Genesis 9:1 ουοϩ αϥ`ςμου `νϫε `φνουϯ ὲνωε νεμ νεϥϣηρι ουοϩ πεϫαϥ νωου ϫε αιαι ουοϩ ὰϣαι ουοϩ μαϩ πικαϩι ουοϩ αριϭοις ὲροϥ .
Genesis 9:2 ουοϩ πετεν`ςθερτερ νεμ τετενϩοϯ ευὲϣωπι ὲϫεν νιθηριον τηρου `ντε `τκοι νεμ νιϩαλαϯ `ντε `τφε νεμ ϩιϫεν ϩωβ νιβεν ετκιμ ϩιϫεν πικαϩι νεμ ϩιϫεν νιτεβτ τηρου `ντε `φιομ αιτηιτου ϧα νετενϫιϫ .
Genesis 9:3 ουοϩ ϭατϥι νιβεν ετονϧ ευὲϣωπι νωτεν ευ`ϧρε `μ`φρηϯ νϩανουοϯ `ντε ουςιμ αιτηιτου τηρου νωτεν .
Genesis 9:4 `πλην ουαϥ ϧεν ου`ςνοϥ μψυχη `ννετενουομϥ .
Genesis 9:5 κε γαρ `πςνοϥ `ννετενψυχη εικωϯ `νςωϥ ὲβολ ϧεν `τϫιϫ ννιθηριον τηρου ειεκωϯ `νςωϥ νεμ ὲβολ ϧεν `τϫιϫ `νουρωμι ειεκωϯ `νςωϥ .
Genesis 9:6 φη εθναφεν `π`ςνοϥ `νουρωμι ὲβολ ευεφεν πεϥ`ςνοϥ ὲβολ `ν`τϣεβιω `μπεϥ`ςνοϥ ϫε ὲταιθαμιο `μπιρωμι ϧεν ουϩυκων `ντε `φνουϯ .
Genesis 9:7 `νθωτεν δε αιαι ουοϩ μαϩ πικαϩι ουοϩ ὰϣαι ϩιωτϥ .
Genesis 9:8 ουοϩ πεϫε `φνουϯ `ννωε νεμ νεϥϣηρι εϥϫω `μμος ϫε .
Genesis 9:9 ϩηππε ανοκ ϯνατουνος ταδιαθηκη νωτεν νεμ πετεν`ϫροϫ μενενςωτεν .
Genesis 9:10 νεμ ψυχη νιβεν ετονϧ νεμωτεν ιςϫεν νιϩαλαϯ νεμ ιςϫεν νιτεβνωουὶ νεμ νιθηριον τηρου `ντε ``πκαϩι εθνεμωτεν ὲβολ ϧεν ενχαι νιβεν ὲταυι ὲβολ ϧεν ϯκυβωτος .
Genesis 9:11 ουοϩ ειὲςεμνι `νταδιαθηκη νεμωτεν ουοϩ `ννουμου ϫε `νϫε ςαρξ νιβεν ὲβολ ϧεν πιμωο `νκατακλυςμος ουοϩ `ννε μωου `νκατακλυςμος ϣωπι ϫε ετακε ``πκαϩι τηρϥ .
Genesis 9:12 ουοϩ πεϫε `πϭοις `φνουϯ `ννωε ϫε φαι πε `φμηινι `ντε ϯδιαθηκη φη ὲϯνατηιϥ ουτωι νεμωτεν νεμ ουτε ψυχη νιβεν ετονϧ θη εθναμωτεν ϣα νετενϫωου `νὲνεϩ .
Genesis 9:13 ταφιϯ ειὲχας ϧεν ϯϭηπι ουοϩ εςὲϣωπι ευμηινι `ντε ουδιαθηκη ουτωι νεμ `πκαϩι .
Genesis 9:14 ουοϩ εςὲϣωπι ϧεν `πϫιν`θριὶνι `νϩανϭηπι ὲϫεν `πκαϩι ουοϩ εςὲουονϩς `νϫε ϯφιϯ ϧεν ϯϭηπι .
Genesis 9:15 ουοϩ ειὲερ`φμευι `νταδιαθηκη θη ετχη ουτωι νεμωτεν νεμ ουτε ψυχη νιβεν ετονϧ ϧεν ςαρξ νιβεν ουοϩ `ννεϥϣωπι ϫε `νϫε πιμωου `νκατακλυςμος ϩωςτε εϥετ ςαρξ νιβεν ὲβολ .
Genesis 9:16 ουοϩ εςὲϣωπι `νϫε ϯφιϯ ϧεν ϯϭηπι ουοϩ ειεναυ ὲ`πϫινερ`φμευι `νουδιαθηκη `νὲνεϩ ουτωι νεμ ουτε ψυχη νιβεν ετονϧ ϧεν ςαρξ νιβεν ετχη ϩιϫεν πικαϩι .
Genesis 9:17 ουοϩ πεϫε `φνουϯ `ννωε ϫε φαι πε πιμηινι `ντε ϯδιαθηκη θη εταιςεμνητς ουτωι νεμ ουτε ςαρξ νιβεν ετχη ϩιϫεν `πκαϩι .
Genesis 9:18 ναι δε νε νιϣηρι `ντε νωε νη εταυὶ ὲβολ ϧεν ϯκυβωτος ςημ Χαμ ιαφες , Χαμ δε φιωτ `νΧανααν πε
Genesis 9:19 3. `νϣηρι νε ναι `ντε νωε ὲβολ δε ϧεν ναι αυϫωρ ὲβολ ὲϫεν `πκαϩι τηρϥ .
Genesis 9:20 ουοϩ αϥερϩητς `νϫε νωε ὲ`πϣωι `νουρωμι `νουωι ουοϩ αϥ`ϭο `νουιαϩαλολι .
Genesis 9:21 ουοϩ αϥςω ὲβολ ϧεν πιηρπ ουοϩ αϥθιϧι ουοϩ αϥβωϣ ὲβολ ϧεν πεϥηι .
Genesis 9:22 ουοϩ αϥναυ `νϫε Χαμ φιωτ `νΧανααν ὲ`φβωϣ `μπεϥιωτ ουοϩ ὲταϥὶ ὲβολ αϥταμε πεϥςον 2. `μβολ .
Genesis 9:23 ουοϩ αϥϭι `νϫε ςημ νεμ ιαφεθ `μπι`ϩβος αυταλοϥ ὲϫεν νουςοι `μ`π2. ουοϩ αυμοϣι ὲρε νουϩο φονϩ ὲ`φαϩου ουοϩ αυϩωβς `μ`φβωϣ `μπουιωτ ουοϩ πουϩο ναϥφονϩ ὲ`φαϩου ουοϩ `φβωϣ `ντε πουιωτ `μπουναυ ὲροϥ .
Genesis 9:24 αϥνεϩςι δε `νϫε νωε ὲβολ ϧεν πιηρπ ουοϩ αϥὲμι ὲνη τηρου ὲτα πεϥκουϫι `νϣηρι αιτου ναϥ .
Genesis 9:25 ουοϩ πεϫαϥ ϫε `ϥ`ςϩουορτ `νϫε Χανααν εϥὲϣωπι `νουαλου `μβωκ `ννεϥ`ςνηου .
Genesis 9:26 ουοϩ πεϫαϥ ϫε `ϥςμαματ `νϫε `πϭοις `φνουϯ `νςημ ουοϩ εϥὲϣωπι ναϥ `νουαλου `νϫε Χανααν .
Genesis 9:27 ὲρε `φνουϯ ουοςθεν νιαφεθ ουοϩ εϥὲϣωπι ϧεν νενηου `νςημ ουοϩ εϥὲϣωπι νωου `νουαλου `νϫε Χανααν .
Genesis 9:28 αϥωνϧ δε `νϫε νωε μενενςα πικατακλυςμος `ν_τ5 `νρομπι
Genesis 9:29 ουοϩ αυϣωπι `νϫε νιὲϩοου τηρου `ντε νωε ὲταϥωνϧ `μμωου ρ5 `νρομπι ουοϩ αϥμου .