Exodus 7:1 ουοϩ πεϫε `πϭοις μ μωυςης ϫε ϩηππε αιτηικ ννουϯ`μφαραω ουοϩ ααρων πεκςον εϥεϣωπι νακ `μπροφητης

Exodus 7:2 `νθοκ δε εκεςαϫι νϩωβ νιβεν εϯϩονϩεν `μμοκ ερωου ουοϩ ααρων πεκςον εϥεςαϫι νεμ φαραω ϩωςτε `ντεϥουωρπ ννενϣηρι `μπιςραηλ εβολ ϧεν πεϥκαϩι.

Exodus 7:3 ανοκ δε ειεθρε πϩητ`μφαραω νϣοτ ουοϩ ϯναθρουαϣαι `νϫε ναμηινι νεμ ναϣφηρι ϧεν `πκαϩι `νχημι.

Exodus 7:4 ουοϩ `ννεϥςωτεμ ` νςα θηνου `νϫε φαραω ουοϩ ϯναινι νταϫιϫ εϫεν χημι ουοϩ ειεινι νεμ ταϫομ μπαλαος νενϣηρι `μπιςραηλ εβολ ϧεν `πκαϩι `νχημι ϧεν ουνιϣϯ νϭιμπϣιϣ.

Exodus 7:5 ουοϩ ευεεμι `νϫε νιρεμνχημι τηρου ϫε ανοκ πε `πϭοις ετςωουτεν νταϫιϫ εϫεν χημι ουοϩ ειεεν νενϣηρι `μπιςραηλ εβολ ϧεν τουμηϯ

Exodus 7:6 αϥιρι δε `νϫε μωυςης νεμ ααρων κατα φρηϯ εταϥϩονϩεν νωου `νϫε `πϭοις αυιρι `μπαιρηϯ

Exodus 7:7 μωυςης δε ναϥχη ϧεν ϧαμνε `νρομπι πε ουοϩ ααρων ναϥχη ϧεν ϧαμνε ϣομϯ `νρομπι πε ϩοτε εταϥςαϫι νεμ φαραω.

Exodus 7:8 ουοϩ πεϫε `πϭοις μ μωυςης νεμ ααρων εϥϫω `μμος

Exodus 7:9 ϫε εϣωπ αϥϣανςαϫι νεμωτεν `νϫε φαραω εϥϫω `μμος ϫε μα ουμηινι ναν ιε ουϣφηρι ουοϩ εκεϫος νααρων πεκςον ϫε ωλι μπιϣβωτ ουοϩ βερβωρϥ`μπεμθο`μφαραω νεμ`μπεμθο `ννεϥαλωουι ουοϩ εϥεερ ουδρακων

Exodus 7:10 αϥι δε εϧουν `νϫε μωυςης νεμ ααρων `μπεμθο`μφαραω ουοϩ αυιρι `μπαιρηϯ κατα φρηϯ ετα `πϭοις ϩονϩεν νωου ουοϩ αϥβορβερ `νϫε ααρων `μπεϥϣβωτ`μπεμθο`μφαραω νεμπεμθο `ννεϥαλωουι ουοϩ αϥερ ουδρακων

Exodus 7:11 αϥμουϯ δε `νϫε φαραω ενιςαβευ νεμ νιφαρμακος `ντε χημι ουοϩ αυιρι ϩωου `νϫε νιρεϥϭιϣημ `ντε χημι `μπαιρηϯ ϧεν ουμετφαρμακος

Exodus 7:12 ουοϩ φουαι φουαι `μμωου βορβερ `μπεϥϣβωτ ουοϩ αυερ ϩανδρακων ουοϩ α πϣβωτ νααρων ωμκ `ννιϣβοϯ `ντε νη

Exodus 7:13 ουοϩ αϥϫεμνομϯ `νϫε πϩητ `μφαραω ουοϩ `μπεϥςωτεμ `νςωου κατα φρηϯ εταϥςαϫι `νϫε `πϭοις.

Exodus 7:14 πεϫε `πϭοις δε μ μωυςης ϫε αϥϩροϣ `νϫε πϩητ`μφαραω εϣτεμουωρπ μπιλαος εβολ

Exodus 7:15 μαϣενακ ϩα φαραω ντοουι ϩηππε νθοϥ ϥνηου εβολ εϫεν πιμωου ουοϩ εκεοϩι ερατκ νεμαϥ ϩιϫεν νενςφοτου `μφιαρο ουοϩ πιϣβωτ εταϥφονϩϥ αϥερ ουϩοϥ εκεϭιτϥ ϧεν τεκϫιϫ.

Exodus 7:16 ουοϩ εκεϫος ναϥ ϫε `πϭοις `φνουϯ `ντε νιϩεβρεος αϥουορπτ ϩαροκ εϥϫω `μμος ϫε ουωρπ `μπαλαος εβολ ϩινα ντουϣεμϣι `μμοι `ν`ϩρηι ϩι πϣαϥε ουοϩ ϩηππε `μπατεκςωτεμ ϣα εϧουν εϯνου

Exodus 7:17 ναι νε νη ετεϥϫω `μμωου `νϫε `πϭοις ϧεν φαι εκεεμι ϫε ανοκ πε `πϭοις ϩηππε ανοκ ϯναμιϣι ϧεν πιϣβωτ φη ετϧεν ταϫιϫ εϫεν πιμωου φη ετϧεν `φιαρο ουοϩ εϥεουωτεβ εϥεερςνοϥ

Exodus 7:18 ουοϩ νιτεβτ νη ετχη ϧεν `φιαρο ευεμου ουοϩ εϥεχωνς `νϫε `φιαρο ουοϩ ννουϣϫεμϫομ `νϫε νιρεμνχημι εςε μωου εβολ ϧεν `φιαρο

Exodus 7:19 πεϫε `πϭοις δε μ μωυςης ϫε αϫος νααρων πεκςον ϫε ϭι `μπεκϣβωτ ουοϩ ςουτεν τεκϫιϫ εβολ εϫεν νιμωου `ντε χημι νεμ εϫεν νουιαρωου νεμ εϫεν νουιορ `νϣικ νεμ εϫεν νουϩελος νεμ εϫεν μαι νιβεν ετε ουον μωου ντωου θουηουτ νϧητου ουοϩ ευεερςνοϥ ουοϩ εϥεϣωπι `νϫε πιςνοϥ `ν`ϧρηι εϫεν πικαϩι τηρϥ `ντε χημι `ν`ϧρηι ϧεν νιϣε νεμ `ν`ϧρηι ϧεν νιωνι

Exodus 7:20 ουοϩ αυιρι `μπαιρηϯ `νϫε μωυςης νεμ ααρων κατα φρηϯ εταϥϩονϩεν νωου `νϫε `πϭοις ουοϩ αϥϥαι ε`πϣωι `νϫε ααρων αϥμιϣι ϧεν πεϥϣβωτ μπιμωου ετϧεν φιαρο`μπεμθο`μφαραω νεμπεμθο `ννεϥαλωουι ουοϩ αϥουωτεβ `νϫε πιμωου τηρϥ ετϧεν `φιαρο αϥερςνοϥ.

Exodus 7:21 ουοϩ νιτεβτ ετϧεν `φιαρο αυμου ουοϩ αϥχωνς `νϫε `φιαρο ουοϩ ναϣϫεμϫομ αν πε `νϫε νιρεμνχημι εςε μωου εβολ ϧεν `φιαρο ουοϩ ναϥχη πε `νϫε πιςνοϥ ϧεν πικαϩι τηρϥ `ντε χημι.

Exodus 7:22 αυιρι δε ϩωου `μπαιρηϯ `νϫε νιρεϥϭιϣημ `ντε νιρεμνχημι ϧεν ουμετφαρμακος ουοϩ αϥενϣοτ `νϫε `πϩητ`μφαραω ουοϩ `μπεϥςωτεμ νςωου κατα φρηϯ εταϥϫος`νϫε `πϭοις.

Exodus 7:23 αϥκοτϥ δε `νϫε φαραω αϥϣεναϥ εϧουν επεϥηι ουοϩ `μπεϥουεμϩθηϥ ουδε εϫεν παιχετ

Exodus 7:24 αυϣωκι δε τηρου `νϫε νιρεμνχημι `μ`πκωϯ μφιαρο ϩινα ντουςε μωου ουοϩ ναυϣϫεμϫομ αν πε εςε μωου εβολ ϧεν φιαρο.

Exodus 7:25 ουοϩ αυμοϩ εβολ `νϫε ϣαϣϥ `νὲϩοου μενενςα θρε `πϭοις ϣαρι ὲ `φιαρο `νχημι.