Leviticus 16:1 ουοϩ α `πϭοις ςαϫι νεμ μωυςης μενενςα θρουμου `νϫε `πϣηρι 2. νααρων ϧεν `πϫινθρουεν χρωμ `νϣεμμο εϧουν `μπεμθο `μ`πϭοις ουοϩ αυμου

Leviticus 16:2 ουοϩ πεϫε `πϭοις μμωυςης ϫε ςαϫι νεμ ααρων πεκςον ουοϩ `μπενθρεϥϣεναϥ `νουονου νιβεν εϧουν επεθουαβ ςαϧουν `μπικαταπεταςμα ναϩραϥ `νϯςεςβοϩ θη ετχη ϩιϫεν ϯκυβωτος ουοϩ `ννεϥμου ϧεν ουϭηπι γαρ ϯναουουνϩτ ϩιϫεν ϯςεςβοϩ

Leviticus 16:3 παιρηϯ εϥει εϧουν επεθουαβ `νϫε ααρων ϧεν ουμαςι εβολ ϧεν ϩανεϩωου εθβε `φνοβι νεμ ουωιλι ευϭλιλ νϫοϥϫεϥ

Leviticus 16:4 ουϩβος νιαυ εαυτουβοϥ εϥετηιϥ ϩιωτϥ νεμ ουϩβος νιαυ εϥνηου εϧρηι ϣα νεϥκαλ εϥεϣωπι ϩιϫεν πεϥςωμα ουοϩ εϥεϧοκϥ `νουμοϫϧ νιαυ νεμ ουκυδαρις νιαυ εϥετηιτου ϩιωτϥ ϩανϩβος ευουαβ νε ουοϩ εϥεϫωκεμ `μπεϥςωμα τηρϥ ϧεν ουμωου ουοϩ εϥεϯ νναι ϩιωτϥ

Leviticus 16:5 ουοϩ εϥεϭι ντοτς `νϯςυναγωγη τηρς `ντε νενϣηρι `μπιςραηλ μβαρηιτ 2. εβολ ϧεν ϩανβαμπι εθβε `φνοβι νεμ ουαι νωιλι ευϭλιλ νϫοϥϫεϥ

Leviticus 16:6 ουοϩ ερε ααρων εϥεινι `μπεϥμαςι εθβε `φνοβι ουοϩ εϥετωβϩ εϩρηι εϫωϥ νεμ εϫεν πεϥηι τηρϥ

Leviticus 16:7 ουοϩ εϥεϭι `μπιβαμπι 2. ουοϩ εϥεταϩωου ερατου `μπεμθο `μ`πϭοις ϧατεν `φρο `νϯςκυνη `ντε ϯμετμεθρε

Leviticus 16:8 ουοϩ ερε ααρων εϥεταλε κληρος εϫεν πιβαεμπι 2. ουαι νκληρος `μ`πϭοις ουαι νκληρος `μπιαπομερος πετεμπϣα `νϯτοτϥ εβολ

Leviticus 16:9 ουοϩ ερε ααρων ινι `μπιβαμπι εϧουν φη ετα πικληρος `ντε `πϭοις ι εϩρηι εϫωϥ ουοϩ εϥεενϥ εϩρηι εθβε `φνοβι

Leviticus 16:10 ουοϩ πιβαμπι φη ετα πικληρος ι εϩρηι εϫωϥ `ντε πιαπομερος εϥεταϩοϥ ερατϥ εϥονϧ `μπεμθο `μ`πϭοις ϩωςδε ετωβϩ εϫωϥ ϩωςδε εουορπϥ εβολ επιϩιουι εβολ ουοϩ εχαϥ εβολ επϣαϥε

Leviticus 16:11 ουοϩ ερε ααρων ινι `μπεϥμαςι ετε εθβε `φνοβι ουοϩ εϥετωβϩ εϩρηι εϫωϥ νεμ πεϥηι ουοϩ εϥεϧολϧελ `μπιμαςι ετε εθβε `φνοβι

Leviticus 16:12 ουοϩ εϥεϭι `νϯϣουρη εςμεϩ `νϫεβς `νχρωμ εβολ ϧεν πιμανερϣωουϣι ετχη `μπεμθο `μ`πϭοις ουοϩ εϥεμοϩ `ντεϥϫιϫ εβολ ϧεν πιςθυνουϥι ετςατηουτ ετϣομ ουοϩ εϥεολϥ εϧουν ςαϧουν `μπικαταπεταςμα

Leviticus 16:13 εϥεταλο `μπιςθυνουϥι εϫεν πιχρωμ `μπεμθο `μ`πϭοις ουοϩ ερε πιχρεμτς `ντε πιςθυνουϥι εϥεϩωβς εβολ εϫεν ϯςεςβοϩ ετχη ϩιϫεν νιμετμεθρευ ουοϩ `ννεϥμου

Leviticus 16:14 ουοϩ εϥεωλι εβολ ϧεν πι`ςνοϥ `μπιμαςι ουοϩ εϥενουϫϧ `ντεϥϫιϫ ϩιϫεν ϯςεςβοϩ ςα νιμανϣαι `μπεμθο `νϯςεςβοϩ ν7 νςοπ εβολ ϧεν πι`ςνοϥ `μπεϥτηβ

Leviticus 16:15 ουοϩ εϥεϧολϧελ `μπιβαμπι ετε εθβε `φνοβι φη εταϥϭιτϥ ντοτϥ `μπιλαος `μπεμθο `μ`πϭοις ουοϩ εϥεινι εβολ ϧεν πεϥ`ςνοϥ ςαϧουν `μπικαταπεταςμα ουοϩ εϥεθαμιο `μπεϥ`ςνοϥ ` μ`φρηϯ εταϥθαμιο `μπι`ςνοϥ `μπιμαςι ουοϩ εϥενουϫϧ `μπεϥ`ςνοϥ εϫεν πιυλαςτηριον `μπεμθο `μπϩο `νϯςεςβοϩ

Leviticus 16:16 ουοϩ εϥετουβο `μπιμα εθουαβ εβολ ϩα νιϭωϧεμ `ντε νενϣηρι `μπιςραηλ νεμ εβολ ϩα `νουϭινϫονς εθβε `νουνοβι τηρου ουοϩ εϥειρι `μπαιρηϯ `νϯςκυνη `ντε ϯμετμεθρε εταυςοντς νϧητου ϧεν θμηϯ `μπουϭωϧεμ

Leviticus 16:17 ουοϩ ρωμι νιβεν `ννεϥϣωπι ϧεν ϯςκυνη `ντε ϯμετμεθρε εϣωπ εϥναϣεναϥ εϧουν νθοϥ ετωβϩ ϧεν πεθουαβ ϣατεϥι εβολ ουοϩ εϥετωβϩ εϩρηι εϫωϥ νεμ εϫεν πεϥηι νεμ εϩρηι εϫεν ςυναγωγη νιβεν `ντε πιςραηλ

Leviticus 16:18 ουοϩ εϥει εβολ εϫεν πιμανερϣωουϣι φη ετχη `μπεμθο `μ`πϭοις ουοϩ εϥετωβϩ εϩρηι εϫωϥ ουοϩ εϥεωλι εβολ ϧεν πι`ςνοϥ `ντε πιμαςι νεμ εβολ ϧεν πι`ςνοϥ `μπιβαμπι ουοϩ εϥεταλο εϫεν νιταπ `ντε πιμανερϣωουϣι εϥκωϯ

Leviticus 16:19 εϥενουϫϧ εϫωϥ ν7 νςοπ εβολ ϧεν πι`ςνοϥ `μπεϥτηβ ουοϩ εϥετουβοϥ ουοϩ εϥεεραγιαζιν `μμοϥ εβολ ϩα νιϭωϧεμ `ντε νενϣηρι `μπιςραηλ

Leviticus 16:20 ουοϩ εϥεϫωκ ε `ϥτουβο `μπεθουαβ νεμ ϯςκυνη `ντε ϯμετμεθρε νεμ πιμανερϣωουϣι ουοϩ εθβε νιουηβ εϥετουβο ουοϩ εϥεινι `μπιβαμπι ετονϧ

Leviticus 16:21 ουοϩ ερε ααρων εϥεταλο `ντεϥϫιϫ `ςνουϯ εϧρηι εϫεν ταφε `μπιβαμπι ετονϧ ουοϩ εϥεουωνϩ εβολ εϩρηι εϫωϥ `ννιανομια τηρου `ντε νενϣηρι `μπιςραηλ νεμ `νουαδικια τηρου νεμ `νουνοβι τηρου ουοϩ εϥεταλωου εϩρηι εϫεν ταφε `μπιβαμπι ετονϧ ουοϩ εϥεουορπϥ εβολ ϧεν τϫιϫ `νουρωμι εϥςεβτωτ εβολ επϣαϥε

Leviticus 16:22 ουοϩ ερε πιβαμπι εϥεωλι εϫωϥ ννουανομια εουκαϩι `νατϩωμι εϫωϥ ουοϩ εϥεουωρπ `μπιβαμπι εβολ επϣαϥε

Leviticus 16:23 ουοϩ εϥει `νϫε ααρων εϧουν εϯςκυνη `ντε ϯμετμεθρε ουοϩ εϥεβαϣϥ `νϯςτολη θη εναςτοι ϩιωτϥ εϥναϣε εϧουν επεθουαβ ουοϩ εϥεχας `μπιμα ετεμμαυ

Leviticus 16:24 ουοϩ εϥεϫωκεμ `μπεϥςωμα ϧεν ουμωου ϧεν ουμα εϥουαβ ουοϩ εϥεϯ ϩιωτϥ `ντεϥςτολη ουοϩ εϥει εβολ εϥεθαμιο `μπεϥουταϩ τηρϥ νεμ πουταϩ τηρϥ `ντε πεϥλαος ουοϩ εϥετωβϩ εϩρηι εϫωϥ νεμ εϫεν πεϥηι νεμ εϩρηι εϫεν πιλαος ` μ`φρηϯ εταϥτωβϩ εϩρηι εϫεν νιουηβ

Leviticus 16:25 ουοϩ `πιωτ εϣαυενϥ εϩρηι εϫεν `φνοβι εϥεενϥ εϩρηι εϫεν πιμανερϣωουϣι

Leviticus 16:26 ουοϩ φη ετναουωρπ `μπιβαμπι εβολ φη εταυουορπϥ εβολ ευχω εβολ εϥερωϧι `ννεϥϩβως ουοϩ εϥεϫωκεμ `μπεϥςωμα ϧεν ουμωου ουοϩ μενενςα ναι εϥεϣεναϥ εϧουν εϯπαρεμβολη

Leviticus 16:27 ουοϩ πιμαςι φη ετε εθβε `φνοβι νεμ πιβαμπι φη ετε εθβε `φνοβι ναι εταυεν που`ςνοϥ εϧουν επϫιντωβϩ ϧεν πεθουαβ ευεολου ςαβολ `νϯπαρεμβολη ουοϩ ευεροκϩου ϧεν πιχρωμ νεμ `νουϣαρ νεμ `νουαϥουι νεμ `νουϩωιρι

Leviticus 16:28 φη ετναροκϩου εϥερωϧι `ννεϥϩβως ουοϩ εϥεϫωκεμ `μπεϥςωμα ϧεν ουμωου ουοϩ μενενςα ναι εϥει εϧουν εϯπαρεμβολη

Leviticus 16:29 ουοϩ ερε φαι ϣωπι νωτεν `νουνομος νενεϩ `νϩρηι ϧεν πιαβοτ `μμαϩ7 νςουαι `μπιαβοτ ερετενεθεβιο `ννετενψυχη ουοϩ ϫινερϩωβ νιβεν `ννετεναιτου πιρεμνϯμι νεμ πιϣεμμο εθουεϩ ερωτεν

Leviticus 16:30 `νϩρηι γαρ ϧεν παιεϩοου ευετωβϩ εϩρηι εϫωτεν ετουβε θηνου εβολ ϩα νετεννοβι τηρου `μπεμθο `μ`πϭοις ουοϩ ερετενετουβο

Leviticus 16:31 ϩανςαββατον `ντε ϩανςαββατον νωτεν ουοϩ ερετενεθεβιο `ννετενψυχη ουνομιμον νενεϩ

Leviticus 16:32 ουοϩ εϥετωβϩ εθβε ουχω εβολ `νϫε πιουηβ φη ετουναθαϩςϥ νεμ φη ετουναϫωκ `ννεϥϫιϫ εβολ `ντεϥερουηβ μενενςα πεϥιωτ ουοϩ εϥεϯ ϩιωτϥ `νϯςτολη νιαυ ϯςτολη εθουαβ

Leviticus 16:33 ουοϩ εϥετουβο `μπεθουαβ `ντε νεθουαβ νεμ ϯςκυνη `ντε ϯμετμεθρε νεμ πιμανερϣωουϣι εϥετουβοϥ ουοϩ εϥετωβϩ εϩρηι εϫεν νιουηβ νεμ εϫεν ϯςυναγωγη τηρς

Leviticus 16:34 φαι ουνομιμον νενεϩ νωτεν πε ετωβϩ εθβε ουχω εβολ `ντε νενϣηρι `μπιςραηλ εβολ ϩα `νουνοβι τηρου ουςοπ `ντεν ρομπι ευειρι `μφαι κατα `φρηϯ ετα `πϭοις ουαϩςαϩνι μμωυςης