Leviticus 2:1 εϣωπ δε εςναινι εϧουν `νϫε ουψυχη `νουδωρον νϣουϣωουϣι `μ`πϭοις εϥεϣωπι `νϫε πεϥδωρον ςιμεδαλιον ουοϩ εϥεϫωϣ `νουνεϩ εϫωϥ ουοϩ εϥεχω `νουλιβανος εϩρηι εϫωϥ ουϣωουϣωουϣι πε

Leviticus 2:2 εϥεενου ϩα νενϣηρι νααρων νιουηβ ουοϩ εϥεμοϩ `ντεϥϧορπς εβολ ϧεν πιςεμιδαλιον νεμ πινεϩ νεμ πιλιβανος τηρϥ ουοϩ ερε πιουηβ εϥεταλο `μπεϥμευι εϩρηι εϫεν πιμανερϣωουϣι ουϣουϣωουϣι πε ευςθοι νςθυνουϥι `μ`πϭοις

Leviticus 2:3 ουοϩ πςεπι εβολ ϧεν πιϣουϣωουϣι εϥεϣωπι νααρων νεμ νεϥϣηρι πεθουαβ `ντε νη εθουαβ εβολ ϧεν νιϣουϣωουϣι `ντε `πϭοις

Leviticus 2:4 εϣωπ εκναινι `νουδωρον εϧουν `νουϣουϣωουϣι εϥϫηϫ ϧεν ουθριρ εβολ ϧεν ουςεμιδαλιον ϩανωικ `νατϣεμηρ ευουοϣεμ ϧεν ουνεϩ ουοϩ νλακανον `νατϣεμηρ ευϫηϣ ϧεν ουνεϩ

Leviticus 2:5 εϣωπ δε ουϣουϣωουϣι πε εβολ ϧεν ουλακεντ πεκδωρον ουςεμιδαλιον εϥουοϣεμ ϧεν ουνεϩ ευεϣωπι ευοι `νατϣεμηρ

Leviticus 2:6 ουοϩ εκεαιτου νλακϩ εκεϫεϣ νεϩ εϩρηι εϫωου ουϣουϣωουϣι `μ`πϭοις πε

Leviticus 2:7 εϣωπ δε ουϣουϣωουϣι εβολ ϧεν ουεςχερα πε πεκδωρον ουςεμιδαλιον ευεθαμιοϥ ϧεν ουνεϩ

Leviticus 2:8 ουοϩ εϥεινι `μπιϣουϣωουϣι φη ετεϥναθαμιοϥ εβολ ϧεν ναι `μ`πϭοις ουοϩ εϥεενϥ `μπιουηβ ουοϩ αϥϣανθρεϥϧωντ επιμανερϣωουϣι

Leviticus 2:9 εϥεωλι `νϫε πιουηβ εβολ ϧεν πιϣουϣωουϣι `μπεϥϫινερφμευι ουοϩ ερε πιουηβ εϥεταλο εϫεν πιμανερϣωουϣι `νουουταϩ εϥϣηπ ουςθοι νςθυνουϥι `μ`πϭοις πε

Leviticus 2:10 φη δε εταϥςωϫπ εβολ ϧεν πιϣουϣωουϣι εϥεϣωπι νααρων νεμ νεϥϣηρι νη εθουαβ `ντε νη εθουαβ εβολ ϧεν νιουταϩ ετϣηπ `μ`πϭοις

Leviticus 2:11 ϣουϣωουϣι νιβεν ετετενναενου εϧουν `μ`πϭοις `ννετενθαμιωου εουον ϣεμηρ γαρ νιβεν νεμ εβιω νιβεν `ννετενενου εϧουν `νουουταϩ εϥϣηπ `μ`πϭοις

Leviticus 2:12 ερετενεενου εϧουν `νουδωρον `ντε ουαπαρχη `μ`πϭοις ννουενου δε εϩρηι εϫεν πιμανερϣωουϣι ευςθοι νςθυνουϥι `μ`πϭοις

Leviticus 2:13 ουοϩ δωρον νιβεν `ντε νετενϣουϣωουϣι ευεμολϩου ϧεν ουϩμου ουοϩ `ννεϥμουνκ `νϫε ουϩμου `ντε ουδιαθηκη `ντε `φνουϯ εβολ ϩα νετενϣουϣωουϣι εϫεν δωρον νιβεν ντωτεν ερετενεινι εϧουν `νουϩμου

Leviticus 2:14 εϣωπ δε εκναινι εϧουν `νουϣουϣωουϣι `μ`πϭοις εβολ ϧεν ϩη `ντε νεκουταϩ ϩανβερι ευϫηϫ ευφορϫ ευϫηϫ `μ`πϭοις ουοϩ εκεινι εϧουν `μπιϣορπ νϣουϣωουϣι `ντε νιϣορπ `νουταϩ

Leviticus 2:15 ουοϩ εκεϫωϣ `νουνεϩ εϩρηι εϫωϥ ουοϩ εκεχω `νουλυβανος εϩρηι εϫωϥ ουϣουϣωουϣι πε

Leviticus 2:16 ουοϩ εϥεινι `μπεϥμευι εϩρηι `νϫε πιουηβ εβολ ϧεν νετφορϫ νεμ πινεϩ νεμ πιλυβανος τηρϥ ουουταϩ εϥϣηπ `μ`πϭοις πε