Exodus 36:1 ουοϩ αϥιρι `νϫε βεςελεηλ νεμ ελιαβ νεμ ςοφος νιβεν ϧεν πεϥμευι φη εταυϯ ναϥ νουςοφια νεμ ουεπιςτημη εκαϯ νϧητου ειρι ννιϩβηουι τηρου ετςμοντ κατα νη εθουαβ νεμ κατα ϩωβ νιβεν εταϥουαϩςαϩνι `μμωου `νϫε `πϭοις

Exodus 36:2 ουοϩ αϥμουϯ `νϫε μωυςης εβεςελεηλ νεμ ελιαβ νεμ νη τηρου ετε πικαϯ νϧητου φη ετα `φνουϯ ϯ ναϥ νουεπιςτημη ϧεν πεϥϩητ νεμ ουον νιβεν εθουωϣ ει εϧουν ϧεν πουωϣ ϩα νιϩβηουι ϩωςτε εϫοκου εβολ

Exodus 36:3 ουοϩ αυϭι ντοτϥ μ μωυςης `ννιαφερεμα τηρου νη εταυενου `νϫε νενϣηρι `μπιςραηλ εθρουθαμιωου ενιϩβηουι τηρου `ντε πεθουαβ ουοϩ νθωου ναυϭι ετι `ννη εναυινι `μμωου εϧουν εβολ ϩιτοτου νη εναυινι `μμωου εϧουν `νϩανατοουι `νϣωρπ `μμηνι

Exodus 36:4 ουοϩ αυι `νϫε νιςοφος τηρου νη ετθαμιο ννιϩβηουι `ντε πεθουαβ φουαι φουαι κατα πεϥϩωβ εναυερϩωβ εροϥ.

Exodus 36:5 ουοϩ πεϫωου μ μωυςης ϫε ναϣε νη ετε πιλαος ινι `μμωου εϧουν παρα νιϩβηουι ετα `πϭοις ϩονϩεν εθαμιωου.

Exodus 36:6 ουοϩ αϥουαϩςαϩνι `νϫε μωυςης ουοϩ αϥϩιωιϣ ϧεν ϯπαρεμβολη εϥϫω `μμος ϫε ρωμι νεμ ςϩιμι μπενθρουερϩωβ ϫε ενιαπαρχη `ντε νεθουαβ ουοϩ αϥταϩνο `νϫε πιλαος εϣτεμινι εϧουν ϫε.

Exodus 36:7 ουοϩ νιϩβηουι ναυρωϣι `μμωου πε επιςοβϯ εθαμιοϥ ουοϩ α ουον ερϩουο.

Exodus 36:8 ουοϩ αϥθαμιο `νϫε ςοφος νιβεν ϧεν νη ετερϩωβ ενιςτολη `ντε νη εθουαβ νη εθναϣωπι νααρων πιουηβ κατα φρηϯ ετα `πϭοις ϩονϩεν ετοτϥ `μ μωυςης.

Exodus 36:9 ουοϩ αυθαμιο νϯεπωμις εβολ ϧεν ουνουβ νεμ ουϩυακινθινον νεμ ουϭηϫι νεμ ουκοκκος εϥερϩιηβ νεμ ουϣενς εϥςαϯ.

Exodus 36:10 ουοϩ αυϣεντ νιπεταλον `ντε πινουβ `νϩανϥωι ϩωςτε εςαϧου νεμ πιϩυακινθινον νεμ πιϭηϫι νεμ πικοκκινον ετερϩιηβ νεμ πιϣενς εϥςαϯ αυθαμιοϥ νϩωβ νςωϧι.

Exodus 36:11 ϩανεπωμις ευϣοντ εβολ ϧεν πεϥςα 2. ουϩωβ νςωϧι εϧουν ενουερηου ευϣοντ ϧαρι ϧαροϥ.

Exodus 36:12 αυθαμιο `μμοϥ κατα πεϥθαμιο εβολ ϧεν ουνουβ νεμ ουϩυακινθινον νεμ ουϭηϫι νεμ ουκοκκινον εϥερϩιηβ νεμ ουϣενς εϥςαϯ κατα φρηϯ ετα `πϭοις ϩονϩεν ετοτϥ μ μωυςης.

Exodus 36:13 ουοϩ αυθαμιο μπιωνι 2. `ντε πιςμαραγδος ευϣηϣ νεμ νουερηου ουοϩ ευλαληουτ ννουβ ουοϩ ευφοτϩ ϧεν ουφωτϩ νςφραγις εβολ ϧεν νιραν `ντε νενϣηρι `μπιςραηλ.

Exodus 36:14 ουοϩ αϥςεμνητου ϩιϫεν νιναϩβι `ντε ϯεπωμις `νϩανωνι νερφμευι `ντε νενϣηρι `μπιςραηλ κατα φρηϯ ετα `πϭοις ϩονϩεν ετοτϥ μ μωυςης.

Exodus 36:15 ουοϩ αυθαμιο μπιλογιον `νϩωβ `νςωϧι εϥςελςωλ κατα πιϩωβ `ντε ϯεπωμις εβολ ϧεν ουνουβ νεμ ουϩυακινθινον νεμ ουϭηϫι νεμ ουκοκκινον εϥερϩιηβ νεμ ουϣενς εϥςαϯ.

Exodus 36:16 αυθαμιο μπιλογιον εϥοι `ντετραγωνον νδιπλουν εϥιρι νουερτω `νϣιη νεμ ουερτω νουηϣςι νδιπλουν.

Exodus 36:17 ουοϩ αυςωϧι `νϧητϥ νουςωϧι κατα ουωνι ντετραςχινον ουςτιχος `ντε ϩανωνι νςαρδιον νεμ ουτοπαζιον νεμ ουςμαραγδος επιουαι `νςτυχος.

Exodus 36:18 ουοϩ πιςτυχος μμαϩ 2. ουανδραξ νεμ ουςαπφιρος νεμ ουιαςπις.

Exodus 36:19 ουοϩ πιςτυχος μμαϩ 3. ουλιγιριον νεμ ουαχατης νεμ ουαμεθυςτος.

Exodus 36:20 ουοϩ πιςτυχος μμαϩ 4. ουχριςολιθος νεμ ουβηριλλος νεμ ουονυχιον ευτακτηουτ ννουβ ουοϩ ευςονϩ ϧεν ουνουβ.

Exodus 36:21 ουοϩ νιωνι νε ϩαν εβολ ϧεν νιραν `ντε νενϣηρι `μπιςραηλ νε μητ 2. κατα νουραν ευφοτϩ νςφραγις φουαι φουαι εβολ ϧεν πεϥραν εϯμηϯ `ςνουϯ `μφυλη

Exodus 36:22 ουοϩ αυθαμιο μπιλογιον `νϩανϣταϯ ευϣοντ εβολ ϧεν ουνουβ εϥτουβηουτ.

Exodus 36:23 ουοϩ αυθαμιο ναϥ `μπιαςπιδιδκος 2. `ννουβ νεμ ϣϭουρ 2. `ννουβ

Exodus 36:24 ουοϩ αυχω μπιϣϭουρ 2. `ννουβ εϫεν ϯαρχη ςνουϯ `ντε πιλογιον.

Exodus 36:25 ουοϩ αυχω ννιϣωντ νιεβολ ϧεν πινουβ εϫεν πιϣϭουρ 2. ςαπιςα 2. `ντε πιλογιον ουοϩ πιϩωλκ 2. εϫεν ϯςυμβολη ςνουϯ.

Exodus 36:26 ουοϩ αυχαυ εϫεν πιαςπιδιςκος 2. ουοϩ αυςεμνητου εϫεν ϯναϩπι ςνουϯ `ντε ϯεπωμις ουβε νουερηου `μπεϥμθο.

Exodus 36:27 ουοϩ αυθαμιο `νϣϭουρ 2. `ννουβ ουοϩ αυςεμνητου ϩιϫεν πιτενϩ 2. ιςϫεν πιλακϩ `ντε πιλογιον ϩιϫεν πιλακϩ 2. `ντε ϩιφαϩου `ντε ϯεπωμις ςαπςα `νϧουν.

Exodus 36:28 ουοϩ αυθαμιο νϣϭουρ 2. ννουβ ουοϩ αυχαυ ϩιϫεν ϯναϩβι ςνουϯ `ντε ϯεπωμις ςαπεςητ `μμοϥ ουβε νουϩο κατα ϯςυμβολη ςαπϣωι μπιςωϧι `ντε ϯεπωμις.

Exodus 36:29 ουοϩ αυϭωλκ μπιλογιον εβολ ϧεν νιϣϭουρ νη ετχη ϩιϫωϥ εϧουν ενιϣϭουρ `ντε ϯεπωμις ευτομι ενουερηου εβολ ϧεν πιϩυακινθινον ευϣοντ εϧουν επιςωϧι `ντε ϯεπωμις ϩινα `ντουϣτεμχω ε`ϧρηι μπιλογιον εβολ ϩι ϯεπωμις κατα φρηϯ ετα `πϭοις ϩονϩεν ετοτϥ μ μωυςης.

Exodus 36:30 ουοϩ αυθαμιο νϯϣθην νϩιποδιτης ςαπεςητ νϯεπωμις ουϩωβ `νςωϧι `νϩυακινθινον τηρϥ.

Exodus 36:31 ϩθης δε νϯϣθην νας ϧεν τεςμηϯ εϥςηϧι νϩωβ νϣωντ ερε ουον ουςωβι νατϯουω κωϯ εϩθης.

Exodus 36:32 ουοϩ αυθαμιο εϫεν πιλωου `ντε ϯϣθην ςαπεςητ `μ`φρηϯ νουβο νερμαν εςφορι εβολ `νϩανερμαν εβολ ϧεν ουϩυακινθινον νεμ ουϭηϫι νεμ ουκοκκινον εϥερϩιηβ νεμ ουϣενς εϥςαϯ.

Exodus 36:33 ουοϩ αυθαμιο `νϩανϣκελκιλ `ννουβ ουοϩ αυχω ννιϣκελκιλ εϫεν πιλωου `ντε ϯϣθην εϥκωϯ ουτε θμηϯ ννιερμαν.

Exodus 36:34 ουϣκελκιλ ννουβ νεμ ουερμαν ϩιϫεν πιλωου `ντε ϯϣθην εϥκωϯ ευϣοπ επιφωϣεν `μ`φρηϯ ετα `πϭοις ϩονϩεν ετοτϥ `μ μωυςης.

Exodus 36:35 ουοϩ αυθαμιο `νϩανϣθην `νϣενς ουϩωβ νςωϧι νααρων νεμ νεϥϣηρι.

Exodus 36:36 νεμ νικυδαρις εβολ ϧεν ουϣενς νεμ νιμιτρα εβολ ϧεν ουϣενς νεμ νιπεριςκελη εβολ ϧεν ουϣενς εϥςαϯ.

Exodus 36:37 νεμ νουμοϫϩ εβολ ϧεν ουϣενς νεμ ουϩυακινθινον νεμ ουϭηϫι νεμ ουκοκκινον εϥερϩιηβ ουϩωβ μποικιλτον `μ`φρηϯ ετα `πϭοις ϩονϩεν ετοτϥ `μ μωυςης.

Exodus 36:38 ουοϩ αυθαμιο μπιπεταλον ννουβ `νουαφοριςμα `ντε πεθουαβ εβολ ϧεν ουνουβ εϥουαβ.

Exodus 36:39 ουοϩ αϥςϧαι `ν`ϧρηι ϩιωτϥ `νϩανςϧαι ευφοτϩ νςφραγις ντουβο `μ`πϭοις.

Exodus 36:40 ουοϩ αυχω ϩιϫωϥ νουλωου `νϩυακινθινον ϩωςτε ντεςϣωπι εςχη ϩιϫεν ϯμιτρα ςαπϣωι `μ`φρηϯ ετα `πϭοις ϩονϩεν ετοτϥ μ μωυςης.