Exodus 18:1 αϥςωτεμ δε `νϫε ιοθορ πιουηβ `ντε μαδιαμ πϣομ μ μωυςης εϩωβ νιβεν εταϥαιτου `νϫε `πϭοις `μπιςραηλ `μπεϥλαος ουοϩ ϫε α `πϭοις εν πιςραηλ εβολ ϧεν χημι

Exodus 18:2 αϥωλι δε `νϫε ιοθορ πϣομ μ μωυςης `νςεπφωρα `τ`ςϩιμι `μ μωυςης μενενςα `θρεϥχας

Exodus 18:3 νεμ πεϥϣηρι 2. φραν νουαι `μμωου πε γηρςαμ εϥϫω `μμος ϫε ναιοι `νρεμνϫωιλι ϧεν ουκαϩι νϣεμμο

Exodus 18:4 ουοϩ φραν μπιμαϩ 2. πε ελιεζερ `φνουϯ γαρ μπαιωτ πε παβοηθος ουοϩ `ϥναμετ εβολ ϧεν τϫιϫ`μφαραω

Exodus 18:5 ουοϩ αϥι `νϫε ιοθορ πϣομ μ μωυςης νεμ νεϥϣηρι νεμ τεϥςϩιμι ϩα μωυςης ε`ϧρηι επϣαϥε επιμα εταϥουοϩ `μμοϥ ϩι πιτωου `ντε `φνουϯ

Exodus 18:6 αυταμε μωυςης δε ευϫω `μμος ϫε ϩηππε ις ιοθορ πεκϣομ `ϥνηου ϩαροκ νεμ τεκςϩιμι νεμ πεκϣηρι 2. νεμαϥ

Exodus 18:7 αϥι δε εβολ `νϫε μωυςης εϩρεν πεϥϣομ ουοϩ αϥουωϣτ ναϥ ουοϩ αϥϯφι ερωϥ ουοϩ αυϣεπτοτου `ννουερηου ουοϩ αϥενου εϧουν εϯςκυνη

Exodus 18:8 ουοϩ αϥςαϫι `νϫε μωυςης ϧατοτϥ `μπεϥϣομ νϩωβ νιβεν εταϥαιτου `νϫε `πϭοις`μφαραω νεμ νιρεμνχημι εθβε πιςραηλ νεμ πιϧιςι τηρϥ εταϥϣωπι `μμωου `ν`ϧρηι ϩι πιμωιτ ουοϩ ϫε αϥναϩμου `νϫε `πϭοις

Exodus 18:9 αϥερϣφηρι δε `νϫε ιοθορ εϫεν νιπεθνανευ τηρου νη εταϥαιτου νωου `νϫε `πϭοις ϫε αϥναϩμου εβολ ϧεν νενϫιϫ `ννιρεμνχημι νεμ εβολ ϧεν τϫιϫ`μφαραω

Exodus 18:10 ουοϩ πεϫε ιοθορ ϫε ϥςμαρωουτ `νϫε `πϭοις ϫε αϥνοϩεμ `μπεϥλαος εβολ ϧεν `τϫιϫ `ννιρεμνχημι νεμ εβολ ϧεν `τϫιϫ `μφαραω

Exodus 18:11 ϯνου αιεμι ϫε ουνιϣϯ πε `πϭοις εβολ ουτε νινουϯ τηρου εθβεφαι ϫε αυουαϩου εϫωου

Exodus 18:12 ουοϩ αϥϭι `νϫε ιοθορ `πϣομ `μ μωυςης `νϩανϭλιλ νεμ ϩανϣουϣωουϣι ουοϩ αϥενου ε`πϣωι `μ`φνουϯ αϥι δε `νϫε ααρων νεμ νιϧελλοι τηρου `ντε πιςραηλ εουωμ νουωικ νεμ `πϣομ `μ μωυςης`μπεμθο μ`φνουϯ

Exodus 18:13 ουοϩ αςϣωπι μενενςα πεϥραςϯ αϥϩεμςι `νϫε μωυςης εϯϩαπ επιλαος ναϥοϩι δε ερατϥ `νϫε πιλαος τηρϥ μπκωϯ `μ μωυςης ιςϫεν ϣωρπ ϣα ρουϩι

Exodus 18:14 ουοϩ εταϥναυ `νϫε ιοθορ εϩωβ νιβεν εναϥιρι `μμωου `μπιλαος ουοϩ πεϫαϥ ναϥ ϫε ου πε φαι ετεκιρι `μμοϥ `νθοκ `μπαιλαος εθβεου `νθοκ μμαυατκ εκϩεμςι ουοϩ πιλαος τηρϥ οϩι ερατϥ ςαπϣωι `μμοκ ιςϫεν ϣωρπ ϣα ρουϩι

Exodus 18:15 ουοϩ πεϫε μωυςης `μπεϥϣομ ϫε ουηι `ϥνηου ϩαροι `νϫε πιλαος εκωϯ ` νςα ϩαπ εβολ ϩιτεν `φνουϯ

Exodus 18:16 εϣωπ γαρ αρεϣαν ουαντιλογια ϣωπι ουτωου ουοϩ ντουι ϩαροι ϣαι νετϥ πιουαι πιουαι ουοϩ `ντα`τςαβωου ενιουαϩςαϩνι `ντε `φνουϯ νεμ πεϥνομος

Exodus 18:17 πεϫε πϣομ δε μ μωυςης ναϥ ϫε κιρι αν `νθοκ μπαιςαϫι ϧεν ουςωουτεν

Exodus 18:18 ϧεν ουτακο `χνατακο `ντεκ`ϣτεμμουν εβολ `νθοκ νεμ παιλαος τηρϥ εθνεμακ ϥϩορϣ νακ `νϫε παιςαϫι `μμον `ϣϫομ `μμοκ ειρι μφαι μμαυατκ

Exodus 18:19 ϯνου ϫε ςωτεμ νςωι νταϯ νουςοϭνι νακ ουοϩ ερε `φνουϯ ϣωπι νεμακ ϣωπι `νθοκ `μπιλαος ϧατεν `φνουϯ ουοϩ εκεεν νουςαϫι ε`πϣωι ϩα `φνουϯ

Exodus 18:20 ουοϩ εκεερμεθρε νωου ννιουαϩςαϩνι `ντε `φνουϯ νεμ πεϥνομος ουοϩ εκεταμωου ενιμωιτ ετουναμοϣι ϩιωτου νεμ νι`ϩβηουι τηρου ετουνααιτου `νϫε πιλαος τηρϥ

Exodus 18:21 ουοϩ `νθοκ ϫεμπϣινι νακ εβολ ϧεν πιλαος τηρϥ `νϩανρωμι εουον `ϣϫομ `μμωου εθεοςεβης ϩανρωμι ευερϩοϯ νθμηι ευερϩοϯ ϧατϩη μ`φνουϯ ευμοςϯ `νϯμετρεϥϩιπϩο ουοϩ εκεχαυ ε`ϧρηι εϫωου `νϩανανϣο νεμ ϩανανϣε νεμ ϩαναντεβι νεμ ϩανανμητ νεμ ϩανςαϧ.

Exodus 18:22 ουοϩ ευεϯϩαπ επιλαος νουνου νιβεν πιςαϫι δε ετϩορϣ ευεενϥ ϩαροκ νικουϫι δε νϩαπ ευεϯϩαπ ερωου νθωου ουοϩ ευεαςιαι εβολ ϩαροκ ουοϩ ευεϯτοτου νεμακ

Exodus 18:23 εϣωπ ακϣανιρι μπαιςαϫι ουοϩ εϥεϯϫομ νακ `νϫε `φνουϯ ουοϩ εκεϫεμϫομ νοϩι ερατκ ουοϩ πιλαος τηρϥ εϥει επεϥμα ϧεν ουϩιρηνη.

Exodus 18:24 αϥςωτεμ δε `νϫε μωυςης ` νςα `πϧρωου `μπεϥϣομ ουοϩ αϥιρι νϩωβ νιβεν εταϥϫοτου ναϥ

Exodus 18:25 ουοϩ αϥςωτπ `νϫε μωυςης `νϩανρωμι εουον `ϣϫομ `μμωου εβολ ϧεν πιςραηλ τηρϥ ουοϩ αϥχαυ ε`ϧρηι εϫωου `νϩανανϣο νεμ ϩανανϣε νεμ ϩαναντεβι νεμ ϩανανμητ νεμ ϩανςαϧ

Exodus 18:26 ουοϩ ναυϯϩαπ επιλαος νουνου νιβεν πιςαϫι δε ετϩορϣ ϣαυενϥ ε`πϣωι ϩα μωυςης ςαϫι δε νιβεν ετ αςιωου ϣαυϯϩαπ ερωου νθωου

Exodus 18:27 μωυςης δε αϥουωρπ `μπεϥϣομ ουοϩ αϥϣεναϥ επεϥκαϩι