Exodus 35:1 ουοϩ αϥθωουϯ `νϫε μωυςης `νϯςυναγωγη τηρς `ντε νενϣηρι `μπιςραηλ ουοϩ πεϫαϥ νωου ϫε ναι νε νιςαϫι εταϥϫοτου `νϫε `πϭοις εαιτου

Exodus 35:2 6 νεϩοου πε ετεκερϩωβ `μμωου πιεϩοου δε μμαϩ ϣαϣϥ πεμτον πε ουοϩ ουςαββατον εϥουαβ πε νεμτον `μ`πϭοις ουον νιβεν εθναιρι νουϩωβ `νϧητϥ μαρεϥμου.

Exodus 35:3 ννετενϭερο νουχρωμ ϧεν νετενμανϣωπι τηρου ϧεν πεϩοου `ννιςαββατον ανοκ πε `πϭοις.

Exodus 35:4 ουοϩ πεϫε μωυςης ουβε ϯςυναγωγη τηρς `ντε νενϣηρι `μπιςραηλ εϥϫω `μμος ϫε φαι πε πιςαϫι εταϥουαϩςαϩνι `μμοϥ `νϫε `πϭοις εϥϫω `μμος.

Exodus 35:5 ϫε μαρε ουον ϭι ντεν ουον μμωτεν `νουαφερεμα `μ`πϭοις ουον νιβεν εθναςεμνητς ϧεν πεϥϩητ ευεινι εϧουν ννιαπαρχη `μ`πϭοις ουνουβ νεμ ουϩατ νεμ ου`ϩομτ.

Exodus 35:6 νεμ ουϩυακινθινον νεμ ουϭηϫι νεμ ουκοκκος νδιπλουν νεμ ουϣενς εϥςαϯ νεμ ϩανϥωι `μβαμπι.

Exodus 35:7 νεμ ϩανϣαρ νωιλι ευθρεϣρωϣ νεμ ϩανϣαρ νϩυακινθινον νεμ ϩανϣε νατερϩολι.

Exodus 35:8 νεμ ϩανωνι νςαρδινον νεμ ϩανωνι ενιφωτϩ `ντε ϯεπωμις νεμ πιποτηρη.

Exodus 35:9 ουοϩ ςοφος νιβεν ϧεν πεϥϩητ ετϧεν θηνου μαρεϥι `ντεϥερϩωβ ενεϩβηουι τηρου ετε `πϭοις ουαϩςαϩνι `μμωου.

Exodus 35:10 ϯςκυνη νεμ νιπαραρυματα νεμ νικαλυμμμα νεμ νιϣε ετταιηουτ νεμ νιμοχλους νεμ νιςτυλλος.

Exodus 35:11 νεμ ϯκιβωτος `ντε ϯμετμεθρε νεμ νιαναφορον ντας νεμ πιιλαςτηριον ντας νεμ πικαταπεταςμα.

Exodus 35:12 νεμ νιιςτια `ντε ϯαυλη νεμ νεςμοχλους.

Exodus 35:13 νεμ νιωνι `ντε πιςμαραγδος

Exodus 35:14 νεμ πινεϩ `ντε πιθωϩς νεμ πιςτοινουϥι `ντε πιςεμνι νεμ πιεπαςτρον `ντε πιρο νεμ ϯςκυνη.

Exodus 35:15 νεμ ϯτραπεζα νεμ νεςςκευος τηρου

Exodus 35:16 νεμ ϯλυχνια `ντε πιουωινι νεμ νεςςκευος τηρου.

Exodus 35:17 νεμ πιμανερϣωουϣι νεμ νεϥςκευος τηρου.

Exodus 35:18 νεμ νιςτολη εθουαβ `ντε ααρων πιουηβ νεμ νιςτολη. εϣαυφωϣεν νϧητου ϧεν πεθουαβ.

Exodus 35:19 νεμ ϯϣθην `ντε ϯμετουηβ `ντε νενϣηρι νααρων νεμ πινεϩ `ντε πιθωϩς νεμ πιςτοινουϥι εϣαυτηιϥ εϩρηι.

Exodus 35:20 ουοϩ αςι εβολ `νϫε ϯςυναγωγη τηρς `ντε νενϣηρι `μπιςραηλ εβολ ϩα `μ μωυςης.

Exodus 35:21 ουοϩ αϥινι `νϫε φουαι φουαι `μφη εϣαρε πεϥϩητ θωτ εροϥ ουοϩ νη εϣαυϯμαϯ ϧεν νουψυχη αυινι `νϩαναφερεμα `μ`πϭοις ενιϩβηουι τηρου `ντε ϯςκυνη `ντε ϯμετμεθρε νεμ ϩωβ νιβεν κατα νεςϩβηουι νεμ νιςτολη τηρου `ντε πεθουαβ.

Exodus 35:22 ουοϩ αυινι `νϫε νιρωμι εβολ ντοτου `ννιϩιομι νουον νιβεν εταϥθωτ ϧεν πεϥμευι αυινι `νϩανςφραγις νεμ ϩανλεον νεμ ϩανϣϭουρ νεμ ϩανεμπλογιον νεμ ϩανπεριδεξιον ςκευος νιβεν `ννουβ νεμ ουον νιβεν εναυινι νουαφερεμα `ννουβ `μ`πϭοις.

Exodus 35:23 νεμ ουον νιβεν εταυϫιμι ντοτϥ `νϩανϣαρ `νωιλι ευθρεϣρωϣ νεμ ϩανϣαρ νϩυακινθινον αυινι.

Exodus 35:24 `νϫε ουον νιβεν ετινι ννιαφερεμα `νϩατ νεμ ουϩομτ αυινι `ννιαφερεμα `μ`πϭοις νεμ νη εταυϫιμι `ντοτου `νϩανϣε νατερϩολι αυινι ννιϩβηουι τηρου `ντε πιςοβϯ.

Exodus 35:25 ουοϩ ςϩιμι νιβεν νςαβη ϧεν νεςμευι εεριοπη ϧεν νεςϫιϫ αυινι μπιϩυακινθινον εϥςαϯ νεμ πιϭηϫι νεμ πικοκκινον νεμ πιϣενς.

Exodus 35:26 ουοϩ νιϩιομι τηρου εταυθωτ ϧεν πουμευι αυϩιςι ϧεν ουςοφια ννιϥωι `μβαμπι.

Exodus 35:27 ουοϩ νιαρχων αυινι εϧουν ννιωνι `ντε πιςμαραγδος νεμ νιωνι `ντε πιϫωκ εβολ `ντε ϯεπωμις νεμ πιλογιον.

Exodus 35:28 νεμ πιςεμνι νεμ πινεϩ `ντε πιθωϩς νεμ ϯςυνθεςις `ντε πιςθοινουϥι

Exodus 35:29 ουοϩ ρωμι νιβεν ιε ςϩιμι νιβεν εϣαυθωτ νϩητ ϧεν πουμευι μαρουι εϧουν νςεθαμιο ννιϩβηουι τηρου νη εταυϩονϩεν εθβητου `νϫε `πϭοις εθαμιωου εβολ ϩιτοτϥ `μ μωυςης αυενου αφερεμα `μ`πϭοις `νϫε νενϣηρι `μπιςραηλ.

Exodus 35:30 ουοϩ πεϫε μωυςης `ννενϣηρι `μπιςραηλ ϫε ϩηππε αϥμουϯ `νϫε `φνουϯ εφραν μβεςελεηλ φα ουρι `πϣηρι νωρ εβολ ϧεν `τφυλη νιουδα.

Exodus 35:31 ουοϩ αϥμαϩϥ μπνευμα νκαϯ νςοφια νεμ ουκαϯ νεμ ουεπιςτημη.

Exodus 35:32 εεραρχιτεκτων εενχαι νιβεν κατα νιϩβηουι τηρου `ντε ϯμεταρχιτεκτων εθρεϥθαμιο μπινουβ νεμ πιϩατ νεμ πιϩομτ.

Exodus 35:33 νεμ εθαμιο μπιωνι ουοϩ εθρεϥερϩωβ επιϣε ουοϩ ντεϥθαμιο νϩωβ νιβεν ϧεν ουςοφια

Exodus 35:34 ουοϩ αϥερϣορπ νϯ μπιμωιτ ε`ϧρηι επεϥμευι νθοϥ νεμ ελιαβ φη `ντε αχιςαμαχ εβολ ϧεν τφυλη νδαν

Exodus 35:35 ουοϩ αϥμαϩου εμευι νςοφια επϫινκαϯ εθαμιο ννιϩβηουι τηρου `ντε πεθουαβ νιιεπ νςωϧι νεμ νιποικιλτον εςαϧου ϧεν πικοκκινον νεμ πιϣενς εθαμιο νϩωβ νιβεν `ντε ϯμεταρχιτεκτων ετςελςωλ