Exodus 3:1 ουοϩ μωυςης ναϥμονι ννιεςωου `ντε ιοθορ πεϥϣομ φουηβ `μμαδιαμ ουοϩ αϥινι ννιεςωου ϧατεν `πϣαϥε επχριμ ουοϩ αϥι εϩρηι εχωρηβ πιτωου `ντε `φνουϯ

Exodus 3:2 αϥουονϩϥ δε εροϥ `νϫε ουαγγελος `ντε `πϭοις ϧεν ουϣαϩ νχρωμ εβολ ϧεν πιβατος ουοϩ αϥναυ ϫε ναρε πιβατος μοϩ νχρωμι ουοϩ πιβατος ναϥρωκϩ αν πε

Exodus 3:3 πεϫε μωυςης δε ϫε ϯναςινι νταναυ επαινιϣϯ νναυ ϫε εθβεου ϥρωκϩ αν `νϫε πιβατος

Exodus 3:4 εταϥναυ δε `νϫε `πϭοις ϫε ϥϧωντ `μμοϥ μμαυ εναυ αϥμουϯ εροϥ `νϫε `πϭοις εβολ ϧεν πιβατος εϥϫω `μμος ϫε μωυςης μωυςης νθοϥ δε πεϫαϥ ϫε ου πε ετϣοπ

Exodus 3:5 ουοϩ πεϫαϥ ϫε μπερϧωντ εμναι βωλ `μπιθωουι εβολ ϩι νεκϭαλαυϫ πιμα γαρ ετεκοϩι ερατκ ϩιωτϥ ουκαϩι εϥουαβ πε

Exodus 3:6 ουοϩ πεϫαϥ ναϥ ϫε ανοκ πε `φνουϯ `ννεκιοϯ `φνουϯ ναβρααμ νεμ `φνουϯ νιςαακ νεμ `φνουϯ νιακωβ αϥταςθο δε `μπεϥϩο `νϫε μωυςης ναϥερϩοϯ γαρ πε εϫουϣτ`μπεμθο `φνουϯ

Exodus 3:7 πεϫε `πϭοις δε μ μωυςης ϫε ϧεν ουναυ αιναυ επεμκαϩ μπαλαος ετε `ν`ϧρηι ϧεν χημι ουοϩ αιςωτεμ επουϧρωου εβολ ϩιτοτου ννιεργοδιωκτης νη εττϩεμκο `μμωου ϯεμι γαρ επουμκαϩ νϩητ

Exodus 3:8 ουοϩ αιι επεςητ εναϩμου `ντοτου `ννιρεμνχημι ουοϩ εενου εβολ ϧεν πικαϩι ετεμμαυ εϧουν εουκαϩι ενανεϥ ουοϩ εναϣωϥ ουκαϩι εϥϧαϯ νερωϯ νεμ εβιω εφμα `ντε νιχανανεος νεμ νιχεττεος νεμ νιαμορρεος νεμ νιφερεζεος νεμ νιευεος νεμ νιγεργεςεος νεμ νιεβουςεος

Exodus 3:9 ουοϩ ϩηππε ϯνου ις νϧρωου ννενϣηρι `μπιςραηλ αϥι ε`πϣωι ϩαροι ουοϩ ανοκ αιναυ επουϩοϫϩεϫ φη ετουϩοϫϩεϫ `μμωου ` `νϧητϥ `νϫε νιρεμνχημι

Exodus 3:10 ουοϩ ϯνου αμου νταουορπκ ϩα φαραω πουρο `νχημι ουοϩ εκεεν παλαος εβολ νενϣηρι `μπιςραηλ εβολ ϧεν `πκαϩι `νχημι

Exodus 3:11 ουοϩ πεϫε μωυςης μ`φνουϯ ϫε ανοκ νιμ ϫε νταϣενηι ϩα φαραω πουρο `νχημι ουοϩ ϫε `νταινι `ννενϣηρι `μπιςραηλ εβολ ϧεν `πκαϩι `νχημι

Exodus 3:12 πεϫε `φνουϯ δε μ μωυςης ϫε ειεϣωπι νεμακ ουοϩ φαι πε πιμηινι νακ ϫε ανοκ εθουωρπ `μμοκ ϧεν `πϫινθρεκινι μπαλαος εβολ ϧεν `πκαϩι `νχημι ουοϩ ερετενεϣεμϣι `μ`φνουϯ ϩιϫεν παιτωου

Exodus 3:13 ουοϩ πεϫε μωυςης μ`φνουϯ ϫε ϩηππε ανοκ ϯναϣενηι ϩα νενϣηρι `μπιςραηλ ουοϩ ϯναϫος νωου ϫε `φνουϯ `ντε νετενιοϯ αϥουρπτ ϩαρωτεν ςεναϣεντ ϫε ου πε πεϥραν ου πεϯναϫοϥ νωου

Exodus 3:14 ουοϩ πεϫε `φνουϯ μ μωυςης ϫε ανοκ πε φη ετϣοπ ουοϩ πεϫαϥ ϫε παιρηϯ πε ετεκϫος `ννενϣηρι `μπιςραηλ ϫε φη ετϣοπ πε εταϥταουοι ϩαρωτεν.

Exodus 3:15 ουοϩ πεϫε `φνουϯ ον μ μωυςης ϫε παιρηϯ πε ετεκϫος `ννενϣηρι `μπιςραηλ ϫε `πϭοις `φνουϯ `ντε νετενιοϯ `φνουϯ `ναβρααμ νεμ `φνουϯ νιςαακ νεμ `φνουϯ νιακωβ αϥουορπτ ϩαρωτεν φαι πε παραν νενεϩ νεμ ουμευι `ντε ϩανϫωου `νϫωου

Exodus 3:16 μαϣενακ μαθουετ νιϧελλοι `ντε νενϣηρι `μπιςραηλ ουοϩ εκεϫος νωου ϫε `πϭοις `φνουϯ `ντε νετενιοϯ αϥουονϩϥ εροι `φνουϯ ναβρααμ νεμ `φνουϯ νιςαακ νεμ `φνουϯ νιακωβ εϥϫω `μμος ϫε ϧεν ουϣινι αιϣινι ερωτεν ουοϩ αιναυ εϩωβ νιβεν εταυϣωπι μμωτεν `ν`ϧρηι ϧεν χημι

Exodus 3:17 ουοϩ αιϫος ϫε ϯναεν θηνου ε`πϣωι εβολ ϧεν πιτϩεμκο `ντε νιρεμνχημι εϧουν επκαϩι ννιχανανεος νεμ νιχεττεος νεμ νιευεος νεμ νιαμορρεος νεμ νιφερεζεος νεμ νιγεργεςεος νεμ νιεβουςεος εϧουν εουκαϩι εϥϧαϯ νερωϯ νεμ εβιω

Exodus 3:18 ουοϩ ςεναςωτεμ ` νςα πεκϧρωου ουοϩ εκεϣενακ εϧουν `νθοκ νεμ νιϧελλοι `ντε πιςραηλ ϧα πουρο `νχημι ουοϩ εκεϫος ναϥ ϫε `φνουϯ `ντε νιϩεβρεος αϥθαϩμεν εροϥ τενναϣεναν ουν `ν3. `νὲϩοου `μμοϣι ϩι `πϣαϥε ϩινα ντενϣετϣουϣωουϣι `μ`πϭοις πεννουϯ

Exodus 3:19 ανοκ δε ϯεμι ϫε ϥναουωϣ αν `νϫε φαραω πουρο `νχημι εχα θηνου εβολ εθρετενϣενωτεν εβηλ αρηου ϧεν ουϫιϫ εςϫορ

Exodus 3:20 ουοϩ ϯναςουτων ταϫιϫ εβολ `νταϣαρι ννιρεμνχημι τηρου `νϩρηι ϧεν ναϣφηρι τηρου νη εϯνααιτου `ν`ϧρηι νϧητου ουοϩ μενενςα ναι εϥεχα θηνου εβολ

Exodus 3:21 ουοϩ ειεϯ νουϩμοτ μπαλαος`μπεμθο ννιρεμνχημι εϣωπ δε αρετενϣαννουι εϣενωτεν ννετενϣενωτεν ερετενϣουιτ

Exodus 3:22 αλλα εςεερετιν `νϫε ουςϩιμι ντοτς ντεςθεϣε ουοϩ ντοτς ντεςϣφιρι `νϩανςκευος νϩατ νεμ ϩανςκεος ννουβ νεμ ουϭιϩβος ουοϩ ερετενεταλωου ενετενϣηρι νεμ νετενϣερι ουοϩ ερετενεϣελ νιρεμνχημι