Genesis 39:1 ιωςηφ δε αυενϥ ὲ`ϧρηι ὲχημι ουοϩ αϥϣοπϥ `νϫε πετεφρη πιςιουρ `ντε φαραω πεϥαρχιμαγιρος ουρωμι `νρεμ`νχημι ὲβολ ϧεν νενϫιϫ `ννιιςμαηλιτης νη ὲταυενϥ ὲ`ϧρηι ὲμαυ.
Genesis 39:2 ουοϩ ναρε `πϭοις χη νεμ ιωςηφ ουοϩ νε ουον ουρωμι πε εϥϯμαϯ ουοϩ αϥϣωπι ϧεν πιηι ϧατεν πεϥϭοις πιρεμ`νχημι.
Genesis 39:3 ναϥὲμι δε `νϫε πεϥϭοις ϫε `πϭοις χη νεμαϥ ουοϩ ϩωβ νιβεν ὲϣαϥαιτου ϣαρε `πϭοις ςουτεν πιμωιτ ϧεν νεϥϫιϫ.
Genesis 39:4 ουοϩ αϥϫεμ ου`ϩμοτ `νϫε ιωςηφ ναϩρεν πεϥϭοις αϥραναϥ δε ουοϩ αϥχαϥ ὲϫεν πεϥηι ουοϩ ϩωβ νιβεν ὲτενταϥ αϥτηιτου ὲ`ϧρηι ετϫιϫ `νιωςηφ.
Genesis 39:5 αςϣωπι δε μενενςα `θρεϥχαϥ ὲϫεν πεϥηι νεμ νετενταϥ τηρϥ ουοϩ ὰ `πϭοις `ςμου ὲ`πηι `μ`πρεμ`νχημι εθβε ιωςηφ ουοϩ ὰ `π`ςμου `μ`πϭοις ϣωπι ϧεν νεϥϩυπαρχοντα τηρου ϧεν πεϥηι νεμ ϧεν `τκοι.
Genesis 39:6 ουοϩ αϥταςθο `νϩωβ νιβεν `νταϥ ὲνενϫιϫ `νιωςηφ ουοϩ ναϥςωουν `ν`ϩλι αν πε ὲβολ ϧεν πετενταϥ ὲβηλ ὲπιωικ ὲναϥουωμ ουοϩ ιωςηφ νε νανεϥ πε ϧεν πεϥ`ςμοτ ουοϩ ὲνεςωϥ πε ϧεν πεϥϫο ὲμαϣω.
Genesis 39:7 ουοϩ αςϣωπι μενενςα ναιςαϫι ὰ `τ`ςϩιμι `μπεϥϭοις εν νεςβαλ ὲϫεν ιωςηφ ουοϩ πεϫας ναϥ ϫε `νκοτ νεμηι.
Genesis 39:8 `νθοϥ δε `μπεϥουωϣ πεϫαϥ δε `ν`τ`ςϩιμι `μπεϥϭοις ϫε ιςϫε παϭοις ςωουν `ν`ϩλι αν ϧεν πεϥηι εθβητ ουοϩ πετενταϥ αϥτηιϥ ὲ`ϧρηι ὲναϫιϫ.
Genesis 39:9 ουοϩ `μμον `ϩλι εϥϭοςι ὲροι ϧεν παιηι ουδε `μμον `ϩλι εϥϩηπ ὲροι ὲβηλ ὲρο `μμαυαϯ ϫε `νθο τεϥ`ςϩιμι ουοϩ πως ϯναερ παιςαϫι ετϩωου ουοϩ `νταερνοβι `μπε`μθο `μ`φνουϯ.
Genesis 39:10 αςϣωπι δε ὲςαϫι νεμ ιωςηφ `νὲϩοου ϧα`τϩη `νὲϩοου ουοϩ `μπεϥςωτεμ `νςως ὲενκοτ νεμας ὲ`πϫινϣωπι νεμας.
Genesis 39:11 ὰ ουὲϩοου δε ϣωπι `μπαιρηϯ αϥὶ `νϫε ιωςηφ ὲϧουν ὲπιηι ὲὶρι `ννεϥ`ϩβηουὶ ουοϩ νε `μμον `ϩλι ὲϧουν ϧεν πιηι.
Genesis 39:12 ουοϩ αςμολϫς ὲνεϥ`ϩβως αςβαϣϥ `μμωου εςϫω `μμος ϫε `νκοτ νεμηι ουοϩ αϥςωϫπ `ννεϥ`ϩβως ϧεν νεςϫιϫ αϥφωτ ουοϩ αϥὶ ὲβολ.
Genesis 39:13 ουοϩ αςϣωπι ὲταςναυ ϫε αϥςωϫπ `ννεϥ`ϩβως ϧεν νεςϫιϫ ουοϩ αϥφωτ αϥι ὲβολ.
Genesis 39:14 αςμουϯ ὲνη ετϧεν πιηι ουοϩ πεϫας νωου ϫε αναυ αϥεν ουὰλου `νϩεβρεος ὲϧουν ϩαρον ὲςωβι `μμον αϥὶ ὲϧουν ϩαροι εϥϫω `μμος ϫε `νκοτ νεμηι ουοϩ αιωϣ ὲβολ ϧεν ουνιϣϯ `ν`ςμη.
Genesis 39:15 ϧεν `πϫιν`θρεϥςωτεμ δε ϫε αιϭιςι `ντα`ςμη ουοϩ αιωϣ ὲβολ αϥςωϫπ `ννεϥ`ϩβως `ντοτ αϥφωτ ουοϩ αϥϣεναϥ ὲβολ.
Genesis 39:16 ουοϩ αςχα νι`ϩβως `ντοτς ϣατε πεϥϭοις ὶ ὲϧουν ὲπεϥηι.
Genesis 39:17 ουοϩ αςςαϫι νεμαϥ κατα ναιςαϫι εςϫω `μμος ϫε αϥὶ ϩαροι `νϫε πεκὰλου `νϩεβρεος φαι ὲτακενϥ ὲϧουν ϩαρον ὲςωβι `μμοι ουοϩ πεϫαϥ νηι ϫε `νκοτ νεμηι.
Genesis 39:18 ὲταϥςωτεμ δε ϫε αιϭιςι `ντα`ςμη ουοϩ αιωϣ ὲβολ αϥςωϫπ `ννεϥ`ϩβως `ντοτ αϥφωτ ουοϩ αϥϣεναϥ ὲβολ.
Genesis 39:19 αςϣωπι δε ὲταϥςωτεμ `νϫε πεϥϭοις ὲνιςαϫι `ντε τεϥ`ςϩιμι νη ὲταςςαϫι `μμωου νεμαϥ εςϫω `μμος ϫε παιρηϯ πεταϥαιϥ νηι `νϫε πεκὰλου ουοϩ αϥϫωντ ϧεν ου`μβον.
Genesis 39:20 ουοϩ ὰ `πϭοις `νιωςηφ ολϥ αϥϩιτϥ ὲπι`ϣτεκο ὲπιμα ὲναρε νη ετςονϩ `ντε `πουρο χη `μμοϥ ϧεν πι`ϣτεκο.
Genesis 39:21 ουοϩ ναρε `πϭοις χη νεμ ιωςηφ πε ουοϩ ναϥϫεϣ ναι ὲ`ϩρηι ὲϫωϥ ουοϩ αϥϯ `νου`ϩμοτ ναϥ `μπε`μθο `μπι`μνουτ `ντε πι`ϣτεκο.
Genesis 39:22 ουοϩ ὰ πι`μνουτ `ντε πι`ϣτεκο ϯ `μπιμανςωνϩ ετϫιϫ `νιωςηφ νεμ ουον νιβεν ετϩωουὶ ὲϧουν νηετχη ϧεν πιμανςωνϩ ουοϩ ϩωβ νιβεν ετουρα `μμωου `μμαυ.
Genesis 39:23 ναϥὲμι ὲρωου αν πε `νϫε πι`μνουτ `ντε πι`ϣτεκο εθβητϥ ϩωβ γαρ νιβεν ναυ ϧεν `τϫιϫ `νιωςηφ ϫε ναρε `πϭοις χη νεμαϥ πε ϩωβ νιβεν ὲϣαϥαιτου ϣαρε `πϭοις ςουτεν πεϥμωιτ ϧεν νεϥϫιϫ.