Exodus 19:1 `ν`ϧρηι δε ϧεν πιμαϩ 3. `νὰβοτ `ντε πϫινι εβολ `ντε νενϣηρι `μπιςραηλ εβολ ϧεν `πκαϩι `νχημι ϧεν παιεϩοου ετεμμαυ αυι ὲ`ϩρηι επϣαϥε `ντε ςινα

Exodus 19:2 ουοϩ αυϥαι εβολ ϧεν ραφαζιν αυι επϣαϥε νςινα ουοϩ αϥουοϩ μμαυ `νϫε πιςραηλ`μπεμθο `μπιτωου

Exodus 19:3 ουοϩ αϥι `νϫε μωυςης εϩρηι εϫεν πιτωου `ντε `φνουϯ ουοϩ αϥμουϯ εροϥ `νϫε `φνουϯ εβολ ϧεν πιτωου εϥϫω `μμος ϫε ναι νε ετεκεϫοτου μπηι νιακωβ ουοϩ εκεταμε νενϣηρι `μπιςραηλ ερωου

Exodus 19:4 ϫε νθωτεν πε εταρετενναυ εϩωβ νιβεν εταιαιτου `ννιρεμνχημι ουοϩ αιϭι θηνου `μ`φρηϯ ϩιϫεν ϩαντενϩ `ντε ϩαναϧωμ ουοϩ αιςεκ θηνου ϩαροι

Exodus 19:5 ουοϩ ϯνου εϣωπ ϧεν ουςωτεμ `ντετενςωτεμ ` νςα τα`ςμη ουοϩ ντετεναρεϩ εταδιαθηκη ερετενεϣωπι νηι νουλαος εϥςουβητ εβολ ουτε νιεθνος τηρου φωι γαρ πε πικαϩι τηρϥ

Exodus 19:6 νθωτεν δε ερετενεϣωπι νηι νουμετουρο εςουαβ νεμ ουεθνος εϥτουβηουτ ναι νε νιςαϫι ετεκεϫοτου μπηι `μπιςραηλ

Exodus 19:7 αϥι δε `νϫε μωυςης ουοϩ αϥμουϯ ενιπρεςβυτερος `ντε πιλαος ουοϩ αϥχω ϧατοτου `νναιςαϫι τηρου ναι εταϥουαϩςαϩνι `μμωου `νϫε `φνουϯ

Exodus 19:8 αϥερουω δε `νϫε πιλαος τηρϥ ευςοπ ουοϩ πεϫωου ϫε ϩωβ νιβεν ετεϥναϫοτου `νϫε `φνουϯ τεννααιτου ουοϩ τενναςοθμου α μωυςης δε εν νενςαϫι `μπιλαος ε`πϣωι ϩα `φνουϯ

Exodus 19:9 πεϫε `πϭοις δε μ μωυςης ϫε ϩηππε ανοκ ϯναι ϩαροκ ϧεν ουςτυλλος νϭηπι ϩινα `ντε πιλαος ςωτεμ εροι ειςαϫι νεμακ ουοϩ ντουναϩϯ εροκ ϣα ενεϩ αϥςαϫι δε `νϫε μωυςης `ννιςαϫι `ντε πιλαος ναϩρεν `φνουϯ

Exodus 19:10 πεϫε `πϭοις δε μ μωυςης ϫε μαϣενακ ε`ϧρηι αρε μεθρε `μπιλαος ουοϩ μαρουτουβωου `μφοου νεμ ραςϯ ουοϩ μαρουρωϧι `ννουϩβως

Exodus 19:11 ουοϩ μαρουϣωπι ευςεβτωτ επιεϩοου `μμαϩ 3. `ν`ϧρηι γαρ ϧεν πιεϩοου `μμαϩ 3. ϥναι επεςητ `νϫε `πϭοις εϫεν `πτωου νςινα`μπεμθο μπιλαος τηρϥ

Exodus 19:12 ουοϩ εκεουωϯ μπιλαος εβολ εϥκωϯ εκϫω `μμος ϫε μαϩθητεν ερωτεν εϣτεμι ε`πϣωι εϫεν πιτωου ουδε εϣτεμϭι νεμ `ϩλι νταϥ ουον γαρ νιβεν εθναϭι νεμ πιτωου ϧεν ουμου εϥεμου

Exodus 19:13 `ννε ϫιϫ ϭι νεμαϥ ϧεν ϩανωνι γαρ ςεναςετ ωνι εροϥ ιε ϧεν ϩανςοθνεϥ ςεναϭελκ ςοθνεϥ εροϥ ιςϫε ουτεβνη πε ιε ουρωμι πε `ννεϥωνϧ ϩοταν αρεϣαν νιςμη νεμ νιςαλπιγξ νεμ ϯϭηπι ϣενωου εβολ ϩα πιτωου νη ϩωου μαρουι ε`πϣωι εϫεν πιτωου

Exodus 19:14 αϥι δε επεςητ `νϫε μωυςης ϩα πιλαος εβολ ϩιϫεν πιτωου ουοϩ αϥτουβωου ουοϩ αυρωϧι `ννουϩβως

Exodus 19:15 ουοϩ πεϫαϥ μπιλαος ϫε ϣωπι ερετενςεβτωτ `ν3. `νὲϩοου μπερτωμι ε`ςϩιμι

Exodus 19:16 αςϣωπι δε ϧεν πιεϩοου μμαϩ 3. ετα φναυ νϣωρπ ϣωπι αυϣωπι `νϫε ϩανςμη νεμ ϩανςετεβρηϫ νεμ ουϭηπι `νγνοφος ϩιϫεν πτωου νςινα τςμη `ντε ϯςαπιγγος ναςοι νουνιϣϯ νςενςεν ουοϩ αϥνουϣπ `νϫε πιλαος τηρϥ ετϧεν ϯπαρεμβολη

Exodus 19:17 ουοϩ α μωυςης εν πιλαος εβολ εϩρεν `φνουϯ εβολ ϧεν ϯπαρεμβολη ουοϩ αυοϩι ερατου εςκεν πιτωου

Exodus 19:18 πιτωου δε `ντε ςινα ναϥοι νχρεμτς τηρϥ εθβεϫε αϥι ε`ϧρηι εϫωϥ `νϫε `φνουϯ ϧεν ουχρωμ ναϥνηου δε ε`πϣωι `νϫε πιχρεμτς `μ`φρηϯ νουχρεμτς `ντε ουϩρω ουοϩ αϥτωμτ `νϫε πιλαος τηρϥ εμαϣω

Exodus 19:19 ναυϣοπ δε `νϫε νιςμη `ντε ϯςαλπιγγος ευμοϣι ετϩη ευϫορ εμαϣω μωυςης δε ναϥςαϫι `φνουϯ δε ναϥερουω ναϥ ϧεν ουςμη

Exodus 19:20 αϥι δε επεςητ `νϫε `πϭοις εϫεν πιτωου `ντε ςινα εϩρηι εϫεν ταφε μπιτωου ουοϩ α `πϭοις μουϯ ε μωυςης ε`πϣωι εϫεν ταφε μπιτωου ουοϩ αϥϣεναϥ ε`πϣωι `νϫε μωυςης

Exodus 19:21 ουοϩ πεϫε `φνουϯ μ μωυςης εϥϫω μμος ϫε μαϣενακ ε`ϧρηι αριμεθρε μηποτε ντουϧωντ ϩα `φνουϯ εϯνιατου ουοϩ `ντουϩει εβολ νϧητου `νϫε ουμηϣ

Exodus 19:22 ουοϩ νιουηβ ετϧωντ `μμωου ε`πϭοις `φνουϯ μαρουτουβωου μηπως `ντε `πϭοις τακε ϩανουον εβολ νϧητου

Exodus 19:23 ουοϩ πεϫε μωυςης μ`φνουϯ ϫε μμον `ϣϫομ `ντε πιλαος ι ε`πϣωι ϧατεν πιτωου `ντε ςινα `νθοκ γαρ ακερμεθρε ναν εκϫω μμος ϫε ουετ πιτωου εβολ ουοϩ ματουβοϥ

Exodus 19:24 ουοϩ πεϫε `πϭοις ναϥ ϫε μοϣι μαϣενακ ε`ϧρηι ουοϩ αμου ε`πϣωι `νθοκ νεμ ααρων νεμακ νιουηβ δε νεμ πιλαος `μπενθρουι ε`πϣωι ϩα `φνουϯ μηπως ντεϥτακο εβολ `νϧητου `νϫε `πϭοις

Exodus 19:25 αϥι δε ε`ϧρηι `νϫε μωυςης ϩα πιλαος ουοϩ αϥϫος νωου