Genesis 13:1 αϥὶ δε `νϫε αβραμ ὲ`ϩρηι ὲβολ ϧεν Χημι `νθοϥ νεμ τεϥ`ςϩιμι νεμ νη εναυ `νταϥ τηρου νεμ λωτ νεμαϥ ὲ`ϩρηι ϩι `πϣαϥε .
Genesis 13:2 αβραμ δε νε ουραμαò ὲμαϣω πε `ν`ϧρηι ϧεν `πτεβνη νεμ `πϩατ νεμ `φνουβ .
Genesis 13:3 ουοϩ αϥϣεναϥ ὲπιμα ὲταϥὶ ὲβολ `μμοϥ `ν`ϩρηι ϩι `πϣαϥε ϣα βεθηλ πιμα ὲναρε τεϥςκυνη χη `μμαυ νϣορπ ουτε βεθηλ νεμ ουτε αγγε .
Genesis 13:4 ὲπιμα ὲταϥθαμιὲ πιμανερϣωουϣι `μμοϥ `νϣορπ ουοϩ αϥμουϯ `μμαυ `νϫε αβραμ ὲ`φραν μ`πϭοις .
Genesis 13:5 λωτ δε ϩωϥ φη εθμοϣι νεμ αβραμ ναυϣοπ ναϥ `νϫε ϩανὲςωου νεμ ϩανὲϩωου νεμ ϩανςκυνη .
Genesis 13:6 ουοϩ ναρε πικαϩι ὲτε`μμαυ ϣωπ `μμωου αν πε εθρουϣωπι ϩι ουμα ϫε ναρε πετεντωου οϣ πε ουοϩ ναυ`ϣϫεμϫομ αν πε ὲϣωπι ϩι ουμα .
Genesis 13:7 ουοϩ αϥϣωπι `νϫε ουϣοντ ουτε νιμανὲςωου `ντε νιτεβνωουὶ `ντε αβραμ νεμ ουτε νιμανὲςωου `ντε νιτεβνωουὶ `ντε λωτ νιΧανανεος δε νεμ νιφερεςεος ναυϣοπ ϩιϫεν πικαϩι `μπιςηου ὲτε`μμαυ .
Genesis 13:8 πεϫε αβραμ δε `νλωτ ϫε `μπεν`θρε ουϣοντ ϣωπι ουτωι νεμ ουτωκ νεμ ουτε ναμανὲςωου νεμ ουτε νεκμανὲςωου ϫε ανον ϩανρωμι `ν`ςνηου .
Genesis 13:9 μη ις πικαϩι τηρϥ χη `μπεκ`μθο αν φωρϫ ὲβολ `μμοκ ιε `νθοκ εϫαϭη ανοκ ὲουιναμ ιςϫε δε `νθοκ ὲουιναμ ανοκ εϫαϭη .
Genesis 13:10 ουοϩ ὰ λωτ ϥαι `ννεϥβαλ ὲ`πϣωι αϥναυ ὲϯπεριχωρος τηρς `ντε πιιορδανης ϫε νε ϣαςςω πε `μπατε `φνουϯ ρωϧτ `νςοδομα νεμ γομορρα `μ`φρηϯ `μπιπαραδιςος `ντε `φνουϯ νεμ `μ`φρηϯ `μπικαϩι `ντε Χημι ϣατεκὶ ὲ`ϧρηι ὲζογορα .
Genesis 13:11 ουοϩ αϥςωτπ ναϥ `ντε λωτ `νϯπεριχωρος τηρς `ντε πιιορδανης ουοϩ αϥουωτεβ `νϫε λωτ ὲβολ ςαπειεβτ ουοϩ ὰ `φουαι `φουαι φωρϫ ςαβολ `μπεϥςον.
Genesis 13:12 αβραμ δε αϥϣωπι ϧεν `πκαϩι `νΧανααν λωτ δε αϥϣωπι ϧεν νιβακι `ντε νιπεριχωρος ουοϩ αϥουοϩ ϧεν ςοδομα .
Genesis 13:13 νιρωμι δε ὲναυ ϧεν ςοδομα ναυϩωου πε ουοϩ νε ϩανρεϥερνοβι νε ὲμαϣω `μπε`μθο `μ`φνουϯ.
Genesis 13:14 πεϫε `πϭοις δε `ναβραμ μενενςα `θρεϥφωρϫ ὲβολ ϩαροϥ `νϫε λωτ ϫε ϫουϣτ `ννεκβαλ ὰναυ ιςϫεν πιμα ὲτεκχη `μμοϥ `νθοκ ϯνου ὲπεμϩιτ νεμ ὲπεμεντ νεμ ὲπειεβτ νεμ `φιομ.
Genesis 13:15 ϫε πικαϩι τηρϥ ὲτεκναυ ὲροϥ `νθοκ ειὲτηιϥ νακ νεμ πεκ`ϫροϫ ϣα ὲνεϩ.
Genesis 13:16 ουοϩ ειὲθρε πεκ`ϫροϫ ερ `μ`φρηϯ `μπιϣω `ντε `πκαϩι ιςϫε ου`ϣϫομ εθρε ουαι ϭιηπι `μπιϣω `ντε `πκαϩι ουοϩ πεκ`ϫροϫ `ννουϭιηπι `μμοϥ.
Genesis 13:17 τωνκ μεϣτ πικαϩι ὲτεϥϣι`η νεμ πεϥουοςθεν ϫε ϯνατηιϥ νακ.
Genesis 13:18 ουοϩ αϥουωτεβ ὲβολ `μμαυ `νϫε αβραμ ουοϩ αϥϣωπι ϧατεν πι`ϣϣην `ντε μαμβρε φη ετχη ϧεν Χεβρων ουοϩ αϥκωτ `μμαυ `νουμανερϣωουϣι `μ`πϭοις `φνουϯ.