Genesis 34:1 αςὶ δε ὲβολ `νϫε δινα `τϣερι `νλια θη ὲταςμαςς `νιακωβ ὲναυ ὲνιϣερι `ντε πιμα ὲτε`μμαυ.
Genesis 34:2 ουοϩ αϥναυ ὲρος `νϫε ςυχεμ `πϣηρι `νεμμωρ πιΧορρεος `παρχων `ντε πικαϩι ουοϩ αϥολς αϥενκοτ νεμας ουοϩ αϥθεβιος.
Genesis 34:3 ουοϩ αϥϯ`ϩθηϥ ϧεν τεϥψυχη ὲδινα `τϣερι `νιακωβ ουοϩ αϥμενρε ϯπαρθενος ουοϩ αϥςαϫι κατα `πϩητ `νϯπαρθενος.
Genesis 34:4 πεϫε ςυχεμ δε `νεμμωρ πεϥιωτ εϥϫω `μμος ϫε ϭι `νταιὰλου νηι `νου`ςϩιμι.
Genesis 34:5 ιακωβ δε αϥςωτεμ ϫε ὰ ςυχεμ `πϣηρι `νεμμωρ ςεϥ δινα τεϥϣερι ναρε νεϥϣηρι δε χη ϧεν `τκοι νεμ νουτεβνωουὶ αϥχαρωϥ δε `νϫε ιακωβ ϣατουι ὲ`ϩρηι ϧεν `τκοι .
Genesis 34:6 αϥὶ δε ὲβολ `νϫε εμμωρ `φιωτ `νςυχεμ ϩα ιακωβ ὲςαϫι νεμαϥ.
Genesis 34:7 νενϣηρι δε `νιακωβ αυὶ ὲ`ϩρηι ϧεν `τκοι ὲταυςωτεμ δε αυτωμτ `νϫε νιρωμι ουοϩ ὰ πουϩητ `μκαϩ ὲμαϣω ϫε ουϩωβ `νϣιπι αϥαιϥ `νϫε ςυχεμ ϧεν πιςραηλ ὲαϥενκοτ νεμ `τϣερι `νιακωβ ουοϩ `ννεςϣωπι `μπαιρηϯ.
Genesis 34:8 ουοϩ αϥςαϫι νεμωου `νϫε εμμωρ `φιωτ `νςυχεμ εϥϫω `μμος ϫε παϣηρι ςυχεμ `ϥουωϣ τετενϣερι ϧεν τεϥψυχη μηις ουν ναϥ ευ`ςϩιμι.
Genesis 34:9 αριϣομ ὲρον νετενϣερι μηιτου ναν ουοϩ νενϣερι ϭιτου `ννετενϣηρι ὲϩανϩιομι.
Genesis 34:10 ουοϩ ϣωπι `ν`ϧρηι `νϧητεν ουοϩ ις πικαϩι `ϥουεςθων `μπετεν`μθο ϣωπι `νϧητϥ ουοϩ αρι ιεβϣωτ ϩιϫωϥ ουοϩ `ϫφο `νϧητϥ.
Genesis 34:11 πεϫε ςυχεμ δε `μπεςιωτ νεμ νες`ςνηου ϫε αιϫεμ ου`ϩμοτ `μπετεν`μθο φη ὲτετενναϫοϥ τεννατηιϥ.
Genesis 34:12 ματαϣε τες`ϭρηϫι ὲμαϣω ουοϩ ϯνατηιϥ `μ`φρηϯ ὲτετενναϫοϥ ουοϩ ερετενεϯ `νταιὰλου νηι ευ`ςϩιμι.
Genesis 34:13 αυερουω δε `νϫε νενϣηρι `νιακωβ `νςυχεμ νεμ εμμωρ πεϥιωτ ϧεν ου`χροϥ, ουοϩ αυςαϫι νεμωου ϫε αυςεϥ δινα τουςωνι.
Genesis 34:14 ουοϩ πεϫε ςυμεων νεμ λευι νωου νεν`ςνηου `νδινα νενϣηρι `νλια ϫε `μμον `ϣϫομ `μμον ὲὶρι `μπαιςαϫι ὲϯ `ντενςωνι `νουατςεβι `νρωμι ουϣιπι γαρ ναν πε.
Genesis 34:15 ϧεν φαι ενὲὶνι `μμωτεν ουοϩ ενὲϣωπι ϧεν θηνου ὲϣωπ `ντετενερπενρηϯ ϩων ϩινα `ντετενςουβε νετενϩωουτ τηρου.
Genesis 34:16 ουοϩ τενναϯ `ννενϣερι νωτεν ουοϩ τενναϭι`ςϩιμι ναν ὲβολ ϧεν νετενϣερι ουοϩ ενὲϣωπι ϧατεν θηνου ουοϩ ενὲερ `ν`φρηϯ `νουγενος `νουωτ.
Genesis 34:17 ὲϣωπ δε `ντετεν`ϣτεμςωτεμ `νςων ὲςουβε θηνου τενναϭι `ντενϣερι `ντενϣεναν.
Genesis 34:18 ουοϩ ὰ νιςαϫι ραναϥ `μπε`μθο `νεμμωρ νεμ `πεκ`μθο `νςυχεμ πεϥϣηρι.
Genesis 34:19 ουοϩ `μπεϥςωκ `νϫε πιϧελϣιρι ὲὶρι `μπαιςαϫι ναϥϯμαϯ γαρ πε ὲϫεν `τϣερι `νιακωβ `νθοϥ δε ναϥταιηουτ ὲϩοτε ουον νιβεν ετϧεν `πηι `μπεϥιωτ.
Genesis 34:20 αϥὶ δε `νϫε εμμωρ νεμ ςυχεμ πεϥϣηρι ϧατεν ϯπυλη `ντε τουβακι ουοϩ αυςαϫι νεμ νιρωμι `ντε ϯβακι ευϫω `μμος.
Genesis 34:21 ϫε ναιρωμι ϩανϩιρηνηκος νε μαρουϣωπι νεμαν ϩιϫεν πικαϩι ουοϩ μαρουεριεβϣωτ `νϧητϥ πικαϩι δε ϩηππε `ϥουεςθων `μπου`μθο ουοϩ νουϣερι τενναϭιτου ναν ὲϩανϩιομι ουοϩ νενϣερι τεννατηιτου νωου.
Genesis 34:22 μονον ϧεν φαι ςεναὶνι `μμον `νϫε ναιρωμι εθρουϣωπι νεμαν ϩωςτε ὲϣωπι `νουλαος `νουωτ ϩινα `ντενςουβε νενϩωουτ τηρου ϫε `νθωου ϩωου ςεςουβητ.
Genesis 34:23 ουοϩ νουτεβνωουὶ νεμ νου`ϥτεφατ νεμ νουϩυπαρχοντα τηρου μη αυναϣωπι ναν αν μονον ϧεν φαι μαρενὶνι `μμωου ουοϩ ςεναϣωπι νεμαν.
Genesis 34:24 ουοϩ αυςωτεμ `νςα εμμωρ νεμ ςυχεμ πεϥϣηρι `νϫε ουον νιβεν ετνηου ὲβολ ϧεν ϯπυλη `ντε τουβακι ουοϩ ὰ νουϩωουτ τηρου ςουβε `τςαρξ `ντε τουμετατςεβι.
Genesis 34:25 αςϣωπι δε `ν`ϧρηι ϧεν πιὲϩοου `μμαϩ 3. ευ `ν`ϧρηι ϧεν πι`μκαϩ αυϭι `νϫε `πϣηρι 2. `νιακωβ ςυμεων νεμ λευι νι`ςνηου `ντε δινα `φουαι `φουαι `ντεϥςηϥι ουοϩ αυὶ ὲ`ϧρηι ὲϯβακι ὲρε τοτου ταϫρηουτ ουοϩ αυϧωτεβ `ννιϩωουτ τηρου.
Genesis 34:26 ουοϩ εμμωρ νεμ ςυχεμ πεϥϣηρι αυϧοθβου ϧεν ρως `ντςηϥι ουοϩ αυϭι `νδινα τουςωνι ὲβολ ϧεν `πηι `νςυχεμ ουοϩ αυὶ ὲβολ.
Genesis 34:27 αυὶ δε `νϫε νενϣηρι `νιακωβ ὲ`ϩρηι ὲϫεν νιϧωτεβ ουοϩ αυϩωλεμ `νϯβακι θη ὲταυςεϥ δινα τουςωνι `νϧητς.
Genesis 34:28 ουοϩ νουὲςωου νεμ νουὲϩωου νεμ νουεευ νεμ `νχαι νιβεν ετϧεν ϯβακι νεμ νη ετϧεν νουηου νεμ νη τηρου ετχη ϧεν `τκοι αυολου.
Genesis 34:29 νεμ νουςωμα τηρου νεμ πουςοβϯ τηρϥ ουοϩ νουϩιομι αυερεχμαλωτευιν `μμωου ουοϩ αυϩωλεμ νενχαι νιβεν ετϧεν ϯβακι νεμ ϩωβ νιβεν ετϧεν νιηι.
Genesis 34:30 πεϫε ιακωβ δε `νςυμεων νεμ λευι ϫε ὰτετεναιτ `νϣουμοςϯ ϩωςτε `νταϣωπι ειϩωου `νουον νιβεν ετϣοπ ϩιϫεν παικαϩι `ν`ϧρηι ϧεν νιΧανανεος νεμ νιφερεςςος ὰνοκ δε ϯ`ςβοκ ϧεν ταηπι ουοϩ ςεναθωουϯ ὲροι ουοϩ ςεναϭετϭωτ ουοϩ `νταϥωϯ ὲβολ ὰνοκ νεμ παηι.
Genesis 34:31 ουοϩ πεϫωου ϫε αλλα αυναὶρι `ντενςωνι `μ`φρηϯ `νουπορνη.