Exodus 1:1 ναι νε νιραν `ντε νενϣηρι `μπιςραηλ νη εταυι ε`ϧρηι εχημι ευςοπ νεμ ιακωβ πουιωτ πιουαι πιουαι νεμ πουηι τηρϥ

Exodus 1:2 ρουβην ςυμεων λευι ιουδας

Exodus 1:3 ιζαχαρ ζαβαλων

Exodus 1:4 δαν νεφθαλιμ γαδ νεμ αςηρ νεμ βενιαμιν

Exodus 1:5 ιωςηφ δε ναϥχη ϧεν χημι πε νιψυχη δε τηρου εταυι εβολ ϧεν ιακωβ `ϣβε ϯου νε

Exodus 1:6 αϥμου δε `νϫε ιωςηφ νεμ νεϥςνηου τηρου νεμ πιϫωου τηρϥ ετεμμαυ

Exodus 1:7 νενϣηρι δε `μπιςραηλ αυαιαι ουοϩ αυαϣαι ουοϩ αυφονπεν εβολ ουοϩ αυϫεμνομϯ εμαϣω εμαϣω ουοϩ α `πκαϩι μοϩ εβολ `μμωου

Exodus 1:8 αϥτωνϥ `νϫε κεουρο εϫεν χημι φη ετε ναϥςωουν ιωςηφ αν πε

Exodus 1:9 ουοϩ πεϫαϥ `μπεϥεθνος ϫε ϩηππε ις πϣλολ `ντε νενϣηρι `μπιςραηλ ουνιϣϯ μμηϣ πε ουοϩ ϥϫεμ νομϯ εϩοτερον

Exodus 1:10 αμωινι ουν μαρενϫεμ ουςβω ερωου μηποτε ντουαϣαι ουοϩ εϣωπ αρεϣαν ουβωτς τωνϥ εϫων ναι ϩωου ναυϯτοτου νεμ νη ετϯ ουβην ουοϩ αυϣανβωτς ερον ςεναϣενωου εβολ ϧεν πενκαϩι

Exodus 1:11 ουοϩ αυχω `νϩανεπιςτατης ε`ϧρηι εϫωου νιρεϥϭωρεμ `ντε νιϩβηουι ϩινα νςετϩεμκωου ϧεν νιϩβηουι ουοϩ ουκωτνϩανβακι ευϫορ`μφαραω πεθωμ νεμ ραμεςςη νεμ ων ετε θβακι μφρη τε

Exodus 1:12 κατα φρηϯ δε εναυθεβιο `μμωου ναυνηου ναϣαι νϩουο πε ουοϩ ναυνηου νϫεμ νομϯ ουοϩ ναυοι μβοϯ `νϫε νιρεμνχημι εβολ ϩα πϩο ννενϣηρι `μπιςραηλ

Exodus 1:13 ουοϩ ναρε νιρεμνχημι ϭεπϫωρι εϫεν νενϣηρι `μπιςραηλ ϧεν ουμετϭινϫονς

Exodus 1:14 ουοϩ ναυτϩεμκο μπουωνϧ πε ϧεν νιϩβηουι εθναϣτ ϧεν πιομι νεμ πιφαπετωβι νεμ νιϩβηουι τηρου νη ετϧεν νιμεϣϣοϯ κατα ϩωβ νιβεν εναυιρι `μμωου μβωκ νϧητου ϧεν ουμετϭινϫονς

Exodus 1:15 ουοϩ πεϫε πουρο `ντε νιρεμνχημι ννιρεϥθμεςιο `ντε νιϩεβρεος φραν νουι `μμωου πε ςεπφωρα ουοϩ φραν νϯμαϩ `ςνουϯ πε φουα

Exodus 1:16 ουοϩ πεϫαϥ ϫε εϣωπ αρετενϣαννουι εθμεςιε νιϩεβρεος αυϣανι ετςεμιςι εϣωπ μεν ουϩωουτ πε ϧοθβεϥ εϣωπ δε ουςϩιμι τε ματανϧος

Exodus 1:17 αυερϩοϯ δε ϧατϩη μ`φνουϯ `νϫε νιρεμθμεςιο ουοϩ μπουιρι κατα φρηϯ εταϥουαϩςαϩνι `μμοϥ νωου `νϫε πουρο `νχημι ουοϩ ναυτανϧο ννιϩωουτ πε

Exodus 1:18 αϥμουϯ δε `νϫε πουρο `νχημι ενιρεϥθμεςιο ουοϩ πεϫαϥ νωου ϫε παιϩωβ ου πε εταρετεναιϥ ερετεντανϧο ννιϩωουτ

Exodus 1:19 πεϫε νιρεϥθμεςιο δε`μφαραω ϫε `μ`φρηϯ αν ννιϩιομι `ντε χημι νε νιϩιομι `ντε νιϩεβρεος ϣαυμιςι γαρ ιςϫεν μπατουι εϧουν ϩαρωου `νϫε νιρεϥθμεςιο ουοϩ ναυμιςι πε

Exodus 1:20 `φνουϯ δε ναϥερπεθνανεϥ ννιρεϥθμεςιο ουοϩ αϥαϣαι `νϫε πιλαος ουοϩ αϥϫεμνομϯ εμαϣω

Exodus 1:21 επιδη ναυερϩοϯ ϩατϩη μ`φνουϯ πε `νϫε νιρεϥθμεςιο αυθαμιο νωου `νϩανηι

Exodus 1:22 αϥουαϩςαϩνι δε `νϫε φαραω ντεν πεϥλαος τηρϥ εϥϫω `μμος ϫε ϩωουτ νιβεν ετουναμαςου ννιϩεβρεος ϩιτου εφμωου ουοϩ ςϩιμι νιβεν ματανϧωου