Leviticus 10:1 ουοϩ αυωλι `νϫε `πϣηρι 2. νααρων ναδαβ νεμ αβιουδ `φουαι `φουαι `ντεϥϣουρη ουοϩ αυταλε χρωμ εϩρηι εϫωου ουοϩ αυταλε ςθυνουϥι εϩρηι εϫωου ουοϩ αυινι `νουχρωμ `νϣεμμο εϧουν `μπεμθο `μ`πϭοις φη ετε `μπε `πϭοις ουαϩςαϩνι νωου
Leviticus 10:2 ουοϩ αϥι εβολ `νϫε ουχρωμ εβολ ϩιτεν `πϭοις ουοϩ αϥουομου ουοϩ αυμου `μπεμθο `μ`πϭοις
Leviticus 10:3 ουοϩ πεϫε μωυςης νααρων ϫε φαι πε πιςαϫι φη ετα `πϭοις ϫοϥ εϥϫω `μμος ϫε ϯνατουβο ϧεν νη ετϧεντ εροι ουοϩ ειεϭιωου ϧεν ϯςυναγωγη τηρς ουοϩ α `πϩητ νααρων μκαϩ
Leviticus 10:4 ουοϩ αϥμουϯ `νϫε μωυςης εμιζαηλ νεμ ελιςαφαν νενϣηρι νοζιηλ νενϣηρι `μπςον μφιωτ νααρων ουοϩ πεϫαϥ νωου ϫε αμωινι αλι νετενςνηου εβολ `μπεμθο ννη εθουαβ ςαβολ `νϯπαρεμβολη
Leviticus 10:5 ουοϩ αυι αυολου ϧεν `νουϩβως ςαβολ `νϯπαρεμβολη κατα `φρηϯ ετα μωυςης ϫος
Leviticus 10:6 ουοϩ πεϫε μωυςης νααρων νεμ ελεαζαρ νεμ ιθαμαρ νεϥϣηρι ϫε `ννετενωλι `ννικυδαρις εβολ ϩιϫεν νετεναφε ουοϩ `ννετενϩωβς `ννετενφαϧου ϩινα ϫε `ννετενμου ουοϩ `ννε ουϫωντ ϣωπι ϧεν ϯςυναγωγη τηρς νετενςνηου `πηι τηρϥ `μπιςραηλ μαρουριμι επιρωκϩ εταυρωκϩ `μμοϥ `ντεν `πϭοις
Leviticus 10:7 ουοϩ `μπετενι ςαβολ μφρο `νϯςκυνη `ντε ϯμετμεθρε ϫε `ννετενμου πινεϩ γαρ `ντε πιθωϩς ετε εβολ ϩιτεν `πϭοις εϥει εϫεν θηνου ουοϩ αυιρι κατα πςαϫι μμωυςης
Leviticus 10:8 ουοϩ α `πϭοις ςαϫι νεμ ααρων εϥϫω `μμος
Leviticus 10:9 ϫε ουηρπ νεμ ουςικερα `μπετενςωου `νθοκ νεμ νεκϣηρι νεμακ ερετενναϣε εϧουν εϯςκυνη `ντε ϯμετμεθρε ιε ερετενναϧωντ εϧουν επιμανερϣωουϣι ουοϩ `ννετενμου ουνομιμον νενεϩ ενετενϫωου
Leviticus 10:10 εουωϯ εβολ ουτε νη εθουαβ νεμ νη ετςοϥ νεμ ουτε νη ετϭαϧεμ νεμ ουτε νη εττουβηουτ
Leviticus 10:11 νεμ εϯςβω `ννενϣηρι `μπιςραηλ `ννινομιμον τηρου νη ετα `πϭοις ςαϫι μμωου εβολ ϩιτεν τϫιϫ μμωυςης
Leviticus 10:12 ουοϩ πεϫε μωυςης νααρων νεμ ελεαζαρ νεμ ιθαμαρ νεϥϣηρι εταυςωϫπ ϫε ϭι `νουϣουϣωουϣι `νςωϫπ εβολ ϧεν νιουταϩ ετϣηπ `ντεν `πϭοις ερετενεουωμ `νϩανατκωβ ϧατεν πιμανερϣωουϣι νη εθουαβ `ντε νεθουαβ νε
Leviticus 10:13 ουοϩ ερετενεουομϥ ϧεν ουμα εϥουαβ ουνομιμον νακ πε ουοϩ ουνομιμον `ννεκϣηρι πε φαι εβολ ϧεν νιουταϩ ετϣηπ `ντεν `πϭοις παιρηϯ γαρ αϥϩονϩεν νηι `νϫε `πϭοις
Leviticus 10:14 νεμ ϯμεςτενϩητ `ντε πιφωρϫ εβολ νεμ πιϣωβϣ `ντε πιουωϯ εβολ ερετενεουομου ϧεν ουμα εϥουαβ `νθοκ νεμ νεκϣηρι νεμ πεκηι νεμακ εταυτηιϥ γαρ νακ `νουνομιμον νεμ ουνομιμον `ννεκϣηρι εβολ ϧεν νιϣουϣωουϣι ννοϩεμ `ντε νενϣηρι `μπιςραηλ
Leviticus 10:15 πιϣωβϣ `ντε πιουωϯ εβολ νεμ ϯμεςτενϩητ `ντε πιφωρϫ εβολ εϫεν νιουταϩ ετϣηπ `ντε νιωτ ευεενου εϧουν ευφωρϫ εβολ `μπεμθο `μ`πϭοις ουοϩ εϥεϣωπι νακ νεμ νεκϣηρι νεμ νεκϣερι νεμακ `νουνομιμον ϣα ενεϩ ` μ`φρηϯ ετα `πϭοις ϩονϩεν ετοτϥ μμωυςης
Leviticus 10:16 ουοϩ πιβαεμπι ετε εθβε `φνοβι ϧεν ουκωϯ αϥκωϯ `νςωϥ `νϫε μωυςης ουοϩ φαι νε αυροκϩϥ πε ουοϩ αϥϫωντ `νϫε μωυςης εϫεν ελεαζαρ νεμ ιθαμαρ νενϣηρι νααρων νη εταυςωϫπ εϥϫω `μμος
Leviticus 10:17 ϫε εθβεου `μπετενουωμ μφη ετε εθβε `φνοβι ϧεν ουμα εϥουαβ ϫε ουηι γαρ νεθουαβ `ντε νεθουαβ νε φαι αϥτηιϥ νωτεν εουομϥ ϩινα `ντετενωλι μφνοβι `ντε ϯςυναγωγη ουοϩ `ντετεντβϩ εϩρηι εϫωου `μπεμθο `μ`πϭοις
Leviticus 10:18 `μπουινι γαρ εβολ ϧεν που`ςνοϥ εϧουν επεθουαβ `μπεμθο `μπεϥϩο ερετενεουομϥ ϧεν ουμα εϥουαβ ` μ`φρηϯ εταϥουαϩςαϩνι νηι `νϫε `πϭοις
Leviticus 10:19 ουοϩ αϥςαϫι `νϫε ααρων νεμ μωυςης εϥϫω `μμος ϫε ιςϫεν φοου αυινι εϧουν ννη ετε εθβε πουνοβι νεμ `νουϭλιλ νϫοϥϫεϥ `μπεμθο `μ`πϭοις ουοϩ α ϩανουον `μπαιρηϯ ϫεμτ ουοϩ νταουωμ μφη ετε εθβε `φνοβι μφοου μη ϥναϣωπι εϥραναϥ `μ`πϭοις
Leviticus 10:20 ουοϩ αϥςωτεμ `νϫε μωυςης επιϩωβ ουοϩ αϥραναϥ