Genesis 29:1 ουοϩ αϥϥαι `ννεϥφατ `νϫε ιακωβ αϥϣεναϥ ὲπικαϩι ετςαπειεβτ ϩα λαβαν `πϣηρι `μβαθουηλ πιςυρος `πςον δε `νρεβεκκα `θμαυ `νιακωβ νεμ ηςαυ.
Genesis 29:2 ουοϩ αϥναυ ουοϩ ϩηππε ις ουϣωϯ `ναςχη ϧεν `τκοι ναψυχη δε `μμαυ `νϫε 3. `νòϩι `νὲςωου ευμοτεν `μμωου ϩιϫως ὲβολ γαρ ϧεν ϯϣωϯ ὲτε`μμαυ ϣαυ`τςο `ννιὲςωου νε ουον ουνιϣϯ δε `νωνι `τοι ὲρως `νϯϣωϯ.
Genesis 29:3 ουοϩ νε ϣαυθωουϯ τηρου ὲμαυ `νϫε νιμανὲςωου ουοϩ `ντου`ςκερκερ `μπιωνι ὲβολ ϩιρως `νϯϣωϯ ουοϩ ϣαυ`τςο `ννιὲςωου ουοϩ ϣαυταςθο `μπιωνι ὲρως `νϯϣωϯ ὲπεϥμα.
Genesis 29:4 πεϫε ιακωβ δε νωου ϫε να`ςνηου `νθωτεν ϩαν ὲβολ θων `νθωου δε πεϫωου ϫε ὲβολ ϧεν Χαρραν.
Genesis 29:5 πεϫαϥ δε νωου ϫε αν τετενςωουν `νλαβαν `πϣηρι `νναμωρ `νθωου δε πεϫωου ϫε τενςωουν `μμοϥ .
Genesis 29:6 πεϫαϥ δε νωου ϫε αν `ϥονϧ `νθωου δε πεϫωου ϫε `ϥονϧ ὲτι εϥςαϫι νεμωου ϩηππε ις ραχηλ τεϥϣερι να`ςνηου ὲβολ νεμ νιὲςωου `ντε πεςιωτ.
Genesis 29:7 ουοϩ πεϫε ιακωβ ϫε ὲτι `ϥϣοπ `νϫε ουὲϩοου εϥοϣ `μπατε `φναυ ϣωπι `νθουετ νιτεβνωουὶ μα`τςε νιὲςωου μαϣενωτεν μονι .
Genesis 29:8 `νθωου δε πεϫωου ϫε τεννα`ϣϫεμϫομ αν ϣα `ντουθωουϯ `νϫε νιμανὲςωου τηρου ουοϩ `ντου`ςκερκερ `μπιωνι ὲβολ ϩιρως `νϯϣωϯ ουοϩ `ντεν`τςε νιὲςωου.
Genesis 29:9 ὲτι εϥςαϫι νεμωου ις ραχηλ `τϣερι `νλαβαν ναςνηου νεμ νιὲςωου `ντε πες`νθος γαρ ναςμονι `ννιὲςωου `ντε πεςιωτ.
Genesis 29:10 αςϣωπι δε ὲταϥναυ `νϫε ιακωβ ὲραχηλ `τϣερι `νλαβαν `πςον `ντεϥμαυ νεμ νιὲςωου `ντε λαβαν `πςον `ντεϥμαυ αϥτωνϥ `νϫε ιακωβ αϥ`ςκερκερ `μπιωνι ὲβολ ϩιρως `νϯϣωϯ ουοϩ αϥ`τςε νιὲςωου `ντε λαβαν `πςον `ντεϥμαυ .
Genesis 29:11 ουοϩ ὰ ιακωβ μενρε ραχηλ ουοϩ αϥωϣ ὲβολ ϧεν τεϥ`ςμη αϥριμι.
Genesis 29:12 ουοϩ αϥταμε ραχηλ ϫε `πςον `μπεςιωτ πε ουοϩ ϫε `πϣηρι `νρεβεκκα πε ουοϩ αςϭοϫι αςταμε πεςιωτ κατα ναιςαϫι .
Genesis 29:13 αςϣωπι δε ὲταϥςωτεμ `νϫε λαβαν ὲ`φραν `νιακωβ `πϣηρι `ντεϥςωνι αϥϭοϫι ὲβολ ὲ`ϩραϥ ουοϩ αϥαμαληϫ ὲροϥ αϥϯφι ὲρωϥ ουοϩ αϥενϥ ὲϧουν ὲπεϥηι αϥςαϫι δε `νϫε ιακωβ `νναιςαϫι τηρου ϧατεν λαβαν.
Genesis 29:14 ουοϩ πεϫε λαβαν ναϥ ϫε `νθοκ ου ὲβολ ϧεν νακας `νθοκ νεμ ὲβολ ϧεν ταςαρξ ουοϩ ναϥχη νεμαϥ πε `νουαβοτ `νὲϩοου.
Genesis 29:15 πεϫε λαβαν δε `νιακωβ ϫε `ννεκερβωκ νηι `νϫινϫη ϫε ουηι `νθοκ παςον ματαμοι ϫε πεκβεχε ου πε.
Genesis 29:16 νε ουον `ντε λαβαν `τϣερι `ςναυϯ `μμαυ πε `φραν `νϯνιϣϯ πε λια ουοϩ `φραν `νϯκουϫι πε ραχηλ.
Genesis 29:17 λια δε νε ουϫαιη `νιατς τε ραχηλ δε νε νανες πε ϧεν πες`ςμοτ ουοϩ ὲνεςως πε ϧεν πεςϩο ὲμαϣω.
Genesis 29:18 ιακωβ δε αϥεραγαπαν `νραχηλ ουοϩ πεϫαϥ ϫε ϯναερβωκ νακ `ν7 `νρομπι εθβε ραχηλ τεκκουϫι `νϣερι .
Genesis 29:19 πεϫε λαβαν δε ναϥ ϫε νανες ὲτηις νακ ὲϩοτε ὲτηις `νκερωμι ϣωπι νεμηι .
Genesis 29:20 ουοϩ αϥερβωκ `νϫε ιακωβ εθβε ραχηλ `ν7 `νρομπι ουοϩ ναυχη `μπεϥ`μθο πε `μ`φρηϯ `νϩανκουϫι ``νὲϩοου ϫε ναϥεραγαπαν `μμος πε.
Genesis 29:21 πεϫε ιακωβ δε `νλαβαν ϫε μα τα`ςϩιμι νηι αυϫωκ γαρ ὲβολ `νϫε ναὲϩοου ϩινα `νταϣενηι ὲϧουν ϩαρος.
Genesis 29:22 ὰ λαβαν δε θουετ νιρωμι `ντε πιμα ὲτε`μμαυ ουοϩ αϥὶρι `νουϩοπ.
Genesis 29:23 ουοϩ αςϣωπι ὲτα ρουϩι ϣωπι ὰ λαβαν ελ λια τεϥϣερι ὲϧουν ϩα ιακωβ ουοϩ ὰ ιακωβ ϣεναϥ ὲϧουν ϩαρος .
Genesis 29:24 ὰ λαβαν δε ϯ `νζελφα τεϥβωκι `νλια τεϥϣερι ὲουβωκι νας .
Genesis 29:25 αςϣωπι δε ὲτα τοουὶ ϣωπι ουοϩ ϩηππε νε λια τε πεϫε ιακωβ δε `νλαβαν; ϫε ου πε φαι ὲτακαιϥ νηι μη νεταιερβωκ νακ αν εθβε ραχηλ εθβεου ακϣεβτ πεκςαϫι.
Genesis 29:26 πεϫε λαβαν δε ϫε `μπαςϣωπι `μπαιρηϯ ϧεν πενμα ὲϯ `νϯκουϫι `μπατενϯ `νϯνιϣϯ.
Genesis 29:27 ϫεκ `π7 ουν `νθαι ὲβολ ουοϩ ειὲϯ `νϯχεϯ νακ ὲ`φμα `μπιϩωβ ὲτεκνααιϥ νεμηι `νκε 7 `νρομπι .
Genesis 29:28 αϥὶρι δε `νϫε ιακωβ `μπαιρηϯ ουοϩ αϥϫεκ `π7 `ντε θαι ὲβολ ουοϩ ὰ λαβαν ϯ `νραχηλ τεϥϣερι ναϥ ὲου`ςϩιμι .
Genesis 29:29 ὰ λαβαν δε ϯ `μβαλλα τεϥβωκι `νραχηλ τεϥϣερι ὲουβωκι νας.
Genesis 29:30 ουοϩ αϥϣεναϥ ὲϧουν ϩα ραχηλ αϥμενρε ραχηλ δε ὲϩοτε λια ουοϩ αϥερβωκ ναϥ `νκε7 `νρομπι .
Genesis 29:31 ὲταϥναυ δε `νϫε `πϭοις `φνουϯ ϫε ςεμοςϯ `νλια αϥουων `ντεςτοϯ ραχηλ δε `νθος νε ουαϭρην τε.
Genesis 29:32 αςερβοκι δε `νϫε λια ουοϩ αςμιςι `νουϣηρι `νιακωβ ουοϩ αςϯρεν πεϥραν ϫε ρουβην εςϫω `μμος ϫε ὰ `πϭοις ϫουϣτ ὲπαθεβιο αϥϯ `νουϣηρι νηι ϯνου `ϥναμενριτ `νϫε παϩαι .
Genesis 29:33 ουοϩ αςερβοκι ον `νϫε λια αςμιςι `μπιϣηρι `μμαϩ 2. `νιακωβ ουοϩ πεϫας ϫε ὰ `πϭοις ςωτεμ ϫε ςεμοςϯ `μμοι ουοϩ αϥϯ `μπαιχετ νηι ουοϩ αςϯρεν πεϥραν ϫε ςυμεων .
Genesis 29:34 ουοϩ αςερβοκι ὲτι `νϫε λια ουοϩ αςμιςι `νουϣηρι ουοϩ πεϫας ϫε ϧεν παιςηου `ντε ϯνου εϥὲϣωπι ϩαροι `νϫε παϩαι αιμιςι γαρ ναϥ `ν3. `νϣηρι εθβε φαι αςϯρεν πεϥραν ϫε λευι .
Genesis 29:35 ουοϩ αςερβοκι ὲτι `νϫε λαι αςμιςι `νουϣηρι ουοϩ πεϫας ϫε ϯνου ϧεν φαι ειὲουωνϩ ὲβολ `μ`πϭοις εθβεφαι αςϯρεν πεϥραν ϫε ιουδας ουοϩ αςòϩι ὲ`ϣτεμμιςι.