Exodus 20:1 ουοϩ αϥςαϫι `νϫε `πϭοις νναιςαϫι τηρου εϥϫω `μμος

Exodus 20:2 ϫε ανοκ πε `πϭοις πεκνουϯ φη εταϥενκ εβολ ϧεν `πκαϩι `νχημι εβολ ϧεν πηι `ντε ϯμετβωκ

Exodus 20:3 ννουϣωπι νακ `νϫε ϩανκενουϯ εβηλ εροι.

Exodus 20:4 `ννεκθαμιο νακ νουιδωλον ουδε `ςμοτ νιβεν νη ετε `ν`ϩρηι ϧεν τφε νεμ νη τηρου ετϧεν `πκαϩι επεςητ νεμ νη τηρου ετϧεν νιμωου ςαπεςητ `μ`πκαϩι

Exodus 20:5 `ννεκουωϣτ `μμωου ουδε `ννεκϣεμϣι `μμωου ανοκ γαρ πε `πϭοις πεκνουϯ ουνουϯ νρεϥχοϩ εϥινι `ννινοβι `ντε νιιοϯ εϫεν νιϣηρι εϫεν ϯμαϩ ϣομϯ νεμ ϯμαϩ `ϥτοε `νγενεα ννη εθμοςϯ `μμοι

Exodus 20:6 ουοϩ ειειρι νουναι `νϩανανϣο νϫωου `ννη ετεραγαπαν `μμοι νεμ νη εταρεϩ εναουαϩςαϩνι

Exodus 20:7 `ννεκϭι μφραν `μ`πϭοις πεκνουϯ εϫεν ουμετεφληου `ννε `πϭοις γαρ τουβο μφη ετϭι `μπεϥραν εϫεν ουμετεφληου

Exodus 20:8 αριφμευι μπιεϩοου `ντε νιςαββατον ετουβοϥ

Exodus 20:9 6 νεϩοου πε ετεκεερϩωβ `μμωου ουοϩ εκειρι `ννεκ`ϩβηουι τηρου

Exodus 20:10 ϧεν πιεϩοου δε μμαϩ ϣαϣϥ νε πςαββατον `μ`πϭοις πεκνουϯ νε `ννεκιρι `νϧητϥ νϩωβ νιβεν `νθοκ νεμ πεκϣηρι νεμ τεκϣερι πεκβωκ νεμ τεκβωκι τεκεϩε νεμ πεκιω νεμ τεβνη νιβεν ετε ντακ νεμ πιϣεμμο ετοι νρεμνϫωιλι `νϧητκ

Exodus 20:11 `ν`ϩρηι γαρ ϧεν 6 νεϩοου α `πϭοις θαμιο ντφε νεμ πικαϩι νεμ `φιομ νεμ `νχαι νιβεν ετε νϧητου ουοϩ αϥ`μτον `μμοϥ ϧεν πιεϩοου μμαϩ ϣαϣϥ εθβεφαι αϥ`ςμου `νϫε `πϭοις επιεϩοου μμαϩ ϣαϣϥ ουοϩ αϥτουβοϥ

Exodus 20:12 ματαιε πεκιωτ νεμ τεκμαυ ϩινα `ντε πιπεθνανεϥ ϫεμκ ουοϩ ϩινα ντεκϣωπι εκοι ννεβαϩι ϩιϫεν πικαϩι εθνανεϥ φη ετε `πϭοις πεκνουϯ νατηιϥ νακ

Exodus 20:13 `ννεκϧωτεβ

Exodus 20:14 `ννεκερνωικ

Exodus 20:15 `ννεκϭιουι

Exodus 20:16 `ννεκμεθρε ννουϫ ϧα πεκ`ϣφηρ `νουμετμεθρε ννουϫ

Exodus 20:17 `ννεκερεπιθυμιν ετςϩιμι μπεκϣφηρ `ννεκερεπιθυμιν επηι `μπεκϣφηρ ουδε πεϥιοϩι ουδε πεϥβωκ ουδε τεϥβωκι ουδε τεϥεϩε ουδε πεϥιω ουδε τεβνη νιβεν ετε `νταϥ `μμαυ ουδε ϩωβ νιβεν ετε `ντε πεκϣφηρ

Exodus 20:18 ουοϩ πιλαος τηρϥ ναϥςωτεμ εϯ`ςμη νεμ νιλαμπας νεμ `τ`ςμη `ντε ϯςαλπιγγος νεμ πιτωου εϥοι `νχρεμτς εταϥερϩοϯ δε `νϫε πιλαος τηρϥ αυοϩι ερατου ϩι φουει

Exodus 20:19 ουοϩ πεϫωου μ μωυςης ϫε ςαϫι `νθοκ νεμαν ουοϩ `μπενθρε `φνουϯ ςαϫι νεμαν μηπως ντενμου.

Exodus 20:20 ουοϩ πεϫε μωυςης νωου ϫε ϫεμνομϯ ϩινα γαρ `ντεϥερπιραζιν μμωτεν `νϫε `φνουϯ αϥι `μναι ϩαρωτεν ϩοπως `ντε τεϥϩοϯ ϣωπι ϧεν θηνου ϫε `ννετενερνοβι εροϥ

Exodus 20:21 ναϥοϩι δε ερατϥ `νϫε πιλαος ϩι φουει μωυςης δε αϥϣεναϥ εϧουν επιγνοφος πιμα ετε `φνουϯ χη `μμοϥ

Exodus 20:22 πεϫε `πϭοις δε μ μωυςης ϫε ναι νε ετεκεϫοτου `μπηι νιακωβ ουοϩ εκεταμε νενϣηρι `μπιςραηλ ερωου ϫε νθωτεν αρετενναυ ϫε εταιςαϫι νεμωτεν εβολ ϧεν `τφε

Exodus 20:23 ννετενθαμιο νωτεν `νϩαννουϯ `νϩατ νεμ ϩαννουϯ `ννουβ `ννετενθαμιο νωτεν νθωτεν

Exodus 20:24 ουμανερϣωουϣι εβολ ϧεν ουκαϩι ερετενεθαμιοϥ νηι ουοϩ ερετενεϣωτ ϩιϫωϥ `ννιϭλιλ νεμ νετενουϫαι νετενεςωου νεμ νετενμαςι ϧεν ναι νιβεν ετουναμουϯ επαραν μμαυ ουοϩ ειει ϧαροκ ουοϩ ειεςμου εροκ

Exodus 20:25 εϣωπ δε εκναθαμιο νηι νουμανερϣωουϣι εβολ ϧεν ϩανωνι `ννεκκοτϥ ϧεν ϩανουον εαυουαςου φη γαρ ετουναϩι βενιπι εροϥ ϥςοϥ

Exodus 20:26 `ννεκι ε`πϣωι ϧεν ϩαντωτερ εϫεν παμανερϣωουϣι ϩοπως `ντεκϣτεμβωϣ μπεκβωϣ εβολ ϩιωτϥ.