Genesis 17:1 αϥϣωπι δε `νϫε αβραμ ϧεν 99. `νρομπι ουοϩ ὰ `πϭοις ουονϩϥ ὲαβραμ πεϫαϥ ναϥ ϫε ανοκ πε `φνουϯ ϣωπι εκρανηι `μπα`μθο ουοϩ ϣωπι `μμον αρικι ϭι ὲροκ .
Genesis 17:2 ουοϩ ειὲχω `νταδιαθηκη ουτωι νεμ ουτωκ ουοϩ ειὲ`θρεκαϣαι ὲμαϣω.
Genesis 17:3 ουοϩ αϥϩει `νϫε αβραμ ὲϫεν πεϥϩο ουοϩ αϥςαϫι νεμαϥ `νϫε `φνουϯ εϥϫω `μμος .
Genesis 17:4 ϫε ανοκ ϩηππε ις ταδιαθηκη `ςχη νεμακ ουοϩ εκὲϣωπι `νιωτ `νουμηϣ `ν`ϣλολ.
Genesis 17:5 ουοϩ `ννουμουϯ ὲπεκραν ϫε αβραμ αλλα ὲρε πεκραν ϣωπι ϫε αβρααμ ϫε αιχακ `νιωτ `νουμηϣ `νεθνος.
Genesis 17:6 ουοϩ ειὲ`θρεκαϣαι ὲμαϣω ὲμαϣω ουοϩ ειὲχακ ὲϩαν`ϣλωλ ουοϩ ϩανουρωου ευὲὶ ὲβολ `μμοκ .
Genesis 17:7 ουοϩ ειὲςεμνι `νταδιαθηκη ουτωι νεμ ουτωκ νεμ ουτε πεκ`ϫροϫ μενενςωκ ϣα νουγενεα ευδιαθηκη `νὲνεϩ εθριϣωπι νακ `ννουϯ νεμ πεκ`ϫροϫ μενενςωκ.
Genesis 17:8 ουοϩ ειὲϯ νακ νεμ πεκ`ϫροϫ μενενςωκ `μπικαϩι ὲτεκοι `νρεμ`νϫωιλι `νϧητϥ `πκαϩι τηρϥ `νΧανααν ευὰμαϩι `νὲνεϩ ουοϩ ειὲϣωπι νωου `ννουϯ .
Genesis 17:9 ουοϩ πεϫε `φνουϯ ουβε αβρααμ ϫε `νθοκ δε ταδιαθηκη εκὲὰρεϩ ὲρος `νθοκ νεμ πεκ`ϫροϫ μενενςωκ ϣα νουϫωου .
Genesis 17:10 ουοϩ θαι τε ταδιαθηκη ὲτεκναὰρεϩ ὲρος ουτωι νεμωτεν νεμ ουτε πεκ`ϫροϫ μενενςωκ ϣα νουϫωου.
Genesis 17:11 ϩωουτ νιβεν `ντωτεν εϥὲςουβητϥ ουοϩ ερετενςουβε `τςαρξ `ντε τενμετατςεβι ουοϩ εϥὲϣωπι ϧεν ουμηινι `ντε ουδιαθηκη ουτωι νεμωτεν .
Genesis 17:12 ουοϩ ουὰλου ϧεν 8. `νὲϩοου ευὲςουβητϥ νωτεν νετενϩωουτ τηρου ϣα νετενϫωου πιμες ϧεν ηι νεμ πιϣωπ ϧα ϩατ ὲβολ ϧεν ϣηρι νιβεν `νϣεμμωου ὲτε ὲβολ ϧεν πεκ`ϫροϫ αν νε ϧεν ουςεβι εκὲςουβητου πιμες ϧεν ηι `ντε πεκηι νεμ πιϣωπ ϧα ϩατ .
Genesis 17:13 ουοϩ εςὲϣωπι `νϫε ταδιαθηκη ϩι τετενςαρξ ευδιαθηκη `νὲνεϩ .
Genesis 17:14 ουοϩ πιϩωουτ ετοι `νατςεβι φηὲτουναςουβε `τςαρξ αν `ντε τεϥμετατςεβι ϧεν πιμαϩ 8. `νὲϩοου ευὲϥωϯ `νϯψυχη ὲτε`μμαυ ὲβολ ϧεν πεςγενος ϫε ταδιαθηκη αϥϫορς ὲβολ .
Genesis 17:15 ουοϩ πεϫε `φνουϯ `ναβρααμ ϫε ςαρα τεκ`ςϩιμι `ννουμουϯ ϫε πεςραν ϫε ςαρα αλλα ὲρε πεςραν ϣωπι ϫε ςαρρα.
Genesis 17:16 ειὲςμου δε ὲρος ουοϩ ειὲϯ νακ `νουϣηρι ὲβολ `μμος ειὲςμου ὲροϥ ουοϩ εϥὲϣωπι ὲϩαν`ϣλολ ουοϩ ϩανουρωου `ντε ϩαν`ϣλολ ευὲὶ ὲβολ `μμοϥ .
Genesis 17:17 ουοϩ αϥϩιτϥ `νϫε αβρααμ ὲϫεν πεϥϩο ουοϩ αϥςωβι ουοϩ πεϫαϥ ϧεν πεϥϩητ εϥϫω `μμος ϫε αν εςὲϣωπι `μφη ὲταϥερ 10 `νρομπι ουοϩ ςαρρα αςερ 9 `νρομπι αν εςὲμιςι .
Genesis 17:18 πεϫε αβρααμ δε ουβε `φνουϯ ϫε ιςμαηλ φαι μαρεϥωνϧ `μθο.
Genesis 17:19 πεϫε `φνουϯ δε `ναβρααμ ϫε αρα ϩηππε ις ςαρρα τεκ`ςϩιμι εςὲμιςι νακ `νουϣηρι ουοϩ εκὲμουϯ ὲπεϥραν ϫε ιςαακ ουοϩ ειὲςεμνι `νταδιαθηκη νεμαϥ ευδιαθηκη `νὲνεϩ εθριϣωπι ναϥ `ννουϯ νεμ πεϥ`ϫροϫ μενενςωϥ .
Genesis 17:20 εθβε ιςμαηλ δε ϩηππε αιςωτεμ ὲροκ ϩηππε αι`ςμου ὲροϥ ουοϩ ειὲ`θρεϥαιαι ουοϩ ειὲ`θρεϥὰϣαι ὲμαϣω 12. `ν`ϣλολ εϥὲ`ϫφωου ουοϩ ειὲτηιϥ ὲουνιϣϯ `ν`ϣλολ .
Genesis 17:21 ταδιαθηκη δε ειὲςεμνητς νεμ ιςαακ φη ὲτε ςαρρα ναμαςϥ νακ `μπαιςηου ϧεν ϯκερομπι .
Genesis 17:22 αϥκην δε εϥςαϫι νεμαϥ ουοϩ αϥϣεναϥ ὲ`πϣωι `νϫε `φνουϯ ὲβολ ϩααβρααμ .
Genesis 17:23 ουοϩ αϥϭι `νϫε αβρααμ `νιςμαηλ πεϥϣηρι νεμ νεϥμες ϧεν ηι τηρου νεμ νεϥϣωπ ϧα ϩατ τηρου νεμ ϩωουτ νιβεν `ντε νιρωμι νη ετϧεν `πηι `ναβρααμ ουοϩ αϥςουβε τουμετατςεβι ϧεν πιςηου `ντε πιὲϩοου ὲτε`μμαυ κατα `φρηϯ ὲτα `φνουϯ ςαϫι νεμαϥ .
Genesis 17:24 αβρααμ δε ναϥχη ϧεν 99. `νρομπι πε ὲταϥςουβε `τςαρξ `ντε τεϥμετατςεβι .
Genesis 17:25 ιςμαηλ δε πεϥϣηρι ναϥχη ϧεν 13. `νρομπι πε ὲταυςουβε `τςαρξ `ντε τεϥμετατςεβι
Genesis 17:26 `ν`ϩρηι δε ϧεν πιςηου `ντε πιὲϩοου ετε`μμαυ εϥςουβητϥ `νϫε αβρααμ νεμ ιςμαηλ πεϥϣηρι .
Genesis 17:27 νεμ νιρωμι τηρου `ντε πεϥηι νεμ νιμες ϧεν ηι νεμ νιϣωπ ϧα ϩατ νιὲβολ ϧεν ϩανγενος `ν`ϣλολ αϥςουβητου .