Genesis 14:1 αςϣωπι δε ϧεν `θμετουρο `ναμαρφαλ `πουρο `νςεννααρ αριοχ `πουρο `νεελλαςαρ νεμ Χοδολογομορ `πουρο `νελαμ νεμ αργαλ `πουρο `ννιεθνος.
Genesis 14:2 αυερουβωτς νεμ βαλα `πουρο `νςοδομα νεμ βαρςα `πουρο `νγομορρα νεμ ςεννααρ `πουρο `ναδαμα νεμ ςιμοβορ `πουρο `νςεβωιμ νεμ `πουρο `μβαλακ θαι τε ςηγωρ.
Genesis 14:3 ναι τηρου αυερςυμφωνιν ὲ`ϩρηι ὲϯϧελλοτ ετμολϩ φαι πε `φιομ `ντε νι`ϩμου .
Genesis 14:4 αυερ 12. `νρομπι ευοι `μβωκ ὲΧοδολογομορ .
Genesis 14:5 `ν`ϩρηι δε ϧεν ϯμαϩ 13. `νρομπι αυϣενωου `ν`ϩρηι δε ϧεν ϯμαϩ 14. `νρομπι αϥὶ `ντε Χοδολογομορ νεμ νιουρωου εθνεμαϥ ουοϩ αυϭοτϭετ `ννιαφοπι ετϧεν αςταρωθ καρναιν νεμ ϩανκε`ϣλωλ ευϫορ νεμωου νεμ νιομμεος ετχη ὲ`ϧρηι ϧεν ςαυη ϯβακι.
Genesis 14:6 νεμ νιΧορρεος νη ετχη ϧεν νιθοϣ `ντε ςηιρ ϣα ὲ`ϩρηι ὲϯτερεβινθος `ντε φαραν θη ετχη ϩι `πϣαϥε.
Genesis 14:7 ουοϩ ὲταυκοτου αυὶ ὲϫεν ϯμουμι `ντε `πϩαπ θαι τε καδης ουοϩ αυϭοτϭετ `ννιαρχων τηρου `ντε αμαληκ νεμ νιαμορρεος νη ετϣοπ ϧεν αςαςανθαμαρ.
Genesis 14:8 αϥὶ δε ὲβολ `νϫε `πουρο `νςοδομα νεμ `πουρο `νγομορρα νεμ `πουρο `ναδαμα νεμ `πουρο `νςεβωιμ νεμ `πουρο `μβαλακ θαι τε ςηγωρ ουοϩ αυϯνει ὲ`φβωτς ὲ`ϩρηι ετϧελλοτ ετμολϩ `ντε ςαυη .
Genesis 14:9 ουδε Χοδολογομορ `πουρο `νελαμ νεμ αργαρ `πουρο `ννιεθνος νεμ αμαρφαλ `πουρο `νςεννααρ νεμ αριωχ `πουρο `νελλαςαρ ναι νε 4. `νουρο ουβε πιϯου .
Genesis 14:10 ϯϧελλοτ δε ετμολϩ ναςοι `νϣωϯ ϣωϯ `νεμ`βρεϩι αϥφωτ δε `νϫε `πουρο `νςοδομα νεμ `πουρο `νγομορρα ουοϩ αυϩει `μμαυ νη δε ὲταυςωϫπ αυφωτ ὲνιαντωου .
Genesis 14:11 αυϭι δε `ννι`ϩθωρ τηρου `ντε ςοδομα νεμ νεμ νου`ϧρηουὶ τηρου ουοϩ αυϣενωου .
Genesis 14:12 αυωλι δε `μ`πκελωτ `πϣηρι `μ`πςον `ναβραμ νεμ πεϥςοβϯ ουοϩ αυϣενωου ναϥϣοπ γαρ πε ϧεν ςοδομα .
Genesis 14:13 αϥὶ δε `νϫε ουαι ὲβολ ϧεν νη ὲταυνοϩεμ αϥταμε αβραμ πιπερατης `νθοϥ δε ναϥϣοπ πε ϧατεν πι`ϣϣην `ντε μαμβρη πιαμορπεος `πςον `νεςχωλ νεμ `πςον `ναυναν ναυοι `ν`ϣφηρ ὲαβραμ .
Genesis 14:14 ὲταϥςωτεμ δε `νϫε αβραμ ϫε αυελ λωτ πεϥςον `νεχμαλωτος αϥϭιηπι `ννεϥμες ϧεν ηι _τ18. ουοϩ αϥϭοϫι ςαμενϩηου ϣα δαν .
Genesis 14:15 ουοϩ αϥὶ ὲ`ϧρηι ὲϫωου `μπιὲϫωρϩ `νθοϥ νεμ νεϥὰλωουὶ ουοϩ αϥϣαρι ὲρωου ουοϩ αϥϭοϫι `νςωου ϣα ὲ`ϧρηι ὲΧωβα θη ετχη ςαϫαϭη `νδαμαςκος .
Genesis 14:16 ουοϩ αϥταςθο `ννι`ϩθωρ τηρου `ντε ςοδομα νεμ γομορρα ουοϩ λωτ πεϥςον αϥταςθοϥ νεμ νεϥϩυπαρχοντα τηρου νεμ νιϩιομι νεμ πιλαος .
Genesis 14:17 αϥὶ δε ὲβολ `νϫε `πουρο `νςοδομα ὲ`ϩραϥ `ναβραμ μενενςα `θρεϥταςθο ὲβολ ϧεν `πϫωϫι `νΧοδολογομορ νεμ νιουρωου εθνεμαϥ ὲ`ϧρηι ὲϯϧελλοτ `ντε ςαυη φαι πε `φμεϣϣωτ `ντε `πουρο .
Genesis 14:18 ουοϩ μελχιςεδεκ `πουρο `νςαλημ αϥεν ϩανωικ ὲβολ νεμ ϩανηρπ νε `φουηβ δε πε `μ`φνουϯ ετϭοςι.
Genesis 14:19 ουοϩ αϥ`ςμου ὲαβραμ ουοϩ πεϫαϥ ϫε `κςμαματ αβραμ `μ`φνουϯ ετϭοςι φη ὲταϥθαμιο `ν`τφε νεμ `πκαϩι .
Genesis 14:20 ουοϩ `ϥςμαματ `νϫε `φνουϯ ετϭοςι φη ὲταϥϯ `ννεκϫαϫι ϧα νεκϫιϫ ουοϩ αϥϯ ρεμητ ναϥ ὲβολ ϧεν ϩωβ νιβεν ὲτενταϥ.
Genesis 14:21 πεϫε `πουρο δε `νςοδομα `ναβραμ ϫε μα νιρωμι νηι ϭι δε νακ `ννι`ϩθωρ.
Genesis 14:22 πεϫε αβραμ δε `μ`πουρο `νςοδομα ϫε ειὲςουτεν ταϫιϫ ὲ`ϩρηι ϩα `φνουϯ ετϭοςι φη ὲταϥθαμιο `ν`τφε νεμ `πκαϩι .
Genesis 14:23 ϫε ιςϫεν ου`ϩβως ϣα ουμουςηρ `ντε ουθωουὶ αν ειὲϭι `ϩλι ὲβολ ϧεν νη ετεντακ τηρου ϩινα `ντεκ`ϣτεμϫος ϫε ανοκ αιερ αβραμ `νραμαò .
Genesis 14:24 ὲβηλ ὲνη ετα νιϧελϣιρι ουομου νεμ `ττοι `ντε νιρωμι ὲταυὶ νεμηι εςχωλ αυναν μαμβρη ναι ευὲϭι τοι .