Exodus 21:1 ουοϩ ναι νε νιμεθμηι ετεκναχαυ `μπουμθο

Exodus 21:2 εϣωπ ακϣανϫφο νουαλου `νϩεβρεος εϥεερβωκ νακ `ν6 `νρομπι ϧεν ϯμαϩ ϣαϣϥι δε νρομπι εκεουορπϥ εβολ εϥοι `νρεμϩε `νϫινϫη

Exodus 21:3 ιςϫε νθοϥ μμαυατϥ αϥι εϧουν εϥεϣεναϥ εβολ μμαυατϥ ον εϣωπ δε `ντε ουςϩιμι ι εϧουν νεμαϥ εςει εβολ νεμαϥ `νϫε ϯ`ςϩιμι

Exodus 21:4 εϣωπ δε `ντε `πϭοις ϯ νουςϩιμι ναϥ ουοϩ `ντεςμιςι ναϥ `νϩανϣηρι νεμ ϩανϣερι ϯςϩιμι νεμ νιαλωουι ευεερ να πεςϭοις πιϩαι δε μμαυατϥ εϥει εβολ

Exodus 21:5 εϣωπ δε αϥϣανερουω ουοϩ ντεϥϫος `νϫε πιαλου ϫε αιμενρε παϭοις νεμ ταςϩιμι νεμ ναϣηρι ϯναϣενηι αν ειοι `νρεμϩε

Exodus 21:6 εϥεενϥ `νϫε πεϥϭοις ϧατεν πιμανϯϩαπ `ντε `φνουϯ ουοϩ τοτε εϥεενϥ εϧουν ϧατεν πιρο εϫεν πιρο εϫεν ϯβεννη ουοϩ ερε πεϥϭοις ουωτεν `μπεϥμαϣϫ ϧεν ϯτραπς ουοϩ εϥεερβωκ ναϥ ϣα ενεϩ

Exodus 21:7 εϣωπ δε `ντε ουαι ϯ `μπεϥϣερι εβολ ϧα βωκι ννεςϣενας `μ`φρηϯ ετουϭοϫι `νϫε νιβωκι

Exodus 21:8 εϣωπ δε αςϣτεμραναϥ `μπεςϭοις ουοϩ θαι ντεϥϣτεμουαϣς εϥεςοτς κεεθνος δε `νϣεμμο ϥοι `νϭοις αν ετηις ναϥ εβολ ϫε αϥϣωϣϥ `νϧητς

Exodus 21:9 εϣωπ δε αϥϣανουονϩς εβολ ετηις `μπεϥϣηρι εϥειρι νας κατα νιμεθμηι `ντε νιϣερι

Exodus 21:10 εϣωπ δε αϥϣανϭι ναϥ νκεουι νη ετςεμπϣα νεμ πεςϭι`ϩβος νεμ πεςςαϫι `ννεϥϥοϫς `μμωου

Exodus 21:11 εϣωπ δε αϥϣτεμιρι νας μπαι3. εςὲὶ ὲβολ `νϫινϫη `νατϩατ

Exodus 21:12 εϣωπ δε αρεϣαν ουαι ϯ νουϣαϣ νουαι ουοϩ ντεϥμου ϧεν ουμου μαρεϥμου

Exodus 21:13 φη δε ετεϩναϥ αν πε αλλα `φνουϯ αϥτηιϥ ε`ϧρηι ενεϥϫιϫ ειεϯ νακ νουμα εθρεϥφωτ εμαυ `νϫε φη εταϥϧωτεβ

Exodus 21:14 εϣωπ δε `ντε ουαι ουαϩϥ εϫεν πεϥ`ϣφηρ ντεϥϧοθβεϥ ϧεν ουχροϥ ντεϥφωτ εκεϭιτϥ εβολ ϩα παμανερϣωουϣι εϧοθβεϥ

Exodus 21:15 φη εθναϯ νουϣαϣ `μπεϥιωτ ιε τεϥμαυ ϧεν ουμου μαρεϥμου

Exodus 21:16 φη εθναϫε ουςαϫι εϥϩωου ` νςα πεϥιωτ ιε τεϥμαυ ϧεν ουμου μαρεϥμου

Exodus 21:17 φη ετναωλι `νουαι `νρωμι `νϭιουι ουοϩ `ντεϥϭεπϫωρι εϫωϥ `ντεϥτηιϥ εβολ ουοϩ `ντουϫεμϥ `νϧητϥ ϧεν ουμου μαρεϥμου.

Exodus 21:18 εϣωπ δε εουον ρωμι 2. ευϩωουϣ νεμ νουερηου ουοϩ `ντε ουαι `μμωου ϯ νουϣαϣ `μπεϥϣφηρ ϧεν πωνι ιε ϧεν ουεϥϧοτ ουοϩ ντεϥϣτεμμου ντεϥνκοτ δε ϩιϫεν πεϥμανενκοτ

Exodus 21:19 εϣωπ δε αϥϣαντωνϥ `νϫε πιρωμι `ντεϥμοϣι εβολ εϥουεϩ εϫεν ουϣβωτ εϥεϣωπι εϥτουβηουτ `νϫε φη εταϥϯ μπιερϧοτ πλην φα πεϥκωρϥ νεμ πεϥϩομτ νςηινι εϥετηιτου

Exodus 21:20 εϣωπ δε αρεϣαν ουαι ϯ νουϣαϣ `μπεϥβωκ ιε τεϥβωκι ϧεν ουϣβωτ ουοϩ ντουμου ϧεν νεϥϫιϫ ϧεν ουϭιμπϣιϣ ευεϭιμπϣιϣ `μμοϥ

Exodus 21:21 εϣωπ δε αϥϣανςινι `νϫε ουεϩοου ιε 2. `ννουϭιμπϣιϣ `μμοϥ ϫε ουηι γαρ πεϥϩατ πε.

Exodus 21:22 εϣωπ δε αυϣανϯ `νϫε ρωμι 2. νεμ νουερηου ουοϩ `ντε ουαι `μμωου ϯ νουϣαϣ νουςϩιμι εςεμβοκι ουοϩ ντεϥι εβολ `νϫε πιαλου μπατεϥϫωκ νςωντ ϧεν ουοςι εϥεϯοςι κατα φη ετε `πϩαι νϯςϩιμι ναϩιτϥ εϩραϥ ουοϩ εϥετηιϥ νεμ ουϯϩο

Exodus 21:23 εϣωπ δε αϥϣανϫωκ νςωντ εϥεϯ νουψυχη ϧα ουψυχη

Exodus 21:24 ουβαλ ϧα ουβαλ ουναϫϩι ϧα ουναϫϩι ουϫιϫ ϧα ουϫιϫ ουφατ ϧα ουφατ

Exodus 21:25 ουϫωϥ ϧα ουϫωϥ ουφωϧ ϧα ουφωϧ ουλελεχημι ϧα ουλελεχημι

Exodus 21:26 εϣωπ δε αρεϣαν ουαι ϯ νουϣωϣ ϧεν `φβαλ `μπεϥβωκ ιε `φβαλ ντεϥβωκι ουοϩ ντεϥερβελλε εϥεουορπου εβολ ευοι νρεμϩε `ντϣεβιω `μπουβαλ

Exodus 21:27 εϣωπ δε ντεϥελ θναϫϩι `μπεϥβωκ εβολ ιε εθναϫϩι `ντεϥβωκι εϥεουορπου εβολ ευοι νρεμϩε `ντϣεβιω ντουναϫϩι

Exodus 21:28 εϣωπ δε αρεϣαν ουμαςι ϧολϧελ `νουρωμι ιε ουςϩιμι ουοϩ `ντουμου ϧεν ϩανωνι ευεςετ ωνι εϫεν πιμαςι ουοϩ ννουουωμ `ννεϥαϥουι `πϭοις δε μπιμαςι εϥεϣωπι εϥτουβηουτ

Exodus 21:29 εϣωπ δε πιμαςι ουρεϥϧολϧελ πε ϧαϫεν ςαϥ νεμ ϧαϫεν 3. ὲφοου ουοϩ `ντουερμεθρε `μπεϥνηβ ουοϩ `ντεϥ`ϣτεμτακοϥ ντεϥϧωτεβ δε νουρωμι ιε ου`ςϩιμι ευεςετ ωνι εϫεν πιμαςι ουοϩ εϥεμου `νϫε πεϥκενηβ

Exodus 21:30 εϣωπ δε ντουϩι ουοςι εϩραϥ εϥεϯ ννενςωϯ ντεϥψυχη ϩωβ νιβεν ετουναϩιτϥ νςωϥ

Exodus 21:31 εϣωπ δε αϥϣανϧολϧελ νουϣηρι ιε ουϣερι ευειρι ναϥ κατα ταιμεθμηι

Exodus 21:32 εϣωπ δε αρεϣαν πιμαςι ϧολϧελ νουβωκ ιε ουβωκι εϥεϯ `μμαπ `νκιϯ `νϩατ `μπουϭοις ουοϩ ευεςετ ωνι εϫεν πιμαςι

Exodus 21:33 εϣωπ δε αρεϣαν ουαι ουων νουλακκος ιε ντεϥϣωκι νουλακκος ουοϩ ντεϥϣτεμϩοβςϥ ουοϩ `ντεϥϩει εμαυ `νϫε ουμαςι ιε ουιω

Exodus 21:34 `πϭοις μπιλακκος εϥετηιϥ εϥεϯ νουϩατ μπουνηβ φη δε εταϥμου εϥεερ φωϥ

Exodus 21:35 εϣωπ δε αρεϣαν ουμαςι `ντε ουαι ϧολϧελ νουμαςι `ντε πεϥϣφηρ ουοϩ ντεϥμου ευεϯ `μπιμαςι ετονϧ εβολ ουοϩ ευεφωϣ `μπεϥϩατ εϩραυ ουοϩ πιμαςι εταϥμου ευεφαϣϥ εϩραυ

Exodus 21:36 εϣωπ δε αυϣανςουεν πιμαςι ϫε ουρεϥϧολϧελ πε ϧαϫεν ςαϥ νεμ ϧαϫεν 3. ὲφοου ουοϩ αυερμεθρε `μπεϥνηβ ουοϩ `ντεϥ`ϣτεμτακοϥ εϥεϯ νουμαςι `ντϣεβιω νουμαςι φη δε εταϥμου εϥεϣωπι ναϥ