Exodus 37:1 ουοϩ αυθαμιò `νϯςκυνη `μμηϯ `ναυλη

Exodus 37:2 εςιρι νϫουτ `ϣμην μμαϩι `νϫε ϯουι `ναυλη παιϣι ρω πετϣοπ ννιαυλη τηρου ουοϩ 4. μμαϩι νουηϣςι εϯουι ναυλη

Exodus 37:3 ουοϩ αυθαμιο μπικαταπεταςμα εβολ ϧεν ουϩυακινθινον νεμ ουϭηϫι νεμ ουκοκκινον εϥερϩιηβ νεμ ουϣενς εϥςαϯ ουϩωβ `νςωϧι `νχερουβιμ.

Exodus 37:4 ουοϩ αυςεμνητϥ εϩρηι εϫεν πι4. `νςτυλλος νατερϩολι ευλαληουτ `ννουβ εβολ ϧεν ουνουβ ουοϩ νουκεφαλις ϩαννουβ νε ουοϩ του`ϥτοε `μβαςις ευοι `νϩατ

Exodus 37:5 ουοϩ αυθαμιο μπικατακαλυμμα `ντε `φρο νϯςκυνη `ντε ϯμετμεθρε εβολ ϧεν ουϩυακινθινον νεμ ουϭηϫι νεμ ουκοκκινον εϥερϩιηβ νεμ ουϣενς εϥςαϯ ουϩωβ νςωϧι `νχερουβιμ.

Exodus 37:6 νεμ `τιου νςτυλλος νταϥ νεμ νουκρικος νεμ νουκεφαλις νεμ νουψαλις ευλαληουτ ννουβ ϧεν ουνουβ νεμ `ϥτοε `μβαςις ντωου ευοι `νϩομτ.

Exodus 37:7 ουοϩ αυθαμιο νϯαυλη επιςα ετϩιφρης νιιςτια `ντε ϯαυλη εβολ ϧεν ουϣενς εϥςαϯ ϣε ϧεν ϣε.

Exodus 37:8 νεμ ϫουτ νςτυλλος ντωου νεμ ϫωϯ `μβαςις ντωου ευοι νϩομτ.

Exodus 37:9 ουοϩ πιςα πεμϩιτ ϧεν ϣε ουοϩ πιςα ετϩιφρης ϣε αεν ϣε νεμ ϫουτ `ν`ςτυλλος `ντωου νεμ ϫωϯ `μβαςις `ντωου.

Exodus 37:10 ουοϩ πιςα ετςαφιομ νιαυλη ευιρι `ντεβι `μμαϩι μητ `νςτυλλος ντωου νεμ μηϯ μβαςις ντωου.

Exodus 37:11 ουοϩ πιςα ετςανιμανϣαι νιιςτια τεβι `μμαϩι μητ `τιου μμαϩι ςαφαϩου `μμωου.

Exodus 37:12 ουοϩ 3. νςτυλλος ντωου νεμ ϣομϯ μβαςις ντωου.

Exodus 37:13 ουοϩ ϩιφαϩου μπιςφιρ μμαϩ2. ςα`μναι νεμ ςαμναι κατα ϯπυλη `ντε ϯαυλη νιαυλη ευιρι μμητ `τιου `μμαϩι ουοϩ 3. νςτυλλος ντωου νεμ ϣομϯ `μβαςις ντωου.

Exodus 37:14 νιαυλη τηρου `ντε ϯςκυνη ευθαμιηουτ εβολ ϧεν ουϣενς εϥςαϯ

Exodus 37:15 ουοϩ νιβαςις `ντε νιςτυλλος ϩανϩομτ νε νεμ νουαγκυλη ευοι `νϩατ ουοϩ νουκεφαλις ευλαληουτ `νϩατ ϧεν ουϩατ ουοϩ νιςτυλλος τηρου `ντε ϯαυλη ευοι `νϩατ.

Exodus 37:16 ουοϩ πικατακαλυμμα `ντε ϯπυλη `ντε ϯαυλη ουϩωβ νςωϧι μποικιλτον εβολ ϧεν ουϩυακινθινον νεμ ουϭηϫι νεμ ουκοκκινον εϥερϩιηβ νεμ ουϣενς εϥςαϯ εϥιρι νϫουτ μμαϩι νϣιη ουοϩ ϯουηϣςι εςιρι `ν`τιου μμαϩι νεμ πιϭιςι ευϣηϣ νεμ νιιςτια `ντε ϯαυλη.

Exodus 37:17 νεμ 4. νςτυλλος ντωου νεμ `ϥτοὲ μβαςις νϩομτ νεμ νουαγκυλη `νϩατ νεμ νουκεφαλις ευλαληουτ `νϩατ ϧεν ουϩατ ουοϩ νθωου ναυλαληουτ `νϩατ ϧεν ουϩατ.

Exodus 37:18 ουοϩ νιϣμου τηρου `ντε ϯαυλη εϥκωϯ ευοι νϩομτ.

Exodus 37:19 ουοϩ φαι πε πιουαϩςαϩνι `ντε ϯςκυνη `ντε ϯμετμεθρε κατα φρηϯ ετα `πϭοις ϩονϩεν ετοτϥ μ μωυςης εθρε πιφωϣεν ϣωπι `ντε νιλευιτης εβολ ϩιτοτϥ νιθαμαρ πϣηρι νααρων πιουηβ.

Exodus 37:20 ουοϩ βεςελεηλ φη `ντε ουρι εβολ ϧεν τφυλη νιουδα αϥιρι κατα φρηϯ εταϥϩονϩεν `νϫε `πϭοις ετοτϥ μ μωυςης.

Exodus 37:21 ουοϩ ελιαβ φη `ντε αχιςαμαχ εβολ ϧεν τφυλη νδαν νθοϥ πε εταϥεραρχιτεκτων ενιιεβ νςωϧι νεμ νιιεβ `νθωρπ νεμ νιποικιλτον εςαϧουν ϧεν πικοκκινον νεμ πιϣενς.