Exodus 11:1 πεϫε `πϭοις δε μ μωυςης ϫε ετι κεερϧοτ μμαυατϥ εϯναενϥ εϫεν φαραω νεμ εϫεν χημι ουοϩ μενενςα ναι εϥεουορπ θηνου εβολ ται ϩοταν δε αϥϣανουορπ θηνου εβολ εϥεϩι θηνου εβολ νεμ ϩωβ νιβεν ϧεν ουϩιουι εβολ.

Exodus 11:2 ςαϫι ουν νχωπ ϧεν νενμαϣϫ `μπιλαος ουοϩ μαρε `φουαι `φουαι ερετιν ντεν πεϥϣφηρ ουοϩ ουςϩιμι `ντεν τεςϣφερι `νϩανςκευος νϩατ νεμ ϩαννουβ νεμ ουϭι`ϩβος.

Exodus 11:3 `πϭοις δε αϥϯ νουϩμοτ `μπεϥλαος μπεμθο ννιρεμνχημι ουοϩ αυτενϩουτου ουοϩ πιρωμι ϫε μωυςης αϥερνιϣϯ εμαϣω μπεμθο`μφαραω νεμπεμθο `ννεϥαλωουι.

Exodus 11:4 ουοϩ πεϫαϥ `νϫε μωυςης ϫε ναι νε νη εταϥϫω `μμωου `νϫε `πϭοις ϫε `ν`ϧρηι ϧεν τφαϣι μπιεϫωρϩ ανοκ ϯναι εϧουν ϧεν θμηϯ `νχημι.

Exodus 11:5 ουοϩ ευεμου `νϫε ϣαμιςι νιβεν ετε `νϩρηι ϧεν `πκαϩι `νχημι ιςϫεν πϣορπ μμιςι`μφαραω φη ετϩεμςι ϩιϫεν πιθρονος ϣα πϣορπ μμιςι νϯβωκι θη ετϩεμςι ϧατεν ϯμουλον νεμ ϣα `πϣορπ μμιςι ντεβνη νιβεν.

Exodus 11:6 ουοϩ ερε ουνιϣϯ νϧρωου ϣωπι ϧεν `πκαϩι τηρϥ `νχημι φαι ετε μπε ουον ϣωπι `μπεϥρηϯ ουοϩ `ννε ουον `μπαιρηϯ ουαϩτοτϥ εϣωπι `μπεϥρηϯ.

Exodus 11:7 `ν`ϧρηι δε ϧεν νενϣηρι `μπιςραηλ `ννε ουουϩορ ουαϩϥ `μπεϥλας ιςϫεν φρωμι ϣα ντεβνη ϩοπως `ντεκναυ εϩωβ νιβεν ετε `πϭοις ναϭιωου νϧητου ουτε νιρεμνχημι νεμ ουτε πιςραηλ.

Exodus 11:8 ουοϩ ευει ε`ϧρηι ϩαροι `νϫε νεκαλωουι τηρου ναι ουοϩ ευεουωϣτ `μμοι ευϫω `μμος ϫε μαϣενακ `νθοκ νεμ πεκλαος φη `νθοκ ετεκμοϣι ϧαϫωϥ ουοϩ μενενςα ναι ειεϣενηι αϥι δε `νϫε μωυςης εβολ ϩα πϩο`μφαραω ϧεν ου`μβον.

Exodus 11:9 πεϫε `πϭοις δε μ μωυςης ϫε φαραω ναςωτεμ ` νςα θηνου αν ϩινα νταθρε ναμηινι νεμ ναϣφηρι αϣαι ϧεν `πκαϩι `νχημι.

Exodus 11:10 μωυςης δε νεμ ααρων αυιρι `νναιμηινι νεμ ναιϣφηρι `μπεμθο`μφαραω α `πϭοις δε θρε πϩητ `μφαραω νϣοτ ουοϩ `μπεϥουωϣ εουωρπ ννενϣηρι `μπιςραηλ εβολ ϧεν `πκαϩι `νχημι.