Genesis 50:1 ουοϩ αϥϩιτϥ `νϫε ιωςηφ ὲϫεν `πϩο `μπεϥιωτ αϥριμι ὲϫωϥ ουοϩ αϥϯφι ὲρωϥ.
Genesis 50:2 ουοϩ αϥουαϩςαϩνι `νϫε ιωςηφ ὲτοτου `ννεϥὰλωουὶ `νρεϥκως εθρουκες πεϥιωτ ουοϩ αυκως `μπιςραηλ `νϫε νιρεϥκως.
Genesis 50:3 ουοϩ αυμοϩ ὲβολ `νϫε 4 `νὲϩοου `νταϥ παιρηϯ γαρ ϣαυεπ νιὲϩοου `ντε πικως ουοϩ αϥερϩηβι ὲροϥ `νϫε χημι `ν7 `νὲϩοου.
Genesis 50:4 ὲταυςινι δε `νϫε νιὲϩοου `ντε πιϩηβι αϥςαϫι `νϫε ιωςηφ νεμ νιϫωρι `ντε φαραω εϥϫω `μμος ϫε ιςϫε αιϫεμ ου`ϩμοτ `μπετεν`μθο ςαϫι ὲϫωι ὲνενμαϣϫ `μφαραω ερετενϫω `μμος.
Genesis 50:5 ϫε ὰ παιωτ ταρκοι εϥϫω `μμος ϫε `ν`ϧρηι ϧεν πι`μϩαυ ὲταιϣοκϥ νηι ϧεν `πκαϩι `νΧανααν ερετενεθομςτ `μμαυ ϯνου ουν ϯναϣενηι ὲ`πϣωι `νταθεμς `μπαιωτ `νταταςθο.
Genesis 50:6 ουοϩ πεϫε φαραω `νιωςηφ ϫε μαϣενακ ὲ`πϣωι θεμς πεκιωτ κατα `φρηϯ ὲταϥταρκοκ `μμοϥ.
Genesis 50:7 ουοϩ αϥϣεναϥ ὲ`πϣωι `νϫε ιωςηφ ὲθεμς πεϥιωτ ουοϩ αυϣενωου ὲ`πϣωι νεμαϥ `νϫε νιὰλωουὶ τηρου `ντε φαραω νεμ νιϧελλοι `ντε πεϥηι νεμ νιϧελλοι τηρου `ντε `πκαϩι `νχημι .
Genesis 50:8 ουοϩ `πηι τηρϥ `νιωςηφ νεμ νεϥ`ςνηου νεμ πηι τηρϥ `ντε πεϥιωτ ουοϩ τεϥςυγγενια τηρς νεμ νιὲςωου νεμ νιὲϩωου αυςοϫπου ϧεν `πκαϩι `νγεςεμ.
Genesis 50:9 ουοϩ αυϣενωου ὲ`πϣωι νεμαϥ `νϫε ϩανβερεϭωουτς νεμ ϩαν`ϩθωρ ουοϩ ὰ ϯπαρεμβολη ερνιϣϯ ὲμαϣω.
Genesis 50:10 ουοϩ αυὶ ὲϫεν `πϭνωου `ναδαδ φη ετϩιμηρ `μπιιορδανης ουοϩ αυνεϩπι ὲροϥ `νουνιϣϯ `ννεϩπι εϥϫορ ὲμαϣω ουοϩ αϥερϩηβι ὲπεϥιωτ `ν7 `νὲϩοου.
Genesis 50:11 ουοϩ αυναυ `νϫε νη ετϣοπ ϧεν `πκαϩι `νΧανααν ὲπινεϩπι ϩι `πϭνωου `ναδαδ πεϫωου ϫε ουνιϣϯ `ννεϩπι πε φαι `ννιρεμ`νχημι εθβεφαι αυϯρεν `φραν `μπιμα ὲτε`μμαυ ϫε `πϩηβι `νχημι ὲτε φη πε ετϩιμηρ `μπιιορδανης.
Genesis 50:12 ουοϩ αυὶρι ναϥ `μπαιρηϯ `νϫε νεϥϣηρι κατα `φρηϯ ὲταϥϩονϩεν νωου.
Genesis 50:13 ουοϩ αυολϥ ὲ`πκαϩι `νΧανααν ουοϩ αυθομςϥ ϧεν πι`μϩαυ ὲτοι `νδιπλουν πι`μϩαυ ὲταϥϣοπϥ `νϫε αβρααμ ϧεν ου`κτηςις νεμϩαυ `ντοτϥ `νεφρων πιΧεττεος `μπε`μθο `μμαμβρη.
Genesis 50:14 ουοϩ αϥταςθο `νϫε ιωςηφ ὲ`ϧρηι ὲχημι `νθοϥ νεμ νεϥ`ςνηου νεμ νη τηρου ὲταυϣενωου νεμαϥ ὲθεμς πεϥιωτ μενενςα `θρουθωμς `μπεϥιωτ.
Genesis 50:15 ὲταυναυ δε `νϫε νεν`ςνηου `νιωςηφ ϫε ὰ πουιωτ μου πεϫωου ϫε μηποτε `ντε ιωςηφ μευὶ ὲρον ὲπιπετϩωου ὲταναιτου ναϥ.
Genesis 50:16 ουοϩ αυὶ ϩα ιωςηφ πεϫωου ϫε πενιωτ αϥταρκον `μπατεϥμου εϥϫω `μμος.
Genesis 50:17 ϫε παιρηϯ ὰϫος `νιωςηφ ϫε χα τουμετϭινϫονς νωου ὲβολ νεμ πουνοβι ϫε ϩανπετϩωου αυαιτου νακ ουοϩ ϯνου ϣεπ `θμετϭινϫονς `ννιεβιαικ `ντε `φνουϯ `μπεκιωτ ουοϩ αϥριμι `νϫε ιωςηφ ευςαϫι νεμαϥ.
Genesis 50:18 ουοϩ αυὶ ϩαροϥ πεϫωου ναϥ ϫε τενναερβωκ νακ.
Genesis 50:19 ουοϩ πεϫε ιωςηφ νωου ϫε `μπερερϩοϯ ὰνοκ φα `φνουϯ γαρ ὰνοκ.
Genesis 50:20 `νθωτεν γαρ αρετενςοϭνι ϧαροι `νϩανπετϩωου `φνουϯ δε αϥςοϭνι εθβητ `νϩανπεθνανευ ϣατετενϣωπι ϣα ὲϧουν ὲφοου ϩινα `ντεϥϣανϣ `νϫε ουμηϣ εϥοϣ νωτεν.
Genesis 50:21 ουοϩ πεϫαϥ νωου ϫε `μπερερϩοϯ ὰνοκ ειὲϣανεϣ θηνου νεμ νετενηου ουοϩ αϥϯνομϯ νωου ουοϩ αϥςαϫι ὲ`ϧρηι ὲπουϩητ.
Genesis 50:22 ουοϩ αϥϣωπι `νϫε ιωςηφ ϧεν χημι `νθοϥ νεμ νεϥ`ςνηου νεμ `πηι τηρϥ `ντε πεϥιωτ ουοϩ αϥωνϧ `νϫε ιωςηφ `ν1110. `νρομπι .
Genesis 50:23 ουοϩ αϥναυ `νϫε ιωςηφ ὲνιὰλωουὶ `νεφρεμ ϣα `φμαϩ3. `νϫωου ουοϩ νεν`ϧροϯ `μμαχιρ `πϣηρι `μμαναςςη αυμαςου ὲϫεν `ναλωϫ `νιωςηφ .
Genesis 50:24 ουοϩ πεϫε ιωςηφ `ννεϥ`ςνηου εϥϫω `μμος ϫε ὰνοκ ϯναμου ϧεν ουϣινι δε `φνουϯ ναϣινι ὲρωτεν ουοϩ `ϥναεν θηνου ὲ`πϣωι ὲβολ ϧεν παικαϩι ὲϧουν ὲπικαϩι φη ὲταϥωρκ `μμοϥ `νϫε `φνουϯ `ννετενιοϯ αβρααμ νεμ ιςαακ νεμ ιακωβ .
Genesis 50:25 ουοϩ ὰ ιωςηφ ταρκο `ννεϣηρι `μπιςραηλ εϥϫω `μμος ϫε `ν`ϧρηι ϧεν πιϣινι ὲτε `φνουϯ ναϣινι ὲρωτεν `μμοϥ ερετενὲελ νακας ὲβολ ται νεμωτεν.
Genesis 50:26 ουοϩ αϥμου `νϫε ιωςηφ εϥ ϧεν 1110. `νρομπι ουοϩ αυκοςϥ ουοϩ αυχαϥ ϧεν ϯ`ςλη ϧεν Χημι.