Exodus 31:1 ουοϩ αϥςαϫι `νϫε `πϭοις ουβε μωυςης εϥϫω `μμος.

Exodus 31:2 ϫε ϩηππε αιμουϯ εφραν μβεςελεηλ φα ουρι πϣηρι νωρ εβολ ϧεν ϯφυλη `νιουδα.

Exodus 31:3 ουοϩ αιμαϩϥ μπνευμα `ντε `φνουϯ `ντε ουςοφια νεμ ουκαϯ νεμ ουεπιςτημη εθρεϥκαϯ εϩωβ νιβεν

Exodus 31:4 ουοϩ εεραρχητεκτων εερϩωβ `μπινουβ νεμ πιϩατ νεμ πιϩομτ νεμ πιϩυακινθινον νεμ πιϭηϫι νεμ πικοκκος ετερϩιηβ νεμ πιϣενς ετςαϯ

Exodus 31:5 νεμ νιιεβ νωνι ενιϩβηουι νεμ νιιεβ `ναμϣε `ντε νιϣε εερϩωβ κατα νιϩβηουι τηρου

Exodus 31:6 ουοϩ ανοκ πε εταιτηιϥ νεμ ελιαβ φη `ντε αχιςαμαχ εβολ ϧεν τφυλη νδαν ουοϩ ουον νιβεν ετοι νκατϩητ αιϯ ναϥ νουκαϯ ουοϩ ευεθαμιο νϩωβ νιβεν εταιϩενϩωνκ ερωου

Exodus 31:7 ϯςκυνη `ντε ϯμετμεθρε νεμ ϯκιβωτος `ντε ϯδιαθηκη νεμ πιιλαςτηριον ετχη ϩιϫως νεμ ϯδιαςκευη `ντε ϯςκυνη

Exodus 31:8 νεμ πιμανερϣωουϣι νεμ ϯτραπεζα νεμ νεςςκευος τηρου νεμ ϯλυχνια εθουαβ νεμ νεςςκευος τηρου

Exodus 31:9 νεμ πιλουτηρ νεμ τεϥβαςις

Exodus 31:10 νεμ νιςτολη μφωϣεν `ντε ααρων νεμ νιςτολη `ντε νεϥϣηρι εθρουερουηβ νηι

Exodus 31:11 νεμ πινεϩ `ντε πιθωϩς νεμ πιςθοινουϥι `ντε πιςεμνι `ντε πεθουαβ κατα ϩωβ νιβεν εϯναϩονϩεν `μμοκ ερωου ανοκ ευεθαμιωου

Exodus 31:12 ουοϩ αϥςαϫι `νϫε `πϭοις ουβε μωυςης εϥϫω `μμος

Exodus 31:13 ϫε ουοϩ `νθοκ ςαϫι νεμ νενϣηρι `μπιςραηλ εκϫω `μμος ϫε αναυ ουοϩ ναςαββατον αρεϩ ερωου ουμηινι γαρ εβολ ϩιτοτ πε νεμ ϧεν θηνου ϣα νετενγενεα ϩινα ντετενεμι ϫε ανοκ πε `πϭοις `φνουϯ φη εττουβο `μμωτεν

Exodus 31:14 ουοϩ ερετενεαρεϩ επαςαββατον ϫε φαι ϥουαβ `μ`πϭοις νεμ ϧεν θηνου φη εθναςοϥϥ εϥεμου μφμου ουον νιβεν εθναιρι νουϩωβ `νϧητϥ ευεϥωϯ νϯψυχη ετεμμαυ εβολ ϧεν πεςλαος.

Exodus 31:15 6 νεϩοου εκειρι `νϩανϩβηουι πιεϩοου δε μμαϩ ϣαϣϥ ϩανςαββατον νε μτον εϥουαβ `μ`πϭοις ουον νιβεν εθναιρι νουϩωβ ϧεν πιεϩοου `ντε πιςαββατον εϥεμου `μ`φμου.

Exodus 31:16 ουοϩ ευεαρεϩ `νϫε νενϣηρι `μπιςραηλ ενιςαββατον εθρουαιτου ϧεν νουγενεα ουδιαθηκη `νενεϩ τε.

Exodus 31:17 `ν`ϧρηι νϧητ νεμ νενϣηρι `μπιςραηλ ουμηινι νενεϩ πε ϫε ϧεν 6 νεϩοου α `πϭοις θαμιο ντφε νεμ πικαϩι ουοϩ ϧεν πιεϩοου μμαϩ ϣαϣϥ αϥκην ουοϩ αϥμτον `μμοϥ.

Exodus 31:18 ουοϩ αϥϯ μπινομος `μ μωυςης εταϥκην εϥςαϫι νεμαϥ ϧεν πιτωου νςινα ουοϩ ϯπλαξ `ςνουϯ `ντε ϯμετμεθρε ϩανπλαξ νωνι ευςϧηουτ ϧεν πιτηβ `ντε `φνουϯ