Exodus 9:1 πεϫε `πϭοις δε μ μωυςης ϫε μαϣενακ εϧουν ϩα φαραω ουοϩ εκεϫος ναϥ ϫε ναι νε νη ετεϥϫω `μμωου `νϫε `πϭοις `φνουϯ `ντε νιϩεβρεος ϫε ουωρπ μπαλαος εβολ ϩινα ντουϣεμϣι `μμοι

Exodus 9:2 ιςϫε ουν `χουωϣ αν εουωρπ `μπαλαος εβολ αλλα ετι `καμαϩι `μμοϥ

Exodus 9:3 ϩηππε ις ουϫιϫ `ντε `πϭοις νηου ε`ϧρηι εϫεν νεκτεβνωουι νη ετϧεν τκοι ε`ϧρηι εϫεν νεκϩθωρ νεμ εϫεν νεκεϩευ νεμ ε`ϧρηι εϫεν νεκϫαμαυλι νεμ εϫεν νεκεϩωου νεμ νεκεςωου νουνιϣϯ μμου ενααϥ

Exodus 9:4 ουοϩ ειεϯωου ανοκ ουτε νιτεβνωουι `ντε νιρεμνχημι νεμ ουτε νιτεβνωουι `ντε πιςραηλ ουοϩ `ννε `ϩλι μου εβολ ϧεν νιτεβνωουι `ντε νενϣηρι τηρου `ντε πιςραηλ.

Exodus 9:5 ουοϩ α `φνουϯ ϯ νουνει εϥϫω `μμος ϫε `ν`ϧρηι ϧεν ραςϯ ερε `πϭοις ιρι μπαιςαϫι ϩιϫεν `πκαϩι.

Exodus 9:6 ουοϩ αϥιρι `νϫε `πϭοις μπαιςαϫι `νραςϯ ουοϩ αυμου `νϫε νιτεβνωουι τηρου `ντε νιρεμνχημι εβολ δε νθοϥ ϧεν νιτεβνωουι `ντε νενϣηρι `μπιςραηλ μπε `ϩλι μου.

Exodus 9:7 εταϥναυ δε `νϫε φαραω ϫε `μπε `ϩλι μου εβολ ϧεν νιτεβνωουι `ντε νενϣηρι `μπιςραηλ αϥϩροϣ `νϫε πϩητ`μφαραω ουοϩ `μπεϥουωρπ `μπιλαος εβολ

Exodus 9:8 πεϫε `πϭοις δε μ μωυςης νεμ ααρων εϥϫω `μμος ϫε ϭι νωτεν ννετενϫιϫ ευμεϩ νκερμι νϩρω ουοϩ μαρεϥβερβωρϥ ε`πϣωι ετφε `νϫε μωυςης`μπεμθο`μφαραω νεμπεμθο `ννεϥαλωουι.

Exodus 9:9 ουοϩ μαρεϥϣωπι `νϫε ουϣωιϣ ϩιϫεν πικαϩι τηρϥ `ντε χημι ουοϩ εϥεϣωπι ϩι νιρωμι νεμ ϧεν νιϥτεφατ `νϫε ϩανϣαϣ νεμ ϩανκελκα αυϫηϥ ϧεν νιρωμι νεμ ϧεν νιϥτεφατ ϧεν `πκαϩι τηρϥ `νχημι.

Exodus 9:10 ουοϩ αυϭι μπικερμι νϩρο`μπεμθο `μφαραω ουοϩ α μωυςης βερβωρϥ ε`πϣωι ετφε ουοϩ αυϣωπι `νϫε ϩανϣαϣ νκελκα ευϫηϥ ϧεν νιρωμι νεμ ϧεν νιϥτεφατ.

Exodus 9:11 ουοϩ ναυϣϫεμϫομ αν πε `νϫε νιφαρμακος εοϩι ερατου `μπεμθο μ μωυςης εθβε νιϣαϣ νε αυϣωπι γαρ πε `νϫε νιϣαϣ ϧεν νιφαρμακος νεμ ϧεν πικαϩι τηρϥ `ντε χημι.

Exodus 9:12 α `πϭοις δε θρε πϩητ`μφαραω νϣοτ ουοϩ `μπεϥςωτεμ `νςωου κατα νη ετα `πϭοις ουαϩςαϩνι `μμωου μ μωυςης

Exodus 9:13 πεϫε `πϭοις δε μ μωυςης ϫε ϣορπκ `ντοουι ουοϩ οϩι ερατκ`μπεμθο`μφαραω ουοϩ εκεϫος ναϥ ϫε ναι νε νη ετεϥϫω `μμωου `νϫε `πϭοις `φνουϯ `ντε νιϩεβρεος ϫε ουωρπ μπαλαος εβολ ϩινα ντουϣεμϣι `μμοι.

Exodus 9:14 `ν`ϧρηι γαρ ϧεν παιςηου `ντε ϯνου ειεταουο νϩωβ νιβεν `νςυναντημα ντηι επεκϩητ νεμ νεκαλωουι νεμ πεκλαος ϩινα `ντεκεμι ϫε μμον κε ουαι μπαρηϯ ϧεν `πκαϩι τηρϥ.

Exodus 9:15 ϯνου γαρ ϯναουωρπ νταϫιϫ νταϣαρι εροκ νεμ πεκλαος ϧεν ουμου ουοϩ εκεϥωϯ εβολ ϩιϫεν πικαϩι

Exodus 9:16 ουοϩ εθβεφαι αυαρεϩ εροκ ϩινα νταουωνϩ νταϫομ εβολ `νϧητκ ουοϩ ντουφιρι επαραν ϩιϫεν `πκαϩι τηρϥ.

Exodus 9:17 ετι ουν `νθοκ κιρι μπαλαος εϣτεμουωρπου εβολ.

Exodus 9:18 ϩηππε ανοκ ϯναϩωου ε`ϧρηι εϫωκ `μπαιναυ νραςϯ νουαλ εϥοϣ εμαϣω μπε ουον ϣωπι `μπεϥρηϯ `ν`ϧρηι ϧεν χημι ιςϫεν πιεϩοου εταυςοντϥ ϣα εϧουν επαιεϩοου.

Exodus 9:19 ϯνου ουν ιης ντοτκ θωουϯ `ννεκτεβνωουι εϧουν τηρου νεμ ϩωβ νιβεν ετε ντακ ϧεν τκοι νιρωμι γαρ τηρου νεμ νιτεβνωουι νη ετουναϫεμου ϧεν τκοι ουοϩ ντουϣτεμι εϧουν εηι `ντε πιαλ δε ι ε`ϧρηι εϫωου ευεμου.

Exodus 9:20 φη ετερϩοϯ ϧατϩη μπιςαϫι `ντε `πϭοις `ντε νιαλωουι `ντε φαραω αϥθωουϯ `ννεϥτεβνωουι εϧουν ενιηι.

Exodus 9:21 φη δε νθοϥ ετε `μπεϥϯϩθηϥ ϧεν πεϥϩητ επιςαϫι `ντε `πϭοις αϥχω `ννεϥτεβνωουι ϧεν τκοι.

Exodus 9:22 πεϫε `πϭοις δε μ μωυςης ϫε ϥαι `ντεκϫιϫ ε`πϣωι ετφε ουοϩ εϥεϣωπι `νϫε ουαλ ε`ϧρηι ϩιϫεν `πκαϩι τηρϥ `νχημι ε`ϧρηι εϫεν νιρωμι νεμ νιτεβνωουι νεμ ε`ϧρηι εϫεν νιςμεϩ τηρου ετχη ϩιϫεν `πκαϩι

Exodus 9:23 αϥςουτεν τεϥϫιϫ δε `νϫε μωυςης ε`πϣωι ετφε ουοϩ α `πϭοις ϯ `νϩανςμη νεμ ουαλ ουοϩ ναϥϭοϫι πε `νϫε πιχρωμ ε`ϧρηι ϩιϫεν πικαϩι ουοϩ αϥϩωου `νϫε `πϭοις νουαλ ε`ϧρηι εϫεν πικαϩι τηρϥ `ντε χημι.

Exodus 9:24 ναϥϣοπ δε `νϫε πιαλ πε ουοϩ πιχρωμ ναϥϩιϣαϩ εβολ ϧεν πιαλ πε πιαλ δε ναϥοϣ εμαϣω εμαϣω `μπε ουον ϣωπι `μπεϥρηϯ ϧεν `πκαϩι `νχημι ιςϫεν πιεϩοου ετα εθνος ϣωπι ϩιωτϥ.

Exodus 9:25 αϥϣαρι δε `νϫε πιαλ ϧεν `πκαϩι τηρϥ `ντε χημι ιςϫεν φρωμι ϣα τεβνη ουοϩ ςιμ νιβεν ετϧεν τκοι αϥϣαρι ερωου `νϫε πιαλ ουοϩ νιϣϣην τηρου ετϧεν νικοι αϥϧεμϧωμου.

Exodus 9:26 ϣατεν `πκαϩι νγεςεμ μμαυατϥ πιμα εναυϣοπ `νϧητϥ `νϫε νενϣηρι `μπιςραηλ μπε πιαλ ϣωπι `μμαυ.

Exodus 9:27 αϥουωρπ δε `νϫε φαραω αϥμουϯ ε μωυςης νεμ ααρων ουοϩ πεϫαϥ νωου ϫε αιερνοβι ϯνου ουθμηι πε `πϭοις ανοκ δε νεμ παλαος ανον ϩανϣαϥτ

Exodus 9:28 τωβϩ ουν εθβητ ϩα `πϭοις ουοϩ μαρεϥλοϫϥ εθρουϣωπι `νϫε νιςμη `ντε `φνουϯ νεμ πιαλ νεμ πιχρωμ ουοϩ ϯναουορπ θηνου εβολ ουοϩ ννετενουαϩτεν θηνου εοϩι.

Exodus 9:29 πεϫε μωυςης δε ναϥ ϫε εςεϣωπι αιϣανερ ςαβολ νϯβακι ειεφωρϣ νναϫιϫ εβολ ουβε `πϭοις ουοϩ ευελοϫου `νϫε νιςμη ουοϩ πιαλ νεμ πιμουνϩωου `ννεϥϣωπι ϫε ϩινα ντεκεμι ϫε πικαϩι φα `πϭοις πε.

Exodus 9:30 ουοϩ `νθοκ νεμ νεκαλωουι ϯεμι ϫε `μπετενερϩοϯ ϧατϩη `μ`πϭοις ενεϩ

Exodus 9:31 πιμαϩι δε νεμ πιιωτ αυμιϣι πιιωτ γαρ νε αϥφοϩ πε ουοϩ πιμαϩι νε αϥερϫροϫ πε.

Exodus 9:32 πιςουο δε νεμ πιβωϯ μπουμιϣι νε ϩανϧαευ γαρ νε

Exodus 9:33 αϥι δε `νϫε μωυςης εβολ ϧατεν φαραω ςαβολ νϯβακι ουοϩ αϥφωρϣ `ννεϥϫιϫ εβολ ουβε `πϭοις ουοϩ αυλοϫου νεμ νιςμη ουοϩ πιμουνϩωου νεμ πιαλ `μπεϥθλη ϩιϫεν πικαϩι

Exodus 9:34 εταϥναυ δε `νϫε φαραω ϫε αϥλοϫϥ `νϫε πιμουνϩωου νεμ πιαλ νεμ νιςμη αϥουαϩτοτϥ ον εερνοβι ουοϩ αϥθρε πεϥϩητ `νϣοτ νεμ νεϥαλωουι.

Exodus 9:35 ουοϩ αϥενϣοτ `νϫε πϩητ`μφαραω ουοϩ `μπεϥουωρπ `ννενϣηρι `μπιςραηλ εβολ κατα φρηϯ ετα `πϭοις ςαϫι νεμ μωυςης.