Exodus 22:1 εϣωπ δε αρεϣαν ουαι ελ ουμαςι `νϭιουι ει ουεςωου `ντεϥϧελϧωλϥ ιε `ντεϥτηιϥ εβολ εϥεϯ ν`του `μμαςι ντϣεβιω `μπιμαςι ουοϩ 4. `νὲςωου ντϣεβιω `μπιεςωου

Exodus 22:2 εϣωπ δε αυϣανϫεμ πιρεϥϭιουι ϧεν ϯϣατς ουοϩ ντουϯ νουερϧοτ ναϥ ντεϥμου ννουεπ πιμου εροϥ

Exodus 22:3 εϣωπ δε αϥϣανϣαι εϫωϥ `νϫε φρη `ϥραουηουτ εϥεμου `ντεϥϣεβιω εϣωπ δε μμονταϥ μμαυ εϥετηιϥ εβολ ντϣεβιω `νϯϭουω

Exodus 22:4 εϣωπ δε ντουταϩοϥ ουοϩ `ντουϫεμ φη εταϥολϥ νϭιουι ϧεν τεϥϫιϫ ιςϫεν ουιω ϣα ουεςωου εϥονϧ εϥετηιτου ευκηβ

Exodus 22:5 εϣωπ δε εϥμονι `νϫε ουαι ϧεν ουιοϩι ιε ουιαϩαλολι ουοϩ `ντεϥχω `μπεϥτεβνη εμονι ϧεν κειοϩι εϥεϯ `ντουϣεβιω εβολ ϧεν πεϥιοϩι εϣωπ δε αϥϣανμονι ϧεν πιιοϩι τηρϥ νιςωτπ `ντε πεϥιοϩι ιε νιςωτπ `ντε πεϥιαϩαλολι εϥετηιτου

Exodus 22:6 εϣωπ δε αϥϣανι εβολ `νϫε ουχρωμ `ντεϥϫεμ ϩανςουρι ουοϩ ντεϥτϩεμμο νουϭνωου ιε ϩανϧεμς ιε ουκοι εϥετηιτου `νϫε φη εταϥϭερο `μπιχρωμ

Exodus 22:7 εϣωπ δε αρεϣαν ουαι ϯ νουϩατ `μπεϥϣφηρ ιε ϩανςκευος ϫε `ντεϥαρεϩ ερωου ουοϩ ντουκολπου `νϭιουι εβολ ϧεν πηι `μπιρωμι εϣωπ αυϣανταϩε πιρεϥϭιουι εϥετηιτου ευκηβ

Exodus 22:8 εϣωπ δε αυϣτεμταϩε πιρεϥϭιουι εϥει εϧουν `νϫε φνηβ `μπιηι`μπεμθο μ`φνουϯ ουοϩ εϥεωρκ ϫε `μπιερ πετϩωου ενη τηρου ετα παϣφηρ ϫαλωου εροι

Exodus 22:9 κατα ςαϫι νιβεν νϭινϫονς εθβε ουμαςι νεμ ουιω νεμ ουεςωου νεμ ου`ϩβως νεμ τακο νιβεν ετουναϫεμ αρικι εθβητου φη ουν ϫε νουϩλι πϩαπ μπι2. εϥει`μπεμθο μ`φνουϯ ουοϩ φη ετουναταϩοϥ εβολ ϩιτεν `φνουϯ εϥετηιτου ευκηβ `μπεϥϣφηρ

Exodus 22:10 εϣωπ δε αρεϣαν ουαι ϯ νουιω `μπεϥϣφηρ ιε ουεςωου ιε ουμαςι ιε τεβνη νιβεν ϫε ντεϥαρεϩ ερωου ουοϩ ντεϥμου ιε `ντεϥκωϣ ιε ντουερεχμαλωτευιν `μμοϥ ουοϩ ντεϥϣτεμ `ϩλι εμι

Exodus 22:11 ουαναϣ `ντε `φνουϯ πε ετεϥναϣωπι ουτε πι2. ϫε νθοϥ αν πε εταϥερ πετϩωου ϧα πιϫωιλι τηρϥ `ντε πεϥϣφηρ ουοϩ παιρηϯ εϥετενϩουτϥ `νϫε πεϥϣφηρ ουοϩ `ννεϥϯϣεβιω

Exodus 22:12 εϣωπ δε ντουολϥ νϭιουι εϥ ντοτϥ εϥεϯ ντεϥϣεβιω `μπεϥνηβ

Exodus 22:13 εϣωπ δε αρεϣαν πιθηριον ουομϥ εϥεενϥ ε`ϧρηι εϫεν ϯϣολϩς ουοϩ `ννεϥϯ ντεϥϣεβιω

Exodus 22:14 εϣωπ δε αρεϣαν ουαι ϭι νουιω `ντε πεϥϣφηρ ουοϩ `ντεϥκωϣ ιε ντεϥμου `μπεϥνηβ δε μμαυ νεμαϥ αν εϥεϯ `ντεϥϣεβιω

Exodus 22:15 εϣωπ δε εουρεμβεχε πε εϥεϣωπι ναϥ ντϣεβιω `μπεϥβεχε

Exodus 22:16 εϣωπ δε αρεϣαν ουαι ςεπςεπ ουαλου μπαρθενος `μπατουωπ νςως ντεϥνκοτ νεμας ϧεν ουϭρηϫι εϥεϯ ϭρηϫι νας ευ`ςϩιμι ναϥ

Exodus 22:17 εϣωπ δε ϧεν ουμετατθωτ `ντεϥϣτεμθωτ νϩητ ουοϩ `ντεϥϣτεμουωϣ `νϫε πεςιωτ ετηις ναϥ ευ`ςϩιμι εϥεϯ νουϩατ ναϥ κατα φη εϣαυτηιϥ νϭρηϫι `ννιπαρθενος

Exodus 22:18 ννετενερϣφηρ νωνϧ νεμ ϩανφαρμαγος

Exodus 22:19 ουον νιβεν εθνανκοτ νεμ ουτεβνη ερετενεϧοθβου

Exodus 22:20 ουοϩ φη εθναερϣουϣωουϣι `νϩανκενουϯ εβηλ ε`πϭοις `μμαυατϥ ευεϥοτϥ εβολ

Exodus 22:21 ουοϩ ουϣεμμο `νρεμνϫωιλι `ννετενϯμκαϩ ναϥ ουδε `ννετενϩεϫϩωϫϥ τετενςωουν γαρ `ν`τψυχη `μπιϣεμμο ναρετενοι γαρ νϣεμμο ϩωτεν ϧεν `πκαϩι `νχημι

Exodus 22:22 χηρα νιβεν νεμ ουρφανος νιβεν `ννετενϯμκαϩ νωου

Exodus 22:23 εϣωπ γαρ ντετενϯμκαϩ νωου ουοϩ `ντουωϣ εβολ ε`πϣωι ϩαροι ϧεν ουςωτεμ ειεςωτεμ επουϧρωου

Exodus 22:24 ουοϩ ειεϫωντ ϧεν ουμβον ουοϩ ειεϧετεβ θηνου ϧεν ουςηϥι ουοϩ ευεϣωπι νχηρα `νϫε νετενϩιομι ουοϩ νετεναλωουι `νορφανος

Exodus 22:25 εϣωπ δε ακϣανϯ `νϩανϩατ εθμηςι μπιλαος νϩηκι ετϧεντ εροκ `ννεκϣωπι εκιης νςωϥ ντεϥταλε μηςι εροϥ

Exodus 22:26 εϣωπ δε ϧεν ουαουω ντεκϭι `μπι`ϩβος `ντε πεκϣφηρ ναουω μπατε φρη ϩωτπ εκεταςθοϥ εροϥ

Exodus 22:27 φαι γαρ πε πεϥϩβος `νϫολϩ `μμαυατϥ φαι πε πιϩβος `ντε πεϥβωϣ αϥνανκοτ ϧεν ου εϣωπ ουν αϥϣανωϣ εβολ ουβηι ειεςωτεμ εροϥ ανοκ γαρ ανοκ ουρεϥϣενϩητ

Exodus 22:28 `ννεκςαϫι εϥϩωου ϧα ϩαννουϯ ουοϩ ουαρχων `ντε πεκλαος`ννεκςαϫι νςωϥ `νκακως

Exodus 22:29 νιαπαρχη `ντε νεκϭνωου νεμ νεκϩρωτ `ννεκθρουερϧαε νιϣορπ μμιςι `ντε νεκϣηρι εκετηιτου νηι

Exodus 22:30 παιρηϯ πε ετεκεαιϥ μπεκμαςι νεμ πεκεςωου νεμ πεκιω εϥὲερ ϣαϣϥ `νὲϩοου ϧαρατς ντεϥμαυ `ν`ϧρηι δε ϧεν πιεϩοου `μμαϩ `ϣμην εκὲτηιϥ νηι

Exodus 22:31 ουοϩ ερετενεϣωπι νηι `νϩανρωμι ευτουβηουτ ουοϩ νιαϥ `ντε νιουωμ νθηριον ννετενεουομου ερετενεβερβωρου μπιουϩορ