Exodus 40 : 1 ουοϩ αϥςαϫι `νϫε ``πϭοις ουβε μωυςης εϥϫω `μμος .

Exodus 40 : 2 2. ϫε `ν`ϩρηι ϧεν ουὲϩοου `ντε πιὰβοτ `νϩουιτ `νςουαι εκὲταϩο `νϯ`ςκυνη ὲρατς `ντε ϯμετμεθρε ουοϩ εκὲχω `νϯκυβωτος `ντε ϯμετμεθρε.

Exodus 40 : 3 ουοϩ εκὲϩωβς `νϯκυβωτος `μπικαταπεταςμα.

Exodus 40 : 4 4. ουοϩ εκὲὶνι `νϯ`τραπεζα ὲϧουν ουοϩ εκὲφωρϣ `νϯ`προθεςις ϩιϫως ουοϩ εκὲὶνι `νϯλυχνιὰ ὲϧουν ουοϩ εκὲχω `ννεςϧηβς ϩιϫως.

Exodus 40 : 5 5. ουοϩ εκὲχω `μπιμανερϣωουϣι `ννουβ ε ϯ `μπι`ςθοινουϥι `μπε`μθο `νϯκυβωτος `ντε ϯμετμεθρε ουοϩ εκὲχω `μπικαλυμμα `ντε πικαταπεταςμα ϩιρεν φρο `νϯ`ςκυνη `ντε ϯμετμεθρε.

Exodus 40 : 6 ουοϩ πιμα`νερϣωουϣι `ντε νιϭλιλ εκὲχαϥ ϧατεν νιρωου `νϯ`ςκυνη `ντε ϯμετμεθρε.

Exodus 40 : 7 ουοϩ εκὲχω `νϯ`ςκυνη ουοϩ `νχαι νιβεν ὲτε `νϧητς εκὲτουβοϥ `μπικωϯ.

Exodus 40 : 8 ουοϩ εκὲϭι `μπινεϩ `ντε πιθωϩς ουοϩ εκὲθωϩς `νϯ`ςκυνη νεμ ενχαι νιβεν ὲτε `νϧητς ουοϩ εκὲτουβος νεμ νες`ςκευος τηρου ουοϩ εςὲϣωπι εςουαβ.

Exodus 40 : 9 ουοϩ εκὲθωϩς `μπιμα`νερϣωουϣι `ντε νιϭλιλ νεμ νεϥ`ςκευος τηρου ουοϩ εκὲτουβο `μπιμα`νερϣωουϣι ουοϩ εϥὲϣωπι `νϫε πιμα`νερϣωουϣι εϥουαβ `ντε νηεθουαβ.

Exodus 40 : 10 ουοϩ εκὲὶνι `νὰὰρων νεμ νεϥϣηρι ϧατεν νιρωου `ντε ϯ`ςκυνη `ντε ϯμετμεθρε ουοϩ εκὲϫοκμου ϧεν ουμωου ουοϩ εκὲϯ ϩι αὰρων `ννι`ςτολη εθουαβ.

Exodus 40 : 11 ουοϩ εκὲθαϩςϥ εκὲτουβοϥ ουοϩ εϥὲερουηβ νηι.

Exodus 40 : 12 ουοϩ εκὲὶνι `ννεϥϣηρι ὲϧουν ουοϩ εκὲϯ ϩι`ωτου `νϩαν`ϣθην.

Exodus 40 : 13 ουοϩ εκὲθαϩςου `μ`φρηϯ ετ ακθωϩς `μπουιωτ ουοϩ ευὲερουηβ νηι.

Exodus 40 : 14 ουοϩ εςὲϣωπι ϩωςδε `ντεϥϣωπι νωου `νουθωϩς `ντε ϯμετουηβ ϣα ὲνεϩ ϧεν νετενγενεὰ.

Exodus 40 : 15 ουοϩ αϥὶρι `νϫε μωυςης `νϩωβ νιβεν ετ α ``πϭοις ϩενϩωνϥ ὲρωου παιρηϯ αϥὶρι.

Exodus 40 : 16 ουοϩ αςϣωπι ϧεν πιὰβοτ `νϩουιτ `νϯρομπι `μμαϩ `ςνουϯ ὲταυὶ ὲβολ ϧεν `πκαϩι `νχημι `νςουαι `μπιὰβοτ αςòϩι ὲρατς `νϫε ϯ`ςκυνη.

Exodus 40 : 17 ουοϩ αϥταϩο `νϯ`ςκυνη ὲρατς `νϫε μωυςης ουοϩ αϥταϫρε νικεφαλις ουοϩ αϥϩωτπ `ννεςμοχλους ουοϩ αϥταϩο `ννες`ςτυλλος ὲρατου.

Exodus 40 : 18 ουοϩ αϥφωρϣ `ννιαυλη ὲβολ ὲϫεν ϯ`ςκυνη ουοϩ αϥχω `μπικαλυμμα `ντε ϯ`ςκυνη ὲ`ϩρηι ὲϫως ςα`πϣωι `μμοϥ καταφρηϯ ετ α ``πϭοις ϩονϩεν ὲτοτϥ `μ μωυςης.

Exodus 40 : 19 ουοϩ αϥϭι `ννιμετμεθρευ αϥϩιτου ὲϧουν ε ϯκυβωτος.

Exodus 40 : 20 ουοϩ αϥχω `ννιϣενϩωϯ ςαπεςητ `νϯκυβωτος.

Exodus 40 : 21 ουοϩ αϥὶνι `νϯκυβωτος ὲϧουν ε ϯ`ςκυνη.

Exodus 40 : 22 ουοϩ αϥχω ϩιωτς `ννικατακαλυμμα `ντε πικαταπεταςμα ουοϩ αϥϩωβς `νϯκυβωτος `ντε ϯμετμεθρε `μ`φρηϯ ετ α ``πϭοις ϩονϩεν ετοτϥ `μ μωυςης.

Exodus 40 : 23 ουοϩ αϥχω `νϯ`τραπεζα ϧεν ϯ`ςκυνη `ντε ϯμετμεθρε ϩι `π`ςφιρ `νϯ`ςκυνη `ντε ϯμετμεθρε ςαπεμϩιτ ςαβολ`μπικαταπεταςμα `ντε ϯ`ςκυνη.

Exodus 40 : 24 ουοϩ αϥχω ϩιϫως `νϩανωικ `ντε ϯ`προθεςις `μπε`μθο `μ``πϭοις καταφρηϯ ετ α ``πϭοις ϩονϩεν ὲτοτϥ `μ μωυςης.

Exodus 40 : 25 ουοϩ αϥχω `νϯλυχνιὰ ϧεν ϯ`ςκυνη `ντε ϯμετμεθρε ςα πι`ςφιρ ετςαφρης `ντε ϯ`ςκυνη.

Exodus 40 : 26 ουοϩ αϥςεμνι `ννεςϧηβς ϩιωτς `μπε`μθο `μ``πϭοις `μ`φρηϯ ετ α ``πϭοις ϩοϩεν ὲτοτϥ `μ μωυςης.

Exodus 40 : 27 ουοϩ αϥχω `μπιμα`νερϣωουϣι `ννουβ ϧεν ϯ`ςκυνη `ντε ϯμετμεθρε `μπε`μθο `μπικαταπεταςμα.

Exodus 40 : 28 ουοϩ αϥεν `ςθοινουϥι ὲ`ϩρηι ϩιωτϥ `νου`ςθοι `νου`ςθοινουϥι `ντε πιςεμνι `μ`φρηϯ ετ α ``πϭοις ϩονϩεν ετοτϥ `μ μωυςης .

Exodus 40 : 29 ουοϩ πιμα`νερϣωουϣι `ντε νιϭλιλ αϥχαϥ ϧατεν νιρωου `νϯςκυνη `ντε ϯμετμεθρε.

Exodus 40 : 30 ουοϩ αϥταϩο `νϯαυλη ὲρατς `μ`πκωϯ `νϯ`ςκυνη νεμ πιμα`νερϣωουϣι .

Exodus 40 : 31 ουοϩ α μωυςης ϫωκ `ννι`ϩβηουὶ τηρου ὲβολ ουοϩ α ϯϭηπι ϩωβς ὲβολ ϩιϫεν ϯ`ςκυνη `ντε ϯμετμεθρε.

Exodus 40 : 32 ουοϩ αςμοϩ `νϫε ϯ`ςκυνη ϧεν ου`ωου`ντε ``πϭοις.

Exodus 40 : 33 ουοϩ `μπεϥ`ϣϫεμϫομ `νϫε μωυςης ε ϣε ὲϧουν ε ϯ`ςκυνη `ντε ϯμετμεθρε ϫε αςερϧηιβι ὲ`ϩρηι ὲϫως `νϫε ϯϭηπι.

Exodus 40 : 34 ουοϩ αςμοϩ `νϫε ϯ`ςκυνη ὲβολϧεν ου`ωου `ντε `πϭοις.

Exodus 40 : 35 εϣωπ δε αςϣανϣενς ὲ`πϣωι `νϫε ϯϭηπι ὲβολϩα ϯ`ςκυνη ϣαυμοϣι `νϫε νενϣηρι `μπιςραηλ νεμ πουςοβϯ τηρϥ.

Exodus 40 : 36 εϣωπ δε `μπατεςϣενας ὲ`πϣωι `νϫε ϯϭηπι `μπαυμοϣι ϣα πιὲϩοου ὲϣαςϣενας ὲ`πϣωι `νϫε ϯϭηπι.

Exodus 40 : 37 ναρε ϯϭηπι γαρ πε χη ϩιϫεν ϯ`ςκυνη `μπιὲϩοου.

Exodus 40 : 38 ουοϩ ου`χρωμ ναϥχη ϩιϫως πε `μπιὲϫωρϩ `μπε`μθο `μπιςραηλ τηρϥ `ν`ϩρηι ϧεν νιμα `μμοϣι `ντωου τηρου.