Exodus 33:1 ουοϩ πεϫε `πϭοις ουβε μωυςης ϫε μαϣενακ ε`πϣωι εβολ ται `νθοκ νεμ πεκλαος νη ετακενου εβολ ϧεν `πκαϩι `νχημι εϧουν επικαϩι εταιωρκ `μμοϥ ναβρααμ νεμ ιςαακ νεμ ιακωβ ειϫω `μμος ϫε ϯνατηιϥ μπετενϫροϫ

Exodus 33:2 ουοϩ ειεουωρπ μπααγγελος ϧαϫωκ ουοϩ εϥεϩιουι εβολ μπιχανανεος νεμ πιαμορρεος νεμ πιχεττεος νεμ πιφερεζεος νεμ πιγεργεςεος νεμ πιευεος νεμ πιεβουςεος

Exodus 33:3 ουοϩ εϥεολκ εϧουν εουκαϩι εϥϧαϯ νερωϯ ϩι εβιω ουοϩ γαρ ϯναι ε`πϣωι νεμακ αν εθβεϫε `νθοκ ουλαος νναϣτναϩβι ϩινα νταϣτεμϥοτκ εβολ ϩι πιμωιτ.

Exodus 33:4 ουοϩ εταϥςωτεμ `νϫε πιλαος επαιςαϫι ετϩωου αυερϩηβι ϧεν ϩανϩηβι

Exodus 33:5 ουοϩ πεϫε `πϭοις ννενϣηρι `μπιςραηλ ϫε νθωτεν ουλαος νναϣτναϩβι αναυ μπενθριινι νκεερϧοτ εϫεν θηνου ουοϩ νταϥετ θηνου εβολ ϯνου ουν βεϣ θηνου ννετενςτολη ετταιηουτ νεμ νετενςολςελ ουοϩ νταταμωτεν ενη εϯνααιτου νωτεν.

Exodus 33:6 ουοϩ α νενϣηρι `μπιςραηλ βαϣου `μπουςολςελ νεμ τουςτολη ςαβολ μπιτωου `ντε χωρηβ

Exodus 33:7 ουοϩ αϥϭι `νϫε μωυςης ντεϥςκυνη αϥταϫρος ςαβολ νϯπαρεμβολη ουοϩ αϥμουϯ ερος ϫε ϯςκυνη `ντε ϯμετμεθρε ουοϩ αςϣωπι ουον νιβεν ετκωϯ ` νςα `πϭοις ϣαϥϣεναϥ εβολ εϯςκυνη ςαβολ νϯπαρεμβολη

Exodus 33:8 εϣωπ δε αϥϣανμοϣι `νϫε μωυςης εϧουν εϯςκυνη θη ετχη ςαβολ νϯπαρεμβολη ϣαϥοϩι ερατϥ `νϫε πιλαος τηρϥ ευϫουϣτ `φουαι `φουαι ϧατεν νιρωου `ντε τεϥςκυνη ουοϩ ναυϯνιατου νςα πιϫινμοϣι εβολ `ντε μωυςης ϣατεϥι εϧουν εϯςκυνη.

Exodus 33:9 εϣωπ δε αϥϣανι `νϫε μωυςης εϧουν εϯςκυνη ϣαϥι ε`ϧρηι νϫε πιςτυλλος `ντε ϯϭηπι ουοϩ ϣαϥοϩι ερατϥ ϩιρεν νιρωου ντε ϯςκυνη ουοϩ ϣαϥςαϫι νεμ μωυςης

Exodus 33:10 ουοϩ ϣαϥναυ `νϫε πιλαος τηρϥ επιςτυλλος `ντε ϯϭηπι εϥοϩι ερατϥ ϩιρεν νιρωου `ντε ϯςκυνη ουοϩ αυοϩι ερατου `νϫε πιλαος τηρϥ αυουωϣτ φουαι φουαι ϩιρεν `φρο ντεϥςκυνη.

Exodus 33:11 ουοϩ α `πϭοις ςαϫι νεμ μωυςης νϩο ουβε ϩο `μ`φρηϯ νουαι εϥςαϫι νεμ πεϥϣφηρ ουοϩ ϣαϥχαϥ εβολ εϧουν εϯπαρεμβολη πιθεραπων δε ιηςου πϣηρι ναυη πε ουαλου πε `μπατεϥι εβολ ϧεν ϯςκυνη

Exodus 33:12 ουοϩ πεϫε μωυςης `μ`πϭοις ϫε ϩηππε `νθοκ κϫω `μμος νηι ϫε αλιουι μπαιλαος ε`πϣωι `νθοκ δε `μπεκταμοι εφη ετεκναουορπϥ νεμηι `νθοκ δε ακϫος νηι ϫε ϯςωουν `μμοκ εβολ ουτε ουον νιβεν ουοϩ ουοντακ νουϩμοτ ναϩραι.

Exodus 33:13 ιςϫε ουν αιϫιμι νουϩμοτ ναϩρακ ουονϩκ εροι ϧεν ουςωουτεν νταναυ εροκ ϩοπως νταϣωπι εαιϫιμι νουϩμοτ `μπεκμθο ουοϩ ϩινα νταεμι ϫε πεκλαος πε παινιϣϯ `νϣλολ.

Exodus 33:14 ουοϩ πεϫε `πϭοις ϫε ανοκ ϯναμοϣι ϧαϫωκ ουοϩ ϯναϯ εμτον νακ.

Exodus 33:15 ουοϩ πεϫε μωυςης ναϥ ϫε εβηλ `νθοκ ντεκμοϣι νεμαν `μμον μπερεντεν ε`πϣωι εβολ ται.

Exodus 33:16 ουοϩ πως ςναϣωπι εςουονϩ εβολ `νταφμηι ϫε αιϫιμι νουϩμοτ ναϩρακ ανοκ νεμ πεκλαος αλλα `νθοκ πε ετεκεμοϣι νεμαν ουοϩ ενεϭιωου ανοκ νεμ πεκλαος εβολ ουτε νιεθνος τηρου ετχη ϩιϫεν πικαϩι.

Exodus 33:17 ουοϩ πεϫε `πϭοις μ μωυςης ϫε παιςαϫι ετακϫοϥ ϯνααιϥ νακ αιϫιμι γαρ νουϩμοτ μπαμθο ουοϩ ϯςωουν `μμοκ εβολ ουτε ουον νιβεν.

Exodus 33:18 ουοϩ πεϫε μωυςης ϫε ματαμοι επεκωου.

Exodus 33:19 ουοϩ πεϫαϥ ϫε ανοκ ϯναςινι ϧαϫωκ ϧεν παωου ουοϩ ειεμουϯ ϧεν φραν `μ`πϭοις μπεκμθο ουοϩ ειεναι μφη εϯναναι ναϥ ουοϩ ειεϣενϩητ ϧα φη εϯναϣενϩητ ϧαροϥ.

Exodus 33:20 ουοϩ πεϫαϥ ϫε `ννεκϣϫεμϫομ νναυ επαϩο ου γαρ `μμον ρωμι ναναυ επαϩο ουοϩ `ντεϥωνϧ.

Exodus 33:21 ουοϩ πεϫε `πϭοις ϫε ϩηππε ουον ουμα χη ϩαροκ ουοϩ εκεοϩι ερατκ ϩιϫεν ϯπετρα.

Exodus 33:22 εϥναςινι `νϫε παωου ειεχακ ϧεν ουχολ `ντε ϯπετρα ουοϩ ειεερςκεπαζιν εϫωκ ϧεν ταϫιϫ ϣαϯςινι.

Exodus 33:23 ουοϩ ειεωλι νταϫιϫ ουοϩ τοτε εκεναυ ςαμενϩηι παϩο δε `νναουονϩϥ εροϥ.