Leviticus 1:1 ουοϩ α `πϭοις ουαϩεμ μουϯ εμωυςης ουοϩ αϥςαϫι νεμαϥ εβολ ϧεν ϯςκυνη `ντε ϯμετμεθρε ευϫω `μμος
Leviticus 1:2 ϫε ςαϫι νεμ νενϣηρι `μπιςραηλ ουοϩ εκεϫος νωου ϫε πιρωμι εβολ ϧεν θηνου εϣωπ αϥϣανινι `νϩανδωρον εϧουν `μ`πϭοις εβολ ϧεν νιτεβνωουι νεμ εβολ ϧεν νιεϩωου νεμ εβολ ϧεν νιεςωου ερετενεινι `ννετενδωρον
Leviticus 1:3 εϣωπ δε ουϭλιλ νϫοϥϫεϥ πε πεϥδωρον εβολ ϧεν νιεϩωου ουϩωουτ `ναταϭνι εϥεενϥ εϩρηι ϩιρεν `φρο `νϯςκυνη `ντε ϯμετμεθρε εϥεενϥ εϧουν εϥραναϥ `μπεμθο `μ`πϭοις
Leviticus 1:4 ουοϩ εϥεταλο `ννεϥϫιϫ εϩρηι εϫεν ταφε `ντε πιϭλιλ εϥϣηπ ναϥ εϥει εϩρηι εϫωϥ
Leviticus 1:5 ουοϩ ευεινι `μπιμαςι `μπεμθο `μ`πϭοις ουοϩ ερε νενϣηρι νααρων νιουηβ ευεινι `μπι`ςνοϥ εϧουν ουοϩ ευεϫωϣ `μπι`ςνοϥ εϫεν πιμανερϣωουϣι εϥκωϯ φη ετχη ϩιρεν νιρωου `ντε ϯςκυνη `ντε ϯμετμεθρε
Leviticus 1:6 ευεϧιϯ `μπιϭλιλ ουοϩ ευεαιϥ μμελος μελος κατα μερος
Leviticus 1:7 ουοϩ ερε νενϣηρι νααρων νιουηβ ευεταλε χρωμ εϩρηι εϫεν πιμανερϣωουϣι ουοϩ ευεςατ ροκϩ εϩρηι εϫεν πιχρωμ
Leviticus 1:8 ουοϩ ερε νενϣηρι νααρων νιουηβ ευεταλο `ννιςωμα ετφηϣ νεμ ϯαφε νεμ `πιωτ εϫεν νιροκϩ νη ετχη ϩιϫεν πιχρωμ νη ετχη ϩιϫεν πιμανερϣωουϣι
Leviticus 1:9 νη ετε νϧητϥ δε νεμ νιϭαλαυϫ ευειαυ εβολ ϧεν ουμωου ουοϩ ερε πιουηβ εϥεταλο `νϩωβ νιβεν εϫεν πιμανερϣωουϣι ουϭλιλ πε πεϥϣουϣωουϣι ουςθοι νςθυνουϥι `μ`πϭοις
Leviticus 1:10 εϣωπ δε ου εβολ ϧεν νιεςωου πε πεϥδωρον `μ`πϭοις εβολ ϧεν νιϩιηβ νεμ εβολ ϧεν νιβαμπι ευϭλιλ νϫοϥϫεϥ ουβαρηιτ `ναταϭνι εϥεϧοντϥ εϧουν
Leviticus 1:11 ουοϩ εϥεταλο `ννεϥϫιϫ εϩρηι εϫεν τεϥαφε ουοϩ εϥεϧελϧωλϥ ςα πιςφιρ `μπιμανερϣωουϣι ςα πεμϩιτ `μπιμανερϣωουϣι `μπεμθο `μ`πϭοις ουοϩ νενϣηρι νααρων νιουηβ ευεϫωϣ `μπι`ςνοϥ εϫεν πιμανερϣωουϣι εϥκωϯ
Leviticus 1:12 ουοϩ ευεαιϥ κατα μελος ουοϩ ϯαφε νεμ πεϥωτ ευεςατου `νϫε νιουηβ εϩρηι εϫεν νιρωκϩ νη ετχη ϩιϫεν πιχρωμ νη ετχη ϩιϫεν πιμανερϣωουϣι
Leviticus 1:13 ουοϩ νη ετενϧητϥ νεμ νιϭαλαυϫ ευειαυ ϧεν ουμωου ουοϩ ερε πιουηβ εϥεεν ϩωβ νιβεν ουοϩ εϥεταλωου εϫεν πιμανερϣωουϣι ουουταϩ εϥϣηπ πε `νουϣουϣωουϣι ευςθοι νςθυνουϥι `μ`πϭοις
Leviticus 1:14 εϣωπ δε εβολ ϧεν νιϩαλαϯ εϥναινι `νουδωρον νϭλιλ εϧουν `μ`πϭοις εϥεινι εϧουν εβολ ϧεν νιϭρομπϣαλ ιε εβολ ϧεν νιϭρομπι `μπεϥδωρον
Leviticus 1:15 ουοϩ εϥεενϥ `νϫε πιουηβ ϧατεν πιμανερϣωουϣι ουοϩ εϥεφωρϫ `ντεϥαφε εϥεταλος εϫεν πιμανερϣωουϣι ουοϩ εϥετελτελ `ςνοϥ ϧατεν ϯβαςις `ντε πιμανερϣωουϣι
Leviticus 1:16 ουοϩ εϥεωλι `μπιλοβος νεμ νιμεϩι ουοϩ εϥεϩιτου εβολ ϧατεν πιμανερϣωουϣι ςα πειεβτ `μπιμα `ντε ϯκερμι
Leviticus 1:17 ουοϩ εϥεκορϫϥ εβολ ϧεν νεϥτενϩ ουοϩ `ννεϥφαϣϥ ουοϩ εϥεταλοϥ εϫεν πιμανερϣωουϣι `νϫε πιουηβ εϫεν νιροκϩ ετχη ϩιϫεν πιχρωμ ουουταϩ πε εϥϣηπ ουϣουϣωουϣι ευςθοι νςθυνουϥι εϥϣηπ `μ`πϭοις