Exodus 15:1 τοτε αϥϩως `νϫε μωυςης νεμ νενϣηρι `μπιςραηλ νταιϩωδη ε`πϭοις ουοϩ αϥϫος εθρουϫος ϫε μαρενϩως ε `πϭοις ϧεν ουωου γαρ αϥϭιωου ουϩθο νεμ ουϭαςιϩθο αϥβερβορου ε`φιομ.

Exodus 15:2 ουβοηθος νεμ ουρεϥϩωβς εβολ ϩιϫωι αϥϣωπι νηι ευςωτηρια φαι πε πανουϯ ουοϩ ϯναϯωου ναϥ `φνουϯ μπαιωτ ουοϩ ϯναϭαςϥ.

Exodus 15:3 `πϭοις πετϧομϧεμ ννιβωτς `μ`πϭοις πε πεϥραν

Exodus 15:4 νιβερεϭωουτς `ντε φαραω νεμ τεϥϫομ αβερβωρου εφιομ ϩανςωτπ ναναβατης ντριςτατης αϥϫολκου ϧεν `φιομ νϣαρι

Exodus 15:5 αϥϩωβς ε`ϧρηι εϫωου `νϫε πιμωου αυωμς ε`ϧρηι επετϣηκ `μ`φρηϯ νουωνι.

Exodus 15:6 τεκουιναμ `πϭοις αςϭιωου ϧεν ουϫομ τεκϫιϫ νουιναμ `πϭοις αςτακε νεκϫαϫι.

Exodus 15:7 ουοϩ ϧεν παϣαι `ντε πεκωου ακϧομϧεμ ννη ετϯ ουβην ακουωρπ μπεκϫωντ ουοϩ αϥουομου `μ`φρηϯ `νϩανρωουι.

Exodus 15:8 ουοϩ εβολ ϩιτεν πιπνευμα `ντε πεκ`μβον αϥοϩι ερατϥ `νϫε πιμωου αυϭως `νϫε νιμωου `μ`φρηϯ νουςοβτ αυϭως `νϫε νιϫολ ϧεν `θμηϯ `μ`φιομ.

Exodus 15:9 αϥϫος γαρ `νϫε πιϫαϫι ϫε ϯναϭοϫι `νταταϩο νταφωϣ `νϩανϣωλ ντατςιο νταψυχη νταϧωτεβ ϧεν ταςηϥι `ντε ταϫιϫ ερϭοις.

Exodus 15:10 ακουωρπ `μπεκπνευμα αϥϩοβςου `νϫε `φιομ αυωμς επεςητ `μ`φρηϯ νουτατϩ ϧεν ϩανμωου ευοϣ.

Exodus 15:11 νιμ ετονι `μμοκ ϧεν νινουϯ `πϭοις νιμ ετονι `μμοκ ευεϯωου ναϥ ϧεν νη εθουαβ ευερϣφηρι `μμοϥ ϧεν ϩανμωου εϥιρι `νϩανϣφηρι.

Exodus 15:12 ακςουτεν τεκουιναμ εβολ αϥομκου `νϫε `πκαϩι

Exodus 15:13 ακϭιμωιτ ϧαϫωϥ μπεκλαος ϧεν τεκμεθμηι φαι ετακςοτπϥ ακϯϫομ ναϥ ϧεν τεκνομϯ ευμα νεμτον εϥουαβ νακ

Exodus 15:14 αυςωτεμ `νϫε ϩανεθνος ουοϩ αυϫωντ ϩαννακϩι αυϭι `ννη ετϣοπ ϧεν νιφυλιςτιιμ

Exodus 15:15 τοτε αυιης `νϫε νιϩηγεμων `ντε εδωμ ουοϩ νιαρχων `ντε νιμωαβιτης ουςθερτερ πεταϥϭιτου αυβωλ εβολ `νϫε ουον νιβεν ετϣοπ ϧεν χανααν.

Exodus 15:16 εϥεϩει εϩρηι εϫωου `νϫε ουςθερτερ νεμ ουϩοϯ ϧεν `παϣαι `ντε πεκϫφοι μαρουερωνι ϣατεϥςινι `νϫε πεκλαος `πϭοις ϣατεϥςινι `νϫε πεκλαος φαι ετακϫφοϥ.

Exodus 15:17 ανιτου εϧουν τοϫου ϩιϫεν ουτωου `ντε τεκκληρονομια εϧουν επεκμανϣωπι ετςεβτωτ φαι ετακερϩωβ εροϥ `πϭοις πεκμα εθουαβ `πϭοις φαι εταυςεβτωτϥ `νϫε νεκϫιϫ

Exodus 15:18 `πϭοις εκοι νουρο ϣα ενεϩ νεμ ιςϫεν πενεϩ ουοϩ ετι.

Exodus 15:19 ϫε αυι εϧουν εφιομ `νϫε νιϩθωρ `ντε φαραω νεμ νεϥβερεϭωουτς νεμ νεϥϭαςιϩθο ουοϩ α `πϭοις εν πιμωου `ντε `φιομ νεμ νεϥβερεϭωουτς νεμ νεϥϭαςιϩθο ουοϩ α `πϭοις εν πιμωου `ντε `φιομ εϩρηι εϫωου νενϣηρι δε `μπιςραηλ αυμοϣι ϩιτεν πετϣουωου ϧεν θμηϯ `μ`φιομ.

Exodus 15:20 αςϭι δε νας `νϫε μαριαμ ϯπροφητης τςωνι νααρων `μπικεμκεμ ϧεν τεςϫιϫ ουοϩ αυι εβολ ςαμενϩης `νϫε νιϩιομι τηρου ϧεν ϩανκεμκεμ νεμ ϩανϩως.

Exodus 15:21 αςερϩητς δε ϧαϫωου `νϫε μαριαμ εςϫω `μμος ϫε μαρενϩως ε`πϭοις ϫε ϧεν ουωου γαρ αϥϭιωου ουϩθο νεμ ουϭαςιϩθο αϥβερβωρου ε`φιομ.

Exodus 15:22 αϥουωτεβ δε `νϫε μωυςης νεμ νενϣηρι `μπιςραηλ εβολ ϩα `φιομ `νϩαϩ ουοϩ αϥενου επιϣαϥε `ντε ςουρ ουοϩ ναυμοϣι πε `ν3. `νὲϩοου `ν`ϩρηι ϩι `πϣαϥε ουοϩ ναυϫεμ μωου αν πε εςω.

Exodus 15:23 αυι δε εμερρα ουοϩ ναυϫεμϫομ εςε μωου αν πε εβολ ϧεν μερρα ναϥνϣαϣι γαρ πε εθβεφαι αυϯρεν `φραν `μπιμα ετεμμαυ ϫε `πϣαϣι.

Exodus 15:24 ουοϩ αϥχρεμρεμ `νϫε πιλαος ` νςα μωυςης εϥϫω `μμος ϫε ου πετενναςοϥ

Exodus 15:25 αϥωϣ δε `νϫε μωυςης ουβε `πϭοις ουοϩ α `πϭοις ταμοϥ εουϣε ουοϩ αϥϩιτϥ ε`ϧρηι επιμωου ουοϩ αϥϩλοϫ `νϫε πιμωου ϧεν πιμα ετεμμαυ ουοϩ α `φνουϯ ςεμνι ναϥ `νϩανμεθμηι νεμ ϩανϩαπ ουοϩ αϥϭοντϥ ϧεν πιμα ετεμμαυ

Exodus 15:26 ουοϩ πεϫαϥ ϫε εϣωπ ϧεν ουςωτεμ `ντεκςωτεμ ` νςα `τςμη `μ`πϭοις πεκνουϯ ντεκιρι ννη εθραναϥ `μπεϥμθο ουοϩ `ντεκϭιςμη ενεϥεντολη ουοϩ ντεκαρεϩ ενεϥμεθμηι τηρου ϣωνι νιβεν εταιενου εϫεν νιρεμνχημι `νναενου ε`ϧρηι εϫωκ ανοκ γαρ πε `πϭοις πεκνουϯ φη εττουϫο `μμοκ

Exodus 15:27 ουοϩ αυι εελιμ ουοϩ ναυχη `μμαυ `νϫε μητ 2. `μμουμι `μμωου νεμ `ϣβε `νχαϥ `μβενι αυουοϩ δε `μμαυ ϧατεν νιμωου