὰ πι`ϩκο γαρ ϫεμνομϯ ϧεν `πκαϩι `νΧανααν ϯνου δε τενναϣωπι ϧα νεκὰλωουὶ ϧεν `πκαϩι `νγεςεμ πεϫε φαραω δε `νιωςηφ ϫε μαρουϣωπι ϧεν `πκαϩι `νγεςεμ ιςϫε δε `κςωουν ϫε ουον ϩανρωμι `νϧητου ὲουον `ϣϫομ `μμωου χαυ `ναρχων ὲϫεν νατεβνωουὶ αϥὶ δε `νϫε ιακωβ ὲ`ϧρηι ὲχημι ϩα ιωςηφ νεμ νεϥϣηρι ουοϩ αϥςωτεμ `νϫε φαραω `πουρο `νχημι .
Genesis 47:5 πεϫε φαραω δε `νιωςηφ εϥϫω `μμος ϫε πεκιωτ νεμ νεκ`ςνηου νεμ νουτεβνωουὶ αυὶ ϩαροκ.
Genesis 47:6 ις `πκαϩι `νχημι χη `μπου`μθο μαρε πεκιωτ νεμ νεκ`ςνηου ϣωπι ϧεν πικαϩι εθνανεϥ .
Genesis 47:7 ὰ ιωςηφ δε ὶνι `νιακωβ πεϥιωτ ὲϧουν ουοϩ αϥταϩοϥ ὲρατϥ `μπε`μθο `μφαραω ουοϩ ὰ ιακωβ `ςμου ὲφαραω .
Genesis 47:8 πεϫε φαραω δε `νιακωβ ϫε ουηρ νε νιρομπι `νὲϩοου `ντε πεκωνϧ .
Genesis 47:9 ουοϩ πεϫε ιακωβ `μφαραω ϫε νιὲϩοου `ντε νιρομπι `ντε παωνϧ νη ὲϯϣοπ `νϧητου 113 `νρομπι νε ϩανκουϫι νε ουοϩ αυϣωπι ευϩωου `νϫε νιρομπι `ντε παωνϧ `μπουφοϩ ὲνιὲϩοου `ντε νιρομπι `ντε `πωνϧ `νναιοϯ νη ὲταυερρεμ`νϫωιλι `νϧητου.
Genesis 47:10 ουοϩ ὲταϥ`ςμου `νϫε ιακωβ ὲφαραω αϥὶ ὲβολ ϩαροϥ.
Genesis 47:11 ουοϩ ὰ ιωςηφ ὲρε πεϥιωτ νεμ νεϥ`ςνηου ϣωπι ουοϩ αϥϯ νωου `νουὰμαϩι ϧεν `πκαϩι `νχημι ϧεν πικαϩι εθνανεϥ ϧεν `πκαϩι `νραμαςςη κατα `φρηϯ ὲτα φαραω ουαϩςαϩνι.
Genesis 47:12 ουοϩ ναρε ιωςηφ ϣι ςουο `μπεϥιωτ νεμ νεϥ`ςνηου νεμ `πηι τηρϥ `ντε πεϥιωτ ςουο κατα ςωμα.
Genesis 47:13 νε `μμον ςουο δε ϣοπ πε ϧεν πικαϩι τηρϥ ὰ πι`ϩκο γαρ ϫεμνομϯ ϩιϫεν `πκαϩι τηρϥ ὲμαϣω αϥμουνκ δε `νϫε `πκαϩι `νχημι νεμ `πκαϩι `νΧανααν ὲβολ ϧεν πι`ϩκο.
Genesis 47:14 ὰ ιωςηφ δε θουετ πιϩατ τηρϥ ὲταυϫεμϥ ϧεν χημι νεμ ϧεν `πκαϩι `νΧανααν `ντε πιςουο ὲναυϣωπ `μμοϥ ουοϩ ναϥϣι ςουο νωου πε ουοϩ ὰ ιωςηφ εν πιϩατ τηρϥ ὲϧουν ὲ`πηι `μφαραω.
Genesis 47:15 ουοϩ αϥμουνκ `νϫε πιϩατ τηρϥ ὲβολ ϧεν `πκαϩι `νχημι νεμ ὲβολ ϧεν `πκαϩι `νΧανααν αυὶ δε τηρου `νϫε νιρεμ`νχημι ϩα ιωςηφ ευϫω `μμος ϫε μα ωικ ναν ουοϩ εθβεου τενναμου `πεκ`μθο αϥμουνκ γαρ `νϫε πιϩατ .
Genesis 47:16 πεϫε ιωςηφ δε νωου ϫε ὰνιουὶ `ννετεντεβνωουὶ ουοϩ `νταϯ ωικ νωτεν `ν`τϣεβιω `ννετεντεβνωουὶ ιςϫε αϥμουνκ `νϫε πιϩατ.
Genesis 47:17 αυὶνι δε `ννουτεβνωουὶ ϩα ιωςηφ ουοϩ ὰ ιωςηφ ϯ ωικ νωου `ν`τϣεβιω `ννου`ϩθωρ νεμ `τϣεβιω `ννιὲςωου νεμ `τϣεβιω `ννιὲϩωου νεμ `τϣεβιω `ννουὲϩευ ουοϩ αϥϣανουϣου ϧεν ϩανωικ `ν`τϣεβιω `ννουτεβνωουὶ ϧεν ϯρομπι ὲτε`μμαυ.
Genesis 47:18 αςςινι δε `νϫε ϯρομπι ὲτε`μμαυ ουοϩ αυὶ ϩαροϥ `νϯρομπι `μμαϩ ςνουϯ ουοϩ πεϫωου ναϥ ϫε μηποτε `ντενϥωϯ ὲβολ ϩα πενϭοις ουοϩ `μμον `ϩλι ςωϫπ ναν `μπε`μθο `μπενϭοις ὲβηλ ὲπενςωμα νεμ πενκαϩι.
Genesis 47:19 ϩινα ουν `ντεν`ϣτεμμουνκ `πεκ`μθο ουοϩ `ντε πικαϩι ερϣαϥε ϣοπτεν νεμ πενκαϩι `ν`τϣεβιω `νωικ ουοϩ ενὲϣωπι ὰνον νεμ πενκαϩι `νϩανὰλωουὶ `μφαραω μα `ϫροϫ ναν ϩινα `ντενςιϯ ουοϩ `ντενωνϧ ουοϩ `ντεν`ϣτεμμου ουοϩ `ντε πικαϩι ερϣαϥε.
Genesis 47:20 ουοϩ ὰ ιωςηφ ϣεπ πικαϩι τηρϥ `ντε νιρεμ`νχημι `μφαραω ὰ νιρεμ`νχημι γαρ ϯ `μπουκαϩι `μφαραω ὰ πι``ϩκο γαρ ϫεμνομϯ ὲϫωου ουοϩ ὰ πικαϩι ϣωπι `μφαραω.
Genesis 47:21 ουοϩ αϥ`θρε πιλαος ϣωπι ναϥ `νϩανὰλωουὶ `μβωκ ιςϫεν αυρηϫου `ννιϭιη `ντε χημι ϣα αυρηϫου.
Genesis 47:22 ϣατεν `πκαϩι `ννιουηβ `μμαυατϥ `μπε ιωςηφ ϣοπϥ ϧεν ουταιο γαρ ναϥϯταιο `ννιουηβ `νϫε φαραω ουοϩ ναυουωμ `μπιταιο ὲταϥτηιϥ νωου `νϫε φαραω εθβεφαι `μπουϯ `μπουκαϩι.
Genesis 47:23 πεϫε ιωςηφ δε `ννιρεμ`νχημι τηρου ϫε ϩηππε αιϣεπ θηνου `μφοου νεμ νετενκαϩι `μφαραω ϭι `ϫροϫ νωτεν ουοϩ ςετ πικαϩι .
Genesis 47:24 ουοϩ ερετενεϯ `μπιρε5 `μφαραω ϯ4 `ντοι εςὲϣωπι νωτεν `νθωτεν ευ`ϫροϫ `μπικαϩι νεμ ου`ϧρε νωτεν νεμ ουον νιβεν ετϧεν νετενηου.
Genesis 47:25 ουοϩ πεϫωου ϫε ακναϩμεν ανϫιμι γαρ `νου`ϩμοτ `μπε`μθο `μπενϭοις ουοϩ ενὲϣωπι ὲϩανὰλωουὶ `μφαραω .
Genesis 47:26 ουοϩ ὰ ιωςηφ χα ουϩωβ νωου ϣα ὲϧουν ὲπαιὲϩοου ϩιϫεν πικαϩι `νχημι ὲϯ `μπιρε5 `μφαραω ϣατεν `πκαϩι `ννιουηβ `μμαυατϥ ὲτε `μφα φαραω αν πε.
Genesis 47:27 αϥϣωπι δε `νϫε πιςραηλ ϧεν χημι ϧεν `πκαϩι `νγεςεμ ουοϩ αυερ`κληρονομιν ϩιωτϥ ουοϩ αυαιαι ουοϩ αυὰϣαι ὲμαϣω.
Genesis 47:28 αϥωνϧ δε `νϫε ιακωβ ϧεν χημι `μ07 `νρομπι ουοϩ αυϣωπι `νϫε νιὲϩοου `ντε ιακωβ νιρομπι `ντε πεϥωνϧ 1147 `νρομπι.
Genesis 47:29 αυϧωντ δε `νϫε νιὲϩοου `ντε πιςραηλ εθρεϥμου ουοϩ αϥμουϯ ὲιωςηφ πεϥϣηρι ουοϩ πεϫαϥ ναϥ ϫε ιςϫε αιϫεμ ου`ϩμοτ ναϩρακ χα τεκϫιϫ ϧα παὰλοϫ ουοϩ ὰριουὶ νεμηι `νουμετναητ νεμ ουμεθμηι ὲ`ϣτεμθομςτ ϧεν `πκαϩι `νχημι.
Genesis 47:30 αλλα ειενκοτ νεμ ναιοϯ ουοϩ εκὲεντ ὲβολ ϧεν χημι ουοϩ εκὲθομςτ ϧεν που`μϩαυ `νθοϥ δε πεϫαϥ ϫε ειὲὶρι κατα πεκςαϫι.
Genesis 47:31 ουοϩ πεϫαϥ ϫε ωρκ νηι ουοϩ αϥωρκ ναϥ ουοϩ αϥϣωτ `νϫε πιςραηλ ὲϫεν `ϩθηϥ `μπεϥ`ϣβωτ.