Genesis 48:1 αςϣωπι δε μενενςα ναιςαϫι αυταμε ιωςηφ ευϫω `μμος ϫε πεκιωτ `ϣθερθωρ ουοϩ αιϭι `μπεϥϣηρι 2. μαναςςη νεμ εφρεμ αϥὶ ϩα ιακωβ.
Genesis 48:2 αυταμε ιακωβ δε ευϫω `μμος ϫε ϩηππε ις ιωςηφ πεκϣηρι `ϥνηου ϩαροκ ουοϩ αϥϫεμνομϯ `νϫε πιςραηλ αϥϩεμςι ϩιϫεν πι`ϭλοϫ.
Genesis 48:3 ουοϩ πεϫε ιακωβ `νιωςηφ ϫε πανουϯ αϥουονϩϥ ὲροι ϧεν λουζα ϧεν `πκαϩι `νΧανααν ουοϩ αϥ`ςμου ὲροι.
Genesis 48:4 πεϫαϥ νηι ϫε ϩηππε ειὲ`θρεκαιαι ουοϩ ειὲ`θρεκαϣαι ουοϩ ειὲαικ ὲϩανθωουτς `ν`ϣλολ ουοϩ ειὲϯ `μπαικαϩι νακ νεμ πεκ`ϫροϫ μενενςωκ ευὰμαϩι `νὲνεϩ.
Genesis 48:5 ϯνου ουν πεκϣηρι 2. ὲταυϣωπι νακ ϧεν χημι νουὶ νε εφρεμ νεμ μαναςςη `μ`φρηϯ `νρουβην νεμ `μ`φρηϯ νςυμεων ευὲϣωπι νηι.
Genesis 48:6 νι`ϫφο δε ὲτεκνα`ϫφωου μενενςα ναι ευὲϣωπι ναι ευὲμουϯ ὲρωου ὲ`φραν `ννου`ςνηου `ν`ϧρηι ϧεν που`κληρος `ννη.
Genesis 48:7 ὰνοκ δε εινηου ὲβολ ϧεν ϯμεςοποταμια `ντε ϯςυρια αςμου `νϫε ραχηλ τεκμαυ ϧεν `πκαϩι `νΧανααν ειναϧωντ ὲπιϩυποδρομος `ντε καβραθα πικαϩι εχνηου ὲεφραθα ουοϩ αιθομςς ϩι πιμωιτ `ντε πιϩυποδρομος θαι τε βηθλεεμ.
Genesis 48:8 ὲταϥναυ δε `νϫε πιςραηλ ὲνενϣηρι `νιωςηφ πεϫαϥ ϫε νιμ `ντακ νε ναι.
Genesis 48:9 πεϫε ιωςηφ δε `μπεϥιωτ ϫε ναϣηρι νε νη ὲτα `φνουϯ τηιτου νηι `μπαιμα ουοϩ πεϫε ιακωβ ϫε ὰνιτου ϩαροι ϩινα `ντα`ςμου ὲρωου.
Genesis 48:10 νε αυ`ϩροϣ δε πε `νϫε νενβαλ `νιακωβ ὲβολ ϧεν ϯμετϧελλο ουοϩ ναϥϫεμϫομ `νναυ `μβολ αν πε ουοϩ αϥ`θρουϧωντ ὲροϥ ουοϩ αϥϯφι ὲρωου ουοϩ αϥαμαληϫ ὲρωου.
Genesis 48:11 πεϫε πιςραηλ δε `νιωςηφ ϫε ϩηππε `μπουϣονϩτ `μπεκϩο ουοϩ ϩηππε ὰ `φνουϯ ταμοι ὲπεκ`ϫροϫ.
Genesis 48:12 ουοϩ ὰ ιωςηφ ϩενου ςαβολ `μπεϥὰλωϫ ουοϩ αυουωϣτ `μμοϥ ϩιϫεν πουϩο ϩιϫεν πικαϩι.
Genesis 48:13 ὰ ιωςηφ ϭι `μπεϥϣηρι 2. ουοϩ αϥχα εφρεμ ςαϫαϭη `μπιςραηλ μαναςςη δε ςαουιναμ `μπιςραηλ αϥ`θρουϧωντ ὲροϥ.
Genesis 48:14 ὰ πιςραηλ ςουτων τεϥϫιϫ `νουιναμ ὲβολ αϥταλος ὲϫεν `τὰφε `νεφρεμ ουοϩ τεϥϫαϭη αϥταλος ὲϫεν `τὰφε `μμαναςςη ὲαϥϣεβτ νεϥϫιϫ.
Genesis 48:15 ουοϩ αϥ`ςμου ὲρωου ουοϩ πεϫαϥ ϫε `φνουϯ φη ὲτα ναιοϯ ραναϥ `μπεϥ`μθο αβρααμ νεμ ιςαακ `φνουϯ φη ετϣανϣ `μμοι ιςϫεν ταμετὰλου ϣα ὲϧουν ὲπαιὲϩοου.
Genesis 48:16 πιαγγελος εθνοϩεμ `μμοι ὲβολ ϧεν νιπετϩωου τηρου `ςμου ὲναιὰλωουὶ ουοϩ ευὲμουϯ ὲπαραν `νϧητου νεμ `φραν `νναιοϯ αβρααμ νεμ ιςαακ ουοϩ ευὲὰϣαι ευνιϣϯ `νὰϣαι εϥοϣ ϩιϫεν `πκαϩι.
Genesis 48:17 ὲταϥναυ δε `νϫε ιωςηφ ϫε ὰ πεϥιωτ ταλε τεϥϫιϫ `νουιναμ ὲϫεν `τὰφε `νεφρεμ ὰ πιϩωβ `ϩροϣ `μπεϥ`μθο ουοϩ ὰ ιωςηφ ὰμονι `ν`τϫιϫ `μπεϥιωτ αϥολς ὲβολ ὲϫεν `τὰφε `νεφρεμ αϥταλος ὲϫεν `τὰφε `μμαναςςη.
Genesis 48:18 πεϫε ιωςηφ δε `μπεϥιωτ ϫε παιρηϯ αν παιωτ φαι γαρ πε πιϣορπ `μμιςι χα τεκϫιϫ `νουιναμ ὲϫεν τεϥὰφε.
Genesis 48:19 ουοϩ `μπεϥουωϣ αλλα πεϫαϥ ϫε ϯὲμι παϣηρι ϯὲμι φαι γαρ εϥὲϣωπι ευλαος ουοϩ φαι εϥὲϭιςι αλλα πεϥκουϫι `νςον εϥὲερουνιϣϯ ὲροϥ ουοϩ πεϥ`ϫροϫ εϥὲϣωπι ευμηϣ `ν`ϣλολ.
Genesis 48:20 ουοϩ αϥ`ςμου ὲρωου ϧεν πιὲϩοου ὲτε`μμαυ εϥϫω `μμος ϫε ευὲ`ςμου ὲπιςραηλ `νϧρηι ϧεν θηνου ευϫω `μμος ϫε ὲρε `φνουϯ ὶρι νακ `μ`φρηϯ `νεφρεμ νεμ `μ`φρηϯ `μμαναςςη ουοϩ αϥχα εφρεμ εϥοι `νϣορπ ὲμαναςςη.
Genesis 48:21 ουοϩ `νϫε πιςραηλ `νιωςηφ ϫε ϩηππε ὰνοκ ϯναμου ὲρε `φνουϯ ϣωπι νεμωτεν ουοϩ εϥὲταςθε θηνου `νϫε `φνουϯ ὲβολ ϧεν παικαϩι ὲ`πκαϩι `ντε νετενιοϯ.
Genesis 48:22 ὰνοκ δε ϯναϯ νακ `νςικιμα εςςοτπ ὲϩοτε νεκ`ςνηου θη ὲταιϭιτς ὲβολ ϧεν νενϫιϫ `ννιαμορρεος `ν`ϧρηι ϧεν ταςηϥι νεμ ταφιϯ.