Genesis 6:1 ουοϩ αςϣωπι ὲτα νιρωμι ερϩητς `νὰϣαι ϩιϫεν πικαϩι ουοϩ αυμιςι νωου `νϩανϣερι .
Genesis 6:2 ὲταυναυ δε `νϫε νιαγγελος `ντε `φνουϯ ὲνιϣερι `ντε νιρωμι ϫε νανευ αυϭι`ςϩιμι νωου ὲβολ ϧεν νητηρου ὲταυςοτπου .
Genesis 6:3 ουοϩ πεϫε `πϭοις `φνουϯ ϫε `ννε πα`πνευμα ϣωπι ϧεν ναιρωμι ϣα ὲνεϩ ὲ`φμα ϫε αυερςαρξ ευὲϣωπι δε `νϫε νουὲϩοου ϣε ϫουτ `νρομπι .
Genesis 6:4 νιαφοφι δε ναυϣοπ πε ϩιϫεν πικαϩι ϧεν νιὲϩοου ὲτε`μμαυ ουοϩ μενενςα ναι ϩοταν αυϣανϣενωου `νϫε νιϣηρι `ντε `φνουϯ ὲϧουν ϧα νιϣερι `ντε νιρωμι ουοϩ νε ϣαυμιςι νωου ναι νε νιαφοφι ιςϫεν `πὲνεϩ νιρωμι ὲτε ϣαυφιρι ὲπουραν .
Genesis 6:5 ὲταϥναυ δε `νϫε `πϭοις `φνουϯ `ννικακια `ντε νιρωμι ϫε αυὰϣαι ϩιϫεν πικαϩι ουοϩ ουον νιβεν `ϥρακι ϧεν πουϩητ ὲμαϣω ὲϫεν πιπετϩωου `ννουὲϩοου τηρου .
Genesis 6:6 ϫε αϥμοκμεκ `νϫε `φνουϯ ϫε αϥθαμιο `μπιρωμι ϩιϫεν πικαϩι ουοϩ αϥμευὶ `νϫε `φνουϯ .
Genesis 6:7 ουοϩ πεϫαϥ ϫε ειὲϥετ πιρωμι ὲβολ ὲταιθαμιοϥ ὲβολ ϩα `πϩο `μ`πκαϩι ιςϫεν ουρωμι ϣα ουτεβνη νεμ ιςϫεν νιϭατϥι ϣα νιϩαλαϯ `ντε `τφε ϫε αι`μβον ϫε αιθαμιωου .
Genesis 6:8 νωε δε αϥϫιμι `νου`ϩμοτ `μπε`μθο `μ`πϭοις `φνουϯ ναι δε νε νιϫιν`ϫφο `ντε νωε .
Genesis 6:9 νωε νε ουρωμι `ν`θμηι πε εϥϫηκ ὲβολ ϧεν τεϥγενεα αϥραναϥ `μ`φνουϯ `νϫε νωε .
Genesis 6:10 νωε δε αϥ`ϫφε 3. `νϣηρι ςημ , Χαμ νεμ ιαφεθ
Genesis 6:11 ὰ `πκαϩι δε ςωϥ `μπε`μθο `μ`φνουϯ ουοϩ ὲ`πκαϩι μοϩ `νϭινϫονς
Genesis 6:12 ουοϩ αϥναυ `νϫε `πϭοις `φνουϯ ὲπικαϩι ουοϩ ναϥτακηουτ πε ϫε ουηι `νςαρξ νιβεν ςωϥ `μπεϥμωιτ ϩιϫεν πικαϩι
Genesis 6:13 ουοϩ πεϫε `φνουϯ `ννωε ϫε `πςηου `νρωμι νιβεν αϥὶ `μπα`μθο ϫε ουηι ὲ`πκαϩι μοϩ `νϭινϫονς ὲβολ `μμωου ουοϩ ϩηππε ανοκ ϯνατακωου νεμ πικαϩι
Genesis 6:14 μαθαμιο ουον νακ `νουκυβωτος ὲβολ ϧεν ϩανϣε `νατερϩολι `ντε `τραγωνον ουοϩ εκὲθαμιο `νϯκυβωτος `μμοϩ μοϩ εκὲϯ `μβρεϩι νας ςαϧουν νεμ ςαβολ `μμος ϧεν πι`μβρεϩι .
Genesis 6:15 ουοϩ παιρηϯ εκὲθαμιο `νϯκυβωτος _τ `μμαϩι ὲϯϣιη `ντε ϯκυβωτος ουοϩ 5 `μμαϩι `νουοςθεν ουοϩ πεςϭιςι 3 `μμαϩι .
Genesis 6:16 ουοϩ εκὲθαμιο `νϯκυβωτος εςθουητ ὲϧουν ουοϩ εκὲϫοκς ὲβολ ςα`πϣωι `νουμαϩι `φρο δε `ντε ϯκυβωτος εκὲθαμιοϥ ςα `π`ςφιρ `μμος ϩανϩηπι `νϧε 2. νεμ 3. `νϧε εκὲθαμιος .
Genesis 6:17 ανοκ δε ϩηππε ϯναὶνι `μπιμωου `νκατα`κλυςμος ὲϫεν πικαϩι ὲτακε ςαρξ νιβεν ὲτε ουον `πνευμα `νωνϧ `νϧητϥ ςαπεςητ `ν`τφε ουοϩ `νχαι νιβεν ετχη ϩιϫεν `πκαϩι ευὲμου .
Genesis 6:18 ουοϩ ειὲςεμνι `νταδιαθηκη νεμακ εκὲϣενακ ὲϧουν ὲϯκυβωτος `νθοκ νεμ νεκϣηρι νεμ τεκ`ςϩιμι νεμ νιϩιομι `ντε νεκϣηρι νεμακ .
Genesis 6:19 νεμ ὲβολ ϧεν νιθηριον τηρου νεμ ὲβολ ϧεν νιτεβνωουὶ τηρου νεμ ὲβολ ϧεν ςαρξ νιβεν 2. 2. ὲβολ `νϧητου τηρου εκὲολου ὲϧουν ὲϯκυβωτος ϩινα `ντεκϣανουϣου νεμακ ουϩωουτ νεμ `ςϩιμι .
Genesis 6:20 ὲβολ ϧεν πιϩαλαϯ ετϩηλ κατα γενος νεμ ὲβολ ϧεν νιτεβνωουὶ τηρου κατα γενος νεμ ὲβολ ϧεν νιϭατϥι τηρου νη ετϩιϫεν πικαϩι κατα γενος 2. 2. ὲβολ `νϧητου τηρου ευὲὶ ὲϧουν ϧαροκ αυϣανουϣου νεμακ ουϩωουτ νεμ ου`ςϩιμι .
Genesis 6:21 `νθοκ εκὲϭι νακ ὲβολ ϧεν νι`ϧρηουὶ τηρου νηετετενναουòμου ουοϩ εκὲθουωτου ϩαροκ ουοϩ ευὲϣωπι νακ νεμ νικεχωουνι ὲφουομου .
Genesis 6:22 ουοϩ αϥὶρι `νϫε νωε `νϩωβ νιβεν ὲτα `πϭοις `φνουϯ ϩενϩωνϥ ὲρωου αϥὶρι `μπαιρηϯ .