Exodus 16:1 αυϥαι δε εβολ ϧεν ελιμ ουοϩ αςι `νϫε ϯςυναγωγη τηρς `ντε νενϣηρι `μπιςραηλ επϣαϥε `ντε ςινα φη ετ ουτε ελιμ νεμ ουτε ςινα ϧεν ςου μητ `τιου δε μπιαβοτ `μμαϩ 2. εταυι εβολ ϧεν `πκαϩι `νχημι

Exodus 16:2 αςχρεμρεμ `νϫε ϯςυναγωγη τηρς `ντε νενϣηρι `μπιςραηλ εϫεν μωυςης νεμ ααρων

Exodus 16:3 ουοϩ πεϫωου αυβηου `νϫε νενϣηρι`μπιςραηλ ϫε αμοι ενε ανμου ϧεν χημι πε εανϭιερϧοτ εβολ ϩιτεν `πϭοις ϩοτε ανϩεμςι ϩιϫεν πιλεβης ναϥ ουοϩ ενουεμ ωικ επςι ϫε ατετενεντεν εβολ επαιϣαϥε εϧωτεβ `νταιςυναγωγη τηρς ντεν πι`ϩκο

Exodus 16:4 πεϫε `πϭοις δε μ μωυςης ϫε ϩηππε ανοκ ϯναϩωου νωτεν `νϩανωικ εβολ ϧεν τφε ουοϩ αϥει εβολ `νϫε πιλαος ουοϩ ευεςωκι μφα πιεϩοου επϫινταϭοντου ϫε αν ςεναμοϣι ` νςα πανομος ϣαν `μμον.

Exodus 16:5 ουοϩ εςεϣωπι ϧεν πιεϩοου μμαϩ 6 ουοϩ ευεςοβϯ μφη ετουναενϥ εϧουν ουοϩ εϥεϣωπι εϥκηβ `νϫε φη ετουναθουωτϥ φα μμηινι εουεϩοου

Exodus 16:6 πεϫε μωυςης δε νεμ ααρων `νϯςυναγωγη τηρς `ντε νενϣηρι `μπιςραηλ ϫε φναυ `νϩανρουϩι ερετενεεμι ϫε `πϭοις πε εταϥεν θηνου εβολ ϧεν `πκαϩι `νχημι

Exodus 16:7 ουοϩ φναυ `νϩανατοουι ερετενεναυ επιωου `ντε `πϭοις ϧεν `πϫινθρεϥςωτεμ `νϫε `πϭοις επετενχρεμρεμ ετετενιρι `μμοϥ ε`φνουϯ ανον ου γαρ ϫε ντετενχρεμρεμ ϧαρον

Exodus 16:8 ουοϩ πεϫε μωυςης ϫε ϧεν πϫινθρε `πϭοις ϯ αϥ νωτεν `μ`φναυ `νϩαναρουϩι εουωμ ουοϩ ωικ επςι `μ`φναυ `νϩανατοουι εθβεϫε αϥςωτεμ `νϫε `πϭοις επετενχρεμρεμ φη νθωτεν ετετενχρεμρεμ `μμοϥ ϧαρον ανον δε ανον ου ου γαρ ναϥϣοπ ϧαρον αν πε `νϫε πετενχρεμρεμ αλλα ϧα `φνουϯ

Exodus 16:9 πεϫε μωυςης δε νααρων ϫε αϫος `νϯςυναγωγη τηρς `ντε νενϣηρι `μπιςραηλ ϫε αμωινι`μπεμθο `μ`φνουϯ αϥςωτεμ γαρ επετενχρεμρεμ

Exodus 16:10 αςϣωπι δε εϥςαϫι `νϫε ααρων νεμ ϯςυναγωγη τηρς `ντε νενϣηρι `μπιςραηλ ουοϩ αυκοτου επϣαϥε ουοϩ πωου `μ`πϭοις αϥουονϩϥ ϧεν ουϭηπι

Exodus 16:11 ουοϩ αϥςαϫι `νϫε `πϭοις νεμ μωυςης εϥϫω `μμος

Exodus 16:12 ϫε αιςωτεμ επχρεμρεμ `ντε νενϣηρι `μπιςραηλ ςαϫι νεμωου εκϫω `μμος ϫε φναυ `νϩαναρουϩι ερετενεουεμ αϥ ουοϩ `φναυ `νϩανατοουι ερετενςι νωικ ουοϩ ερετενεεμι ϫε ανοκ πε `πϭοις πετεννουϯ

Exodus 16:13 ουοϩ αςϣωπι μφναυ `νϩαναρουϩι αςι ε`πϣωι `νϫε ουμεςιωϯ μπηρι ουοϩ αςϩωβς `νϯπαρεμβολη μφναυ δε νϣωρπ αςϣωπι εςναι επεςητ `νϫε ϯιωτ μπκωϯ `νϯπαρεμβολη

Exodus 16:14 ουοϩ ϩηππε ναϥχη ε`ϧρηι ϩιϫεν πϩο `μπϣαϥε `νϫε ουνχαι εϥϣομ `μ`φρηϯ νουβερϣηου εϥουοβϣ δε `μ`φρηϯ νουιωϯ εανϭως ϩιϫεν πικαϩι

Exodus 16:15 εταυναυ δε εροϥ `νϫε νενϣηρι `μπιςραηλ πεϫε πιουαι πιουαι `μπεϥϣηρι ϫε ου πε φαι ναυςωουν γαρ `μμοϥ αν πε ϫε ου πε πεϫε μωυςης δε νωου ϫε φαι πε πιωικ εταϥτηιϥ νωτεν `νϫε `πϭοις εουομϥ

Exodus 16:16 φαι πε πιςαϫι εταϥουαϩςαϩνι `μμοϥ `νϫε `πϭοις ϫε θωουϯ εβολ `μμοϥ φουαι φουαι ννη ετενουϥ ουγομορ κατα αφε κατα τηπι `ντε νετενψυχη φουαι φουαι εϥεςωκι ννη ετχη ϧεν νεϥϣφηρ νςκυνη

Exodus 16:17 ουοϩ αυιρι `μπαιρηϯ `νϫε νενϣηρι `μπιςραηλ ουοϩ αυςωκι φα πιϩουο νεμ φα πικουϫι

Exodus 16:18 ουοϩ αυϣιτου ϧεν πιγομορ ουοϩ φα πιϩουο `μπεϥερϩουο ουοϩ φα πικουϫι `μπεϥϣωτ ουοϩ α πιουαι πιουαι ςωκι ναϥ ενη ετϣοπ ϧατοτϥ

Exodus 16:19 πεϫαϥ δε νωου `νϫε μωυςης ϫε `μπενθρε `ϩλι ςωϫπ εβολ `μμοϥ ϣα ϩανατοουι

Exodus 16:20 ουοϩ μπουςωτεμ ` νςα μωυςης αλλα αυςωϫπ `νϫε ϩανουον εβολ `μμοϥ ϣα ϩανατοουι ουοϩ αυερϥεντ ουοϩ αυχωνς ουοϩ αϥϫωντ ερωου `νϫε μωυςης

Exodus 16:21 ουοϩ αυςωκι `μμοϥ `νϩανατοουι `φουαι φουαι `μπεϥρωϣι αςϣωπι δε αϥϣανϧμομ `νϫε φρη ϣαϥβωλ εβολ

Exodus 16:22 αςϣωπι δε ϧεν πιεϩοου `μμαϩ6 αυςωκι μπουρωϣι εϥκηβ γομορ 2. ὲφουαι αυι δε εϧουν τηρου `νϫε νιαρχων `ντε ϯςυναγωγη ουοϩ αυταμε μωυςης

Exodus 16:23 πεϫαϥ δε νωου `νϫε μωυςης ϫε φαι πε πιςαϫι ετα `πϭοις ςαϫι `μμοϥ ϩανςαββατον νεμτον ευουαβ `μ`πϭοις πε τοουι νη ετετενναϫοϫου ϫοϫου ουοϩ νη ετετενναφαςου `φαςου ουοϩ φη τηρϥ εθναερϩουο ςοϫπϥ ϧεν ουμοκι ϣα ϩανατοουι

Exodus 16:24 ουοϩ αυςωϫπ εβολ `μμοϥ `νϩανατοουι κατα φρηϯ εταϥουαϩςαϩνι νωου `νϫε μωυςης ουοϩ `μπεϥχωνς ουδε μπε ϥεντ ϣωπι `νϧητϥ

Exodus 16:25 πεϫε μωυςης δε ϫε ουωμ `μφοου ϫε νενςαββατον `μ`πϭοις πε φοου τενναϫιμι αν ϧεν τκοι

Exodus 16:26 6 νεϩοου ερετενςωκι `μμωου ϧεν πιεϩοου δε μμαϩ ϣαϣϥ ϩανςαββατον νε `ννε ουον ϣωπι `νϧητϥ

Exodus 16:27 αςϣωπι δε ϧεν πιεϩοου μμαϩ ϣαϣϥ αυι εβολ `νϫε ϩανουον ϧεν πιλαος εςωκι ουοϩ `μπουϫιμι

Exodus 16:28 πεϫε `πϭοις δε μ μωυςης ϫε ϣα θναυ ϫε τετενουωϣ αν εςωτεμ ` νςα ναεντολη νεμ νανομος

Exodus 16:29 αναυ `πϭοις γαρ αϥϯ νωτεν `μπαιεϩοου `ντε νιςαββατον εθβεφαι νθοϥ αϥϯ νωτεν `μπιεϩοου `μμαϩ 6 `μ`πωικ νεϩοου 2. ὲρετενεϩεμςι `φουαι `φουαι ϧεν πεϥμα μπενθρε `ϩλι μμωτεν ι εβολ `φουαι φουαι εβολ ϧεν πεϥμα `μπιεϩοου `μμαϩ ϣαϣϥ

Exodus 16:30 ουοϩ αϥερςαββατιζιν `νϫε πιλαος ϧεν πιεϩοου μμαϩ ϣαϣϥ

Exodus 16:31 ουοϩ αυϯρενϥ `νϫε νενϣηρι `μπιςραηλ ϫε πιμαννα ναϥοι δε `μ`φρηϯ νουϫροϫ μβερϣηου εϥουοβϣ τεϥϯπι δε `μ`φρηϯ νουεγκρις ϧεν ουεβιω

Exodus 16:32 πεϫε μωυςης δε ϫε φαι πε πιςαϫι ετε `πϭοις ουαϩςαϩνι `μμοϥ ϫε μοϩ νουγομορ εβολ ϧεν πιμαννα ουοϩ χαϥ ϧεν ουμοκι ϣα νετενϫωου ϩινα ντουναυ επιωικ φη ετερετενουομϥ νθωτεν ϩι πϣαϥε μπιρηϯ ετεϥεν θηνου `νϫε `πϭοις εβολ ϧεν `πκαϩι `νχημι.

Exodus 16:33 ουοϩ πεϫε μωυςης νααρων ϫε ϭι νουςταμνος `ννουβ ουοϩ μοι ε`ϧρηι εροϥ νουγομορ εϥμεϩ εβολ ϧεν πιμαννα ουοϩ εκεχαϥ`μπεμθο μ`φνουϯ επαρεϩ εροϥ ϣα νετενγενεα

Exodus 16:34 κατα φρηϯ εταϥουαϩςαϩνι `νϫε `πϭοις ετοτϥ μ μωυςης ουοϩ αϥχαϥ `νϫε ααρων`μπεμθο `νϯμετμεθρε επαρεϩ εροϥ

Exodus 16:35 νενϣηρι δε `μπιςραηλ αυουωμ `μπιμαννα `ν`ϩμε `νρομπι ϣατουι εϧουν εουκαϩι `ντε ουμανϣωπι αυουωμ `μπιμαννα ϣατουι εϧουν εουμερος `ντε ϯφοινικη

Exodus 16:36 πιγομορ δε νε ουρεμητ πε `ντε πι3. `νϣι