Exodus 29:1 ουοϩ ναι νε νη ετεκναθαμιωου νωου ετουβωου ϩωςτε εθρουερουηβ νηι εκεϭι νουμαςι εβολ ϧεν ϩανεϩωου νεμ ωιλι 2. `ναταϭνι

Exodus 29:2 νεμ ϩανωικ νατϣεμηρ ευουοϣεμ ϧεν ουνεϩ νεμ ϩανλαγανον νατϣεμηρ ευθαϩς ϧεν ουνεϩ εκεθαμιωου νωου νουςεμεδαλιον εβολ ϧεν ουςουο

Exodus 29:3 ουοϩ εκεχαυ ϩιϫεν ουκανουν νουωτ ουοϩ εκεενου εϩρηι ϧεν πικανουν νεμ πιμαςι νεμ πιωιλι 2.

Exodus 29:4 ουοϩ ααρων νεμ νεϥϣηρι εκεενου ϩα νιρωου `ντε ϯςκυνη `ντε ϯμετμεθρε ουοϩ εκεϫοκμου ϧεν ουμωου

Exodus 29:5 ουοϩ εκεϭι ννιςτολη εκετηιτου ϩι ααρων πεκςον νεμ ϯϣθην μποτηρη νεμ ϯεπωμις νεμ πιλογιον ουοϩ εκετωμι ναϥ `μπιλογιον εϯεπωμις

Exodus 29:6 ουοϩ εκεχω νϯμιτρα ϩιϫεν τεϥαφε ουοϩ εκεχω `μπιπεταλον νϩαγιαςμα ϩιϫεν ϯμιτρα

Exodus 29:7 ουοϩ εκεϭι εβολ ϧεν πινεϩ `ντε πιθωϩς ουοϩ εκεϫοϣϥ ϩιϫεν τεϥαφε ουοϩ εκεθαϩςϥ

Exodus 29:8 ουοϩ νεϥϣηρι εκεενου εϧουν ουοϩ εκεϯ ϩιωτου `νϩανϣθην

Exodus 29:9 ουοϩ εκεϧοκου ννιμοϫϧ ουοϩ εκεϯ εϫωου ννικυδαρις ουοϩ εςεϣωπι νωου `νουμετουηβ νηι ϣα ενεϩ ουοϩ εκεϫωκ `ννενϫιϫ `νααρων νεμ νενϫιϫ `ννεϥϣηρι.

Exodus 29:10 ουοϩ εκεινι μπιμαςι ϩιρεν νιρωου `ντε ϯςκυνη `ντε ϯμετμεθρε ουοϩ ααρων νεμ νεϥϣηρι ευεταλο ννουϫιϫ εϫεν ταφε `μπιμαςι`μπεμθο `μ`πϭοις ϧατεν νιρωου `ντε ϯςκηνη `ντε ϯμετμεθρε

Exodus 29:11 ουοϩ εκεϧολϧελ `μπιμαςι`μπεμθο `μ`πϭοις ϧατεν νιρωου `ντε ϯςκυνη `ντε ϯμετμεθρε

Exodus 29:12 ουοϩ εκεϭι εβολ ϧεν πιςνοϥ `ντε πιμαςι ουοϩ εκελαλω `ννενταπ `ντε πιμανερϣωουϣι μπεκτηβ πςωϫπ δε `ντε πι`ςνοϥ τηρϥ εκεϫοϣϥ ϧατεν ϯβαςις `ντε πιμανερϣωουϣι

Exodus 29:13 ουοϩ εκεϭι μπιωτ τηρϥ ετϩιϫεν ϯνεϫι νεμ πιλοβος `ντε πιϩυπαρ νεμ ϯϭλωτ ςνουϯ νεμ πιωτ ετϩιωτου ουοϩ εκεχαυ ϩιϫεν πιμανερϣωουϣι

Exodus 29:14 νιαϥ δε `ντε πιμαςι νεμ πεϥϣαρ νεμ νεϥϩωιρι εκεροκϩου ϧεν ουχρωμ ςαβολ νϯπαρεμβολη φαι εϫεν φνοβι γαρ πε

Exodus 29:15 ουοϩ εκεϭι μπιουαι νωιλι ουοϩ ααρων νεμ νεϥϣηρι ευταλο ννουϫιϫ εϫεν ταφε `μπιωιλι

Exodus 29:16 ουοϩ εκεϧολϧελ μπιωιλι ουοϩ εκεϭι `μπιςνοϥ εκεϫοϣϥ εϫεν πιμανερϣωουϣι εϥκωϯ

Exodus 29:17 ουοϩ εκεφωϣ μπιωιλι κατα μελος ουοϩ εκεωλι `ννεϥμαϣϫ εβολ ουοϩ εκειωι ννη ετςαϧουν `μμοϥ νεμ νεϥφατ ουοϩ εκεχω ϩιϫεν νη ετφηϣ νεμ ϯαφε

Exodus 29:18 ουοϩ εκεινι μπωιλι τηρϥ ϩιϫεν πιμανερϣωουϣι νουϭλιλ `μ`πϭοις ουςθοι νςθοινουϥι ουϣουϣωουϣι `μ`πϭοις πε

Exodus 29:19 ουοϩ εκεϭι `μπιωιλι `μμαϩ2. ουοϩ ααρων νεμ νεϥϣηρι ευεταλο ννουϫιϫ εϫεν ταφε μπιωιλι

Exodus 29:20 ουοϩ εκεϧελϧωλϥ ουοϩ εκεϭι εβολ ϧεν πεϥςνοϥ ουοϩ εκεχω ϩιϫεν πιλοβος `ντε φμαϣϫ νουιναμ νααρων νεμ ϩιϫεν ϩητς νϯϫιϫ νουιναμ νεμ ϩιϫεν ϩητς `νϯφατ νουιναμ νεμ ϩιϫεν νιλοβος `ντε νενμαϣϫ νουιναμ `ντε νεϥϣηρι νεμ ϩιϫεν ϩητου ννουϫιϫ νουιναμ νεμ ϩιϫεν ϩητου `ννουφατ νουιναμ

Exodus 29:21 ουοϩ εκεϭι εβολ ϧεν πιςνοϥ φη ετχη ϩιϫεν πιμανερϣωουϣι νεμ εβολ ϧεν πινεϩ `ντε πιθωϩς ουοϩ εκενουϫϧ εϫεν ααρων νεμ εϫεν νεϥςτολη νεμ εϫεν νεϥϣηρι νεμ εϫεν νιςτολη `ντε νεϥϣηρι νεμαϥ ουοϩ εϥετουβο νθοϥ νεμ τεϥςτολη νεμ νεϥϣηρι νεμ νιςτολη `ντε νεϥϣηρι νεμαϥ πιςνοϥ δε `ντε πιωιλι εκεϫοϣϥ ϧατεν πιμανερϣωουϣι εϥκωϯ

Exodus 29:22 ουοϩ εκεϭι μπιωτ `ντε πιωιλι εβολ `μμοϥ νεμ πιωτ ετϩωβς νϯνεϫι νεμ πιλοβος `ντε πιϩυπαρ νεμ ϯϭλωτ ςνουϯ νεμ πιωτ ετϩιωτου νεμ πιϣωβϣ νουιναμ φαι γαρ ουϫωκ πε

Exodus 29:23 ουωικ εβολ ϧεν ουνεϩ νεμ ουλακανον εβολ ϧεν πικανουν `ντε νιατϣεμηρ νη ετχη`μπεμθο `μ`πϭοις

Exodus 29:24 ουοϩ εκεχαυ τηρου ϩιϫεν νενϫιϫ `νααρων νεμ ϩιϫεν νενϫιϫ `ννεϥϣηρι ουοϩ εκεουοτου εβολ νουωϯ`μπεμθο `μ`πϭοις

Exodus 29:25 ουοϩ εκεϭιτου εβολ ϧεν νουϫιϫ ουοϩ εκεενου εϩρηι εϫεν πιμανερϣωουϣι `ντε πιϭλιλ ουςθοι νςθοινουϥι`μπεμθο `μ`πϭοις ευϭλιλ `μ`πϭοις

Exodus 29:26 ουοϩ εκεϭι νϯμεςτενϩητ εβολ ϧεν πιωιλι `ντε πιϫωκ εβολ ετε φα ααρων πε ουοϩ εκεφορϫϥ νουφωρϫ`μπεμθο `μ`πϭοις ουοϩ εϥεϣωπι νακ ϧεν ουτοι

Exodus 29:27 ουοϩ εκετουβο νϯμεςτενϩητ νουφωρϫ νεμ πιϣωβϣ `ντε πιαφερεμα φη εταυφορϫϥ εβολ ουοϩ εταυολϥ εβολ ϧεν πιωιλι `ντε πιϫωκ εβολ ντοτϥ νααρων νεμ εβολ ντοτου `ννεϥϣηρι

Exodus 29:28 ουοϩ εϥεϣωπι νααρων νεμ νεϥϣηρι νουνομος νενεϩ εβολ `ντοτου `ννενϣηρι `μπιςραηλ φαι γαρ ουαφερεμα πε ουοϩ εϥεϣωπι εϥφορϫ εβολ ντοτου ννενϣηρι `μπιςραηλ εβολ ϧεν νιϣουϣωουϣι `ντε νιουϫαι νουαφερεμα `μ`πϭοις

Exodus 29:29 ουοϩ ϯςτολη `ντε πεθουαβ θη `ντε ααρων εςεϣωπι `ννεϥϣηρι μενενςωϥ εθρουθαϩςου `ν`ϩρηι νϧητου νεμ εϫωκ `ννουϫιϫ

Exodus 29:30 εϥετηιτου ϩιωτϥ νϣαϣϥ νεϩοου `νϫε πιουηβ εθναϣωπι ντεϥϣεβιω εβολ ϧεν νεϥϣηρι φη εθναι εϧουν εϯςκυνη `ντε ϯμετμεθρε εϣεμϣι ϧεν νη εθουαβ

Exodus 29:31 ουοϩ εκεϭι μπιωιλι `ντε πιϫωκ εβολ ουοϩ εκεφιςι ννιαϥ ϧεν ουμα εϥουαβ

Exodus 29:32 ουοϩ ευεουωμ `νϫε ααρων νεμ νεϥϣηρι `ννιαϥ `ντε πιωιλι ουοϩ νιωικ ετχη ϩιϫεν πικανουν ϧατεν νιρωου `ντε ϯςκηνη `ντε ϯμετμεθρε

Exodus 29:33 ευεουομου `νϫε νη εταυτουβωου `ν`ϧρηι `νϧητου εϫωκ ννουϫιϫ ετουβωου ουοϩ ουαλλογενης `ννεϥουωμ εβολ `μμωου ςετουβηουτ γαρ

Exodus 29:34 εϣωπ δε αρεϣαν ϩανουον ςωϫπ εβολ ϧεν νιαϥ `ντε πιϣουϣωουϣι `ντε πιϫωκ εβολ νεμ εβολ ϧεν νιωικ ϣα ϣωρπ εκερωκϩ ννιςωϫπ ϧεν ουχρωμ `ννουουομου ουτουβο γαρ αν πε

Exodus 29:35 ουοϩ εκειρι νααρων νεμ νεϥϣηρι`μπαιρηϯ κατα ϩωβ νιβεν εταιϩενϩωνκ ερωου ϣαϣϥ `νὲϩοου εκεϫωκ ννουϫιϫ

Exodus 29:36 ουοϩ πιμαςι εϣαυενϥ εϫεν `φνοβι εκεθαμιοϥ ϧεν πιεϩοου `ντε πιτουβο ουοϩ εκετουβο μπιμανερϣωουϣι ϧεν `πϫινθρεκτουβο ϩιϫωϥ ουοϩ εκεθαϩςϥ ϩωςτε ετουβοϥ

Exodus 29:37 ϣαϣϥ `νὲϩοου εκετουβο `μπιμανερϣωουϣι ουοϩ εκετουβοϥ `μμοϥ ουοϩ εϥεϣωπι `νϫε πιμανερϣωουϣι εϥτουβηουτ `ντε πεθουαβ ουον νιβεν εθναϭι νεμ πιμανερϣωουϣι εϥετουβο

Exodus 29:38 ουοϩ ναι νε νη ετεκναθαμιωου ϩιϫεν πιμανερϣωουϣι ϩιηβ 2. `ναταϭνι εαυερουρομπι μπιεϩοου εϥμην νουϭλιλ `μμουν

Exodus 29:39 πιουαι νϩιηβ εκεαιϥ μφναυ `νϣωρπ ουοϩ πιϩιηβ μμαϩ 2. εκεαιϥ μφναυ `νρουϩι

Exodus 29:40 νεμ ουρεμητ νςιμιδαλιον εϥουοϣεμ ϧεν ουνεϩ εϥςαϩεν φρεϥ4. νουϩιν ουοϩ πιουωτεν εβολ φρεϥ4. `νουϩιν νηρπ `μπιουαι `νϩιηβ

Exodus 29:41 ουοϩ πιϩιηβ μμαϩ 2. εκεαιϥ `μ`φναυ νρουϩι κατα πιϣουϣωουϣι `ντε `φναυ νϣωρπ νεμ κατα πεϥουωτεν εβολ εκεαιϥ νουςθοινουϥι νϭλιλ `μ`πϭοις

Exodus 29:42 ουϣουϣωουϣι εϥμην ϧεν νετενγενεα ϩιρεν νιρωου `ντε ϯςκυνη `ντε ϯμετμεθρε `μπεμθο `μ`πϭοις ϧεν ναι ϯναουονϩτ εροκ `μμαυ ϩωςτε νταςαϫι νεμακ

Exodus 29:43 ουοϩ ειεϩονϩεν μμαυ ννενϣηρι `μπιςραηλ ουοϩ ειετουβο ϧεν παωου

Exodus 29:44 ουοϩ ειετουβο νϯςκυνη `ντε ϯμετμεθρε νεμ πιμανερϣωουϣι ουοϩ ααρων νεμ νεϥϣηρι ειετουβωου εθρουερουηβ νηι

Exodus 29:45 ουοϩ ευεμουϯ εροι ϧεν νενϣηρι `μπιςραηλ ουοϩ ειεϣωπι νωου ννουϯ

Exodus 29:46 ουοϩ ευεεμι ϫε ανοκ πε `πϭοις πουνουϯ φη εταϥενου εβολ ϧεν `πκαϩι `νχημι εθρουμουϯ εροι νϧητου νεμ εθριϣωπι νωου ννουϯ