Exodus 6:1 ουοϩ πεϫε `πϭοις μ μωυςης ϫε ϩηδη εκεναυ ενη εϯνααιτου `μφαραω `ν`ϧρηι γαρ ϧεν ουϫιϫ εςαμαϩι εϥεουορπου εβολ ουοϩ ϧεν ουϣωβϣ εϥϭοςι εϥεϩιτου εβολ ϧεν πεϥκαϩι

Exodus 6:2 αϥςαϫι δε `νϫε `φνουϯ νεμ μωυςης ουοϩ πεϫαϥ ναϥ ϫε ανοκ πε `πϭοις

Exodus 6:3 ουοϩ αιουονϩτ εαβρααμ νεμ ιςαακ νεμ ιακωβ `φνουϯ ετϣοπ ντωου ουοϩ παραν `πϭοις `μπιουονϩϥ ερωου.

Exodus 6:4 ουοϩ αιςεμνε ταδιαθηκη νεμωου ϩωςτε `νταϯ νωου `μ`πκαϩι `ντε νιχανανεος πικαϩι εταυερρεμνϫωιλι ϩιωτϥ.

Exodus 6:5 ουοϩ ανοκ αιςωτεμ επϥιαϩομ `ντε νενϣηρι `μπιςραηλ φη ετε νιρεμνχημι ιρι `μμωου μβωκ `νϧητϥ ουοϩ αιερφμευι `νταδιαθηκη

Exodus 6:6 μαϣενακ αϫος ννενϣηρι `μπιςραηλ ϫε ανοκ πε `πϭοις ουοϩ ειεεν θηνου εβολ ϧεν ϯμετϫωρι `ντε νιρεμνχημι ουοϩ ειεναϩεμ θηνου εβολ ϧεν τουμετβωκ ουοϩ ειεςετ θηνου ϧεν ουϣωβϣ εϥϭοςι νεμ ουνιϣϯ νϩαπ

Exodus 6:7 ουοϩ ειεϣεπ θηνου εροι ευλαος νηι ουοϩ ειεϣωπι νωτεν `ννουϯ ουοϩ ερετενεεμι ϫε ανοκ πε `πϭοις πετεννουϯ φη ετεϥεν θηνου εβολ ϧεν `πκαϩι `νχημι νεμ εβολ ϧεν ϯμετϫωρ `ντε νιρεμνχημι

Exodus 6:8 ουοϩ ειεεν θηνου εϧουν επικαϩι φη εταιςουτεν ταϫιϫ εβολ εϫωϥ ετηιϥ ναβρααμ νεμ ιςαακ νεμ ιακωβ ουοϩ ειετηιϥ `νωτεν ϧεν ουκληρος ανοκ `πϭοις

Exodus 6:9 αϥςαϫι δε `μπαιρηϯ `νϫε μωυςης νεμ νενϣηρι `μπιςραηλ ουοϩ μπουςωτεμ ` νςα μωυςης εβολ ϧεν ϯμετκουϫι νϩητ νεμ εβολ ϧεν νιϩβηουι εθναϣτ

Exodus 6:10 πεϫε `πϭοις δε μ μωυςης εϥϫω `μμος

Exodus 6:11 ϫε μαϣενακ εϧουν ςαϫι νεμ φαραω πουρο `νχημι ϩινα ντεϥουωρπ ννενϣηρι `μπιςραηλ εβολ ϧεν πεϥκαϩι

Exodus 6:12 αϥςαϫι δε `νϫε μωυςης`μπεμθο `μ`πϭοις ευϫω `μμος ϫε ϩηππε ις νενϣηρι `μπιςραηλ μπουςωτεμ `νςωι ουοϩ πως φαραω ναςωτεμ νςωι ανοκ δε ανοκ ουατςαϫι

Exodus 6:13 πεϫε `πϭοις δε μ μωυςης νεμ ααρων ουοϩ αϥουαϩςαϩνι νωου εϣενωου ϩα φαραω πουρο `νχημι ϩωςτε εεν νενϣηρι `μπιςραηλ εβολ ϧεν `πκαϩι `νχημι

Exodus 6:14 ουοϩ ναι νε νιαρχηγος `ντε νενηου `ννουιοϯ νενϣηρι `νρουβην πϣορπ μμιςι `μπιςραηλ ενωχ νεμ φαλλους αςρωμ νεμ χαρμι φαι πε πγενος νρουβην.

Exodus 6:15 ουοϩ νενϣηρι νςυμεων ιεμουηλ νεμ ιαμιν νεμ ιαωδ νεμ ιαχιν νεμ ςααρ νεμ ςαουλ πιεβολ ϧεν ϯρεμϯφοινικη ναι νε νιμετιωτ `ντε νενϣηρι νςυμεων

Exodus 6:16 ουοϩ ναι νε νιραν `ντε νενϣηρι `νλευι κατα νουϫινμιςι γεδεων κααθ νεμ μεραρι ουοϩ νιρομπι `ντε πωνϧ `νλευὶ ϣε μαπ ϣαϣϥι `νρομπι νε.

Exodus 6:17 ουοϩ ναι νε νενϣηρι `ντε γεδςων λοβενι νεμ ςεμει νιηι `ντε νουιοϯ

Exodus 6:18 ουοϩ νενϣηρι νκααθ αμραμ νεμ ιςααρ χεβρων νεμ οζιηλ ουοϩ νιρομπι `ντε πωνϧ `νκααθ ϣε παπ ϣομϯ `νρομπι νε.

Exodus 6:19 ουοϩ νενϣηρι μμεραρι μοολι νεμ ομουςι ναι νε νιηι `ντε νιμετιωτ `ντε λευι κατα νουϫινμιςι

Exodus 6:20 ουοϩ αϥϭι `νϫε αμραμ νιωχαβεδ ``τϣερι μπςον `μπεϥιωτ `μπςον `μπεϥιωτ ευςϩιμι ναϥ ουοϩ αςμιςι ναϥ νααρων νεμ μωυςης νεμ μαριαμ τουςωνι νιρομπι `ντε `πωνϧ `ναμραμ ϣε μαπ ϣαϣϥι `νρομπι νε.

Exodus 6:21 ουοϩ νενϣηρι νιςααρ κορε νεμ ναφεκ νεμ ζεχρι

Exodus 6:22 ουοϩ νενϣηρι νοζιηλ μιςαηλ νεμ ελιςαφαν νεμ ςετρι

Exodus 6:23 αϥϭι δε `νϫε ααρων νελιςαβετ `τϣερι ναμιναδαβ τςωνι ναςων ευςϩιμι ναϥ ουοϩ αςμιςι ναϥ `νναδαβ νεμ αβιουδ νεμ ελεαζαρ νεμ ιθαμαρ

Exodus 6:24 νενϣηρι δε νκορε αςιρ νεμ ελκανα νεμ αβιαςαφ ναι νε νιϫινμιςι `ντε κορε

Exodus 6:25 ουοϩ ελεαζαρ πϣηρι νααρων αϥϭι νουςϩιμι ναϥ εβολ ϧεν νιϣερι `ντε φουτιηλ ουοϩ αςμιςι ναϥ `μφινεες ουοϩ ναι νε νιαρχων `ντε νιμετιωτ `ντε νιλευιτης κατα νουϫινμιςι.

Exodus 6:26 φαι πε ααρων νεμ μωυςης νη ετα `φνουϯ ϫος νωου εεν νενϣηρι `μπιςραηλ εβολ ϧεν χημι

Exodus 6:27 φαι πε μωυςης νεμ ααρων νη εταυςαϫι ουβε φαραω πουρο `νχημι ϩωςδε εεν νενϣηρι `μπιςραηλ εβολ ϧεν χημι

Exodus 6:28 μπιεϩοου ετα `πϭοις ςαϫι νεμ μωυςης ϧεν `πκαϩι `νχημι

Exodus 6:29 ουοϩ αϥςαϫι `νϫε `πϭοις νεμ μωυςης εϥϫω `μμος ϫε ανοκ πε `πϭοις ςαϫι νεμ φαραω πουρο `νχημι `νϩωβ νιβεν εϯναϫοτου νακ.

Exodus 6:30 ουοϩ πεϫε μωυςης`μπεμθο `μ`πϭοις ϫε ϩηππε ανοκ ςϣομ `νϫε ταςμη ουοϩ πως ϥναςωτεμ εροι `νϫε φαραω.