Leviticus 20:1 ουοϩ α `πϭοις ςαϫι νεμ μωυςης εϥϫω `μμος
Leviticus 20:2 ϫε εκεςαϫι νεμ νενϣηρι `μπιςραηλ ϫε εϣωπ `ντε ουαι εβολ ϧεν νενϣηρι `μπιςραηλ ιε εβολ ϧεν νιϣεμμωου εταυουοϩ ϧεν πιςραηλ `ντεϥϯ εβολ ϧεν πεϥϫροϫ `νουαρχων ϧεν ουμου μαρουϧοθβεϥ ουοϩ πιεθνος ετϩιϫεν πικαϩι ευεϩιωνι εϫωϥ ϧεν ϩανωνι
Leviticus 20:3 ουοϩ ανοκ ϯναςεμνι `μπαϩο εϫεν πιρωμι ετεμμαυ ουοϩ ειετακοϥ εβολ ϧεν πεϥλαος ϫε ουηι αϥϯ εβολ ϧεν πεϥϫροϫ `νουαρχων ϩινα `ντεϥςωϥ ννη εθουαβ ντηι ουοϩ `ντεϥςωϥ μφραν ννη εταυϣωπι νηι ευουαβ
Leviticus 20:4 εϣωπ δε ϧεν ουϩιπϩο ντουϩιπϩο `νϫε νιρεμνϯμι `ντε πικαϩι ουοϩ ντουωλι ννουβαλ εβολ ϩα πιρωμι ετεμμαυ ϧεν `πϫινθρεϥϯ εβολ ϧεν πεϥϫροϫ `νουαρχων ϩωςδε εϣτεμϧοθβεϥ
Leviticus 20:5 ουοϩ ειεςεμνι `μπαϩο εϫεν πιρωμι ετεμμαυ νεμ τεϥςυγγενια ουοϩ ειετακοϥ νεμ ουον νιβεν εταυϯμαϯ νεμαϥ ϩωςδε εθρουερπορνευιν ενιαρχων εβολ ϧεν πουλαος
Leviticus 20:6 ουοϩ ϯψυχη ετναμοϣι νςα νη ετμουϯ εβολ ϧεν θνεϫι ιε νιρεϥϣενϩιν ϩωςδε εερπορνευιν ςαφαϩου μμωου ειεςεμνι `μπαϩο εϫεν ϯψυχη ετεμμαυ ουοϩ ειετακος εβολ ϧεν πεςλαος
Leviticus 20:7 ουοϩ ερετενεϣωπι ερετενουαβ ϫε ϯουαβ ανοκ `πϭοις πετεννουϯ
Leviticus 20:8 ουοϩ ερετενεαρεϩ εναουαϩςαϩνι τηρου ουοϩ ερετενεαιτου ανοκ πε `πϭοις πεττουβο μμωτεν
Leviticus 20:9 `φρωμι `φρωμι ετναϫε ουςαϫι εϥϩωου νςα πεϥιωτ ιε τεϥμαυ ϧεν ουμου μαρουϧοθβου αϥϫε πετϩωου ϧα πεϥιωτ ιε τεϥμαυ εϥεϣωπι εϥοι νενοχος
Leviticus 20:10 `φρωμι `φρωμι ετναερνωικ ετςϩιμι `νουρωμι ιε φη ετναερνωικ ετςϩιμι `μπεϥϣφηρ ϧεν ουμου ευεϧοθβεϥ φη ετοι ννωικ νεμ θη ετουοι ννωικ ερος
Leviticus 20:11 ουοϩ εϣωπ αρεϣαν ουαι νκοτ νεμ `τ`ςϩιμι `μπεϥιωτ πιϣιπι `μπεϥιωτ αϥϭορπϥ εβολ ϧεν ουμου μαρουϧοθβου `μπ2. ουον ερωου
Leviticus 20:12 ουοϩ εϣωπ `ντε ουαι νκοτ νεμ ουϣελετ νταϥ ϧεν ουμου μαρουϧοθβου `μπ2. εαυεραςεβης γαρ ουον ερωου
Leviticus 20:13 ουοϩ φη ετνανκοτ νεμ ουϩωουτ εουϣαιρι νςϩιμι ουςωϥ γαρ αυαιϥ `μπ2. ϧεν ουμου μαρουϧοθβου ουον ερωου
Leviticus 20:14 φη ετναϭι `νουςϩιμι νεμ τεςμαυ ουανομια τε ευεροκϩϥ ϧεν ουχρωμ νεμ νικεχωουνι ουοϩ `ννε ανομια ϣωπι ϧεν θηνου
Leviticus 20:15 ουοϩ φη ετνανκοτ νεμ τεβνη νιβεν ϧεν ουμου μαρουϧοθβεϥ ουοϩ πιτεβνη ερετενεϧοθβεϥ
Leviticus 20:16 ουοϩ ϯ`ςϩιμι ετναϣενας ϧατεν τεβνη νιβεν εενκοτ νεμας ερετενεϧωτεβ `νϯ`ςϩιμι νεμ πιτεβνη ϧεν ουμου μαρουμου ουον ερωου
Leviticus 20:17 φη ετναϭι `ντεϥςωνι `νϣενιωτ ιε `νϣενμαυ ουοϩ `ντεϥναυ επεςϣιπι ουοϩ νθος ϩως `ντεςναυ επεϥϣιπι ουϣωϣ πε ευεϥωϯ εβολ `μπεμθο `ννιϣηρι `ντε πεϥγενος ουϣιπι `ντε τεϥςωνι αϥϭορπϥ εβολ εϥεϭι `μπεϥνοβι
Leviticus 20:18 ουοϩ ουρωμι αϥϣαννκοτ νεμ ουςϩιμι εςοι νκεμα ουοϩ `ντεϥϭωρπ `μπεςϣιπι εβολ τεςμουμι αϥϭορπς εβολ ουοϩ νθος ϩως αςβωϣ εβολ `μπτελτελ `ντε πες`ςνοϥ ευεϥωϯ εβολ `μπ2. εβολ ϧεν `νουϫωου
Leviticus 20:19 ουοϩ ουϣιπι `ντε τςωνι `μπεκιωτ νεμ ουςωνι `ντε τεκμαυ `ννεκϭορπϥ εβολ ϯμετρεμϧενηι γαρ αυϭορπς εβολ ευεϭι `νουνοβι
Leviticus 20:20 φη ετνανκοτ νεμ τεϥςυγγενης ουϣιπι `ντε τεϥςυγγενια αϥϭορπϥ εβολ ευεμου ευοι `νατϣηρι `μπ2.
Leviticus 20:21 ουοϩ ουρωμι φη ετναϭι `τ`ςϩιμι `μπεϥςον ουϭωϧεμ πε ουϣιπι `ντε πεϥςον αϥϭορπϥ εβολ ευεμου ευοι `νατϣηρι
Leviticus 20:22 ουοϩ ερετενεαρεϩ εναουαϩςαϩνι τηρου νεμ ναϩαπ ουοϩ ερετενεαιτου ουοϩ `ννε `πκαϩι μεςτε θηνου φη ανοκ εϯναελ θηνου εϧουν εροϥ εϣωπι μμαυ
Leviticus 20:23 ουοϩ `ννετενμοϣι ϧεν νινομιμον `ντε νιεθνος νη ανοκ εϯναουορπου εβολ ϩαρωτεν ϫε ουηι ναι τηρου αυαιτου ουοϩ αιορβου
Leviticus 20:24 ουοϩ αιϫος νωτεν ϫε νθωτεν ετναερκληρονομιν `μπουκαϩι ουοϩ ανοκ ειετηιϥ νωτεν ϧεν ουϫφο πικαϩι ετϧαϯ νερωϯ ϩι εβιω ανοκ πε `πϭοις πετεννουϯ φη εταϥουετ θηνου εβολ `ννιεθνος τηρου
Leviticus 20:25 ουοϩ ερετενεουετ θηνου εβολ ουτε θμηϯ `ννιτεβνωουι ετϭαϧεμ νεμ ουτε θμηϯ `ννιτεβνωουι εττουβηουτ νεμ ουτε θμηϯ `ννιϩαλαϯ εττουβηουτ νεμ νη ετϭαϧεμ ουοϩ `ννετενωρεβ `ννετενψυχη ϧεν νιτεβνωουι νεμ ϧεν νιϩαλαϯ νεμ ϧεν νιϭατϥι `ντε `πκαϩι ναι εταιουοτου νωτεν εβολ ϧεν ουϭωϧεμ
Leviticus 20:26 ουοϩ ερετενεϣωπι νηι ερετενουαβ ϫε ϯουαβ ανοκ `πϭοις πετεννουϯ φη εταϥεν θηνου εβολ ϧεν `πκαϩι `νχημι νεμ ϧεν θμηϯ `ννιεθνος τηρου επϫιντετενϣωπι νηι
Leviticus 20:27 ουοϩ ουρωμι ιε ουςϩιμι φη ετναερρεϥϣινι ϧεν θνεϫι ιε ουρεϥϣενϩιν ϧεν ουμου μαρεϥμου ϧεν ϩανωνι ερετενεϩιωνι εϫωου ϫε ουον ερωου