Genesis 24:1 ουοϩ αβρααμ νε ουϧελλο πε ὲαϥαιαι ϧεν νεϥὲϩοου ουοϩ ὰ `πϭοις `ςμου ὲαβρααμ κατα ςα `νρηϯ νιβεν .
Genesis 24:2 ουοϩ πεϫε αβρααμ `μπεϥὰλου πινιϣϯ `ντε πεϥηι `παρχων `ντε νετενταϥ τηρου ϫε χα τεκϫιϫ ϩα πααλοϫ .
Genesis 24:3 ουοϩ `νταταρκοκ `μ`πϭοις `φνουϯ `ντε `τφε ουοϩ `φνουϯ `ντε `πκαϩι ϩινα `ντεκ`ϣτεμϭι`ςϩιμι `μπαϣηρι ιςαακ ὲβολ ϧεν νιϣερι `ντε νιΧανανεος νη ὲϯϣοπ `νϧητου ὰνοκ .
Genesis 24:4 αλλα εκὲϣενακ ὲπακαϩι νεμ πιμα ὲταιϣωπι `νϧητϥ νεμ ὲϧουν ὲταφυλη ουοϩ εκὲϭι ου`ςϩιμι `μπαϣηρι ιςαακ ὲβολ `μμαυ .
Genesis 24:5 πεϫε πιὰλου δε ναϥ ϫε μηποτε `ντες`ϣτεμουωϣ `νϫε ϯ`ςϩιμι ὲμοϣι νεμηι ϩιφαϩου ὲπαικαϩι `χουωϣ `νταταςθο `μπεκϣηρι ὲπικαϩι ὲτακὶ ὲβολ `νϧητϥ .
Genesis 24:6 πεϫε αβρααμ δε ναϥ ϫε μα`ϩθηκ ὲροκ `μπερταςτο `μπαϣηρι ὲμαυ.
Genesis 24:7 `πϭοις `φνουϯ `ντε `τφε ουοϩ `φνουϯ `ντε `πκαϩι φη ὲταϥολτ ὲβολ ϧεν πηι `ντε παιωτ νεμ ὲβολ ϧεν πικαϩι ὲταυ`ϫφοι `νϧητϥ φη ὲταϥςαϫι νεμηι ουοϩ αϥωρκ νηι εϥϫω `μμος ϫε ειὲϯ `μπαικαϩι νακ νεμ πεκ`ϫροϫ ,`νθοϥ εϥὲταουò `μπεϥαγγελος ϧαϫωκ ουοϩ εκὲϭι `νου`ςϩιμι `μπαϣηρι ιςαακ ὲβολ `μμαυ.
Genesis 24:8 ὲϣωπ δε `ντες`ϣτεμουωϣ `νϫε ϯ`ςϩιμι ὲὶ νεμακ ὲπαικαϩι εκὲϣωπι εκτουβηουτ ὲβολ ϩα πααναϣ μονον ρω `νθοϥ `μπερταςθο `μπαϣηρι ὲμαυ .
Genesis 24:9 ουοϩ ὰ πιὰλου χα τεϥϫιϫ ϧα πααλοϫ `ναβρααμ πεϥϭοις ουοϩ αϥωρκ ναϥ εθβε παιςαϫι .
Genesis 24:10 ουοϩ ὰ πιαλου ϭι `μ10. `νϫαμουλ ὲβολ ϧεν νιϫαμαυλι `ντε πεϥϭοις νεμ ὲβολ ϧεν νιαγαθον τηρου `ντε πεϥϭοις νεμαϥ ουοϩ αϥτωνϥ αϥϣεναϥ ὲϯμεςοποταμια `θβακι `νναχωρ.
Genesis 24:11 ουοϩ αϥ`ϣτε νιϫαμαυλι ςαβολ `νϯβακι ϩιϫεν ϯϣωϯ `μμωου `μ`φναυ `νρουϩι ϩοτε ευνηου ὲβολ `νϫε νηεθμαϩ μωου .
Genesis 24:12 ουοϩ πεϫαϥ ϫε `πϭοις `φνουϯ `μπαϭοις αβρααμ ςουτεν παμωιτ `μπα`μθο ὲβολ `μφοου ουοϩ ὰριουὶ `νουναι νεμ παϭοις αβρααμ .
Genesis 24:13 ϩηππε ὰνοκ ϯòϩι ὲρατ ϩιϫεν ϯϣωϯ `μμωου νιϣερι δε `ντε νη ετϣοπ ϧεν ϯβακι ςενηου ὲβολ ὲμαϩ μωου .
Genesis 24:14 ουοϩ εςὲϣωπι ϯπαρθενος θη ὰνοκ ὲϯναϫος νας ϫε ρεκ τεϩυδρια ϩινα `νταςω ουοϩ `ντεςϫος ϫε ςω ουοϩ ειὲ`τςω` ννεκκεϫαμαυλι ϣατουςω τηρου θαι τε θη ὲτακςεβτωτς `μπεκὰλου ιςαακ ουοϩ `ν`ϧρηι ϧεν φαι ειὲὲμι ϫε ακὶρι `νουναι νεμ παϭοις αβρααμ .
Genesis 24:15 ουοϩ αςϣωπι `μπατεϥϫεκ ναιςαϫι ὲβολ ϧεν πεϥϩητ ουοϩ ϩηππε ις ὲρεβεκκα ναςνηου ὲβολ θηὲταυμαςς `μβαθουηλ `πϣηρι `μμελχα `τ`ςϩιμι `νναχωρ `πςον δε `ναβρααμ ὲρε τεςϩυδρια ϩι τεςναϩβι .
Genesis 24:16 ϯπαρθενος δε νε νανες πε ϧεν πεςϩο ὲμαϣω ουπαρθενος `μπε `ϩλι ςουωνς ὲταςὶ δε ὲϫεν ϯϣωϯ αςμαϩ τεςϩυδρια ουοϩ αςὶ ὲ`πϣωι .
Genesis 24:17 αϥϭοϫι δε ὲβολ ὲ`ϩρας `νϫε πιὰλου ουοϩ πεϫαϥ νας ϫε μα`τςοι `νουκουϫι `μμωου ὲβολ ϧεν τεςϩυδρια .
Genesis 24:18 `νθος δε πεϫας ϫε ςω `πϭοις ουοϩ αςιης `ντοτς αςχα τεςϩυδρια ϩιϫεν πες`ϫφοι ουοϩ ας`τςοϥ ϣατεϥςω.
Genesis 24:19 ουοϩ πεϫας ϫε ειὲτςε νεκκεϫαμαυλι ϣατουςω τηρου.
Genesis 24:20 ουοϩ αςιης `ντοτς αςϫεϣ τεςϩυδρια ὲπιμαν`τςο ουοϩ αςϭοϫι ον ὲϫεν ϯϣωϯ ὲμαϩ μωου ουοϩ αςϯ μωου `ννιϫαμαυλι τηρου.
Genesis 24:21 πιρωμι δε ναϥϯνιατϥ νας πε ουοϩ ναϥχω `νρωϥ πε ὲὲμι ϫε αν ὰ `πϭοις ςουτεν πεϥμωιτ ϣαν `μφη .
Genesis 24:22 αςϣωπι δε ὲταυουω `νϫε νιϫαμαυλι τηρου ευςω ὰ πιρωμι ϭι `νϩανλεον `ννουβ ὲουον ουκιϯ `νϣι ὲπιουαι πιουαι `μμωου νεμ ελιον `ςνουϯ `ννεςϫιϫ ὲουον 10. `νϣι `ννουβ `μμωου .
Genesis 24:23 ουοϩ αϥϣενς ουοϩ πεϫαϥ ϫε `νθο `τϣερι `ννιμ ματαμοι αν ουον τοπος ϧατεν πειωτ εθρεν`μτον `μμον .
Genesis 24:24 ουοϩ πεϫας ναϥ ϫε ὰνοκ `τϣερι `μβαθουηλ ὰνοκ `πϣηρι `μμελχα φη ὲταςμαςϥ `νναχωρ .
Genesis 24:25 ουοϩ πεϫας ναϥ ϫε ουον τοϩ νεμ ςωουβεν ϩαρον ὲναϣωου ουοϩ ονον τοπος εθρεκ`ϣτο ὲρον .
Genesis 24:26 ουοϩ ὲταϥϯμαϯ `νϫε πιρωμι αϥουωϣτ `μ`πϭοις .
Genesis 24:27 ουοϩ πεϫαϥ ϫε `ϥςμαρωουτ `νϫε `πϭοις `φνουϯ `μπαϭοις αβρααμ φη ετε `μπεϥχω `νςωϥ `ντεϥδικεοςυνη νεμ τεϥμεθμηι ὲβολ ϩα παϭοις ὰνοκ δε ὰ `πϭοις ςουτωντ ϩι ουμωιτ ὲϧουν ὲπηι `μ`πςον `μπαϭοις .
Genesis 24:28 ουοϩ αςϭοϫι `νϫε ϯαλου αςταμε να `πηι `ντεςμαυ κατα ναιςαϫι .
Genesis 24:29 ρεβεκκα δε νε ουοντας `μμαυ `νουςον πε ὲπεϥραν πε λαβαν ουοϩ αϥϭοϫι `νϫε λαβαν ὲβολ ϩα πιρωμι ὲβολ ϩιϫεν ϯϣωϯ .
Genesis 24:30 ουοϩ αςϣωπι ϩοτε ὲταϥναυ ὲνιλεον νεμ νιελιον ετοι ὲνενϫιϫ `ντεϥςωνι ουοϩ ὲταϥςωτεμ ὲνενςαϫι `ντε ρεβεκκα τεϥςωνι εςϫω `μμος ϫε παιρηϯ αϥςαϫι νεμηι `νϫε παιρωμι αϥὶ ϩα πιρωμι εϥòϩι ὲρατϥ ϩιϫεν νεϥϫαμαυλι ϩιϫεν ϯϣωϯ .
Genesis 24:31 ουοϩ πεϫαϥ ναϥ ϫε ὰμου ὲϧουν `ϥςμαρωουτ `ντε `πϭοις εθβεου `κοϩι ὲρατκ ςαβολ ὰνοκ δε αιςεβτε πιηι νεμ ουμα `ννιϫαμαυλι .
Genesis 24:32 αϥϣεναϥ δε `νϫε πιρωμι ὲϧουν ὲπιηι ουοϩ αϥβωϣ `ννιϫαμαυλι ουοϩ αϥϯ τοϩ νεμ ςωουβεν `ννιϫαμαυλι ουοϩ αϥϯ μωου εθρεϥια νεϥϭαλαυϫ νεμ νιϭαλαυϫ `ντε νιρωμι εθνεμαϥ .
Genesis 24:33 ουοϩ αϥχα ωικ ϧαρωου ὲουωμ ουοϩ πεϫαϥ ϫε `νναουωμ ϣαϯουω ειϫω `νναςαϫι ουοϩ πεϫωου ναϥ ϫε ςαϫι .
Genesis 24:34 ουοϩ πεϫαϥ ϫε ὰνοκ παλου `ναβρααμ ὰνοκ.
Genesis 24:35 `πϭοις δε αϥ`ςμου ὲπαϭοις ὲμαϣω ουοϩ αϥϭιςι ουοϩ αϥϯ ναϥ `νϩανὲςωου νεμ ϩανμαςι ουνουβ νεμ ουϩατ ϩανβωκ νεμ ϩανβωκι νεμ ϩανϫαμαυλι νεμ ϩανεϩευ .
Genesis 24:36 ουοϩ ςαρρα `τ`ςϩιμι `μπαϭοις αςμες ουϣηρι `μ`πϭοις μενενςα `ϧρεϥερϧελλο ουοϩ αϥϯ ναϥ `ννη ὲναυ `νταϥ τηρου .
Genesis 24:37 ουοϩ ὰ παϭοις ταρκοι εϥϫω `μμος ϫε `ννεκϭι`ςϩιμι `μπαϣηρι ὲβολ ϧεν νιϣερι `ντε νιΧανανεος νηεϯοι `νρεμ`νϫωιλι ὰνοκ ϧεν πουκαϩι .
Genesis 24:38 αλλα εκὲϣενακ ὲϧουν ὲπηι `ντε παιωτ νεμ ταφυλη ουοϩ εκὲϭι `νου`ςϩιμι `μπαϣηρι ὲβολ `μμαυ .
Genesis 24:39 πεϫηι δε `μπαϭοις ϫε μηποτε `ντες`ϣτεμουωϣ `νϫε ϯ`ςϩιμι ὲὶ νεμηι .
Genesis 24:40 ουοϩ πεϫαϥ νηι ϫε `πϭοις φη ὲταιραναϥ `μπεϥ`μθο `νθοϥ εϥὲταουο `μπεϥαγγελος νεμακ ουοϩ εϥὲςουτεν πεκμωιτ ουοϩ εκὲϭι `νου`ςϩιμι `μπαϣηρι ὲβολ ϧεν ταφυλη νεμ ὲβολ ϧεν πηι `μπαιωτ .
Genesis 24:41 τοτε εκὲϣωπι εκτουβηουτ ὲβολ ϩα παςαϩουι ὲϣωπ γαρ ακϣανὶ ὲταφυλη ουοϩ `ντου`ϣτεμϯ νακ εκεϣωπι εκτουβηουτ ὲβολ ϩα πααναϣ .
Genesis 24:42 ουοϩ ὲταιὶ `μφοου ὲϧρηι ὲϫεν ϯϣωϯ πεϫηι ϫε `πϭοις `φνουϯ `μπαϭοις αβρααμ ιςϫε `χναςουτων παμωιτ φαι ϯνου ὲϯμοϣι ϩιωτϥ .
Genesis 24:43 ϩηππε ὰνοκ ϯòϩι ὲρατ ϩιϫεν ϯϣωϯ `μμωου νιϣερι δε `ντε νιρωμι `ντε ϯβακι ςενηου ὲβολ ὲμαϩ μωου ουοϩ εςὲϣωπι ϯπαρθενος θη ὰνοκ ὲϯναϫος νας ϫε μα`τςοι `νουκουϫι `μμωου ὲβολ ϧεν τεϩυδρια ουοϩ `ντεςϫος νηι .
Genesis 24:44 ϫε `νθοκ ςω ουοϩ ειὲ`τςο `ννεκκεϫαμαυλι θαι τε ϯ`ςϩιμι θη ὲταϥςεβτωτς `νϫε `πϭοις `μπεϥαλου ιςαακ ουοϩ `ν`ϧρηι ϧεν φαι ειὲὲμι ϫε ακὶρι `νουναι νεμ παϭοις αβρααμ .
Genesis 24:45 ουοϩ αςϣωπι `μπαϯϫεκ ναιςαϫι ὲβολ ϧεν παϩητ ςατοτς ις ρεβεκκα ναςνηου ὲβολ ὲρε τεςϩυδρια ϩι τεςναϩβι ουοϩ αςὶ ὲϫεν ϯϣωϯ αςμαϩ μωου .
Genesis 24:46 ουοϩ πεϫηι νας ϫε μα`τςοι ουοϩ αςιης αςχω `ντεςϩυδρια ὲπεςητ ὲβολ ϩιϫως ὲϫεν πες`ϫφοι ουοϩ πεϫας ϫε ςω `νθοκ ουοϩ ειὲ`τςο `ννεκκεϫαμαυλι.
Genesis 24:47 ουοϩ αιϣενς πεϫηι δε ϫε `νθο `τϣερι `ννιμ `νθος δε πεϫας ϫε ὰνοκ `τϣερι `μβαθουηλ `πϣηρι `νναχωρ φηὲτα μελχα μαςϥ ναϥ ουοϩ αιϯ `νναιλεον ὲρος νεμ ναιελιον ὲνεςϫιϫ .
Genesis 24:48 ουοϩ ὲταιϯμαϯ αιουωϣτ `μ`πϭοις ουοϩ αι`ςμου ὲ`πϭοις `φνουϯ `μπαϭοις αβρααμ φη ὲταϥϭιμωιτ νηι ϧεν ουμωιτ `ντε ουμεθμηι ὲϭι `ν`τϣερι `μ`πςον `μπαϭοις `μπεϥϣηρι .
Genesis 24:49 ιςϫε ουν τετενναὶρι `νθωτεν `νουναι νεμ ουμεθμηι νεμ παϭοις ματαμοι ιςϫε δε `μμον ματαμοι ϩινα `ντακοττ ὲουιναμ ιε ϫαϭη .
Genesis 24:50 αϥερουω δε `νϫε λαβαν νεμ βαθουηλ πεϫωου ϫε ὲταϥὶ ὲβολ ϩιτεν `πϭοις `νϫε παιϩωβ τεννα`ϣϫεμϫομ αν ουν ὲϯ ὲϧουν ὲϫωκ `νουπετϩωου ϧα ουπεθνανεϥ .
Genesis 24:51 ϩηππε ις ρεβεκκα `ςχη `μπεκ`μθο ϭιτς μαϣενακ ουοϩ μαρεςερ`ςϩιμι `μπεκϭοις κατα `φρηϯ ὲτα `πϭοις ςαϫι .
Genesis 24:52 αςϣωπι δε ϧεν `πϫιν`θρεϥςωτεμ `νϫε παλου `ναβρααμ ὲναιςαϫι αϥουωϣτ `μ`πϭοις ϩιϫεν `πκαϩι .
Genesis 24:53 ουοϩ ὰ πιαλου εν ϩαν`ςκευος `νϩατ ὲβολ νεμ ουνουβ νεμ ουϭι`ϩβος αϥτηιτου `νρεβεκκα ουοϩ ϩανταιο αϥτηιτου `μπεςςον νεμ τεςμαυ.
Genesis 24:54 ουοϩ αυουωμ ουοϩ αυςω `νθοϥ νεμ νιρωμι εθνεμαϥ ουοϩ αυ`νκοτ ουοϩ ὲταϥτωνϥ `ντοουὶ πεϫαϥ ϫε μα`τφοι ϩινα `νταϣενηι ϩα παϭοις .
Genesis 24:55 πεϫε νες`ςνηου δε νεμ τεςμαυ ϫε μαρε ϯπαρθενος ϣωπι νεμαν `μ10. `νὲϩοου ουοϩ μενενςα ναι εςὲϣενας .
Genesis 24:56 `νθοϥ δε πεϫαϥ νωου ϫε `μπερταϩνο `μμοι ὰ `πϭοις ςουτων παμωιτ μα`τφοι ϩινα `νταϣενηι ϩα `πϭοις.
Genesis 24:57 `νθωου δε πεϫωου ϫε μαρενμουϯ ὲϯαλου `ντενϣενς ὲφαρως.
Genesis 24:58 ουοϩ αυμουϯ ὲρεβεκκα πεϫωου νας ϫε αν τεραϣενε νεμ παιρωμι `νθος δε πεϫας ϫε ϯναϣενηι.
Genesis 24:59 ουοϩ αυ`τφε ρεβεκκα τουςωνι ὲβολ νεμ νεςϩυπαρχοντα νεμ πιαλου `ντε αβρααμ νεμ νηεθνεμαϥ .
Genesis 24:60 ουοϩ αυ`ςμου ὲρεβεκκα τουςωνι ουοϩ πεϫωου νας ϫε `νθο τενςωνι ϣωπι ὲϩανϣο `ν`θβα ουοϩ μαρε πε`ϫροϫ ερ`κληρονομιν `ννιβακι `ντε νη ετϯ ουβη .
Genesis 24:61 αςτωνς δε `νϫε ρεβεκκα νεμ νεςεβιαικ αυαληι ὲνιϫαμαυλι ουοϩ αυϣενωου νεμ πιρωμι ουοϩ ὰ πιαλου ελ ρεβεκκα ουοϩ αϥϣεναϥ .
Genesis 24:62 ιςαακ δε ναϥμοϣι πε ὲβολ ϩιτεν `πϣαϥε ϧατεν `τϣωϯ `μ`φναυ `νθοϥ δε ναϥϣοπ πε ϧατεν πικαϩι ετςα μεμεντ.
Genesis 24:63 ουοϩ αϥὶ ὲβολ `νϫε ιςαακ εςνηινι ϧεν `τκοι `μ`φναυ `νρουϩι ουοϩ ὲταϥϫουϣτ `ννεϥβαλ αϥναυ ὲϩανϫαμαυλι ευνηου.
Genesis 24:64 ουοϩ ὲταςϫουϣτ ὲ`πϣωι `ννεςβαλ `νϫε ρεβεκκα αςναυ ὲιςαακ ουοϩ αςὶ ὲπεςητ ὲβολ ϩι ϯϫαμαυλι ουοϩ πεϫας `μπιαλου .
Genesis 24:65 ϫε παιρωμι νιμ πε εττη ετςωκ ὲϧουν ὲ`ϩραν ϧεν `τκοι πεϫε πιαλου δε ϫε φαι πε παϭοις ιςαακ αςϭι δε `μπεςερϣω `ναςϫολϩς `μμοϥ .
Genesis 24:66 ουοϩ ὰ πιαλου ςαϫι ϧατεν ιςαακ `ννιςαϫι τηρου ὲταϥαιτου .
Genesis 24:67 αϥϣεναϥ δε `νϫε ιςαακ ὲϧουν ὲπηι `νςαρρα τεϥμαυ ουοϩ αϥϭι `νρεβεκκα ουοϩ αςϣωπι ναϥ ευ`ςϩιμι ουοϩ αϥμενριτς ουοϩ αυϯνομϯ `νιςαακ εθβε ςαρρα τεϥμαυ .