Exodus 10:1 πεϫε `πϭοις δε μ μωυςης εϥϫω `μμος ϫε μαϣενακ εϧουν ϩα φαραω ανοκ γαρ ειεθρε πεϥϩητ `νϣοτ νεμ νεϥαλωουι ϩινα `ντε ναμηινι αιαι ε`ϧρηι εϫωου νουον ` νςα ουον.

Exodus 10:2 ϩοπως ντετενςαϫι ε`ϧρηι ενενμαϣϫ `ντε νετενϣηρι νεμ νιϣηρι `ντε νετενϣηρι νϩωβ νιβεν εταιϣαρι `μμωου ννιρεμνχημι νεμ ναμηινι εταιαιτου `ν`ϧρηι νϧητου ουοϩ ερετενεεμι ϫε ανοκ πε `πϭοις.

Exodus 10:3 αϥϣεναϥ δε εϧουν `νϫε μωυςης νεμ ααρων`μπεμθο `μφαραω ουοϩ πεϫωου ναϥ ϫε ναι νε νη ετεϥϫω `μμωου `νϫε `πϭοις `φνουϯ `ντε νιϩεβρεος ϫε ϣα θναυ ϫε χουωϣ αν εϣφιτ ϧα ταϩη ουωρπ μπαλαος εβολ ϩινα`ντουϣεμϣι `μμοι.

Exodus 10:4 εϣωπ δε ακϣτεμουωϣ εουωρπ `μπαλαος εβολ ϩηππε ανοκ ϯναινι μπαιναυ νραςϯ νουϣϫε εϥοϣ ε`ϧρηι εϫεν νεκϭιη τηρου.

Exodus 10:5 ουοϩ εϥεϩωβς μπϩο μπικαϩι ουοϩ `ννεκϣϫεμϫομ εναυ επικαϩι ουοϩ εϥεουωμ μπιϩουο ετεϥςωϫπ φη εταϥςοϫπϥ νωτεν `νϫε πιαλ ουοϩ εϥεουωμ νϣϣην νιβεν ετρητ νωτεν ε`πϣωι εϫεν πικαϩι.

Exodus 10:6 ουοϩ ευεμοϩ `νϫε νεκηου νεμ νενηου `ννεκαλωουι νεμ νιηι τηρου ετϧεν `πκαϩι τηρϥ `νχημι φαι ετε `μπε νεκιοϯ ναυ εουον `μπεϥρηϯ ενεϩ ουδε νενιοϯ ννουιοϯ ιςϫεν πιεϩοου εταυϣωπι ϩιϫεν πικαϩι ϣα εϧουν επαιεϩοου ουοϩ αϥρικι αϥι εβολ ϩα φαραω.

Exodus 10:7 πεϫε νιαλωουι δε`μφαραω ναϥ ϫε ϣα θναυ ϫε ουον ϭροπ ναϣωπι ναν ουωρπ ουν ννιρωμι εβολ ϩινα ντουϣεμϣι `μ`πϭοις πουνουϯ ϣα νακουωϣ εεμι ϫε αϥτακο `νϫε χημι

Exodus 10:8 ουοϩ αυταςθο μ μωυςης νεμ ααρων ϩα φαραω ουοϩ πεϫαϥ νωου ϫε μαϣενωτεν ϣεμϣι `μ`πϭοις πετεννουϯ νιμ δε νεμ νιμ νε νη ετναϣενωου

Exodus 10:9 ουοϩ πεϫε μωυςης ϫε ανον τενναϣεναν νεμ νενϧελϣιρι νεμ νενϧελλοι νεμ νενϣηρι νεμ νενϣερι νεμ νενεςωου νεμ νενεϩωου πϣαι γαρ `μ`πϭοις πεννουϯ πε

Exodus 10:10 ουοϩ πεϫαϥ νωου ϫε μαρεςϣωπι`μπαιρηϯ `πϭοις νεμωτεν `μ`φρηϯ εϯουωρπ μμωτεν νεμ νετενκεςοβϯ αναυ ϫε ουον ουπετϩωου χη ϧαϫωτεν

Exodus 10:11 `μπαιρηϯ αν μαρουϣενωου δε `νϫε νιρωμι ουοϩ μαρουϣεμϣι μ`φνουϯ φαι γαρ νθωτεν ετετενκωϯ νςωϥ αυϩιτου δε εβολ ϩα πϩο`μφαραω

Exodus 10:12 πεϫε `πϭοις δε μ μωυςης ϫε ςουτεν τεκϫιϫ εβολ εϫεν `πκαϩι `νχημι ουοϩ μαρεϥι ε`πϣωι `νϫε ουϣϫε ϩιϫεν πικαϩι ουοϩ εϥεουωμ ννιςμεϩ τηρου `ντε `πκαϩι νεμ πιουϩαϩ τηρϥ `ντε νιϣϣην νη εταυςεπι επιαλ.

Exodus 10:13 ουοϩ α μωυςης ϥαι `μπεϥϣβωτ ε`πϣωι ετφε ουοϩ α `πϭοις ινι νουθουρης εϫεν πικαϩι μπιεϩοου τηρϥ ετεμμαυ νεμ πιεϫωρϩ τηρϥ ουοϩ α ϣωρπ ϣωπι ουοϩ αϥϭι `νϫε πιθουρης `μπιϣϫε.

Exodus 10:14 ουοϩ αϥενϥ ε`ϧρηι εϫεν πικαϩι τηρϥ `ντε χημι ουοϩ αϥουοϩ εϫεν νιϭιη τηρου `ντε χημι εϥοϣ εμαϣω μπε ουον ϣωπι `μπαιρηϯ ϧαϫωϥ ουοϩ μενενςωϥ `ννε ουον ϣωπι `μπαιρηϯ.

Exodus 10:15 ουοϩ αϥϩωβς πϩο μπικαϩι ουοϩ αϥτακε πικαϩι ουοϩ αϥουωμ μπιςιμ τηρϥ `ντε `πκαϩι νεμ πουταϩ τηρϥ `ντε νιϣϣην φη εταϥςωϫπ εβολ ϩα πιαλ ουοϩ `μπε `ϩλι `ννεχαι εϥουετουωτ ςωϫπ ϩι νιϣϣην νεμ ϧεν νιςμεϩ τηρου `ντε `τκοι. ϧεν `πκαϩι τηρϥ `νχημι.

Exodus 10:16 αϥιης δε `νϫε φαραω εμουϯ ε μωυςης νεμ ααρων εϥϫω `μμος ϫε αιερνοβι`μπεμθο `μ`πϭοις `φνουϯ νεμ ερωτεν.

Exodus 10:17 ϯνου ϫε ϣεπ πανοβι ερωτεν `μπαικεςοπ ουοϩ τωβϩ `μ`πϭοις πετεννουϯ ουοϩ μαρεϥελ παιμου εβολ ϩαροι.

Exodus 10:18 αϥι δε `νϫε μωυςης εβολ ϩα πϩο `μφαραω ουοϩ αϥτωβϩ `μ`πϭοις

Exodus 10:19 ουοϩ αϥουωτεβ νουθηου εϥοϣ `νϫε `πϭοις εβολ ϧεν `φιομ ουοϩ αϥϭι μπιϣϫε ουοϩ αϥϩιτϥ ε`ϧρηι εφιομ νϣαρι ουοϩ `μπε ουϣϫε μμαυατϥ ςωϫπ ϧεν πικαϩι τηρϥ `ντε χημι.

Exodus 10:20 ουοϩ α `πϭοις θρε πϩητ`μφαραω `νϣοτ ουοϩ `μπεϥουωρπ `ννενϣηρι `μπιςραηλ εβολ

Exodus 10:21 πεϫε `πϭοις δε μ μωυςης ϫε ςουτεν τεκϫιϫ ε`πϣωι ετφε ουοϩ μαρεϥϣωπι `νϫε ουχακι ϩιϫεν `πκαϩι `νχημι ουχακι `νϫομϫεμ.

Exodus 10:22 ουοϩ α μωυςης ςουτεν τεϥϫιϫ ε`πϣωι ετφε ουοϩ αϥϣωπι `νϫε ουχακι `νϫομϫεμ ϩιϫεν `πκαϩι τηρϥ `νχημι `ν3. `νὲϩοου.

Exodus 10:23 ουοϩ μπε `ϩλι ναυ επεϥςον ουδε `μπε `ϩλι τωνϥ εβολ ϩιϫεν πεϥμαννκοτ `ν3. `νὲϩοου νενϣηρι δε `μπιςραηλ τηρου ναρε φουωινι ϣοπ νωου πε ϧεν ϩωβ νιβεν εναυϣοπ `νϧητου `νϫε νενϣηρι `μπιςραηλ.

Exodus 10:24 ουοϩ αϥμουϯ `νϫε φαραω ε μωυςης νεμ ααρων εϥϫω `μμος ϫε μαϣενωτεν ϣεμϣι `μ`πϭοις πετεννουϯ πλην νετενεςωου νεμ νετενεϩωου ερετενεςοϫπου ουοϩ πετενςοβϯ μαρεϥϣεναϥ νεμωτεν.

Exodus 10:25 ουοϩ πεϫε μωυςης ϫε αλλα νεμ `νθοκ ϩωκ εκεϯ ναν `νϩανϭλιλ νεμ ϩανϣουϣωουϣι νη ετεννααιτου `μ`πϭοις πεννουϯ.

Exodus 10:26 ουοϩ νεντεβνωουι ευεμοϣι νεμαν ουοϩ ννενςεϫπ ουϩιηβ εβολ νϧητου ανναϭι γαρ εβολ νϧητου επϣεμϣι `μ`πϭοις πεννουϯ ανον δε τενεμι αν ϫε ου πετενναϣεμϣι `μμοϥ `μ`πϭοις πεννουϯ ϣατενϣεναν εϧουν εμαυ

Exodus 10:27 α `πϭοις δε θρε πϩητ`μφαραω `νϣοτ ουοϩ `μπεϥουωϣ εουορπου εβολ

Exodus 10:28 ουοϩ πεϫε φαραω ϫε μαϣενακ εβολ ϩαροι μαϩθηκ εροκ `μπερουαϩτοτκ ϫε εναυ επαϩο πιεϩοου δε ετεκναναυ εροι `νϧητϥ χναμου

Exodus 10:29 ουοϩ πεϫε μωυςης ϫε ακϫος ϫε `νναουαϩτοτ ϫε `μπεκμθο