Exodus 30:1 ουοϩ εκεθαμιο νουμανερϣωουϣι `ντε `ςθοινουϥι εβολ ϧεν ϩανϣε νατερϩολι

Exodus 30:2 ουοϩ εκεθαμιοϥ νουμαϩι νϣιη νεμ ουμαϩι νουηϣςι εϥεϣωπι εϥοι ντετραγωνον νεμ μαϩι 2. νϭιςι ευεϣωπι εβολ `μμοϥ `νϫε νεϥταπ

Exodus 30:3 ουοϩ εκελαλωϥ ννουβ ϧεν ουνουβ εϥτουβηουτ τεϥεςχαρα νεμ νεϥϫοι εϥκωϯ νεμ νεϥταπ ουοϩ εκεθαμιο ναϥ νουχλομ `μμονμεν εϥκωϯ

Exodus 30:4 ουοϩ ϣϭουρ 2. ννουβ ευτουβηουτ εκεθαμιωου ναϥ ςαπεςητ `μπεϥχλομ `μμονμεν εκεθαμιο μπιςα 2. ϧεν νεϥςφιρωουι ουοϩ ευεϣωπι `νϫε ϩαναλακ ενιϣενϩωϯ ϩωςτε εθρουϥιτϥ `ν`ϧρηι νϧητου

Exodus 30:5 ουοϩ εκεθαμιο `νϩανϣενϩωϯ εβολ ϧεν ϩανϣε νατερϩολι ουοϩ εκελαλωου `ννουβ ϧεν ουνουβ

Exodus 30:6 ουοϩ εκεχαυ`μπεμθο `μπικαταπεταςμα φη ετχη ϩιϫεν ϯκιβωτος `ντε νιμετμεθρε ϧεν νη εϯναουονϩτ εροκ `μμαυ

Exodus 30:7 ουοϩ ααρων εϥεεν ςθοινουϥι εϩρηι εϫεν πιμανερϣωουϣι εβολ ϧεν ουςθοινουϥι εϥμοϫτ εϥϣομ νϣωρπ ϩοταν αϥϣανςεβτε νιϧηβς εϥεεν ςθοινουϥι εϩρηι εϫωϥ

Exodus 30:8 ουοϩ εςεϣωπι αϥϣανϭερο ννιϧηβς `νϫε ααρων `νϩαναρουϩι εϥεεν ςθοινουϥι εϩρηι ϩιωτϥ νουςθοινουϥι εϥμην`μπεμθο `μ`πϭοις ϣα νουϫωου

Exodus 30:9 ουοϩ ννετενινι νκεςθοινουϥι εϩρηι εϫωϥ ουϭλιλ νϣουϣωουϣι νεμ ουουωτεν εβολ ννετενουοθνου εβολ εϩρηι εϫωϥ

Exodus 30:10 ουοϩ εϥεςεςβοϩ `νϫε ααρων ϩιϫεν νιταπ `ντε ϯϣηουι νουςοπ νϯρομπι εβολ ϧεν πιςνοϥ `ντε πιτουβο `ντε νινοβι `ντε πιςεςβοϩ ουςοπ νϯρομπι εϥετουβοϥ ϣα νετενγενεα πεθουαβ `ντε νεθουαβ `μ`πϭοις πε.

Exodus 30:11 ουοϩ α `πϭοις ςαϫι νεμ μωυςης εϥϫω `μμος.

Exodus 30:12 ϫε εϣωπ ακϣανϭι ντηπι `ντε νενϣηρι `μπιςραηλ `ν`ϧρηι ϧεν τουεπιςκοπη ερε `φουαι `φουαι ϯ νουςωϯ `μ`πϭοις εϫεν τεϥψυχη ουοϩ `ννεϥϣωπι `νϫε ουϩει `ν`ϧρηι `νϧητου ϧεν τουεπιςκοπη.

Exodus 30:13 ουοϩ φαι πε ετε ευετηιϥ νη τηρου εθναςεπι ϧεν πιϫεμπϣινι τφαϣι νϯκιϯ θη ετϣοπ κατα ϯκιϯ εθουαβ ϫωϯ `ντεβι πε ϯκιϯ τφαϣι δε νϯκιϯ ευεενς `μ`πϭοις

Exodus 30:14 ουον νιβεν εθναμοϣι εβολ επιϫεμπϣινι ιςϫεν ϫωϯ `νρομπι νεμ ςαπϣωι ευεϯ νϯιςφορα `μ`πϭοις

Exodus 30:15 πιραμαο `ννεϥτουϩο ουοϩ πιϩηκι ννεϥϫωϫεβ εβολ ϧεν τφαϣι νϯκιϯ ϧεν `πϫινϯ νϯιςφορα `μ`πϭοις εερςεςβοϩ εϩρηι εϫεν νετενψυχη.

Exodus 30:16 ουοϩ εκεϭι μπιϩατ `ντε ϯιςφορα εβολ `ντοτου `ντε νενϣηρι `μπιςραηλ ουοϩ εκετηιϥ επϩωβ νϯςκηνη `ντε ϯμετμεθρε ουοϩ εϥεϣωπι νουμευι ννενϣηρι `μπιςραηλ `μπεμθο `μ`πϭοις εερςεςβοϩ εϫεν νετενψυχη.

Exodus 30:17 ουοϩ αϥςαϫι `νϫε `πϭοις νεμ μωυςης εϥϫω `μμος.

Exodus 30:18 ϫε μαθαμιο νουλουτηρ νϩομτ νεμ τεϥβαςις νϩομτ ϩωςτε ειωι `νϧητϥ ουοϩ εκεχαϥ ουτε ϯςκηνη `ντε ϯμετμεθρε νεμ ουτε πιμανερϣωουϣι ουοϩ εκεϫεϣ `μωου ε`ϧρηι εροϥ.

Exodus 30:19 ουοϩ ααρων νεμ νεϥϣηρι ευειωι `ννουϫιϫ εβολ `νϧητϥ νεμ νεϥϣηρι ευειωι `ννουϫιϫ εβολ `νϧητϥ νεμ νουφατ

Exodus 30:20 εϣωπ αυϣανι εϧουν εϯςκυνη `ντε ϯμετμεθρε ευειαυ ϧεν ουμωου ουοϩ `ννουμου ιε εϣωπ αυϣανι ϩα πιμανερϣωουϣι εϣεμϣι νεμ εινι `νϩανϭλιλ ε`πϣωι `μ`πϭοις

Exodus 30:21 ευειωι ννουϫιϫ εβολ νεμ νουφατ ϩινα `ντουϣτεμμου ουοϩ εϥεϣωπι νωου νουνομος νενεϩ ναϥ νεμ νεϥγενεα μενενςωϥ

Exodus 30:22 ουοϩ αϥςαϫι `νϫε `πϭοις νεμ μωυςης εϥϫω `μμος

Exodus 30:23 ϫε `νθοκ ϭι νακ `νϩανςθοι ουϩρηρι `ντε ουϣαλ εϥςοτπ `τιου ϣε `νςικλος νεμ ουκυναμωμον εϥοι νςθοινουϥι τφαϣι `μφαι 2. ϣε τεβι νεμ ϩανςηβι νςθοινουϥι ευιρι `ν2. ϣε τεβι

Exodus 30:24 νεμ ουιρις εϥιρι `ν`τιου ϣε `νςικλος `ντε πεθουαβ νεμ ουϩιν ννεϩ εβολ ϧεν ϩανϫωιτ

Exodus 30:25 ουοϩ εκεθαμιοϥ νουνεϩ νθωϩς εϥουαβ ουςοϫεν `ντε ουφας ςοϫεν ουτεχνη `ντε ουφας ςοϫεν εϥεϣωπι νουνεϩ νθωϩς εϥουαβ

Exodus 30:26 ουοϩ εκεθωϩς εβολ `μμοϥ νϯςκυνη `ντε ϯμετμεθρε νεμ ϯκιβωτος `ντε ϯμετμεθρε

Exodus 30:27 νεμ ϯλυχνια νεμ νεςςκευος τηρου νεμ πιμανερϣωουϣι `ντε πιςθοινουϥι

Exodus 30:28 νεμ πιμανερϣωουϣι `ντε πιϭλιλ νεμ νεϥςκευος τηρου νεμ ϯτραπεζα νεμ νεςςκευος τηρου νεμ πιλουτηρ νεμ τεϥβαςις

Exodus 30:29 ουοϩ εκετουβωου ουοϩ ευεϣωπι ευουαβ `ντε νη εθουαβ ουον νιβεν εθναϭι νεμωου εϥετουβο

Exodus 30:30 ουοϩ ααρων νεμ νεϥϣηρι εκεθαϩςου ουοϩ εκετουβωου εερουηβ νηι

Exodus 30:31 ουοϩ εκεςαϫι νεμ νενϣηρι `μπιςραηλ εκϫω `μμος ϫε ουνεϩ νθωϩς εϥουαβ πε φαι εϥεϣωπι νωτεν ϣα νετενγενεα

Exodus 30:32 ννουθοϩςϥ ετςαρξ νουρωμι ουοϩ κατα παιςεμνι φαι ννετενθαμιο νωτεν `μπαιρηϯ εϥουαβ ουοϩ εϥεϣωπι νωτεν `νουτουβο

Exodus 30:33 φη εθναθαμιο `μπαιρηϯ ουοϩ φη εθναϯ εβολ `μμοϥ νουαλλογενης ευεϥοτϥ εβολ ϧεν πεϥλαος.

Exodus 30:34 ουοϩ πεϫε `πϭοις μ μωυςης εϥϫω `μμος ϫε ϭι νακ `νϩανςθοινουϥι ουςτακτη νεμ ουονυξ νεμ ουχαλβανη ουςθοινουϥι νεμ ουλιβανος εϥϯμουε ευοι νϩυςος ϧεν πουϣι

Exodus 30:35 ουοϩ ευεθαμιοϥ νουςθοινουϥι νςοϫεν εϥφοςι ϧεν ουϩωβ μφας ςοϫεν ουςεμνι εϥουαβ ουϩωβ εϥτουβηουτ

Exodus 30:36 ουοϩ εκετεννο εϥϣομ εβολ ϧεν ναι ουοϩ εκεχω`μπεμθο ννιμετμεθρευ ϧεν ϯςκυνη `ντε ϯμετμεθρε πιμα εϯναουονϩτ εροκ μμαυ πεθουαβ `ντε νη εθουαβ εϥεϣωπι νωτεν

Exodus 30:37 νουςθοινουϥι κατα παιςεμνι φαι `ννετενθαμιο νωτεν νθωτεν εϥεϣωπι νωτεν νουτουβο `μ`πϭοις

Exodus 30:38 φη εθναθαμιο ναϥ `μπαιρηϯ ϩωςτε εϣελεμ ςθοινουϥι `νϧητϥ ευετακοϥ εβολ ϧεν πεϥλαος