Exodus 38:1 ουοϩ αϥθαμιο `νϫε βεςελεηλ `νϯκυβωτος

Exodus 38:2 ουοϩ αϥϩοϥτς ννουβ εϥτουβηουτ ςαϧουν νεμ ςαβολ ουοϩ αϥθαμιο ερος `νουϩοτπ `ννουβ εϥκωϯ.

Exodus 38:3 ουοϩ αϥθαμιο νας ν4. `νϣϭουρ `ννουβ ϩιϫεν πες4. νςφιρ 2. εϫεν πιουαι νςφιρ ουοϩ 2. εϫεν πιςφιρ μμαϩ2.

Exodus 38:4 ευϩωουι εβολ νϧητου `νϫε νιϣενϩωϯ ϩωςτε εθρουϥιτς ε`ϧρηι νϧητου.

Exodus 38:5 ουοϩ αϥθαμιο μπιιλαςτηριον ςαπϣωι `νϯκιβωτος εβολ ϧεν ουνουβ εϥτουβηουτ.

Exodus 38:6 ουοϩ αϥθαμιο νχερουβιμ 2. ννουβ

Exodus 38:7 ουοϩ νχερουβιμ εϫεν πιουαι νλακϩ `ντε πιιλαςτηριον ουοϩ πικεουαι νχερουβιν εϫεν πιλακϩ μμαϩ2. `ντε πιιλαςτηριον.

Exodus 38:8 ευερϧηιβι ννουτενϩ εϫεν πιιλαςτηριον

Exodus 38:9 ουοϩ αϥθαμιο νϯτραπεζα θη ετχη ε`ϧρηι εβολ ϧεν ουνουβ εϥτουβηουτ.

Exodus 38:10 ουοϩ αϥθαμιο ερος ν4. `νϣϭουρ `ννουβ νϣϭουρ 2. επιουαι νςφιρ ουοϩ ϣϭουρ 2. εϫεν πιςφιρ μμαϩ2. ευϩωουι εβολ νϧητου `νϫε νιϣενϩωϯ ϩωςτε εθρουϥαι `μμος νϧητου.

Exodus 38:11 ουοϩ νιϣενϩωϯ `ντε ϯκυβωτος νεμ ϯτραπεζα αϥθαμιωου ουοϩ αϥλαλωου `ννουβ ϧεν ουνουβ.

Exodus 38:12 ουοϩ αϥθαμιο ννιςκευος `ντε ϯτραπεζα νιτριβλιον νεμ νιϫη νεμ νιϣπλοκ νεμ νιμοκι νουωτεν εβολ νη εϣαυουωτεν εβολ νϧητου αϥθαμιωου `ννουβ.

Exodus 38:13 ουοϩ αϥθαμιο νϯλυχνια θη ετερουωινι εςϫορ εβολ ϧεν ουνουβ.

Exodus 38:14 πιλαϧεμ νεμ νικαλαμιςκος εβολ ϧεν πεςςφιρ 2.

Exodus 38:15 ευνηου εβολ ϧεν νεςκαλαμιςκος `νϫε νη ετφορι εβολ ευςουτων ε`πϣωι `νςϣρικι 3. νςαμναι ουοϩ 3. `νςαμναι ευϣηϣ νεμ νουερηου.

Exodus 38:16 νεμ νουλαμπας ευχη ϩιϫεν νουλακϩ ευοι νςμοτ νκαρια εβολ `μμωου νεμ νιμανχαϧηβς ευνηου εβολ `μμωου ϩινα ντουςεμνι ννιϧηβς ϩιωτου νεμ πιμανχαϧηβς μμαϩ ϣαϣϥ ετϩι πιλακϩ `ντε πιλαμπας ϩιϫεν ϯαφε ςαπϣωι εϥϫορ τηρϥ εϥοι ννουβ.

Exodus 38:17 ουοϩ πες ϣαϣϥ νϧηβς ννουβ ευχη ϩιϫως νεμ νεςεϭου νεμ νη εϣαυϩοβςου `μμωου.

Exodus 38:18 φαι αϥλαλω ννιςτυλλος νϩατ ουοϩ αϥθαμιο `νϩανϣϭουρ ννουβ ννιςτυλλος ουοϩ αϥλαλω ννιμοχλους ννουβ ϧεν ουνουβ ουοϩ νιςτυλλος `ντε πικαταπεταςμα αϥϩοϥτου ννουβ εβολ ϧεν ουνουβ ουοϩ αϥθαμιο ννιαγκυλη ννουβ.

Exodus 38:19 φαι αϥθαμιο ννικρικος `ντε ϯςκυνη `ννουβ νεμ νικρικος `ντε ϯαυλη νεμ νικρικος νϩομτ επςωκ μπικατακαλυμμα ε`πϣωι.

Exodus 38:20 φαι αϥθαμιο ννικεφαλις νϩατ `ντε ϯςκυνη νεμ νικεφαλις νϩομτ `ντε φρο `ντε ϯςκυνη νεμ ϯπυλη `ντε ϯαυλη ουοϩ ϩαναγκυλη νϩατ αϥθαμιωου εϫεν νιςτυλλος φαι αϥλαλωου νϩατ.

Exodus 38:21 φαι αϥθαμιο ννιϣμου `ντε ϯςκυνη νεμ νιϣωου νϩομτ `ντε ϯαυλη.

Exodus 38:22 φαι αϥθαμιο μπιμανερϣωουϣι `νϩομτ εβολ ϧεν νιϣουρη νϩομτ νη `ντε νιρωμι εταυιρι μπιϣθορτερ νεμ ϯςυναγωγη `ντε κορε.

Exodus 38:23 φαι αϥθαμιο ννιςκευος τηρου `ντε πιμανερϣωουϣι τεϥβαςις νεμ τεϥϣουρη νεμ νικρεαγρα νεμ νιφυλη `νϩομτ.

Exodus 38:24 φαι αϥθαμιο μπιμανερϣωουϣι `νουϫολϩϥ νϩομτ ουϩωβ νϣνε ςα ε`ϧρηι `νϯϣουρη ςαπεςητ `μμοϥ εϥνηου ϣατεϥφαϣι ουοϩ αϥχω ϩιϫωϥ `ν4. `νϣϭουρ εβολ ϧεν πι4. μμερος `ντε πιϫολϩϥ νϩομτ `ντε πιμανερϣωουϣι ευοι `νϩομτ ευϩωουι εβολ νϧητου `νϫε νιμοχλους ϩωςτε εϥαι μπιμανερϣωουϣι `νϧητου.

Exodus 38:25 φαι αϥθαμιο μπινεϩ εθουαβ `ντε πιθωϩς νεμ πιςεμνι `ντε πιςθοινουϥι εϥτουβηουτ νϩωβ μφας ςοϫεν

Exodus 38:26 φαι αϥθαμιο μπιλουτηρ νϩομτ νεμ τεϥβαςις νϩομτ εβολ ϧεν νιιαλ `ντε νη ετερνηςτια εταυερνηςτευιν ϧατεν νιρωου `ντε ϯςκυνη `ντε ϯμετμεθρε ϧεν πιεϩοου εταυςεμνητς.

Exodus 38:27 ουοϩ αϥθαμιο μπιλουτηρ ϩινα `νςειωι εβολ `νϧητϥ ννουϫιϫ νεμ νουφατ `νϫε μωυςης νεμ ααρων νεμ νεϥϣηρι ευνηου εϧουν εϯςκυνη `ντε ϯμετμεθρε ϩινα ϩοταν αυϣανι εϧουν επιμανερϣωουϣι ϣαυιαυ εβολ `νϧητϥ κατα `φρηϯ ετα `πϭοις ϩονϩεν ετοτϥ μ μωυςης.