Leviticus 26:1 `ννετενθαμιο νωτεν `νϩανμουνκ νϫιϫ ουδε φωτϩ ουδε `ννετενταϩε ςτυλη νωνι ερατς ουδε `ννετενχα ουωνι εϣινι ντοτϥ ϧεν πετενκαϩι επϫιντετενουωϣτ `μμοϥ ϫε ανοκ πε `πϭοις πετεννουϯ

Leviticus 26:2 ναςαββατον ερετενεαρεϩ ερωου ουοϩ αριϩοϯ ϧατϩη ννη εθουαβ ντηι ϫε ανοκ πε `πϭοις πετεννουϯ

Leviticus 26:3 ουοϩ εϣωπ `ντετενμοϣι ϧεν ναουαϩςαϩνι ουοϩ ναεντολη `ντετεναρεϩ ερωου ουοϩ `ντετεναιτου

Leviticus 26:4 ουοϩ ειεϯ `μπιμουνωϣι ϧεν πεϥςηου ουοϩ πικαϩι εϥεϯ `ννεϥουταϩ ουοϩ νιϣϣην `ντε νιμεϣϣοϯ ευεϯ `μπουουταϩ

Leviticus 26:5 ουοϩ ερε πιϭνωου ταϩο νωτεν `μπιϭωλ ουοϩ πιϭωλ εϥεταϩε πιςιϯ ουοϩ ερετενεουωμ `μπετενωικ επςι ουοϩ ερετενεϣωπι `νουταϫρο ϩιϫεν πετενκαϩι

Leviticus 26:6 ουοϩ ειεϯ `νουϩιρηνη ϩιϫεν πετενκαϩι ουοϩ ερετενενκοτ `ννεϥϣωπι `νϫε φη ετνουϣπ ουοϩ νιθηριον ετϩωου ϯνατακωου εβολ ϧεν πετενκαϩι ουοϩ `ννε πολεμος ςινι εβολ ϧεν πετενκαϩι

Leviticus 25:7 ουοϩ ερετενεϭοϫι νςα νετενϫαϫι ουοϩ ευεϩει `μπετενμθο ϧεν ουϧωτεβ

Leviticus 26:8 ουοϩ ερε 5. εβολ ϧεν θηνου ευεϭοϫι νςα 10 ουοϩ 10 εβολ ϧεν θηνου ευεϭοϫι νςα ϩανανθβα ουοϩ ευεϩει `νϫε νετενϫαϫι ϧεν τςηϥι `μπετενμθο εβολ

Leviticus 26:9 ουοϩ ειεςομς εϫεν θηνου ουοϩ ειεθρετεναιαι ουοϩ ειεθρετεναϣαι ουοϩ ειεςεμνι νταδιαθηκη νεμωτεν

Leviticus 26:10 ουοϩ ερετενεουωμ `νϩαναπας νεμ ϩαναπας `ντε ϩαναπας ουοϩ ερετενεινι εβολ `νϩαναπας `μπεμθο `νϩανβερι

Leviticus 26:11 ουοϩ ειεχω νταςκυνη ϧεν θηνου ουοϩ `ννε ταψυχη ϭι θηνου μβοϯ

Leviticus 26:12 ουοϩ ειεμοϣι ϧεν θηνου ειεϣωπι νωτεν ννουϯ ουοϩ νθωτεν ϩωτεν ερετενεϣωπι νηι `νουλαος

Leviticus 26:13 ϫε ανοκ πε `πϭοις πετεννουϯ φη εταϥεν θηνου εβολ ϧεν `πκαϩι `νχημι ετετενοι μβωκ ουοϩ αιϧομϧεμ `μπςναυϩ `ντε πετενναϩβεϥ ουοϩ αιεν θηνου εβολ νεμ ουπαρρηςια

Leviticus 26:14 εϣωπ δε αρετενϣτεμςωτεμ `νςωι ουοϩ `ντετενϣτεμιρι νναουαϩςαϩνι

Leviticus 26:15 αλλα `ντετενερατθωτ `νϩητ ερωου ουοϩ ναϩαπ `ντετενμεςτωου ϧεν νετενψυχη ϩωςδε νθωτεν `ντετενϣτεμιρι νναεντολη τηρου ϩωςδε `ντετενϫωρ νταδιαθηκη εβολ

Leviticus 26:16 ουοϩ ανοκ ϩω ειειρι νωτεν `μπαιρηϯ ουοϩ ειετουϩο εϫεν θηνου `νϯμετατϣαϣνι νεμ ϯψωρα νεμ πιςθερτερ νετενβαλ ευτης ουοϩ ευτομτ ουοϩ νετενψυχη ευβηλ εβολ ουοϩ ερετενεςιϯ `μπετενϫροϫ επετϣουιτ ουοϩ ευεουομου `νϫε νη ετϯ ουβε θηνου

Leviticus 26:17 ουοϩ ειεταϫρο `μπαϩο εϫεν θηνου ουοϩ ερετενεϩει `μπεμθο `ννετενϫαϫι ουοϩ ευεϭοϫι `νςωτεν `νϫε νη εθμοςϯ μμωτεν ουοϩ ερετενεφωτ `μμον πετϭοϫι νςα θηνου

Leviticus 26:18 ουοϩ ϣα φαι αρετενϣτεμςωτεμ `νςωι ουοϩ ειεουαϩτοτ εερπεδευιν μμωτεν ϧεν 7 νερϧοτ εϫεν νετεννοβι

Leviticus 26:19 ουοϩ ειεϧομϧεμ `μπϣωβϣ `ντετενμετρεϥϩιπϩο ουοϩ ειεχω ντφε νωτεν ` μ`φρηϯ `νουβενιπι νεμ πικαϩι ` μ`φρηϯ `νουϩομτ νωτεν

Leviticus 26:20 ουοϩ τετενϫομ εςεϣωπι επετϣουιτ ουοϩ `ννε πετενκαϩι ϯ `μπεϥουταϩ ουοϩ πιϣϣην `ντετενκοι `ννεϥϯ `μπεϥουταϩ

Leviticus 26:21 ουοϩ μενενςα ναι εϣωπ `ντετενμοϣι ερετενρακι ουοϩ `ντετενϣτεμςωτεμ `νςωι ουοϩ ειετουϩο ερωτεν ν7 νερϧοτ κατα νετεννοβι

Leviticus 26:22 ουοϩ ειεουωρπ εϫεν θηνου `ννιθηριον ναγριον `ντε πικαϩι ουοϩ ευεουεμ θηνου ουοϩ ευεμουνκ `ννετεντεβνωουι ουοϩ ευεερ θηνου νκουϫι ουοϩ ευεϣωπι ευϣηϥ `νϫε νετενμωιτ

Leviticus 26:23 ουοϩ εϣωπ εϩρηι εϫεν ναι `ντετενϣτεμϭιςβω αλλα `ντετενμοϣι νεμηι ερετενρακι

Leviticus 26:24 ανοκ ϩω ειεμοϣι νεμωτεν ϧεν ουϫωντ εϥρακι ουοϩ ειεϣαρι ερωτεν κεγε ν7 νςοπ ντϣεβιω `ννετεννοβι

Leviticus 26:25 ουοϩ ειεινι εϩρηι εϫωτεν `νουςηϥι εςϭιμπϣιϣ `νουϩαπ `ντε ουδιαθηκη ουοϩ ερετενεφωτ ενετενβακι ουοϩ ειεουωρπ `νουμου εϧουν ερωτεν ουοϩ ευεϯ θηνου εϧρηι ενενϫιϫ `ντε νετενϫαϫι

Leviticus 26:26 ϧεν `πϫινθρουϩεϫϩεϫ θηνου ϧεν πιςουο νεμ πιωικ ουοϩ ερε μηϯ νςϩιμι ευεϫωϫ `ννετενωικ ϧεν ουθριρ `νουωτ ουοϩ ευεϯ `ννιωικ νωτεν ϧεν ουμαϣι ουοϩ ερετενεουωμ `ννετενςι

Leviticus 26:27 εϣωπ δε εϩρηι εϫεν ναι `ντετενϣτεμςωτεμ `νςωι αλλα `ντετενμοϣι νεμηι ερετενρακι

Leviticus 26:28 ανοκ ϩω ειεμοϣι νεμωτεν ϧεν ουϫωντ εϥρακι ουοϩ ειεϯϣεβιω νωτεν ανοκ ν7 νςοπ κατα νετεννοβι

Leviticus 26:29 ουοϩ ερετενεουωμ `ννιςαρξ `ντε νετενϣηρι νεμ νιςαρξ `ντε νετενϣερι ερετενεουομου

Leviticus 26:30 ουοϩ ειεϣωϥ `ντετενςτυλη ουοϩ ειεϥωϯ εβολ `ννετενιεβνϣε νεμ νετενμουνκ νϫιϫ ουοϩ ειεχω `ννετενκελι εϫεν νικελι `ντε νετενιδωλον ουοϩ ερε ταψυχη μεςτε θηνου

Leviticus 26:31 ουοϩ ειεχω `ννετενβακι επϣωϥ ουοϩ ειεςωϥ ννη εθουαβ ντωτεν ουοϩ νναϣωλεμ επςθοι `ντε νετενϣουϣωουϣι

Leviticus 26:32 ουοϩ ειεϣωϥ `μπετενκαϩι ουοϩ ευεερϣφηρι εϩρηι εϫωϥ `νϫε νετενϫαϫι νη ετϣοπ νϧητϥ

Leviticus 26:33 ουοϩ ειεϫερ θηνου εβολ ϧεν νιεθνος ουοϩ εςεμενκ θηνου `νϫε ουςηϥι εςμοϣι εϫεν θηνου ουοϩ ερε πετενκαϩι ϣωπι επϣωϥ νεμ νετενπολις ευεϣωπι ευϣηϥ

Leviticus 26:34 ουοϩ τοτε ερε `πκαϩι ϯμαϯ `ννεϥςαββατον ϧεν νιεϩοου τηρου `ντε πεϥϣωϥ ουοϩ νθωτεν ϩωτεν ερετενεϣωπι ϧεν `πκαϩι `ντε νετενϫαϫι ουοϩ τοτε ερε πικαϩι ερςαββατιζιν ουοϩ εϥεϯμαϯ `ννεϥςαββατον

Leviticus 26:35 `ννιεϩοου τηρου `ντε πεϥϣωϥ εϥεερςαββατιζιν ννη ετε `μπεϥερςαββατιζιν μμωου ϧεν νετενςαββατον `μπιςηου εναρετενϣοπ ϩιωτϥ

Leviticus 26:36 ουοϩ νη εαυςωϫπ εβολ ϧεν θηνου ϯναϯ `νουϩελι εϧρηι επουϩητ νϧρηι ϧεν πικαϩι `ντε `νουϫαϫι ουοϩ εϥεϭοϫι `νςωου `νϫε πϧρωου `νουϫωβι ευινι `μμος ουοϩ ευεφωτ ` μ`φρηϯ `νϩανουον ευφητ εβολ ϧεν πιπολεμος ουοϩ ευεϩει `μμον πετϭοϫι `νςωου

Leviticus 26:37 ουοϩ εϥεϩιπϩο `νϫε ουςον `μπεϥςον ` μ`φρηϯ `νουπολεμος `μμον πετϭοϫι `νςωου ουοϩ `ννετενϣϫεμϫομ νοϩι εϧουν εϩρεν νετενϫαϫι

Leviticus 26:38 ουοϩ ερετενετακο ϧεν νιεθνος ουοϩ ερε πικαϩι `ντε νετενϫαϫι εϥεουεμ θηνου

Leviticus 26:39 ουοϩ νη εταυςωϫπ εβολ ϧεν θηνου ευετακο εθβε `νουνοβι ουοϩ εθβε νεννοβι `ντε `νουιοϯ ϧεν `πκαϩι `ντε `νουϫαϫι ευεβωλ εβολ

Leviticus 26:40 ουοϩ ευεουωνϩ ννουνοβι εβολ νεμ νινοβι `ντε `νουιοϯ ϫε ουηι αυερπαραβενιν αυϩιπϩο `μμοι ουοϩ ϫε αυμοϣι `μπαμθο ευρακι

Leviticus 26:41 ανοκ ϩω αιμοϣι νεμωου ϧεν ουϫωντ εϥρακι ουοϩ ειετακωου εβολ ϧεν `πκαϩι `ντε `νουϫαϫι τοτε εϥεϣφιτ `νϫε πουϩητ `νατςεβι ουοϩ τοτε ευεκαϯ ενουνοβι

Leviticus 26:42 ουοϩ ειεερφμευι `νϯδιαθηκη `ντε ιακωβ νεμ ϯδιαθηκη `ντε ιςαακ νεμ ϯδιαθηκη `ντε αβρααμ ειεερπουμευι ουοϩ ειεερφμευι `μπικαϩι

Leviticus 26:43 ουοϩ πικαϩι εϥεςωϫπ εβολ ϩαρωου ουοϩ τοτε ερε πικαϩι ϣωπ εροϥ `ννεϥςαββατον ϧεν `πϫιντεϥϣωϥ εθβητου ουοϩ νθωου ϩωου ευεϣωπ ερωου ννουανομια ντϣεβιω ϫε ναϩαπ αυϩιπϩο μμωου ουοϩ ναουαϩςαϩνι αυμεςτωου ϧεν `νουψυχη

Leviticus 26:44 ουδε `μπαιρηϯ ον ευχη ϧεν `πκαϩι `ντε `νουϫαϫι `μπιϩιπϩο μμωου ουδε αιμεςτωου ϩωςδε εμονκου εβολ επϫινϫερ ταδιαθηκη εβολ ετϣοπ ϩαρωου ανοκ πε `πϭοις πετεννουϯ

Leviticus 26:45 ουοϩ ειεερφμευι `νουδιαθηκη ντωου νϣορπ ϫε αιενου εβολ ϧεν `πκαϩι `νχημι εβολ ϧεν `πηι `ντε ουμετβωκ `μπεμθο `ννιεθνος επϫινταϣωπι νωου ννουϯ ϫε ανοκ πε `πϭοις

Leviticus 26:46 ναι νε νιϩαπ νεμ νιουαϩςαϩνι νεμ πινομος φη ετα `πϭοις τηιϥ ουτωϥ νεμ ουτε νενϣηρι `μπιςραηλ ϩι `πτωου `νςινα ϧεν τϫιϫ μμωυςης