Exodus 32:1 ουοϩ εταϥναυ `νϫε πιλαος ϫε αϥωςκ `νϫε μωυςης μπατεϥι επεςητ εβολ ϩιϫεν πιτωου αϥθωουϯ `νϫε πιλαος εϫεν ααρων ουοϩ πεϫωου ναϥ ϫε τωνκ ουοϩ μαθαμιο ναν `νϩαννουϯ ναι εθναςωκ ϧαϫων φαι γαρ ϫε μωυςης παιρωμι εταϥεντεν εβολ ϧεν `πκαϩι `νχημι ντενεμι αν ϫε ου πε εταϥϣωπι `μμοϥ.

Exodus 32:2 ουοϩ πεϫε ααρωμ νωου ϫε αλιουι `ννιλεον ννουβ ετϧεν νενμαϣϫ ννετενϩιομι νεμ νετενϣερι ουοϩ ανιτου ϩαροι.

Exodus 32:3 ουοϩ αυωλι `νϫε πιλαος τηρϥ ννιλεος `ννουβ νη ετϧεν νουμαϣϫ ουοϩ αυενου ϩα ααρων.

Exodus 32:4 ουοϩ αϥϭιτου εβολ ϧεν νουϫιϫ ουοϩ αϥερπλαζιν `μμωου ϧεν ουγραφιον ουοϩ αϥθαμιοϥ νουμαςι νουωτϩ νουϩ πεϫαϥ ϫε ναι νε νεκνουϯ πιςραηλ νη εταυενκ ε`πϣωι εβολ ϧεν `πκαϩι `νχημι.

Exodus 32:5 ουοϩ εταϥναυ `νϫε ααρων αϥκωτ `νουμανερϣωουϣι `μπεϥμθο ουοϩ αϥϩιωιϣ `νϫε ααρων εϥϫω `μμος ϫε πϣαι `μ`πϭοις πε ραςϯ.

Exodus 32:6 ουοϩ αϥϣορπϥ `μπεϥραςϯ αϥινι εϩρηι `νϩανϭλιλ ουοϩ αϥινι εϧουν νουϣουϣωουϣι νουϫαι ουοϩ αϥϩεμςι `νϫε πιλαος εουωμ νεμ εουςω ουοϩ αυτωουνου εςωβι.

Exodus 32:7 ουοϩ α `πϭοις ςαϫι νεμ μωυςης εϥϫω `μμος ϫε μαϣενακ επεςητ νχωλεμ εβολ ται αϥερανομιν γαρ `νϫε πεκλαος ναι ετακενου εβολ ϧεν `πκαϩι `νχημι.

Exodus 32:8 αυερπαραβενιν νχωλεμ εβολ ϧεν πιμωιτ φαι ετακϩενϩωνου εροϥ αυθαμιο νωου νουμαςι ουοϩ αυουωϣτ `μμοϥ ουοϩ αυϣετϣουϣωουϣι ναϥ ουοϩ πεϫωου.

Exodus 32:9 ϫε ναι νε νεκνουϯ πιςραηλ νη εταυενκ εβολ ϧεν `πκαϩι `νχημι.

Exodus 32:10 ουοϩ ϯνου χατ ουοϩ ειεμβον ϧεν ουϫωντ ε`ϧρηι εϫωου `νταϥοτου εβολ ουοϩ ντααικ νουνιϣϯ `νεθνος.

Exodus 32:11 ουοϩ αϥτωβϩ `νϫε μωυςης`μπεμθο `μ`πϭοις πεϥνουϯ ουοϩ πεϫαϥ ϫε εθβεου `πϭοις κεμβον ϧεν ουϫωντ εϫεν πεκλαος νη ετεκενου εβολ ϧεν `πκαϩι `νχημι ϧεν ουνιϣϯ νϫομ νεμ ουϣωβϣ εϥϭοςι.

Exodus 32:12 μηπως ντουϫος `νϫε νιρεμνχημι ευϫω `μμος ϫε `ν`ϧρηι ϧεν ουπονηρια αϥενου εβολ ϧεν `πκαϩι `νχημι εϧοθβου `ν`ϧρηι ϩι νιτωου ουοϩ εμονκου εβολ ϩα `πκαϩι ματαϩνο μπϫωντ `ντε πεκεμβον ουοϩ πεκναι μαρεϥϣωπι ε`ϧρηι εϫεν τκακια `ντε πεκλαος.

Exodus 32:13 αριφμευι ναβρααμ νεμ ιςαακ νεμ ιακωβ νεκεβιαικ νη ετακωρκ νωου ναϩρακ μμιν `μμοκ ουοϩ ακςαϫι νεμωου εκϫω `μμος ϫε ϧεν ουαϣαι ειεθρε πετενϫροϫ αϣαι `μ`φρηϯ ννιςιου `ντε τφε ϧεν πουαϣαι ουοϩ παικαϩι τηρϥ ακϫος ετηιϥ `μπουϫροϫ ουοϩ εθρουαμονι `μμοϥ ϣα ενεϩ

Exodus 32:14 ουοϩ αϥναι `νϫε `πϭοις ε`ϧρηι εϫεν ϯκακια θη εταϥϫος εαις `μπεϥλαος.

Exodus 32:15 ουοϩ αϥκοτϥ `νϫε μωυςης αϥι επεςητ εβολ ϩιτεν πιτωου ουοϩ ϯπλαξ ςνουϯ νωνι `ντε ϯμετμεθρε ναυχη ϧεν νεϥϫιϫ ϩανπλαξ νωνι ευςϧηουτ ϧεν πουςα 2. ναυςϧηουτ πε ςαμναι νεμ ςαμναι.

Exodus 32:16 ουοϩ νιπλαξ νε ουϩωβ `ντε `φνουϯ πε ουοϩ ϯγραφη `ντε `φνουϯ τε εςφοτϩ ϧεν νιπλαξ.

Exodus 32:17 ουοϩ εταϥςωτεμ `νϫε ιηςου ετςμη `μπιλαος ευωϣ εβολ πεϫαϥ μ μωυςης ϫε ουςμη μπολεμος ετχη ϧεν ϯπαρεμβολη.

Exodus 32:18 ουοϩ πεϫαϥ ϫε ουςμη αν τε εβολ ϧεν ϩαναρχων ευϫορ ουδε νουςμη αν τε εβολ ϧεν ϩαναρχων `ντε ουβωτς αλλα ου`ςμη τε εβολ ϧεν ϩαναρχων `ντε ουηρπ εϯςωτεμ ερος ανοκ.

Exodus 32:19 αςϣωπι δε εταϥϧωντ εϯπαρεμβολη αϥναυ επιμαςι νεμ νιχορος ουοϩ αϥϫωντ νεμβον `νϫε μωυςης αϥβορβερ νϯπλαξ `ςνουϯ εβολ ϧεν νεϥϫιϫ ουοϩ αϥϧεμϧωμου ςαπεςητ `μπιτωου.

Exodus 32:20 ουοϩ αϥϭι μπιμαςι εταυθαμιοϥ αϥροκϩϥ ϧεν ουχρωμ ουοϩ αϥτεννοϥ ϣατεϥϣμα ουοϩ αϥςατϥ ε`ϧρηι επιμωου ουοϩ αϥτςο ννενϣηρι `μπιςραηλ `μμοϥ

Exodus 32:21 ουοϩ πεϫε μωυςης νααρων ϫε ου πε εταϥαιϥ νακ `νϫε παιλαος ϫε ακινι νουνιϣϯ ννοβι εϩρηι εϫωου.

Exodus 32:22 ουοϩ πεϫε ααρων μ μωυςης ϫε `μπερμβον παϭοις `νθοκ γαρ ετςωουν μπενουοι `μπαιλαος.

Exodus 32:23 πεϫωου γαρ νηι ϫε μαθαμιο ναν `νϩαννουϯ ναι εθναςωκ ϧαϫων φαι γαρ ϫε μωυςης παιρωμι εταϥεντεν εβολ ϧεν `πκαϩι `νχημι ντενεμι αν ϫε ου πε εταϥϣωπι `μμοϥ.

Exodus 32:24 ουοϩ πεϫηι νωου ϫε νιμ μπετε ουοντεϥ νουβ μμαυ μαρεϥολου ουοϩ ντεϥτηιτου νηι ουοϩ αιτενθωνου επιχρων ουοϩ αϥι εβολ `νϫε παιμαςι.

Exodus 32:25 ουοϩ αϥναυ `νϫε μωυςης επιλαος ϫε αϥφωνϩ εβολ αϥφονϩου γαρ εβολ `νϫε ααρων εθρουραϣι `μμωου `νϫε νουϫαϫι.

Exodus 32:26 αϥοϩι δε ερατϥ `νϫε μωυςης ϩιϫεν ϯπυλη `ντε ϯπαρεμβολη ουοϩ πεϫαϥ ϫε φη εθουωϣ εναυ ε`πϭοις μαρεϥι ϩαροι ουοϩ αυι ϩαροϥ τηρου `νϫε νενϣηρι `νλευι

Exodus 32:27 ουοϩ πεϫαϥ νωου ϫε ναι νε νη ετεϥϫω `μμωου `νϫε `πϭοις `φνουϯ `μπιςραηλ ϫε μαρε πιουαι πιουαι χω ντεϥςηϥι ϩιϫεν πεϥαλωϫ ουοϩ ςινι ματςθο ιςϫεν πυλη επυλη εβολ ϧεν ϯπαρεμβολη ουοϩ μαρε φουαι φουαι ϧωτεβ `μπεϥςον ουοϩ μαρε `φουαι `φουαι ϧωτεβ `μπεϥϣφηρ ουοϩ `φουαι `φουαι μαρεϥϧωτεβ μπετϧεντ εροϥ.

Exodus 32:28 ουοϩ αυιρι `νϫε νενϣηρι νλευι κατα `φρηϯ ετα μωυςης ςαϫι νεμωου ουοϩ αυϩει εβολ ϧεν πιλαος ϧεν πιεϩοου ετεμμαυ `νϫε ϫουτ 3. νϣο νρωμι

Exodus 32:29 ουοϩ πεϫαϥ νωου `νϫε μωυςης ϫε αρετενϫωκ ννετενϫιϫ `μφοου `μ`πϭοις φουαι φουαι ϧεν πεϥϣηρι νεμ ϧεν πεϥςον εϯ νουςμου εϫεν θηνου

Exodus 32:30 ουοϩ αςϣωπι μενενςα πεϥραςϯ πεϫε μωυςης μπιλαος ϫε νθωτεν αρετενερνοβι νουνιϣϯ ννοβι ουοϩ ϯνου ϯναϣενηι ε`πϣωι ϩα `φνουϯ ϩινα νταςεςβοϩ εϫεν νετεννοβι

Exodus 32:31 αϥταςθο δε `νϫε μωυςης ϩα `πϭοις ουοϩ πεϫαϥ ϫε ϯϯϩο εροκ παϭοις αϥερνοβι `νϫε παιλαος ϧεν ουνιϣϯ ννοβι ουοϩ αυθαμιο νωου `νϩαννουϯ ννουβ

Exodus 32:32 ουοϩ ϯνου ιςϫε χναχα πουνοβι νωου εβολ χαϥ ιςϫε δε μμον ϥοττ εβολ ϧεν πεκϫωμ φη ετακςϧητϥ

Exodus 32:33 ουοϩ πεϫε `πϭοις μ μωυςης ϫε φη εταϥερνοβι μπαμθο ϯναϥοτϥ εβολ ϩι παϭωμ

Exodus 32:34 ϯνου δε μαϣενακ ουοϩ ϭιμωιτ ϧαϫωϥ μπαιλαος επιμα εταιϫοϥ νακ ϩηππε ις πααγγελος εϥεερϣορπ μμοϣι ϧαϫωκ ϧεν πιεϩοου δε εϯναϫεμπϣινι ϯναινι μπουνοβι ε`ϧρηι εϫωου

Exodus 32:35 ουοϩ α `πϭοις ϣαρι μπιλαος εθβε πιθαμιο `ντε πιμαςι φη εταϥθαμιοϥ `νϫε ααρων